ما عارفه ليه لكن احس انه لمن الاهل يقولوا لينا "انتو جيل فاشل" كانهم بغيروا مننا
نحن بدون ما هم يشرحوا و يفهمونا عارفين لو ما اكتر منهم ,,, عارفين زيهم في اغلب الامور الهمه في الحياه ....... و معتمدين على نفسنا اكتر منهم لمن كانوا في عمرنا ....
بعدين هم بقولوا التكنلوجيا و العولمه حاجات جديده و نحن جيل الانترنت و ما بتكلوا علينا
العارفاهو انه لمن جينا للدنيا دي لقينا الحاجت دي كلها جاهزه و مخترعه و مظبته و المسأله
انه استعملناها اكتر منهم بس , و اضف نا ليها
يعني الكمبيوتر و الموبايل , شاشات الديجيتال و الانترنت اعتقد ما اخترعوها الجيل الفاشل
الجيل البإذن الله حينصر الاسلام
قارن بين امهاتنا زمان و بنات الجيل الهسي ... فرق في المعرفه الدينيه و الالتزام
زمان نادر تشوف شاب متدين هسي عااااااادي و كتير ما شاء الله
بقول و الحمد لله نحن واعي و فاهم جدا جدا و عنده حكمه و معرفه عن الامور المهمه في الحياه
الاتكاليه بتجي بسبب التربيه "سببها جيل السبعينيات= الاهل"
و شكرا على الموضوع المهم
الشغلانة يا ملاك .. ما قصة غيرة ولا غيرو .. القصة هل هم مقتنعين تمام بانو هناك نوع بما يسمى عصر التجديد وانه ينبغي أن تعرف الأسرة ان لفظ فاشل هو الدليل القاطع بأن هذه الأسرة هي الفاشلة ليس إلا ..
ياخي والله أنا لما أسمع كلمة حليل زمان بحس إنو نحن بالجد عاملين مصيبة ..
بالجد أنا ماعايز واحد يجيني ويتكلم في حتة الأمور الدينية لأنو أنا مقتنع اقتناع تام انو الدين ده جوه القلب وكل زول ربنا هو الوحيد الممكن يقدر حجم اسلامه وإلتزامه أو لا ..
اما نحن فرجاء خاص الناس تتكلم من حيث المبدا والمبررات الرئيسية تجاه الموضوع وتسمية هذا الجيل بالجيل الغير المبالي أو كما هو متداول جيل فاشل
مشكور الأخ ود الزوحي على طرحك
جملة (انتو جيل فاشل) اصبحت كالنغمه التي تتردد على مسامعنا
من اباءنا وهم يرون عدم مقدرتنا على تحمل المسؤليه ويبدو كانهم شبه فاقدين الثقه في انه ممكن نصبح اباء وامهات نقدر نقود الركب الى الأمام
بتفق مع ملاك صحيح احنا وجدنا كل شيء امامنا جاهز واحنا جينا استعملنا حسب نظرتهم لينا(احنا جيل مستهلك أكتر من ماهو منتج)
نقطه تانيه عدم اعترفاهم بالتعليم البنتلاقاه جميع السبل سهله امامنا من انترنت وغيره
بس ماننكر (انه بعض من هذا الجيل استخدم الاشياء اللي لقينا جاهزه)استخدام سيء
بيحكمو علينا من المظهر بس
بس احنا جيل متعلم وفاهم اكتر من الاول واكتر ثقافه منهم
وستبقى المشكله قائمه انه مافي جيل عاجبه الجيل اللي سبقه او الجيل اللي بعده
وفي بعض مننا كده عندنا راي في الجيل الذي يلينا
بس اتمنى تكون نظره ايجابيه اكتر من ماهي سلبيه
ولي عوده
يعني انت شايفة انو مافي جيل فاشل بالمعنى الصحيح .. ولكن في نوع من الأخذ بالمظهر ليس إلا .. وده هو الخلى الجيل السابق يقول عننا كده ..
حينما نتكلم عن جيل يخلف جيل هناك سمات تنتقل بصورة اتوماتيكية بدون تحريف
مثلاً : الانسان منذ الخلق الاول هو الانسان
الحاجات الاساسية كالاكل والشرب ووو.....الخ هي هي.
تحدث التطورات والانتكاسات في اشياء قابلة للتغيير.
