كتابات ســــــاخرة !!

[بلسم حياتى]

انا بشوف انو دا انسان مريض واحسن ليهو يتعالج ويسيب الناس فى حالا

[ود الزوحي]

انا بشوف انو دا انسان مريض واحسن ليهو يتعالج ويسيب الناس فى حالا

مريض البسيطة دي ..

[ود الزوحي]

بين اليقظة والاحلام !!

يعني الواحد بقى يكون قاعد كده وبتخيل انو الملك عبد الله بقى عندنا في السودان ..

ويلا جا القرار التالي :

رفع مستويات المرتبات لنسبة 15% لكل موظف وعامل ..
منع العمل أثناء فترة النهار أثناء فترات الصيف
منح كل عاطل أو عاطلة أمجاد أو تاكسي أو ركشة حسب طول الشخص
انشاء بنك التسليف لتلبية طلبات الفقراء والمحتاجين
اعفاء رسوم الضرائب للمغتربين بس ..
مجانية التعليم والعلاج .. دي شديدة !!

بالجنبة كده !!
هوي دي كلها تخيلات

[بلسم حياتى]

ههههههههه الله كريم يااخوى بس التخيلات ماعندك لكن هههههههه وبصراحة عجبتنى التخيلات دى

[ود الزوحي]

ههههههههه الله كريم يااخوى بس التخيلات ماعندك لكن هههههههه وبصراحة عجبتنى التخيلات دى

بلسم .. المكان منور بيك .. وان شاء الله تكون بين اليقظة بس !!

[ود الزوحي]

المابعرفك بجهلك ..

الزول يقعد يجيب الكلام براهو ويفسرو .. وبعد دا كلو يصدقو !!

واحد من أهل الخير .. عندو مناسبة فرح كان فكان بجري بهنا وهناك معاه صاحبو بساعده يعني اليوم كلو طالع معاه ونازل معاه .. ماشين بيت فلان .. ماشين المحل الفلاني .. وفي ظل تعب الصديق بتاعو كان طوالي داك بلومو أنا مافي زول واقف معاي أنا الناس حاسدني (في جمال خطوتو طبعا) انت شكلو مغيوظ مني وما داير لي السمح يعني كان دا محور الحديث

يلا جا يوم المناسبة وكانت زواج فلما بدت مراسم الزفاف والناس انخرطت مع بعض جا خال العروسة جا لقا الزول داك واقف مع العريس فسلم عليه بشدة وحرارة بتاعت زول بعرفو فاستغرب العريس من الموضوع فسأل الزول داك عن علاقتو بصاحبو شنو .. فرد قاليه والله الزول دا كان جارنا زمان ولما انت جيت اتقدمت لبتنا طلبنا رايو فقال لينا ما تسألو عنو دا صاحبي وأنا بعرفو أدوهو وانتو مطمنين .. فما كان من الزول داك إلا مسك صاحبو وسلم عليه واعتذر منو على تصرفاتو الكان بعملها ليه ..

بالجنبة كدا ..
الزمن ياتخدم عشان يحبوك الناس .. يا تبقى جار أهل العروسة .. وألا شنو !!

[الحلم السوداني]

فعلا زمن عجيب بس الواحد بيقول اعمل خير وارميه البحر ولا تنتظر الشكر من زول لان الواحد بعمل بي أصله وفي النهاية بتبين المعادن .....

وبالجنبه .....متابعة يديك العافية

[ود الزوحي]

طالت فترة الانتظار حتى استطاع القدر اقناع والدته بالارتباط بالزوجة التي يريدها ..

وقد كان يرفض بشدة ماكان ينوء به ليرتبط به رأيا منه بأن والدته لاترغب بها وأنها ليست بذلك القدر الذي يؤهلها للارتباط به فقد كانت لا تكن أية صلة احترام لوالدته حتى بعض أخوانه قد نالهم من الضير جنبا ..

وبعد محاولات جاءت الوالدة لتخبر إبنها بأنها قد وافقت على ارتباطه بتلك الفتاة (يعني حستو طول في حكاية العرس فقالت نفتكا منو ) فكان يزيد في رفضه إلا عندما وجد إصرارا منها على ذلك الارتباط واكمال ما بدأه من قصة هيام ربطت بينه وبين تلك الفتاة وقبل أن يفاتح والد الفتاة بأمر الزواج أخبر والدته بأنه لا يود أن يبنى سعادته على تعاسة والدته فما كان منها إلا أن قالت له أنها وجدت فيها بعض التغيير في طباعها حيث أن الفتاة كانت تقطن بالقرب منهم ..

وعند الانتهاء من مراسم الخطبة .. تحول كل ذلك القبول إلى رفض دون سبب ينشد وأصبحت والدة الشاب تذكره بأن موافقتها كانت لأجل سعادة ابنها رغم أن الأخير كان قد عزم في باديء الأمر أن الزواج لن يتم إلا بعد موافقة وقبول الوالدة قبولا تاما دون ضغوطات أو تنازلات ..

ثم ماباتت أن ساءت الأمور حيث رفض الابن اكمال مراسم الزفاف واحتفظ ببوادر الرفض لديه ولم يخبر بها أحدا .. وحاول الابتعاد عن الفتاة ورغم محاولات الفتاة بالتشبث بها إلا أنها فقدت سبل التواصل مع الشاب ..

ولازالت الأمور قيد طي الزمان .. حيث لم يعلم أحد لماذا رفض الشاب اكمال مراسم الزواج وعدم البوح باية تفاصيل عن هذا الأمر ..

يعني ترضي أمك مشكلة .. وما ترضيها مشكلتين برضو !!

[waya]

أدخل على الرابط ادناه لمتابعة الموضوع الاصلى






كتابات ســــــاخرة !!


وشكرا