ادريس عبد المتعال الشيخ
Yesterday at 12:22pm via mobile ·
زاويتي اليوم بالمشاهد الرياضية ...
العالمية المفتري عليها ...
* اخصائيين علم النفس يعرفون (عقدة الدونية ) بانها مجموعة من العواطف والافكار والاتجاهات والتصرفات الناجمة عن انطباع مؤلم من ان الشخص المعين ادني من الاخرين اومثال يطمح في الوصول اليه ..
تعريف ( السايكلوجيين ) هذا ينطبق تماما علي افكار واتجاهات وتصرفات اصحاب الانتماء للقبيلة الحمراء والانطباع المؤلم والناجم عن الشعور بالنقص الذي يشعر به هؤلاء (الحمر ) من انهم ادني واقل من الهلال
(رمز الشموخ والجمال ) في كل شئ يجعلنا نقولها بملئ الفم انهم مصابين بعقدة الدونية المزمنة وماتكتبه الصحافة (الصفراء ) هذه الايام من تهكم وسخرية واستهزاء من
(هلال الملايين ) يوكد تلك (الحالة النفسية ) ..
* عمليات (تجميل ) فاشلة تجريها اقلام ( المكياج ) الحمراء هذه الايام وكالعادة تنتهي صلاحية هذا الزيف مع بداية موسم التناقس ليظهر ( الوجه الحقيقي ) الباهت لمريخها بعيدا عن المساحيق ومستحضرات التجميل والتنسيق..
* العالمي ...اخر صيحات موضة (الالقاب الوهمية ) التي اطلقتها الاقلام المريخية عقب مباراة (الدفع المقدم ) الودية التي جمعت بين فريقهم وبايرن ميونخ الالماني
صار المريخ ناديا عالميا يشار له بالبنان لمجرد انه ادي مباراة تجريبية امام نادي (عالمي ) فقف تامل !!!!
* ثلاث تجارب اداها (العالمي المزعوم ) بمعسكره الاعدادي امام بايرن ميونخ وزينت الروسي والوحدات السباعي الاردني خسر نتائجها جميعا وندرك جيدا ان نتائج الاعداد ليست ضرورية ولكننا لاندرك كيف يفشل فريق (عالمي ) بقامة المريخ الذي يضم في كتيبته اميز العناصر الهجومية العالمية عن احراز هدف وحيد في ثلاثة مباريات حتي لوكان عن طريق (الصدفة ) التي احرز بها فتيه الاسياد اهدافهم في شباك زينت الروسي كما زعم اعلام الاحمر ... علما بان اهداف (الحظ ) التي احرزها (هلال الامجاد ) اتت في اولي مباريات الاعداد
افتونا يا عالميين ..
تسديدة اخيرة
* سؤال : ماهي ( الوحدات ) المستخدمة لقياس سرعة الوصول لشباك النادي (العالمي ) مع توضيح (وحدات ) قياس المسافات البعيدة لدخول تلك الاهداف ؟؟
* هجوم المريخ اجسام (ساكنة ) .. علماء الفيزياء والاستاتيكا الحالة (مستعصية ) وتستحق الدراسة ...
* لما افوتك من دون خاطر اودون خاطر مني تفوتي ..
بلقي حبايب في كل حتة وكل بيوت الفقراء بيوتي
ادريس عبد المتعال الشيخ
3 hours ago via mobile ·
زاويتي اليوم بصحيفة المشاهد
حكاية من المدرجات
* اضواء الفلاشات تحيط بالاعبين الوطنيين منهم والمحترفين ..
* عدسات الكاميرات تلتقط صور مدربي الاندية والمنتخبات ..
* ومداد الاقلام يكتب اخبار وتصريحات اعضاء مجالس الادارات..
* وفي مدرجات استاداتنا المحلية وفي مساطبنا (الشعبية ) مشجع سوداني يستحق التحية .. وان يقسم له ولوجزءا صغيرا من كيكة الشهرة وبريق الاضواء ورخم النجومية ..
* جمهور (الكورة ) في السودان باختلاف الاتجاهات والالوان ليس له مثيل في اي مكان ..
ارفعوا قبعات الاحترام والتقدير للمشجع السوداني المخلص النبيل..
* المشجع الذي يقتطع من قوت يومه وعياله في احلك الظروف ليقف طويلا امام شباك التزاكر في اطول الصفوف ..
* علي ايقاع الطبول والنحاس يتدافعون بحماس .. وسياط شمس الظهيرة الحارقة تلهب اجسادهم ورؤوسهم وهم يمارسون الانتظار طوال ساعات ( النهار ) يمنون النفس بمباراة (ليلية ) ممتعة وقوية وينشدون الانتصار ..
* المشجع السوداني ..قصة حب لاينضب ...ورواية حب تدعو للدهشة والعجب !!!!
* المشجع السوداني حكاية فصولها (خيالية) رغم انها تحدث في (الواقع ) ..