عليه, وهنا ارجع لصلب الموضوع فان فشل الجيل يتحدد بمكتسبات البشرية من ابداعه وخلقه او انحطاطها وفشلها في الاستفادة من نشاطاته
عليه يتحدد الجيل فشلاً ونجاحاً بانجازاته
وكما الحال في كل المجتمعات هناك العينة الفريدة التي لا يصلح الحكم علي المجموعة بناءاً علي انجازاتها
وذلك باعتبارها طفرات
اما السواد الاعظم وهذا هو لب المقياس فهو في جيلنا فاشل ... فاشل ....فاشل
انتظروا لا تديروا رؤسكم رفضاً او تهكماً باعتبار ان هذا اتهام لكم شخصياً
انا اعتبر نفسي نسبياً في منطقة هي اقرب للجيل القديم ولكني اعترف باضمامي للجيل الحديث برابط الفشل
ولو تم استثناء الدين كما طلب ود الزوحي فالفقر في الاجيال الحديثة اشتمل كل مناحي الحياة
علماً بانني اؤمن بان حتي مظاهر التمدن التي يحياها هذا الجيل هي صورة مذيفة لمدنيات اناس غيرنا
اخذوها جميعاً خيرها وشرها واصابتنا نحن لعنة الاكتفاء بشرها
هذا الجيل ( الذي انتمي اليه عشان ما تقولو منحاز ) هو الاكثر فشلا والافضل حظا
وهما عنصرين متلازمين ...افضل حظا لتوفر العديد والعديد من وسائل النجاح
والتفوق على الاجيال السابقة ...والاكثر فشلا نظرا لسوء استخدامه لهذه الوسائل..
من يتباهي بالتكنلوجيا الحديثة واستخدامه لها عليه ان يتوقف قليلا فهذه التقنية من
انتاج جيل سابق ...كذلك يشاركه الجيل السابق في استخدامها بل والتفوق عليه احيانا
طبعا نحن نتكلم عن منطقتنا اما الغرب فهم يتبادلون النجاح جيلا بعد جيل وفي كل
المجالات والدليل انو ناس قوقل ديل من ابناء هذا الجيل , ايضا بيل قيتس بتاع ما يكروسفت
لا يكمن وصفه انه من جيل السبعينات..
اذا نعود الى منطقتنا الان هذا الجيل وهو في سن صغيره لديه كل شئ لينجح ، وسوف
اتنتاول هنا الانترنت كنموذج : كيف استخدم هذا الجيل هذا العملاق وما هي اكثر المواقع
زيارة وما هي اكثر الكلمات بحثا ( من عندي كتبت نانسي طلعت لي 114 مليون بحث اما
اما لو كتبت هيفا كان عمك قوقل كورك كواريك شديده )
اما من موقع اخباري فاخذت هذه الكلمات عن استخدام العالم العربي للانتربت :
( فمثلاً موقع موسوعي شهير بمختلف لغات العالم ( ويكيبديا) منها العربية بلغ المرتبة الثامنة في
الترتيب العالمي، ونراه متقدماً في الكثير من الدول عن هذا الترتيب، منها ألمانيا
وأستراليا 6 ، وجنوب أفريقيا 7، وكذلك اليابان وكندا والولايات المتحدة وأسبانيا
ما بين 8 و 10 . وفي مقابل ذلك لا توجد دولة عربية واحدة في قائمة الدول الـ 15
الأكثر تعاملاً مع الموسوعة الشهيرة التي بلغ ترتيبها في المواقع المفضلة لدى
المستخدمين من السعودية 28 ومن مصر 40.)
اما اكثر الكلمات المستخدمة فهي المتعلقة بالمواقع الاباحية وهذ ايضا نقلا عن الموقع :
الان هناك عدد مهول من قنوات الفيديو كليب والافلام ( من الذي يرسل الرسائل
النصية لهذه القنوات التافهة ويمولها بالمال هل هم جيل السبعينات)
من الذي نجح برنامج استار اكاديمي واشباهه من البرامج المشبوهه ( هل هم جيل
السبعينات ) ..
الحديث عن هذ الموضوع يطول ويطول وربما اعود ....
خلاصة القول هذا الجيل في ازمة كبيره ...والذي يليه مشكلته اكبر ..وحل المشكلة
الاعتراف به اولا .....ثم البحث عن حلول..
