يومياااات مغترب

[بلسم حياتى]

دريم القصة حلوة شديد وانا متابعة بس ماتطولى شديد

[ود النصر]

ابتسم بمرارة حينما وجد لعبة اخية المشاكس مخبأة بالركن...لقد خبأها له الشقي وهي مكسورة ليذكره ان يرسل له بديلها...

ان غدا لناظره قريب

[align=center]والله انها الروعة بتقاسيمها.
سلمت يداك...

احسست اني لا ارغب في تناول سيجارة ما بعد الافطار
فقد سرى في جسدي احساس جميل وانا اقرأ وصفك
الجميل لهذه الجزئية.[/align][/size]

[الحلم السوداني]

المبدعة والقصصية من الدرجة الاولى دريموووووووووووو

متابعين بكل شغف القصة والحكايو مع مغتربنا ومع يومياته البنشوفها صوت صورة في حرفك وقلمك

منتظرينو يصحى ويكمل الحكاية احلام سعيييده

[dream-lady]

بلسم حياتي ياعسل ...انتي الاحلى ...ومعاكي الحكي احلى...خليكي متابعة

ود النصر ...ذوالاحساس المرهف ....وجودك يشد من ازر مغتربنا ....خليك معانا وتااااابع يارائع
حلمنا السوداني الجميل........مشتااقين ياعسل وحات الله اشواق اشواق
لاتطولي الغيبة وخليكي متابعة ......
ياصبح اصبح قريب......ياصبح آنس غريب
ياصبح طفطف لهيب....خليك حنين .لزولي الغريب

[dream-lady]

فتح عينيه لاول مره ...واحس بالظلام يلفه لم يدر كم الساعة !! لم يعرف حتى اين هو!!!!!!
جمع شتات تركيزه...حدق بالظلمه ...لم يكن في فراشه الحبيب الذي مافارقه الا لماما.....احس بغصة تسد حلقه ...لم يحس بيد امه تهز كتفه لتوقظه....لم يشم عطرها...لم يسمع حسيس الماء عند وضوء ابيه....لم يسمع دعاء والده وهمهماته الصباحيه التي كانت تعطر اعماقه وتثبت قلبه ايمانا ويقينا...افتقد رائحة الحليب مع الشاي الذي تتفنن فيه اخته....ويملؤها الغيظ والحنق حينما يقول انه ليس كطعم شاي امه....
كان اول صوت في الحي هو صوت الحاج عوض وهو خارج مع خيوط الفجر الاولى ليلحق السوق ويعرض خضاره المحمول على الكارو ....كان سيسمع صوت ...لين ..الطفلة الحبوبة التي عشقها...ادمن صوت بكائها وضحكاتها....ابنة جارهم الملاصق...
وهو يغرق مع افكاره في الظلام ويغرق ويغرق......
سمع طرقا خافتا على الباب....تنحنح وهب جالسا ....وقال بصوت مبحوح : تفضل....رد من خلف الباب خاله ...ان يقوم للصلاة ....قام على عجل ...وتوضأ ..وخاله ينتظره لانه لايعرف المسجد...خرجوا سويا لاداء الصلاة....وجوه غريبة ....تفرس عله يعرف احدهم ...ارتد اليه بصره خائبا...همس لنفسه: آخ ياحليلك ياحاج احمد....كنا سنسمع منك مليون شكوى وشكوى ..وانك قاربت من الموت امس ...وكل يوم ...بالامس كنت ساموت لقد احسست بنوبة قلبية ووو....ونحن نطمئنك ..آه من الشقي الصغير صابر كل يوم يبلغ بنا الغضب مداه من شقاوته وركضه في ارجاء المسجد و...قطع تفكيره اقامة الصلاة ...
وقف خاشعا دامع العينين كاليتيم.....ناكسا رأسه يرجو رحمة مولاه....
تقبل الله منا ومنكم

[الضراع]

ليالي الغربة سود ومســــــــاخ وجوها غابر
وبصرا لاج وقلبا فــــــــــوق جهنم صابر
مبروم الضمير صاحب الخديد التابر
شحتف روحي بعدو حبو زايد وجابر
........
ابداع متجدد وسرد جميل اجبرعقولنا علي المتابعة
حكاوي ومفردات وزكريات عشناها جميعا معشر اهل المهجر
دريمو اسأل الله ان يجعل السعادة لكي طريقا وان يجعل
حياتك حافلة بالابداع والتميز ؟؟

[ابن عوف]

حضور





متابعة



مودتى

[Batta]

دريمووووووووووووووووو يا رفارف قلبي, انا عاتبة عليك.