* في احدي مباريات الهلال التي اقيمت قبل عيد الاضحي بيوم واحد (ان لم تخني الزاكرة ) وهي المباراة التي جمعت بينه والصفاقسي التونسي علي بطولة الكونفدرالية الافريقية ..جلست علي المساطب الشعبية بجوار احد المشجعين العاشقين وكان الشئ الذي لفت نظري تلك الحقيبة التي وضعها امامه علي المدرج .. استاذنني لتصفح (الجريدة ) التي كنت اقراها واقلب صفحاتها ..وبدانا في تجاذب اطراف الحديث عن المباراة واللاعبين واخبرني انه من احد ولايات وطننا الحبيب ويعمل بالعاصمة واصر الايسافر لقضاء عطلة العيد مع ابناءه واهله قبل ان يشاهد هذه المباراة ولكي لايفوته انتصار الهلال الذي كان يثق في حدوثه وصعوده للمرحلة المقبلة من البطولة و(عشان العيد يكون عيدين)
علي حد تعبيره ..اشار للحقيبة التي اثارت فضولي وقال لي ( وديل حاجات العيد للاولاد اشتريتا من السوق هسي عشان نسافر طوالي بعد الكورة ) ..اتت الرياح بما لاتشتهي السفن وانتهت المباراة بخسارة الهلال بركلات الترجيح ووداع البطولة ..بكي (صاحب الحقيبة ) بحرقة وكانه يودع عزيز الي مثواه الاخير ووسط الزحام اختفي الرجل ولم اشاهده ..اخذت اتلمس طريقي وسط الجماهير الكثيفة التي يسيطر عليها الحزن الي بوابات الخروج من الاستاد فاذا باحد المشجعين ينادي وهو يشير الي ذات الحقيبة التي كان يحملها الرجل (ياجماعة عمك الكان قاعد هنا قبل شوية خلي شنطتو دي مشي وين ) ؟؟؟
* اترك التعليق لكم ..
تسديدة اخيرة
* الايستحق امثال هؤلاء شئ من النجومية وتسليط الاضواء..؟؟؟
* كيف لا اعشق جمالك ما رات عيناي مثالك .
ادريس عبد المتعال الشيخ
زاويتي اليوم بالمشاهد الرياضية
اتحدوا ..
* لاشك ان الخلاف سنة من سنن الحياة واختلاف الناس وتباين وجهات النظر بينهم في الافكار والاراء من طبيعة الاشياء
* اختلاف الراي لايفسد للود قضية مقولة لاتتحقق الا بالالتزام والتعامل بمبدا (ادب الخلاف )
* امة الهلال هي الاكثر اتقانا لصناعة فن (الخلاف ) وثقافة
(الاختلاف)
* الخلاف علي ( الكيان ) واختلاف الاراء والافكار والمواقف التي تهدف الي مصلحة الهلال وتقدمه هو الذي كان يميز اهل الهلال ورواده علي مدار الحقب والتاريخ ..
* خلافاتهم لاتنتج عنها عداوة ولاقطيعة .. واختلافاتهم لاتحمل بغضاء ولاشحناء ولاتعرف اسلوب الابعاد اوالاقصاء
* خلافاتهم كانت تقود الي النجاحات وتتحقق من خلالها الاصلاحات وتثمر منها الانجازات
* تبدل الحال وكثرة الخلافات بين ابناء الهلال وافتقدنا اداب الخلاف وابتعدنا عن اخلاقياته
* اصبحنا غير قادرين علي توظيف تلك الخلافات لمصلحة ( الكيان ) فكان ان سقطنا فريسة للصراعات والتنازع الذي اورثنا التآكل الداخلي والشقاق والتمزق
* خلافات الاهلة والصراعات بين ابناء ( الازرق ) علي مستوي ادارييه واقطابه واعلامه اثرت سلبا وكانت خصما علي تطور واستقرار الهلال
* خلافات تغلب مصالح الجماعات والافراد علي المصلحة العامة للهلال
* صراعات حول قضايا ( انصرافية) واهواء ( شخصية )
* مساجلات ومواجهات تفتقد للمنطق والموضوعية والحكمة وصوت العقل واحترام الاخر
* مؤسف جدا ان تاتي اللجان المكونة بمسميات (الوفاق ) و ( لم الشمل ) و ( راب الصدع ) لتزكر (المختلفين ) من الاهلة بثوابت ومبادئ الهلال وتضع لهم مواثيق الشرف والاخلاق ليسيروا علي هديها وتعلمهم ( ثقافة الاختلاف ) وتحثهم علي انشاء حوار بناء يهدف الي مصلحة الهلال ونهضته
هل فقد ابناء الهلال كل هذه الاشياء ؟؟
* الهلال يسعنا جميعا.. فلنتفق عليه ولنلتف حوله .. ولنختلف من اجله دون ان نخسر ثوابتنا ومبادئنا ومصالحنا ..
* وحدوا الصفوف ايها الاهلة واخلصوا النوايا.. الهلال يحتاج الينا جميعا .. اداريين واقطاب واعلام وجمهور ..