عندما نتكلم عن اختلاف الاجيال والفرق بين الجيل الحالي والسابق
نجد مبرارات كثيره جدا تدع الجيل السابق يطلق علي الجيل الحالي كلمة جيل( فاشل)
مثلا
اكيد كل واحد فينا بسمع الكلمة دي او النقد من اقرب شخص ليهو ممكن يكون والدك عمك جدك
مابكون القصد التقليل من شخصك لكن تقال للتنبيه والحرص علي المسئوليه
الجيل السابق وخصوصا عندنا في السودان ممكن نسميهو جيل بدون تقنية
وماكان في توفر المعلومه بالشكل الموجود حاليا في ظل تواجد العولمة
والانفتاح علي العالم وتداخل الثقافات
زمان او الجيل السابق كانو محصورين وان صح التعبير في دائرة محدوده جدا
يعني اغلبية الناس مابكونو عارفين ثقافة الدوله المجاوره ليهم
اليوم وانا في اخر حدود السودان بكون عارف وعبر النت ثقافة كل العالم
الجيل السابق جيل تربي علي الهمة والتكافل والترابط بين افراد القبيلة
ويمتد جسر التواصل ليعم الجيران والوطن بشكل عام
وهذا الشي لايوجد الان ابدا ...
اذا سألت اليوم شباب من مواليد التسعينات عن تاريخ السودان بشكل عام
تجدهم لايعرفو اي شي عن السودان ....
بماانه شخص متعلم ويحسب من الخريجين .....اذا سألتو عن وضع الاقليم العايش هو فيهو
ماذا يحتاج المواطن وماهي متطلبات الحياه هنا ....تجده مسطح لابعد الحدود
سيجيبك وبكل ثقة اذا سألتو عن الفنان الفلاني او متي نزل اخر اصدار
اليوم تعال اسأل اي شخص من الجيل السابق عن نفس الاسئلة اللي سئلتها لشباب الجيل الحالي
ستجده شخص مدرك تمام للواقع العايش هو فيهو
بماانه ينقصه الكثير لمواكبة الحياة
اخيرا اختلاط الثقافات وتداخل الناس وانفتاح العالم مع بعض وعولمة الفكر
جعلت الجيل الحالي يختلف عن الجيل السابق
وسيأتي زمان ويكون الجيل الحالي افضل من جيل المستقبل
فهكذا سنة الحياة منذو ان خلقنا كل قرن يختلف عن سابقه
في كل شي
ود الزوحي
تحياتي
ود الزوحي كتب:يعني انت شايفة انو مافي جيل فاشل بالمعنى الصحيح .. ولكن في نوع من الأخذ بالمظهر ليس إلا .. وده هو الخلى الجيل السابق يقول عننا كده ..
بالزبط كده مافي جيل فاشل بالمعنى الصحيح لكلمة فشل
بس كل جيل وجدت في زمنه متطلبات كانت مهمه بالنسبه ليه ومن الضروريات في الزمن داك
لكنها ما تمثل اهميه للجيل الذي يليه او الجيل الذي سبقه....
من هنا تجي مشكلة تضارب الثقافات والاهتمامات ما بين الاجيال....
لا استطيع الحكم بان الجيل السابق جيل فاشل بنظري ولا هو جيل ناجح ايضا ولكن به اشياء نفقدها نحن الان ولا احكم كذلك على جيلي بالفاشل او الناجح ولكن يوجد نسبة نجاح في مجالات معينه يقابلها نسبة في فشل ايضا في مجالات معينه
اخذين بعين الاعتبار ان هذا الكلام في منطقه معينه
وتاني بجي رتجعه
احمد يس كتب:العزيز ود الزوحى
الموضوع جد يستحق النقاش وتابعت جيدا ما تداخل به الزملاء كل بما جاد به ببعض من دواخله ورأيت ان اتداخل معكم بحكم اننى هم وانتم نحن وهذا بالفعل ما اثارنى كيف توصل السادة المتداخلون الى الفصل بين الاجيال وجعلهم فريقان يسيران فى خطين متوازيين وكما نعلم فى علم الرياضيات تعريف الخطوط المتوازية بأنها الخطوط التى لا تتقابل مهما امتدت ..... وكيف يتأتى ذلك والاجيال تتقابل طول الوقت فى الشارع وفى المدرسة وفى الجامعة وفى المنزل ..............
دعنى امر سريعا على المداخلات فى مجملها وسوف يكون لى مداخلة اخرى بوجهة نظرى لاحقا ........
