كواليس " حسب الحالة "

[بت السرف]

حالتى الليلة .. غير الغير ..
متعوسة .. حزينة ..طار بي طير ..
طير البومة .. النعيقو .. شؤوم ..
جاب خبرى .. خلانى احوووم ..
لا نوم اطراه ويطرانى ..
لا زول اريدو ويهوانى ..

[هامس]

وفي زولة هاجت ..!
.
زولة في .. وزولة فاتت
و زولة جات والحالة جاطت
وزولة كج للريده شاتت
وزول هناك احلامو ماتت

زوله في...وزوله شاخت
وزوله من أول شاكوش ماتت
وزوله فى الحب روحه فاضت
وزول هنا...كهربتو جاطت

[هامس]

حالتى الليلة .. غير الغير ..
متعوسة .. حزينة ..طار بي طير ..
طير البومة .. النعيقو .. شؤوم ..
جاب خبرى .. خلانى احوووم ..
لا نوم اطراه ويطرانى ..
لا زول اريدو ويهوانى ..

حاشاك.. يا زوله من الشوم
ماك شبه طير السقد الما بنوم
عنك.. يبعد ربى طير البـوم
ويقرب زولا ليك..بيك مهموم
يهواك. وإنتى ريدك ليهو يدوم

[waya]

هامس .. بت السرف ,,
.
جميل مروركم على هذه الكواليس ,,
,,,
,,,
تشكراتي ,,

[waya]

عادي جداااا ,,
ناس تلومك , وناس تعذرك ,,
وعااادي أكتر ,,
ناس بتغلط فيك دائما ,,
وناس بتحمل ليك وزرك ..
وعاااادي برضو ,,
ناس تعاكس ليك دربك ..
وناس تشد من بعض أزرك ,,
وعااادي تاني ,,
ناس تمدك بالحنان ,,
وناس بدون اسباب تجذرك ..!

[waya]

أعجبني .. جدااا

.

وجدا ذاتو معجب بيك ,,
و" ذاتو " العاجبة , معجب تاني
عاجبو " عجيبة في خديك "
نون مغروسه ,, واضحة عروسه
تظهر بسمة من شفتيك..
تزيد إعجاب , عجيب آخر ,
معجب جدا بي ايديك
وعجبو , بيعجب , معجب برضوو
شافلو عجائب ,,
عجبت " ذاتو " المعجب بيك !

[dream-lady]

أعجبني .. جدااا

.

وجدا ذاتو معجب بيك ,,
و" ذاتو " العاجبة , معجب تاني
عاجبو " عجيبة في خديك "
نون مغروسه ,, واضحة عروسه
تظهر بسمة من شفتيك..
تزيد إعجاب , عجيب آخر ,
معجب جدا بي ايديك
وعجبو , بيعجب , معجب برضوو
شافلو عجائب ,,
عجبت " ذاتو " المعجب بيك !

واعجبني..و...جدا

العاجبه العجب المعجب البيهو

والشال العجب العاجبو كمان

ومعجب جدا...باعجابو

ومعجب بالعجب العاجب اعجابو

[waya]

حمامة تغازل الأغصان ,,
وعود مشدود على وتر الأمل , فنان ,,
بيعزف نوته من إسمه , وصفة إنسان ,,
وخاطرة قديمة , من دفتر , ملآنه حنان ,,
ويعود الكان ..!؟
فنجان قهوة , للحبان ,,
صباح , ما فيهو من أحزان ,,
وحب مليان بلهفة روح , وشوق ولهان ,,
وصوتا طله , زي تغريد , وزي الحان ,,
وتكمل , لوحة مرسومة , على الجدران ,,
ومافي مكان ..!
خط أسود , إطار ابيض , وكل الرسمة بالألوان
وكلمة بعيدة , في الأول ,,
وسط عينيك , " عشت زمان "

[طلال الحكيم]

سكون ... وترقب ... واُناسٌ راحلون ..أمواتا وأحياء ..

إن عذرنا من مات ... فكيف من كان حي ؟

[waya]

سكون ... وترقب ... واُناسٌ راحلون ..أمواتا وأحياء ..

إن عذرنا من مات ... فكيف من كان حي ؟

قد مات قوم وما ماتت مكارمهم ..

[waya]

شفت الصباح ..؟
وهل شفت شمس تشرق ,,
قبال ديوك الحي تأذن بالصياح !!؟
طيب , بتعرف الإنشراح ؟
ده لما " الشوق " سحاب مسيوقه بي كم الرياح ..
تمطر عليك في لحظة من " لقيا " وبعد فُرقه ونواح .!
أها .. جاك إندياح ..؟
وشعرت إنك ,, وسط ناساً كتاااار .. وما نُصاح ..!
وإن الطبيب , شرّف .. يعالج في الجراح ..
والبسمة زادت في السراح ..
والصوت عميق , قطّب مساحات البراح ..
مش ده , حال زولاً , ملآهـ الإرتياح ؟

[waya]

بس كده .. ؟
حارمنا ليه نوصل معاك ..
نركب " ونملح " في هواك ؟
نوصل محطة شوقنا ديك ,
وننزل , ونشٌكِر في بهاك ..
ما أنت اصلا ,, زول ملاك
ليه ترضى بي " وقفتنا "
في زمن الهلاك ..
ليه يبقى إحساسنا الجريح
ممكون وصابر بي وراك
راجيها " باصات " الأمل
لو مرة يركب جمب علاك
أو حتى يقعد , زي حلم ,
قرّب ولاصق مستواك
وأنت سايق " للحنين "
ونقول وصلنا اليوم معاك..!