قالوا الفهيم بالرمشة والغشيم بحاجة كدا, وانا بقيت من النوع التاني!!!

لييييييييييييييييييييييييييييه ما تقولي في كلام روعة هنا؟وقبل البايرات يجوا يحجزو المغترب دا,

اللي لسه ما عرفنا اسمو, غايتو كان بشوكش لمياء ختينا في الصورة.

لا والله جد راااااااااااااائعة, ما يحتاج كلام, والغايظني كتير مريت بيها بس ما كنت عارفاها ليك

وما كنت عارفاها روعة بالصورة دي.

كالعادة, بدأت القراءة بالمقلوب وواصلت لما وصلت الحلقة الاولى,ورغم انو الطريقة دي بتبيخ الحبكة

لكنها ما قدرت تنال من روعة قصتك.

اها في الصف مع الجماعة المنتظرين, وانا منتظرة مرتين زي ما كلمتك.

[dream-lady]

الرائع المتفرد.......الضراع...اسعدك الله دنيا وآخره كما اسعدتني بمتابعتك...وكلماتك جميلة زينت المكان والهبت مشاعر المغترب المتأججة.......خلك متاااااابع

ودابنعوف المتألق دوما........وجودك يعطيني دافع لاواصل المشوار...خليك معنا

بطاطة رفارف قلبي...........مهما اتأخرتي فوجودك وحضورك بهجة وتمام الروعة.....اذا طولتي اكتر ماكنتي جيتي كنتا حاجي الكزك.....بس عشان جات منك احلى......
خليكي في الصف الواقفات كتااااااااااااااار ..للعريس المغترب.....
ياترى كيف حتكون قصتو مع ليمياء...............؟؟؟؟
تابعي حتشوفي

[dream-lady]

......عاد خالد من الصلاة .... هذا اسم مغتربنا الغالي....دخل المنزل ....فوجد الشاي معدا وجلس مع خاله وشربوا الشاي في صمت مطبق ....واستأذن خاله ليتجهز لتوصيل اولاده للمدارس...ومنه التوجه للعمل ...واوصاه ان يأخذ راحته والبيت بيته ....وان لايستحي .....جاءت البنات ....وهن يرتدين ملابس المدرسة ويتلفعن بالعباءات ....والاولاد مازال النعاس مطبقا عليهم .....وخرجوا جميعا ....ورجع لغرفته ....تلفت ولم يجد شيئا....اشغل التلفاز...وجلس على الكنبة ...قلب القنوات وقلبها.....ثبت نظره على قناةالسودان.....ارتجف قلبه وهو يرى امرأة مقاربة لامه في السن ...لابسة التوب السوداني ...غاص في عينيها الحزينتين ...احس بانها تفتقده...احس نحوها بحنين جارف....تحرك قريبا للتلفاز....تفحص ملامحها ....لمح لمعان دموع امه.....انتفض بشده للوراء.....خاف على نفسه من الجنون ....لقد احس بشبه عجيب بينها وبين امه....وحتى لمح دموعها ...واحس بنظراتها تخاطبه...تناجيه تناديه....
رجع لفراشه بعد ان اطفأ التلفاز والنور.....اتكأ براسه على الحافة الخشبية للسرير....احس ببرودة تتغلغل في عظامة ....سحب الغطاء على جسده المرتجف.....احس بانه مريض...حتما لقد اصيب بحمى...
احس بصداع يفتك برأسه.....احس بانفاسه متصاعده.....داهمه هاجس الموت....
تااااااااااااااااااااااااابعوناااااااااااااااااااااااااا

[لمسة جمال]

دريمووو متابعين معاكي
وسرد اكتر من رائع
ووالله انا المغترب ده مؤثر فيني بشكل
وطريقة طرحك اكتر ابداع

[waya]

سرد بديع وممتع وشيق وجميل ومتسلسل
وواقعي معاش يمس دواخلنا في مرحلة ما
ويثبت اشياء في الذاكرة وشئ من الأمنيات
وبقايا من حنين .. ووووووو

وبصراحة إمتلكتي ناصية الروعة
ودعوتي أكفنا للتصفيق إعجابا بالقول
ولسان حالنا يلهج بالشكر والثناء

تشكراتي ,, وفي انتظار المزيد من الروائع

[dream-lady]

الغالي ..............وايا

سعدت والمغترب بمرورك وكلماتك الجميلة .....