الشعور بأن الحديث ينصب على فريقين هم ونحن هو مدخل سىء جدا للحوار بما ادى الى تنمية الشعور بأن هناك صراع قائم بين الآجيال ولو فرضنا جدلا ان هناك صراع قائم بالفعل اتساءل هنا صراع من اجل ماذا ؟
العبارات الرنانة التى يطلقها البعض لاتخدم الموضوع بشكل هادىء ويؤدى فى بعض الاحيان الى الاحتجاج المغلف وليس ادل على ذلك من كلمة الفشل والتى ادت الى توقيعك فى نهاية موضوعك وقد يأخذه البعض بأنه نوع من الفكاهة اوالدعابة ولكنى شخصيا ارى انه
موضوع آخر يستحق ان نفرد له نقاشا منفصلا .......فهو يحمل فى طياته ردا مرسل الى كل من تطلقون عليه اجيال سابقه.....
الحقيقة لقد اندهشت الى درجة الذهول من تعبيرات معينة فى ردود الزملاء واكثرها حدة كان بأن الجيل الجديد يعرف جيدا الحلال والحرام وكأن الاجيال السابقة هى اجيال منحلة وليس ادل من ذلك عبارة وردت بأن سيدات الجيل السابق ليس على وعى بأمور دينهم ...
اخيرا ارى ان كلمة الفشل هى موجودة فى كل الازمنه والاجيال وهى لا تنعت الشخص بالخطيئة والذنب وانما هى عدم النجاح والتوفيق فى شىء ما................ وارى اننا جميعا سوف نكون فاشلون اذا لم نتفق على طريقة الحوار......
لى مداخلة اخرى انشالله بوجهة نظرى فى لب الموضوع ................................ تحياتى
عزيزي يس ..
الحمد لله انك انتبهت انو بالطرقة ده ممكن ننقسم لجيلين متباريين .. وده ما مننا .. من التهم الكتيرة البقت ملاحقانا .. استاذ يس ..
لما فنان يغني .. ليه بقولو سمح الغني في خشم سيدو
لما لاعب يبدع .. ليه بقولو حليل زمن الكورة
يعني خلاص الدنيا حتقي على ناس زمان .. وألا لازم التراث ده يتوارث .. من جيل لآخر ..
لما يقال عن انسان فاشل أو خلينا نغير شوية .. انسان غير مرغوب به .. وعدم ايجاد اي مبررات ده بسموهو شنو ..
مش لينا حق نقيف عند الكلام ده شوية .. وألا عشان هم جيل أكبر مننا .. ما من حقنا نحاسبهم ... مش مافي كمال والكمال لله .. وألا شنو [/font]
لو سالنا سؤال
من هو الذي صنع هذ الجيل الفاشل
الجواب حيكون انو الناس الاكبر مننا هم الذين صنعو هذا الجيل
و ما سبب تغير هذا الجيل عن سابقه
وده ليهو عدة اجوبة اولها تغير البيئة و المحيط الخارجي
تغير المفاهيم العامة و التفتح على الغرب واخذ بعض المفاهيم او ممكن نقول الكتير من المفاهيم
زمان كانت التربية تربية امك وابوك حسي التلفزيون بما فيه من افلام وبرامج قد تكون تحمل افكار هدامة
و النت ايضا
ولكل جيل ايجابيات وسلبيات
لكن المشكلة انو نحن ما عشنا ايام زمان عشان نقدر نهاجم و ما بيدنا الاندافع بس
يعني ممكن نقول كده انو نحن جيل ضحية
ضحية تتطور العالم من حولنا
الذي لا يتفهمه الجيل السابق
احمد يس كتب:
الحقيقة لقد اندهشت الى درجة الذهول من تعبيرات معينة فى ردود الزملاء واكثرها حدة كان بأن الجيل الجديد يعرف جيدا الحلال والحرام وكأن الاجيال السابقة هى اجيال منحلة وليس ادل من ذلك عبارة وردت بأن سيدات الجيل السابق ليس على وعى بأمور دينهم ...
ود الزوحي كتب:
للأخوة المتداخلون ...
بالجد أنا ماعايز واحد يجيني ويتكلم في حتة الأمور الدينية لأنو أنا مقتنع اقتناع تام انو الدين ده جوه القلب وكل زول ربنا هو الوحيد الممكن يقدر حجم اسلامه وإلتزامه أو لا ..