* استووا يرحمكم الله ..
تسديدة اخيرة
* معسكر هلال الفن والادب بدوحة العرب يسير علي قدم وساق والاخبار القادمة من هناك حملت البشريات والاشارات بنجاح فترة الاعداد وتالق ( الاسياد) في التدريبات والمباريات .. مزيدا من الجهازية البدنية والفنية لحبيب الامة السودانية
* مالك العلامة التجارية لشعار الهلال المدعو عصمت تحدي شعب الهلال وتوعد وهدد ..
هذا زمانك يامهازل فامرحي
* لمن يهمهم الامر .. الدوري الممتاز الذي اجريت قرعته قبل ايام عائد هذا العام الي مكانه الطبيعي..
* الرباعية كانت اخر خسائر الفرقة الوصيفية ... من الشعب الف تحية لرجال الفرقة ( العالمية )..
* الموج (الازرق ) في عينيك يدفعني نحو الاعمق ..
ادريس عبد المتعال الشيخ
زاويتي اليوم بالمشاهد الرياضية وتوتوسبورت الالكترونية
متفرقات ..
* امام الرمثاء الاردني ادي هلال السودان اخر تجاربه الاعدادية بالدوحة القطرية والتي كسب نتيجتها بهدف سجله المالي كوليبالي
* تتاهب الخرطوم لاستقبال حبيب الشعب السوداني بعد اعلانه نهاية الفترة التحضيرية بدوحة العرب القطرية
* المتابعون لفترة اعداد الاسياد بدولة قطر الشقيقة اكدوا نجاح المعسكر وخروج الهلال بمكاسب فنية عديدة.
* الانباء القادمة من هناك اثنت علي مدرب الفريق التونسي نصر الدين النابي وطاقمه المساعد وبالمجهود الذي بذلوه من خلال فترة المعسكر وذلك في سبيل الوصول بالفرقة الزرقاء الي اعلي معدلات الجهازية البدنية والفنية واجتهادهم في اختيار اميز عناصر فرقة الموج الازرق الماسية لتكوين التشكيلة الرئيسية التي سيعتمد عليها الهلال في الموسم الجديد
*الاخبار ايضا حملت بشريات تالق لاعبي الهلال الوطنيين والمحترفين خلال التدريبات ومباريات الاعداد التي اداها الهلال بالدوحة وظهور ملامح الانسجام والتجانس علي شكل الفريق
* مجهودات مقدرة بذلها جهاز الكرة بالهلال بقيادة الهلالي الغيور المهندس عاطف النور وبقية اعضاء دائرة الكرة وفرضهم لسياسة الانضباط وسط اللاعبين
* الاشادة ايضا استحقتها البعثة الادارية المرافقة للهلال بالدوحة من اعضاء لجنة التسيير بقيادة الباشمهندس الحاج عطا المنان وحرصهم علي القيام بواجباتهم وتوفير كل مايلزم البعثة والمساهمة في تهيئة اجواء مثالية ساعدت كثيرا في نجاح معسكر الهلال التحضيري
ليس هذا فحسب فقد قامت البعثة الادارية المرافقة للهلال بتحقيق مكاسب ادارية قيمة وذلك بتوقبع بروتكولات تعاون وتواصل واتفاقيات توامة بين نادي الهلال والاندية القطرية لتبادل الخبرات والتدريب والتاهيل واستضافة المعسكرات اتفاقيات ستفيد الهلال كثيرا في مقبل الايام وذلك لماتمتلكه الاندية القطرية من امكانيات هائلة وخبرات مميزة
* نتمني ان يتواصل اعداد الهلال بعد العودة الي الخرطوم بصورة طيبة حتي يتمكن المدرب من وضع اللمسات النهائية والاطمئنان علي شكل الفريق قبل انطلاقة مباريات الدوري الممتاز التي يواجه فيها الهلال نادي الاتحاد مدني في اولي مبارياته بالبطولة
تسديدات اخيرة
* قلناها من قبل علي اللجنة المسئولة عن العضوية بنادي الهلال الالتزم الكامل والقيام بجميع المهام التي كلفت بها من قبل وزير الشباب والرياضة والتي من بينها فتح الباب امام جماهير الهلال لاكتساب العضوية وتسهيل الاجراءات الخاصة للحصول عليها الذي هو حق كفله القانون لكل مشجع هلالي ..
* اتمني الايكون صحيحا ذلك الخبر الذي تناقلته الصحف الرياضية عن غضب وسخط جماهيري علي لجنة العضوية الهلالية ورفض احد اعضائها اكمال اجراءات العضوية لجماهير الهلال التي حضرت للنادي وتهديد الجماهير بمقاطعة العضوية وتقديم شكوي للوزير
*تستحق شركة سوداني للاتصالات الشكر والتقدير من اهل الرياضة في السودان وذلك لما ظلت تقوم به من ادور مقدرة في خدمة الرياضة والرياضيين ..التحية لسوداني الشريك الاصيل في نجاحات كرة القدم السودانية والراعي الرسمي لبطولة الدوري الممتاز ..
