كتابات ســــــاخرة !!

[ود الزوحي]

المنتدى عبارة عن جامعة !!

تتنوع فيه الدروس والمحاضرات فأي كانت تلك الدروس فإنها غالبا ما تقع وقع أعيننا ..

بعض العلاقات تنشأ كأيها من العلاقات الأخرى التي نمر بها في حياتنا اليومية .. زيارة أسرية .. أعياد سنوية .. وزواجات وغيره !!

ألتفت إلى هذه الأقسام التي أسميتها بالجامعة فأجدها قد خلت مما يسد رمق مرتادي هذه الدروس .. ولكن ما يشد نظري هو تلك التي تحدث بين الطلبة أثناء الـ Break .. حلوة مش !!

تشتد الدراسة منذ بداية العام يتخللها بعض الركوض أثناء الوصول بنا قرب منتصف الطريق حتى موعد الاختبارات .. التقييم وغيره الـ النتائج قصدي !! ثم يبدأ العصر

فنجد أن هذا الكم الهائل من لم يكن سوى وريقات قليلة من مجهود وقت قد مضى وسداد فواتير وكده !!

أنا غايتو ما مقتنع بمسمى جامعة لأنو هناك في خريجين هنا مافي غير مسجلين (برالمة يعني)

والبرالمة هنا ناس تلاتة شهور .. البملوا الكفتيريا وقت المحاضرات (ناس شريط الاهداء) !!

بالجنبة كده !!

غايتو أنا بقيت معيد في الجامعة ده (وصاحب العقل يميز) !!

[Batta]

ود الزوحي سلام, بمناسبة شريط الاهداءات دا عندي سؤال؟

ماراضي يشتغل ,يعني ماقادرة اسوي اهداء؟

اها يالمعيد العميد المشكلة شنو؟

وكمان عندي ملاحظة اهداءاتي كلها اختفت يارب الحاصل شنو؟

[ود الزوحي]

ود الزوحي سلام, بمناسبة شريط الاهداءات دا عندي سؤال؟

ماراضي يشتغل ,يعني ماقادرة اسوي اهداء؟

اها يالمعيد العميد المشكلة شنو؟

وكمان عندي ملاحظة اهداءاتي كلها اختفت يارب الحاصل شنو؟

اطلبي تصحيح الورقة من جديد !!

احتمال في استاذ خاتي عينو عليك .. قصدي مضاديك !!

[Batta]

اهاااااااااااااااااااااااا
اكان اشتكيت اخاف يبقى فيها فصل

لكن يا المعيد بطلب منك انت تراجع اوراقي وما تقول ليا شرف البورد

[ود الزوحي]

حواء .. والأكل

واحد من الجماعة الطيبين .. مرتو مستفزة لدرجة مبالغ فيها .. يعني ماطوالي هي مستفزة .. لكن مستفزة !!

فكان بجي بشتكي لصاحبو .. فصاحبو سألو قاليهو أهرشا ..

فرد عليه قاليه أنا خايفها تزعل مني !!

صاحبو استغرب من كلامو .. فقاليهو وماتزعل كان زعلت .. ان شا الله تزعل يومي مش هي بتضايقك !!

قاليهو الخوف من الزعل حقها ده والله !! لأنو كان زعلت بتمشي تاكل .. وكان أكلت بتسمن !!

بالجنبة كده !!
والله الشغلانة كده بتكون بالخسارة مع الراجل .. يعني لو كانت بتاكل ليها حكاية بتاعت كيلو لحمة مثلا !! الله يكون في عونه غايتو

أخير يكون سااااااااااااكت

[The Sniper]

ما عندي شئ اضيفو

بس باخد شرف المتابعة



متابع معاك اخوي ود الزوحي

[ود الزوحي]

ما عندي شئ اضيفو

بس باخد شرف المتابعة



متابع معاك اخوي ود الزوحي

ملك التواقيع .. سنايبر !!

منور بجاي .. وخليك قريب

[ابو ايووودي]

اطلبي تصحيح الورقة من جديد !!

احتمال في استاذ خاتي عينو عليك .. قصدي مضاديك !!

ما يكون ده انت
انت بس خليك بعيد

[ود الزوحي]

ما يكون ده انت
انت بس خليك بعيد

أحميدي شخصيا !!

وين يااااااااااااا

لالا ياخ بالك ما يمشي بعيد .. البت ده صغيرة يا دوب بطوطة ما تمت بطة زاتو !! أخت عيني عليها كيف يعني !!

[ود الزوحي]

الحب يوم واحد بس !!

أمبارح كنت بتفرج في برنامج كلام نواعم بتاع mbc وكان كلو بتكلم عن الحب وما أدراك ماالحب لدرجة إنو جابو قصة المقدمة هبة جمال زاتها ..

بيني وبينكم البت حلوة .. وتستاهل !!

أها نرجع لموضوعنا ..

اليوم ده وما يؤكده من أفعال تحدث فيه إلا أنه يدل على أن الحب هو يوم واحد فقط ليس إلا .. الناس بتلبس فيهو أحمر .. وبتقلب حياتها كلها أحمر .. (ما جبت شي من عندي) !!

الناس بتحتفل بالحب يوم واحد بس .. عشان كده أنا جبت الكلام ده !!


بالجنبة كده !!

بما إنو الناس ده مقتنعة كافة الاقتناع أنو الحب ده يوم واحد في السنة .. ليه الوحدة أو الواحد يجي يقول للتاني إنت ما بتحبني وما بتقول لي كلام حلو ..