[ninar tato]

ﻫﺴﺔ ﺃﻃﻠﻌﻲ ﻣﻨﻲ ﻓﻮﺗﻲ
ﻭﺧﻠﻲ ﺧﺎﻧﺘﻚ ﻓﺎﺿﻴﺔ ﺟﻮﺓ
ﻭﺯﻳﺪﻱ ﻗﻮﻟﻚ ﻟﻮ ﺳﻜﻮﺗﻲ
ﺑﺰﻳﺪ ﻣﻼﻣﻚ ﻟﻴﺎ ﻗﻮﺓ
ﺃﺻﻠﻲ ﺩﺍﻳﻤﺎ " ﺣﺎﺑﺴﻮ ﺻﻮﺗﻲ
ﺧﺎﻳﻔﻮ ﻳﺸﺮﺥ ﺑﻴﻨﻨﺎ ﻫﻮﺓ
ﻭﺷﺎﻳﻔﻮ ﺃﺣﺴﻦ ﻟﻴﺎ ﻣﻮﺗﻲ
ﻗﺒﻞ ﺗﻤﻮﺕ ﻓﻴﻨﻲ ﺍﻟﻤﺮﻭﺓ

[waya]

أمشي حبه .. وما تقيف ,,
وأمطر الحب في الصحاري ..
زي كأنك .. يوم خريف ,,
وأبقى مفتاح للأماني ..
ونسخة من إحساس رهيف ,,
وأوعى تجرح للمشاعر ..
ديمه بس خليك ظريف ,,

[مسلمة وافتخر]

مكالمة بعد أخرى ، كان يراها تزداد تعلّقًا بما ترك لها من إضاءات وسط أسرار عتمته ، وها هي ذي تترقّب صوته ، تلومه على انقطاعه ، تحتفي بعودته ، تلاحق هواتفه مدًّا وجزرًا .
أصبح لها عليه حقّ الحبّ ، وله واجب العاشق في الاطمئنان عليها ، والاطّلاع على برنامجها اليوميّ ، من دون أن يبادر أحدهما بقول كلمة حبّ للآخر . استسلم لعادة سماعها يوميًّا . كان يهاتفها بين المطارات والاجتماعات ، أو بين المكتب والبيت ، أثناء وجوده في السيارة . كانت تتفتّح كزئبقة مائيّة ظهرت فجأة في بركة المياه الآسنة لحياته



الاسود يليق بك

[سمارا]

حتى و إن لم تكن نهايتنا مشرفة...
حتى و إن كانت نهاية درامية...
حتى و إن كرهتك بعدها...
ستظل بعض اللحظات تزاور مخيلتي..
.لحظات سأقول فيها...(كان بيعمل كدا..وكدا..و كدا...)..
.لحظات أضحكتني..جعلتني أتعلق بك...و ربما أخجلتني...
هي لحظات..لن تغير شيئاً في المستقبل...تمر كعابر سبيل عليّ ليس إلا...
هي حقيقة لن أنكرها...
كل منا ذهب في حال سبيله...
و لكنه أخذ معه بعضاً من الآخر...
و إن كانت مجرد...
ذكرى...تزور الروح..!!

[waya]

راجعي قلبك ..
وشوفي ايه اخبار هوانا ,,

وهاتي موجز شوق ..

يلخص فكرة الريد المعانا ,,

وزيعي خاطر الرجعة منك ..
وفرحة العودة وهنانا ,,

[سمارا]

و لقيته معاي ..
زي ضل البيت
زي لمه قهوة
و كلمة ريد ..
زي حاجه حنينه و ما
بتتقال ..
بتشوفة دوام عن ست
البيت ..
زي دعوة فال لي عروس
جديد يملاك بالفال
تديهو وليد ..
زي دمعة شوق
لي زول مشتاق الغربه
بتقسى عليو و تزيد ..
أو فرحة جاهل باللبسات
قاعد سهران شان باكر
عيد ..
يآآخ حاجه و بس ..!
حاساها شدييييييييييد ..
حاساها بتلمس في الإحساس
بتسوق خطواتي و تمشي
بعيد ..

و لقيته معاااي
و يااا بختي لقيت ..

[waya]

إنشراح البهجة فيكــا , زي امل
من نور محبـــة ..
يا جميل ارحم عذابي ,
وياخي زيد الريدهـ " حبـــه "

[سمارا]

حبيبي الجاااي يوم باكر
بحسه قبل يصل بي يوم ..
وجوده كما الفرح دايمآ
بنفس الطعم و ذات اللون ..
و زايده عليهو حن النيل
وكت صيف الغياب بيطول ..
يبل الجوف و نرووى حنين
يقالد الغيمة و القندوول ..
حبيبي بيطرد الأوجااع
دي ساعة الصداع بندول ..
حبيبي الريده كاسحاني
من ضلعاتي لي القولون ..!!




..

وصولك فرح الخرطوووم