* حلقة مميزة من برنامج الشوط الحاسم علي قناة قون الرياضية استضاف فيها الاستاذ خالد ماسا محمد سيد احمد رئيس اتحاد الحصاحيصا ومساعد رئيس الاتحاد العام .. استفزني بشدة اجابته علي سؤال وجه اليه عن سوء ارضية ملعب استاد الحصاحيصا وقوله بان ارضية استاد الحصاخيصا افضل من ارضية استاد الهلال .. يبدو ان فوبيا الهلال تابي ان تفارق بعض الرجال
* رجعنالك رجوع القمرة لي وطن القماري
دريس عبد المتعال الشيخ
زاويتي اليوم بالمشاهد الرياضية وتوتو سبورت الالكترونية
خلي روحك رياضية
* ظاهرة العنف والشغب في الملاعب الرياضية ليست بالجديدة انما هي ظاهرة قديمة قدم التنافس الرياضي..
* تتعدد وتتكرر مظاهر الشغب والعنف في ملاعب كرة القدم في العالم نتيجة للتصرفات (غير الحضارية ) للجماهير الرياضية
* تختلف الاسباب والدوافع لظاهرة شغب الملاعب ولعل القاسم المشترك بين كل الاسباب التي تؤدي لحدوث هذه الظاهرة هو فقدان السيطرة والتحكم في التصرفات والانفعالات لدي الجمهور الشئ الذي يؤدي للقيام بهذا السلوك العدواني
* انتشرت هذا الظاهرة بصورة مقلقة في ملاعبنا المحلية في السنوات الاخيرة
* كثير من حالات الشغب ومظاهر العنف شهدتها ملاعبنا الرياضية ازاء التصرفات (غير الاخلاقية ) لبعض الجماهير مما ادي ذلك لايقاف بعض المباريات والغاء بعضها والحاق الضرر البالغ بالملاعب والاشخاص ..
* النتائج السلبية ليست مبررا كافيا للجمهور للتعبير عن استيائه وسخطه عن طريق ممارسة الشغب والعنف داخل الملاعب اوخارجها.. اثناء المباريات اوعقب نهايتها .. وممارسة العنف اللفظي والتفوه بالعبارات المسيئة والجارحة سواء ان كان ذلك للاعبين اوالمدربين او الادارات او الحكام
* علي جمهورنا الرياضي التحلي بالاخلاق الرياضية والتعبير بصورة حضارية عند حالات الاحباط التي تنتج عن خسارة نتائج المباريات او التعبير عن حالات الفرح بنشوة الانتصارات
* اللاعبين والاداريين عليهم ايضا الالتزام بالخلق الرياضي فكثير من حالات الشغب في ملاعبنا بدات بتصرفات غير لائقة من لاعب او اداري ممايدعو لاستفزاز وغضب الجمهور في المدرجات والقيام بردود افعال عنيفة..
* اعلامنا الرياضي يجب ان يكون له دورا بارزا في انهاء ظاهرة العنف في ملاعبنا المحلية من خلال نشر ثقافة الوعي الرياضي والتشجيع السلمي ومحاربة التعصب (الضار ) والسلوكيات السالبة والمساهمة في تنمية الروح الرياضية والتزكير بالاهداف والقيم النبيلة والسامية التي تدعو اليها الرياضة
* نتمني ان تختفي جميع مظاهر العنف والشغب في ملاعبنا الرياضية وان تسود روح التنافس الشريف والخلق الرياضي والسلوك الحضاري بين جماهير الكرة السودانية ..
* وخلي اخلاقك ( رياضية )
تسديدة اخيرة
* من دوحة العرب عاد هلال الفن والابداع والادب
* رجع البلد .. سيد البلد ..وياداب العيون سهرن هجد
* بعد اسبوعين من الغياب .. عاد (الهلال) المنتظر ..عودا حميدا مستطاب
* انت ماراحة ضمير
انت مابهجة مشاعر
انت مارحلة عبير
انت ماياكا (الامير )
* هنيئا لجماهير الاسياد .. بعودة هلال التاريخ والامجاد
* ماهي اخر اخبار (العالمي ) المزعوم .. ؟؟ يقال انه قد عاد للخرطوم..