اما نحن فرجاء خاص الناس تتكلم من حيث المبدا والمبررات الرئيسية تجاه الموضوع وتسمية هذا الجيل بالجيل الغير المبالي أو كما هو متداول جيل فاشل
[glow=ffff66]
السيد احمد ياسين اسمح لي ان اوضح لك نقطة ذكرها المداخلون اعلاه وقمت بالتعليق عليها مذهولا ومع احترامي الشديد لطلب الاخ ود الزوحي بابقاء النقاش ضمن المبدأ وعدم اتخاذ المنحى الديني ولكن اردت التوضيح فقط لنقطة ذكرتها الاخت ولم تستطع ربما ان توصل ماقصدتة بالظبط
عندما قالت بان بنات هذا الجيل اكثر علما بالحلا ل والحرام لم تقصد بالتحديد ان عدم معرفة نساء الجيل السابق بالحلال والحرام
جعلت منهم نساء منحلات اخلاقيا ولكن قصدت بعض امور الفقة والهدي النبوي التي لايعرفونها جهلاً وليس تجاهلاً فمثلاً لكي تستطيع
ان تفهم وجهة النظر ان كثير من نساء الاجيال السابقة لاتعلمن بأن النمص والتوصيل والوشم محرمات وتحريم مقرون باللعن والعياذ بالله .............
وبالتاكيد امهاتنا وحبوباتنا الكريمات عندما علمن بهاذا منا قلن بانهن كن جاهلات بالحكم يعني ممكن تقول كفكرة عامة ان الجيل الحالي متعلم اكتر
بدون تحديد نوع وكيفية التعليم سواء كان ديني او فكري او ثقافي
طيب يا ملاك انا معاكي انو الحاجات دي في زمنهم كانت مافي وانو جات للأجيال البعدهم
ما بتفتكري انو التكنولوجيا او العولمة اُستخدمت بطريقة سئية جدا من قبل الجيل الحالي
ايوه في استعمال سيئ للتكنلوجيا بوازي الاستعمال الجيد اعتقد نفس النسبه
شوفي الميديا بتخدم المجتمع قدر شنو هسي , وسعت معارف و مدارك الشاب بسبب بحثه عن الفائده و افادته اما لو ضرته فبسببه هو كمان
صاح زمان ما كانو مدركين لكتير من الحاجات الدينية وصحيح كانت عندهم اخطاء
ليه لانو كتير منهم ما متعلم بالذات المرة كان عيب انو تقرتء تو تطلع لي قراية
خارج منطقتها او القرية الساكنة فيها الا ما ندر جدا . وبعدين بي عدم وعيهم للدين ده
ما كان بيخطئو زي الجيل الهسي العارف ومتعلم ومتثقف وعارف الحلال من الحرام
ويمكن انت تكوني شفتي نمازج كتيرة في النقطة دي 0
اكيد شفت للأسف بس بكونوا عارفين انه ده صح و دا غلط يعني بفوتوا مرحلة بداية الشباب و ببقوا عاقلين جدا و بقدروا يمسكوا اسره
احمد يس كتب:
الحقيقة لقد اندهشت الى درجة الذهول من تعبيرات معينة فى ردود الزملاء واكثرها حدة كان بأن الجيل الجديد يعرف جيدا الحلال والحرام وكأن الاجيال السابقة هى اجيال منحلة وليس ادل من ذلك عبارة وردت بأن سيدات الجيل السابق ليس على وعى بأمور دينهم ...
اخيرا ارى ان كلمة الفشل هى موجودة فى كل الازمنه والاجيال وهى لا تنعت الشخص بالخطيئة والذنب وانما هى عدم النجاح والتوفيق فى شىء ما................ وارى اننا جميعا سوف نكون فاشلون اذا لم نتفق على طريقة الحوار......
لى مداخلة اخرى انشالله بوجهة نظرى فى لب الموضوع ................................ تحياتى
بشكل عام , لانك لم تحدد مشاركه معينه
استاذ هل يلزم ان يكون الشرح بالتفصيل الممل لكي تصل الفكره و الرأي و يكونا واضحين
ربما كان الكلام موجز بطريقه ما
بصراحه كان تفسيرك للكلام مختلف نهائيا عن المقصود
الاخت جاسمينا وضحت الفكره جيدا
هذا الجيل ( الذي انتمي اليه عشان ما تقولو منحاز ) هو الاكثر فشلا والافضل حظا
وهما عنصرين متلازمين ...افضل حظا لتوفر العديد والعديد من وسائل النجاح
والتفوق على الاجيال السابقة ...والاكثر فشلا نظرا لسوء استخدامه لهذه الوسائل..