الحنين يلتهب مع دوران عقارب الساعة .....
ماذا سيجد من احداث ....؟؟ تابعوناااااااااااااااا

[ود النصر]

[align=center]غيبة لم نتمناها ابداً ايها الرائعة
ماذا حدث لهذا الشقي وما اخباره؟؟؟

منتظرين العودة ......[/align][/size]

[dream-lady]

[align=center]غيبة لم نتمناها ابداً ايها الرائعة
ماذا حدث لهذا الشقي وما اخباره؟؟؟

منتظرين العودة ......[/align][/size]

راجعة ان بقى في العمر بقية ....وفي جعبتي الكثير

لاتروحو بعيد

[بلسم حياتى]

الاخت الغالية دريمو منتظرين البقية بشوق

ماتتأخرى

[نسيم الشمال]

منتظرين بشوق شديد يالاديبة دريمو يحفظكِ الله ..وقد اعجبني الاسلوب السلس والسرد المشوق..وهذا من واقعنا الذي نعيشه حتى اليوم..يعطيكِ الصحة والعافية ..

[dream-lady]

المبدعة والقصصية من الدرجة الاولى دريموووووووووووو

متابعين بكل شغف القصة والحكايو مع مغتربنا ومع يومياته البنشوفها صوت صورة في حرفك وقلمك

منتظرينو يصحى ويكمل الحكاية احلام سعيييده

حلمو حبيبة قلبي ..مشتااقة ليك كتير حبيبة قلبي...قدر شوق مغتربنا للديار

وانا منتظراكي تجي تنوري المنتدى والبوست .....طولتي حبيبة

[dream-lady]

الغالييين....لموس ...بلسم حياتي....صالح ......مروركم اسعدني....واعتذر عن التأخير

تابعوني ياغاليين

[dream-lady]

.............أحس خالد بيد تتحسسه .........فتح عينيه فوجد نفسه ممدا في غرفة لم يستبن ملامحها.........
قليلا...قليلا....اتضحت له الرؤيا... وجد خاله يتطلع اليه مبتسما بإشفاق ....التف حول فراشه أبناء عمومته
وقد نال منهم القلق نصيبا عظيما....سلموا عليه وسألوه ان كان يحس بشيء ....أحس بابن خاله الصغير يتسلق
السرير بجانبه ويتفرس في ملامحه....انتهره ابوه كي ينزل ...فأمسكه خالد من يديه الصغيرتين وأبقاه بجانبه..
سأله خاله : خالد ....حمدا لله على سلامتك يا ابني ...قلقتنا عليك
خالد:الله يسلمك ياخالي ..معليش عذبتكم معاي
الخال: لاماتقول كده ياولدي ..أهم شي انك بقيت طيب...أنت ماحاسي بينا تلات أيام أنا خليتك كويس ومشيت الشغل إتصلوا علي الظهر وقالوا انك تعبان شويه وجيت لقيتك غايب عن الوعي وحرارتك مرتفعه وجبتك المستشفى بإسعاف وكلمت اولاد عمك جوا جارين .....
إقترب ابن عمه الاصغر دامع العينين .....
خالد: أحمد مالك ياجرسه ماهدا انا كويس خفت أموت ليكم هنا ولاشنو ؟؟ههههههههههههه
أحمد: الحمد لله البقيت طيب الحمد لله ....
جلس بجانبه ممسكا يده ..... وتنفس الجميع الصعداء ....
ذهب الجميع ...أظلمت الغرفه ....سيمر الطبيب غدا على ما قاله خاله ويجري اخر الفحوص الطبية
وسيكتب له تصريح خروج .......