* حولينا وماعلينا ·
ادريس عبد المتعال الشيخ
زاويتي اليوم بالمشاهد الرياضية وتوتوسبورت الالكترونية
عملوها الكمبالة
* طيور الجنة .. بتعرفوهم
* شفع ( صغار ) كدا موهوبين.. عمرهم قريب لي عمر المريخ في بطولة السنة دي
* الكاف دا ياجماعة اختصار لﻼتحاد اﻻفريقي لكرة القدم ..اصلو في ناس الواحد فيهم من يجيبوا ليهو سيرة (كاف) برجف و (يخاف)
* المهم ماننسي ( طيور ) الجنة .. طبعا عندهم البوم (لﻼطفال) اسمو (انا في الروضة) وفيه نشيد جميل جدا اسمو (انا تمهيدي)
* انا جادي في الكﻼم دا .. والمغالطنا ومامصدقنا يسال (القوقل ) الرامي فوق بيتنا
* اﻻطفال ديل سموا نشيدهم كدا (انا تمهيدي) انتوا قايلين نفسكم براكم بتقروا تمهيدي
* بداية اﻻنشودة دي بتقول .. ما احﻼني انا (تمهيدي) .. اشدو
( كطير ) الغريد
* الناس ماتركز في اﻻقواس
* الغريبة نفس النشيد دا جابوه بعد مباراة ( الجماعة ) في قناة
(يوغندية ) تقريبا
* ترددها كم .. الله اعلم .. لكن اسالو اكرم
* اكرم دا ود جيرانا ماتمشوا بعيد
* لكن اسم القنا اسالوني منه انا
* اسما طبعا كمباﻻ سيتي(ﻻيت).. الناس تركز في اﻻقواس .. مادايرين مشاكل
* القناة دي طبعا ماراعت لقانون الملكية الفكرية والقانون دا معروف و (عالمي) كمان
* اصلهم (اليوغنديين) ديل ناس حقارين مابراعوا لي اي شئ
(عالمي)
* والله وعملوها الرجالة.. غنية حمادة (هﻼل) الغناها لمنتخب مصر بعد ما حققوا (الفوز) ببطولة اﻻمم اﻻفريقية متزكرنها
* الناس ماتستغرب لﻼقواس ... اصلو اي (هﻼل) اسمو مرتبط بي
(الفوز)
* المهم قناة كمباﻻ سيتي(ﻻيت ) برضو شالت نفس الغنية دبي وجابوها بعد انتصار فريقهم علي
(الجماعة)
* سمعتها بي اضاني دي .. والله وعملوها (الكمباﻻ )
* جابوها بعد دعاية شامبيون وبسكويت ( كمبال ) ... المنتجات دي يوغندية الناس ماتلخبط
* طبعا ما ح اتكلم عن الحصل في المباراة ..نحن (اسياد ) بلد واصحاب واجب وبنراعي حقوق الجار .. اسياد دي طبعا علي وزن (اوﻻد)
* هو فضل شنو مابقيت انا وباقي الحكاية المحزنة .. اوكما قال الراحل هاشم ميرغني
* انتو ياجماعة الراحل المقيم خليل اسماعيل دا موش عندو غنية برضو اسما ( الكمبا ) ﻻ ؟؟
* طبعا دي الغنية المفضلة لمهاجم العالمي السابق .. هيثم
(كمبل).. هي واغنية عبد الرحمن الريح
* (تكمبلني ) وانا مشتاق ليك .. كان بدري عليك
* نرجع لﻼحداث الحصلت بعد ما انتهت المباراة
* طبعا جماهير (الصفوة) تقبلت الهزيمة بصدر رحب مافي اي زول حصب الملعب بالحجارة وﻻفي ﻻعب طلع تحت حماية الشرطة وﻻفي (سلك) اتمعط
* ماتسمعوا كﻼم الهﻼﻻب ديل ناس حاقدين وماعندهم اي مصداقية
* طبعا ( اخوان هيرمان ) بعد ما اطلق الحكم صافرة النهاية احتفلوا ورددوا شعارهم المعروف
نحن في ( كمباﻻ ) اخوة .. نضرب (النجمة) فتهوي
* ماتنططوا عينيكم ...اصبروا لي شوية .. بفهمكم وبشرح ليكم
* (هوي ) الشئ اي (سقط) .. طيب اوضح ليكم اكتر .. يقال هوي ( اﻻحمر ) اي سقط في التمهيدي
* ( سقط ) دي ياجماعة بالواضح كدا يعني (رسب) والواضح مافاضح انتوا ماقريتوا جريدة ( الزعيم ) الكتبت بالخط العريض .. المريخ
(يسقط) في امتحان كمباﻻ
* بس دي ياها ذاتا القاصدة انا ..