من يتباهي بالتكنلوجيا الحديثة واستخدامه لها عليه ان يتوقف قليلا فهذه التقنية من
انتاج جيل سابق ...كذلك يشاركه الجيل السابق في استخدامها بل والتفوق عليه احيانا
طبعا نحن نتكلم عن منطقتنا اما الغرب فهم يتبادلون النجاح جيلا بعد جيل وفي كل
المجالات والدليل انو ناس قوقل ديل من ابناء هذا الجيل , ايضا بيل قيتس بتاع ما يكروسفت
لا يكمن وصفه انه من جيل السبعينات..
اذا نعود الى منطقتنا الان هذا الجيل وهو في سن صغيره لديه كل شئ لينجح ، وسوف
اتنتاول هنا الانترنت كنموذج : كيف استخدم هذا الجيل هذا العملاق وما هي اكثر المواقع
زيارة وما هي اكثر الكلمات بحثا ( من عندي كتبت نانسي طلعت لي 114 مليون بحث اما
اما لو كتبت هيفا كان عمك قوقل كورك كواريك شديده )
اما من موقع اخباري فاخذت هذه الكلمات عن استخدام العالم العربي للانتربت :
( فمثلاً موقع موسوعي شهير بمختلف لغات العالم ( ويكيبديا) منها العربية بلغ المرتبة الثامنة في
الترتيب العالمي، ونراه متقدماً في الكثير من الدول عن هذا الترتيب، منها ألمانيا
وأستراليا 6 ، وجنوب أفريقيا 7، وكذلك اليابان وكندا والولايات المتحدة وأسبانيا
ما بين 8 و 10 . وفي مقابل ذلك لا توجد دولة عربية واحدة في قائمة الدول الـ 15
الأكثر تعاملاً مع الموسوعة الشهيرة التي بلغ ترتيبها في المواقع المفضلة لدى
المستخدمين من السعودية 28 ومن مصر 40.)
اما اكثر الكلمات المستخدمة فهي المتعلقة بالمواقع الاباحية وهذ ايضا نقلا عن الموقع :
الان هناك عدد مهول من قنوات الفيديو كليب والافلام ( من الذي يرسل الرسائل
النصية لهذه القنوات التافهة ويمولها بالمال هل هم جيل السبعينات)
من الذي نجح برنامج استار اكاديمي واشباهه من البرامج المشبوهه ( هل هم جيل
السبعينات ) ..
الحديث عن هذ الموضوع يطول ويطول وربما اعود ....
خلاصة القول هذا الجيل في ازمة كبيره ...والذي يليه مشكلته اكبر ..وحل المشكلة
الاعتراف به اولا .....ثم البحث عن حلول..
حقيقة عجبني تحليلك اخ عمر ...
برضو بحاول أني ما اطلع من سياق الموضوع لكن بلقى انو نحن بنطلع منه لا شعوريا ..
أعتقد انك انتهجت طريق بعيد شوية .. كونك شملت الشعب السوداني في البحث والتحليل ..
المواقع الانت اتكلمت عنها ده أو الرسائل النصية أو برنامج استار اكاديمي ليس له ذلك الشيء الوفير من اهتمام الشعب السوداني ..
وأنا لمن فتحت النقاش اختصيت به الشعب السوداني فقط لا غير .. لأنو أنا ماعارف ما هو رأي الدول والبلدان الأخرى في أجيالهم ..
الفيديو كليبات الفاضحة .. والقنوات التي لا فائدة منها .. كلها من صنع أولئك الذين تحدثت عنهم .. وده ما شي جديد بالنسبة ليهم .. لأنو من زمنهم داك .. ده طريقتهم وده عقيدتهم في الحياة .. يعني ممكن عادي جدا يكونو مبسوطين بالشي الوصل ليه أبناء جيلهم الحالي ..
عشان كده اعتقد انك ظلمت أبناء جيل وطنك واقحامهم ضمن هذه التحليلات ..