إذا كان الحب أساسا يوم واحد وبنتهي تاني يوم فما واحد يجي يدق جرس للتاني !!


ما معاي حق ياناس المشاعر (المافي) !!

[بحلم]

موضوع ساخر ولكنه فيه تجارب واقوال
يستفاد منها جد موضوع جميل
يا ود الزوحى ومنتظرين المزيد من الابداع

[ود الزوحي]

موضوع ساخر ولكنه فيه تجارب واقوال
يستفاد منها جد موضوع جميل
يا ود الزوحى ومنتظرين المزيد من الابداع

بحلم حمد الله ع السلامة .. منورة الزاوية !!

وخليك بالجنبة هنا ..

[ود الزوحي]

يظهر بعض الأزواج ولائهم لزوجاتهم في أمور تضير والديهم يظن بذلك أن تلك الزوجات سيبدون لهم فروض الولاء والطاعة ولكن تأتي الرياح بغير ما تشتهي السفن ..

فبذلك الشيء يكون قد أثار غريزة الزوجة نحو السيطرة التامة عليه .. فيجد نفسه في دوامة الاختباء خشية أن يزعج والدته أو والده وما بين دائرة الضعف التي ستلازمه طوال حياته أمام زوجته !!

بالجنبه كده ..
طيب الجن من الأول لزومو شنو !!

[ود الزوحي]

العجب حبيبي !!

المباراة .. بتخفيف (الراء)

يعني عرفنا فلان مباري فلان .. عشان صاحبو !!

حكاية اللاعب بتاع الكورة البباري لاعب زيو .. عشان يوريه كيف يعمل الحركة الفلانية أو كيف بقدر يحافظ على لياقته ..

والله ده كلها أنا مقتنع بيها اقتناع تام ..

لكن حكاية مباراة .. وزي ماقلت بتخفيف (الرا) نحن مافي ميدان يعني .. حكاية مباراة الدول العربية بعضها البعض ..


طيب كانو يدونا فرقة .. فرقة لشنو غايتو أنا ماعارف !!


لكن نفسي ومنى عيني .. على قول تامر حسني !!


أعرف سبب قومة الجماعة ديل ورا بعض شنو ..


بالجنبة كده ..
مايجيني زول يقول لي الفيس بوك ..

[بعد الزمن]

[align=center][align=center]طيب تويتر كيف معاك

برمه :

جيت ماشي بجاي

اعاين كان
وقعت بهناك

بس طلعت وقعة ب الجنبة بدون كسور (الكسورقالو بتنجبر)

هههههههههههههههه

ب الجد مبدع حد الابداعات (بدون أوزان خفيفة ولا تقيلة)

اها القوافي كفين معاك...........!!!!!!!!


دمت بود[/align][/size][/align][/size]

[ود الزوحي]

[align=center][align=center]طيب تويتر كيف معاك

برمه :

جيت ماشي بجاي

اعاين كان
وقعت بهناك

بس طلعت وقعة ب الجنبة بدون كسور (الكسورقالو بتنجبر)

هههههههههههههههه

ب الجد مبدع حد الابداعات (بدون أوزان خفيفة ولا تقيلة)

اها القوافي كفين معاك...........!!!!!!!!


دمت بود[/align][/size][/align][/size]

منور ياسيدا ..

وبالجنبة كده حبابك ألف !!

[سمارا]

انا بجد ما قادره اعبر

[ود الزوحي]

انا بجد ما قادره اعبر

سمارا إزيك ..

حضورك براه تعبير عن الساعدة التي شعر بها قلمي تجاه حرفك .. وخليك قريبة !!

[ود الزوحي]

التعملو بإيدك يغلب أجاويدك !!

زمان قالو أهلنا الواحد يقولو ليه البحر دميره ما تمشي تعوم فيه بغرقك .. يعمل فيها ماسامع ويمشي ويعمل الفي راسو .. بعيدن يومين تلاتة ما يلمو فيهو ويكون البحر شالو ومشى ..

ده زي حكاية صاحبنا هيثم مصطفى .. قالو ليه الضرب بجيب كرت أحمر وطرد من الميدان .. فقام قال هو زيدان أحسن مني .. أخد أنا برضو كرت ..

وزيدان من ديك تاني ما دقاها .. حسي كمان ماااااااااظنيت سيدا ده يدقها تاني .. وألا شنو !!

[سمارا]

التعملو بإيدك يغلب أجاويدك !!

زمان قالو أهلنا الواحد يقولو ليه البحر دميره ما تمشي تعوم فيه بغرقك .. يعمل فيها ماسامع ويمشي ويعمل الفي راسو .. بعيدن يومين تلاتة ما يلمو فيهو ويكون البحر شالو ومشى ..

ده زي حكاية صاحبنا هيثم مصطفى .. قالو ليه الضرب بجيب كرت أحمر وطرد من الميدان .. فقام قال هو زيدان أحسن مني .. أخد أنا برضو كرت ..

وزيدان من ديك تاني ما دقاها .. حسي كمان ماااااااااظنيت سيدا ده يدقها تاني .. وألا شنو !!

سيداااا دقاها امبارح اتغلبنا بس ما مشكله النهائى لسه



وبصراحه كده



اوكى انا هلالابيه موووووووووووووووووت بس هيثم ده ما بريده مفترى ع ايه ما عارفه