* نرجع تاني للقناة اليوغندية كمباﻻ سيتي (ﻻيت ) ..مراسل القناة عقب المباراة قال انه عبارة (نهواه في كل الظروف ) تربعت علي قائمة السلع (المستهلكة) في اسواق ( اﻻحمر يخسر ) و(العالمي يفشل ) و
(الصفوة سنتر)
وذكر في انباء مؤكدة وصلت للقناة من السودان انه في شكوي عاجلة ح ترفعها ( العبارة ) دي لجمعية حماية ( المستهلك ) السودانية
* وتفاصيل كتيرة خلوني ( اكمبﻼ ) ليكم بكرة
تسديدات اخيرة
* ياجماعة مسئولين من الخير انتوا متوكل دا ماحرر خطاب ﻻيقاف تلفزة المباراة دي ليه ؟
* (مراقب) المباراة دا افريقي ماعندو فوضي بكتب ليهم حالة (غش) طوالي
* انا لو في محل متوكل دا كنت طفيت الكشافات ديل طوالي بعد القون اﻻول .. البلد في حالة (تغشف ) .. خسارة كهربا ساكت
* هي التلفزة ذاتها لزوما شنو ..كورة ناس علي جعفر دي دايرة ليها تلفزة كمان ؟ الواحد فيهم مايعرف يشوت ضربة جزاء .. زي كورتهم دي الرادي ذاتو كتير عليها
* الصفوة طبعا غنوا بعد نهاية الكورة مع عقد الجﻼد
كل مانقول خلصنا الليل... يطلع باكر ليﻼ اطول
وكل ما نقول ( كمبلنا ) الشيلة .. تطلع شيلة باكر اتقل
* اداء ( مشرف ) لشباب
( اﻻكسبريس ) العطبراوي امام الكنغولي رغم النتيجة التعادلبة فالفريق حديث عهد بالبطوﻻت اﻻفريقية ( ناس عمرهم اكتر من 87 سنة ولسه التمهيدي ماقادرين عليه )
* كتبناها وقلنا.. ان مايقوم به اعﻼم ( المكياج ) اﻻحمر من عمليان تجميل فاشلة علي وجه المريخ سينكشف امرها مع بداية الموسم الجديد كالعادة وفي اول اختبار حقيقي .. وقد كان
* انتهي الدرس ... فمن يتعلم ومن يفهم؟؟
تسديدة هيرمانية
يا ( نجمة ) ﻻ .. فايتانا وين مستعجلة ؟
ادريس عبد المتعال الشيخ
زاويتي اليوم بصحيفة المشاهد الرياضية وتوتوسبورت الالكترونية
التغطية مستمرة
ستة و(يك) ..
* التغطية مستمرة
* الهلالاب ديل ناس صعبين خلاص
* الجزيرة بت عمهم ( لزم )
* (الجزيرة) القناة ما الولاية .. ماتشتتوا افكارنا من البداية تلحقونا الصفوة
* الزول لو وقف شماعة في مواصلات ( الثورة ) ناس قناة الجزيرة ديل يقولوا ليك
الوضع مقلق والاحداث متلاحقة ويمسكوا الموضوع ( ماربيلا )
* اسماء اللبان ذاتا يشرحوها ليكم كمان
* قلنا ليكم الجزيرة دي بت عمهم (لزم)
* الهلالاب ديل مابسيبوكم يتابعوكم كدا زي (الضل)
* لوما (اتنحيتوا) مابخلوكم
* ديل اهلي اسالوني منهم
* يحلكم منهم الحلا (بلة) من كمبالا سيتي
* ياناس الهلال الموضوع دا اقفلوه خلاص
* شوفوا ليكم حاجة تانية غيره
* قالوا ليكم العزاء انتهي بانتهاء مراسم ( الدفن)
* واقفين لسه جنب (المقبرة) عندكم شنو تاني؟
* عارفنكم اصحاب واجب ومابتقصروا مع جيرانكم ..
* ربنا يجبر الكسر .. والفقد (واحد)
* واحد شنو يازول (اتنين) صفر
* اعذروهم ياجماعة عدم الموضوع بسوي اكتر من كدا
* الايام دي قاعدين ساي لاشغلة لامشغلة (تمهيدي) ماعندهم
* الاتحاد الافريقي عفاهم من (الالزامية) دي
* التمهيدي دا عليكم الله فرقو من الخدمة الالزامية شنو؟؟
* (الكاف) استخرج ليهم اعفاء وصنفهم (جيم)
* ماتسرحوا ساي بنشرح ليكم الكلام دا وبنفهمكم
* (الكاف) دا للمرة الاخيرة قلنا مقصود بيهو الاتحاد الافريقي
* ماقلتوا ناس بطولات خارجية
الكاف مابتعرفوه
* زمن بطولاتكم دي ما اظنو اسسوه الكاف
* الزمن داك البطولات في افريقبا بنظموها ناس اللجان الشعبية
* المهم كدا وضحنا ليكم (الكاف)
* اما التصنيف ( ج ) دا اسالوا منه ناس الجيش
* مامشكلة الجيش الرواندي مابعيد منكم جاركم طوالي في نفس (التمهيدي)
* لو اتدربتوا كويس في (المعسكر) كان عرفتوا ال (ج) دي مقصود بيها شنو
* عديتوها فسح وتبديل فنايل
* المهم ال(ج) دي معناها
(غير لائق) للمشاركة
* ابسط ليكم الموضوع انتوا اصلكم مابتفهموا الا بالالماني
* كلامي دا يعني ناس الاتحاد الافريقي(الكاف) قالوا انه الهلال دا غير لائق للمشاركة(ج) في الدور التمهيدي