عندما نتكلم عن اختلاف الاجيال والفرق بين الجيل الحالي والسابق
نجد مبرارات كثيره جدا تدع الجيل السابق يطلق علي الجيل الحالي كلمة جيل( فاشل)
مثلا
اكيد كل واحد فينا بسمع الكلمة دي او النقد من اقرب شخص ليهو ممكن يكون والدك عمك جدك
مابكون القصد التقليل من شخصك لكن تقال للتنبيه والحرص علي المسئوليه
الجيل السابق وخصوصا عندنا في السودان ممكن نسميهو جيل بدون تقنية
وماكان في توفر المعلومه بالشكل الموجود حاليا في ظل تواجد العولمة
والانفتاح علي العالم وتداخل الثقافات
زمان او الجيل السابق كانو محصورين وان صح التعبير في دائرة محدوده جدا
يعني اغلبية الناس مابكونو عارفين ثقافة الدوله المجاوره ليهم
اليوم وانا في اخر حدود السودان بكون عارف وعبر النت ثقافة كل العالم
الجيل السابق جيل تربي علي الهمة والتكافل والترابط بين افراد القبيلة
ويمتد جسر التواصل ليعم الجيران والوطن بشكل عام
وهذا الشي لايوجد الان ابدا ...
اذا سألت اليوم شباب من مواليد التسعينات عن تاريخ السودان بشكل عام
تجدهم لايعرفو اي شي عن السودان ....
بماانه شخص متعلم ويحسب من الخريجين .....اذا سألتو عن وضع الاقليم العايش هو فيهو
ماذا يحتاج المواطن وماهي متطلبات الحياه هنا ....تجده مسطح لابعد الحدود
سيجيبك وبكل ثقة اذا سألتو عن الفنان الفلاني او متي نزل اخر اصدار
اليوم تعال اسأل اي شخص من الجيل السابق عن نفس الاسئلة اللي سئلتها لشباب الجيل الحالي
ستجده شخص مدرك تمام للواقع العايش هو فيهو
بماانه ينقصه الكثير لمواكبة الحياة
اخيرا اختلاط الثقافات وتداخل الناس وانفتاح العالم مع بعض وعولمة الفكر
جعلت الجيل الحالي يختلف عن الجيل السابق
وسيأتي زمان ويكون الجيل الحالي افضل من جيل المستقبل
فهكذا سنة الحياة منذو ان خلقنا كل قرن يختلف عن سابقه
في كل شي
ود الزوحي
تحياتي
أكيد يالضراع .. انه ظهور العولمة والانترنت ليهم اثر كبير في تغيير ثقافة جيل بأكمله .. بس ياريت انو الناس ده تعرف أنو لكل زمن جيله .. ونحن ما ارتكبنا الجرم الكبير البخلينا نقع تحت قوقعة الفكر الحاصلة لجيل العصر الحالي ..
ود الزوحي كتب:
يعني انت بتختي اللوم على الأسر أو بالمعنى الأصح على الجيل السابق .. في ظل وجود ما يسمى بالعولمة وعدم الانتباه لما قد ينتج عن انفتاحية مثل هذه الأشياء على عادات وتقاليد جيل أو شعب كامل ..
اخى ود الزوحى ......نعم اللوم على الاسر وطرق التربيه الحديثه ....
واللوم ايضا على الجيل نفسه وهو يعى تماما طريق الخطأ وطريق الصواب .....
وبالرغم من ذلك الاسر ....( محلك سر )
والجيل انقمس وراء ملذات الحياه بشتى طرقها دون النظر الى المستقبل ...وطبعا واكيد
ما كل الجيل وما كل الاسر ولكن الغالبيه العظمه
انا بتفق مع الاخ ود الزوحي انومافي حاجة اسمها جيل فاشل ولكن المسمى تربية فاشلة
الجيل هو حصاد ناتج من زرع الاهل........ واذا كان حكم الاجيال السابقة مبني على اساس
انهم غير مسؤولين ومامؤهلين لتحمل المسؤولية فيسمحوا لي اقول ليهم انو ده غلطكم انتو
ده ناتج من تربيتكم ...... اما اذا كان الحكم على اساس نوع الهتمامات البيهتمو بيها الشباب
فالكلام فيهو نوع من الصحة مش من ناحية انهم فاشلين بس نقول اهتمامات فاضية وفارغة مافيها
اي نوع من الفائدة زي ماذكرهم اخ omer babikir في الاحصائات الذكرها وهي للاسف تبين نوع الاهتمامات
البيهتم بيها فئة كبيرة من شبابنا وبعض البرامج الظهرت ولاقت رواج كبيير جدا في اوساط الشباب
في حين انها لاتعود عليهم باي نوع من الثقافة بس اعتقد دة نوع من الفضاوة بس ولما الفئات دي تبقى في يوم من
الايام امام مسؤوليات تختها ليهم الدنيا قدامهم غصبا عنهم حتختلف تماما اهتماماتهم مثلا انا بعرف ناس من جيل
بابا وعمو كان عندهم اهتمامات كتيرة زي جمع الطوابع والديسكو الكان على ايامهم ديك والخنفس و و و
بس حاليا لما يتذكروا بيضحكو على نفسهم وبيقولو ايام الشباب وانا اعتقد انو برضو حيجي يوم يبقلى الجيل
الحالي جيل قديم شوية وحيتذكر الايام دي ويضحك على نفسو
[/glow]
الحمد لله .. حسيت أنو نحن قربنا نصل لراي مشترك .. وهو انه دور الجيل السايق أو الأسرة هو السبب الرئيسي وراء تلك المسميات .. من فشل أو غيره .. وألا شنو ..
لو سالنا سؤال
من هو الذي صنع هذ الجيل الفاشل
الجواب حيكون انو الناس الاكبر مننا هم الذين صنعو هذا الجيل
و ما سبب تغير هذا الجيل عن سابقه
وده ليهو عدة اجوبة اولها تغير البيئة و المحيط الخارجي
تغير المفاهيم العامة و التفتح على الغرب واخذ بعض المفاهيم او ممكن نقول الكتير من المفاهيم
زمان كانت التربية تربية امك وابوك حسي التلفزيون بما فيه من افلام وبرامج قد تكون تحمل افكار هدامة
و النت ايضا
ولكل جيل ايجابيات وسلبيات
لكن المشكلة انو نحن ما عشنا ايام زمان عشان نقدر نهاجم و ما بيدنا الاندافع بس
يعني ممكن نقول كده انو نحن جيل ضحية
ضحية تتطور العالم من حولنا
الذي لا يتفهمه الجيل السابق
جميل جدا .. يعني لو الوالد أو الوالدة كان على اطلاع بما يحوم من فكر وأراء من أبناءهم تجاه ما يرونه من تجدد عصري وانتقاءهم ما هو مناسب لهم من سن مبكرة ما كان وصلنا للمرحلة ده ..
جيل فاشل .. والبمثل بقول (ذاك الشبل من ذاك الأسد) ..
ود الزوحي كتب:ده برضو داخل في أطار دور الأسرة والتعليم ..
يعني لو في تشدد في قوانين واجراءت المدرسة برضو كان حيكون في خوف على مستقبل الابن من الفصل أو العقوبة المترتبة على ذلك من قبل الأسرة .. وألا شنو
اخى ود الزوحى ......لو كان فى تشدد وقوانين واجراءات صارمه من ادارة المدارس ده ما كان حصل اصلا ..علما بأن اداره المدرسه لايمكن ان تفصل تلميذ الا للضرورة القصوى...
واذا كان سلوك التلمبذ غير سوى اكيد فى تقويم بحصل لان التربيه قبل التعليم ....
انا حديثى ... بأن ولى الامر هو من يرفض ان تقوم المدرسه بتقويم سلوك التلميذ ...وهذا فى السابق وحسب علمى لا يحدث
وانا بفتكر اتجاة اولياء الامور للمدارس الخاصه والتى اصلا اغلبيتها تجاريه لاتهتم كثيرا بسلوك التلميذ مادام ولى الامر يرفض ذلك عكس المدارس الحكوميه
مها كتب:اخى ود الزوحى ......نعم اللوم على الاسر وطرق التربيه الحديثه ....
واللوم ايضا على الجيل نفسه وهو يعى تماما طريق الخطأ وطريق الصواب .....
وبالرغم من ذلك الاسر ....( محلك سر )
والجيل انقمس وراء ملذات الحياه بشتى طرقها دون النظر الى المستقبل ...وطبعا واكيد
ما كل الجيل وما كل الاسر ولكن الغالبيه العظمه
طبعا أكيد يا مها .. بس مين يقدر الكلام ده .. ويفكونا شوية من حكاية انتو الجيل الفاشل ناسين أنو ليهم ضلع في هذا الفشل ..