* (افتكر انو) المعني وضح كدا
* عشان كدا قلت ليكم اعذروهم الهلالاب ديل (مستبعدين) و (محرومين)
* ناس حاقدين بس
* انتوا لو اجريتو اتصالاتكم او رسلتو (ايميل) لي (قرن شطة) بديكم تفاصيل الموضوع دا كلها
* بس اعملوا حسابكم موظف الاتحاد العام مايقوم يمسح (الايميل)
* الزول دا بقرا الايميل وبمسحو طوالي
* غايتو انا حسب الاخبار السمعتها ناس الهلال ديل الاتحاد الافريقي حرمهم من المشاركة معاكم قالوا
(كبار سن)
* والكبار ديل مالهم ومال التمهيدي
* فهمتوا القصة ولا ( اكمبل) ليكم الشرح بكرة
تسديدات اخيرة
* حقق الهلال المطلوب من مباراته امام النسور وظفر بالثلاث نقاط وهذا هم المهم
* صحيح ان اداء الهلال في هذه المباراة لم يكن مرضيا ومقنعا
* رغم ذلك فان هنالك كثير من الملامح المميزة بدات تظهر علي اداء الفرقة الزرقاء من خلال هذه المباراة
*هي المباراة الدورية الثانية للهلال الذي يحتاج لمزيدا من الوقت والمباريات والتجارب وسيرتفع مستوي الاداء تدريجيا وصولا لمايرضي طموحات وامنيات الاهلة
* لاتستعجلوا اصدار الاحكام علي المستوي الادائي للهلال وعلي مدربه التونسي نصر الدين النابي
* لاتقلقوا ياجماهير الهلال القادم باذن الله افضل واجمل
* واحد من (بتوعين التمهيدي) ديل كتب في صفحتو علي فيس بووك
( اكتبوها علي لساني المريخ سينتصر في مباراة الاياب اليوم بالستة)
* يا اخوي انت خيالك دا كم (قيقا)؟؟
* انتوا ماشين يوغندا تلعبوا
( ليدو) وللاشنو؟
* مامعناها انتوا قبل كدا اتهزمتوا من الوحدات ستة و(يك) تقوم تسرح للدرجة دي
* الجماعة ديل مافي حاجة مغطسة حجرهم غير زيادة (المحلبية) دي ..
* هيرمان .. كلاكيت تاني مرة ..صور
* في حضرة (هلالك) يطيب الجلوس
ادريس عبد المتعال الشيخ
زاويتي اليوم بالمشاهد الرياضية وتوتوسبورت الالكترونية
الاخصائي النفسي والايجابية الهلالية
* لن امل تكرار الكتابة والحديث عن مشاكل الكرة السودانية واسباب تراجعها وتدهورها وتأخرها في اللحاق بركب التطور والتقدم الذي تشهده كرة القدم في العالم
* تصريح مدرب منتخب انجلترا لكرة القدم روي هودجسون الذي قال لوسائل الاعلام انه يفكر في تعيين (اخصائي نفسي رياضي ) خلال بطولة كأس العالم القادمة بالبرازيل وذلك لمساعدة منتخب انجلترا علي تجاوز سجلها المؤلم في ضربات الجزاء الترجيحية واستئصال الشعور بالفشل من داخل فريقه
* تأملوا تصريح هذا المدرب وانظروا كيف يفكر مدربي المنتخبات والاندية العالمية ؟؟
* السؤال الذي يطرح نفسه في هذا الشأن .. اين هو دور الاخصائي النفسي الرياضي في الاجهزة الفنية المساعدة بانديتنا المحلية ومنتخباتنا الوطنية؟؟
* الاعداد النفسي الجيد للاعب كرة القدم لايقل اهمية عن الاعداد البدني والمهاري
* تؤثر العوامل النفسية تأثيرا مباشرا علي الجوانب البدنية والفنية للاعب
* اكتمال لياقة اللاعب (النفسية) يساهم بدرجة كبيرة في زيادة مستوي اداءه في الملعب وعدم اكتمال الاعداد النفسي للاعب يمثل احد الاسباب الرئيسية للاخفاق والخروج بنتائج سلبية في المباريات
* المدرب هودجسون يري ان حل مشكلة لاعبي المنتخب الانجليزي لاتتم الا بالاستعانة بالاخصائي النفسي لمنح اللاعبين مزيدا من الثقة في مقدراتهم واعدادهم بشكل افضل لتسديد ركلات الترجيح فكم من اللاعبين في انديتنا ومنتخباتنا يحتاجون لمن يمنحهم صفة الثقة في النفس والقدرات ورفع الروح المعنوية ودرجة الحماس والتحلي بروح الاصرار والرغبة في الانتصار واستئصال شعور الفشل والخوف والتوتر والاستسلام والاحباط
* التهيئة النفسية اللازمة احد الاشياء الضرورية التي يحتاجها اللاعب السوداني
هلال الصمود
* نجحت فرقة الاسياد الماسية في الخروج بنتيجة ايجابية
* فرض (الاسياد) التعادل علي نادي (الاستاد)
* قدموا ملحمة (الصمود ) واقتربوا من (الصعود ) ..
* طوعوا (الصعاب) واسعدوا العشاق و (الاحباب)
* من الشعب (الف تحية ) لرجال الفرقة الهلالية
* الشكر والثناء لهم جميعا فردا فردا .. وبلا استثناء..
* بطنا جابتك والله مابتندم ..
يا اسد (النزال ) وحارس عرين (الابطال)
الابنوسي جمعة جينارو..
* يجب الا نفرط في تناول جرعات (الفرح) ..
* نعم حققنا نتبجة ايجابية في ارض الخصم وقطعنا نصف المشوار.. ولكننا لم نتأهل بعد
* التعامل بواقعية هو المدخل لتأهل الهلال للمرحلة القادمة من البطولة الافريقية
* لاتستهينوا بالفريق المالي ولاتغرنكم نتيجة جولة الذهاب
* وان لكم في مبارة المريخ وكمبالا سيتي عبرة يا اولي الالباب
* هذا هلالكم تكفل بالهدي ..
هل تعلمون مع الهلال ضلالا ..
سرت الحضارة في ارجائه ..
ومشي الزمان بنوره مختالا..
زاويتي اليوم بصحيفة توتوسبورت الالكترونية
تسديدات مـــتقنة
مفاتيح العبور
* (علي الورق ) فان النتيجة التي خرج بها هلال السودان من مباراته امام استاد باماكو المالي (جيدة)
* اقول انها جيدة (باعتبار) ان المباراة كانت خارج (الديار) و(بحسابات) اللعب خارج الارض فان نتيجة التعادل السلبي (ايجابية ) بكل المقاييس رغم الرؤية المختلفة للبعض واطلاقهم صفة (الخطيرة) و (المخيفة) لمثل هكذا نتائج ولمبررات منطقية
* ولان كرة القدم لاتخضع (للحسابات) ولان بطاقة التأهل لدور ال16من البطولة الافريقية مازالت في الملعب اتت تصريحات مدرب الهلال التونسي نصر الدين النابي عقب انتهاء جولة الذهاب بمالي بان الهلال لم يتاهل وان الملعب لم يودع ومطالبته للاعلام بعدم التضخيم وتحميل نتيجة المباراة اكثر مماتحتمل
* مايدعو (للعجب) حقا هو ذلك (الاعجاب) والاحتفاء الكبير من قبل الاعلام واقلام الصحافة الرياضية بتصريحات النابي
* طبيعي جدا ان يفكر اي مدرب (محترف) بهذه الطريقة ام ان هناك من كان ينتظر ان يخرج النابي بتصريحات تؤكد ضمان حصول الهلال علي بطاقة التاهل بعد تعادله امام استاد باماكو في مباراة الذهاب بمالي
* التعامل بواقعبة .. التهيئة النفسبة .. الاصرار والجدية .. احترام قدرات الخصم.. الابتعاد عن الثقة الزائدة والتفاؤل المفرط ..
هي مفاتيح عبور الهلال وانتصاره علي الملعب المالي وخطفه بطاقة التاهل للدور القادم باذن الله
* ثقتنا في نجوم الازرق لاتحدها حدود وهم قادرون علي تحقيق الاماني واسعاد الشعب الهلال
*جماهير الموج الازرق العاشقة الوفية ينتظرها دور كبير ايضا وهي لاتحتاج منا الي نداء وتزكير
*وقفتكم القوية وتشجيعكم الداوي يساعد الهلال كثيرا في المرور والتاهل للدور التالي
* مشوار الهلال في هذه البطولة يحتاج الي اصواتكم ودعمكم وهتافاتكم ومؤاذرتكم
* اخيرا اقول ماخاب من راهن علي جماهير الهلال ..
* الجمهور فرس الرهان في مباراة العبور
تسديدات اخيرة
* اقال المريخ مدربه كروجر عقب وداع البطولة الافريقية من ادوارها التمهيدية وتعاقد من جديد مع مواطنه اتوفيستر ..و .. ابراهومة يلوح بالاستقالة ..و..و .. الاستعانة بمازدا لمساعدة اتوفيستر و.. تنظيم بطولة حوض النيل و.. الساقية لسه مدورة
* الي متي يستمر هذا السيناريو الممل في ديار المريخ ؟؟
*متي يتعلم هؤلاء القوم من تجاربهم ومن اخفاقاتهم ؟؟
* الاخطاء في المريخ تسير وفق (متتالية حسابية) لاتتوقف وتتكرر كل عام بسذاجة تدعو للدهشة
* متي تنتهي فصول حكايات الف ليلة وليلة المريخية؟؟
* نمور شندي قادرة علي افتراس الرواندي والتأهل للمرحلة القادمة
أبناء النقر سيفعلونها ... أثق بذلك
* ساعود للتعليق علي حلقة الأمس من برنامج [الشوط الحاسم ] التي استضاف فيها الأستاذ خالد ماسا مدير قناة النيلين المقال خالد الأعيسر
