خواطر زول مهترش !!

[ود الزوحي]

ياخي ردتك ..
ومن زمان أنا عيني فيك
ماختيتو دربك من بديت أنا أعشقك ..
والله ردتك !!
ريدة كده للنخاع ..
يعني ماختيتي بالك يوم علي ؟
أنا كل يوم شغال بلمح ليك ..
بتخفف ليك .. بطريقة ظاهرة كانت ..
أو ماااااااااااظاهرة !!
وبرضو زي كأنو ولاااااااا هنا
حيرتي فكري ودنيتي ..
والغريب إحساسي ليك مابوصلك
رغم اعتراضي على الزمن
الرماك انت في طريقي
ورماني برضك في طريقك ..
أنا رغم حتى القلتو كلو ..
لسه بعشق نفرتك ..
وصدك !!
هو البزيد حاسة الوله العلي ..

[ود الزوحي]

لمن أشوفك إنت طالعة ..
في الصباح ..
وراجعة في نص النهار ..
زي بكون في عز انتشائتي ..
لمن ألقاك بتعايني لي !!
لكن دقيقة !!
معقولة نظراتك في لحظة ما أبدت إليك ..
عن أي شي ..
عن شوق .. عن حاجات كده !!
بس ماغير إنو واحد منتظر ..
متشوقك ..
متلهفك ..
متمني يوم تتجردي
من توب طناشك ..
وتسألي !!
ده منو الهناك ..
الكلو يوم بقى منتظر !!
شان تعرفي ..
لكن طلعت ولاااااااااهنا
ماخاتة بالك تعرفي ..
لكن مصيرك تعرفي ..
عن زول مشاعرو اتبهدلت
شان يلقى جنبك بس دقيقة يكلمك !!

فترت خلاص .. حكمل بعدين !!

[شمعة حب]

كلمات جميلة
تقبل رشة مروري

[ود الزوحي]

كلمات جميلة
تقبل رشة مروري

شكرا شمعة للرشة الحلوة .. تحياتي الخالصة !!

[ود الزوحي]

يعني الزول المااااااااا بيعرف
يعبر عن مدى الشوق ..
المطلع كيان روحو ..
تجاه الزول البيهواهو ..
في رايك يسكت ساااااااي كده
وألا يحاول بأقل الطرق
الممكن تعبر عن ولهو على الزول
اللهو إختارو ..
أنا أصلي دابي في الغرام بادي
وإنت تاريك عارفة الهوى الفيني
قلبي .. وعقلي .. وروحي
الجماعة ديل بحبوك
ياخي ماااااااا تحسي ..
أصلو الزول السمح
بكون الحس هو تاج راسو
وألا ماااااااا كده
أنا مشكلتي زول بسيط
بعبر عن مدى الريد المكبلني
بقول بسييييييط !!
لافيهو كوم بتاع كلمات
تخدع تغشك تقولي إني زول شاعر
أو مفعم رومانسية
لكن ..
بعبر عن مدى العشق البيملا الدواخل جوه

والله جد !!

[ود الزوحي]

عارفة ..
زي حبي ده ما حتلقي ..
لأنو طالع من قلب ريفي !!
طبعه الخضرة والاشراق ..
وزادو النيل بينبع من شراينو ..
تخيلي انت براك في المنظر ..
خضرة قدامك ..
ونيل كده بيجري من وراك ..
يا سلاااااااااام !!
حاجة فظيعة خلاص ..
ولو حبيت كمان أزيدك صورة للتجميل ..
حضيف في نفس شاطيء النيل ..
مركب صغير !!
جنبو اتنين .. يعني ولد بت ..
أو شاب وشابة !!
بيحكو حكاوي ..
داك بقوليها بحبك .. بحبك !!
وهي بتردد ..
وأنا بحبك أكتر من بحور الكون !!
تخيلي انت للروعة !!
سماء .. و نيل .. وخضرة ..
وحاجات تهبهب في حضور حسك ..
ياخي مااااااااا ممكن ..
أنا ما بقيت شاعر عديل بسبب حبك !!
معقولة حتمشي تسيبي قلبي يبقى تعيس

مااااااااااااظنيت ..

[السنبلاية]

رهيبة شــــــــــديد ..

تحيااااتى ....

[الياسمينة]

والله حننتني عديييييييييييل كدا
ياخي ماتلقي نظرة علي ود الزوحي دا ياهناية حرام عليك

[نهـاد]

هترشة جميلة













زقاق من زقاقاتك
قول لي هي منو وانا ادخل ليك واسطة


تحياتي

[ود الزوحي]

رهيبة شــــــــــديد ..
Thumbup.gif thumbup.gif
تحيااااتى ....

شديد مرورك يا ستي .. وسعيد برسم البسمة على خشم قلمك ..

خليك قريبة .. تلقي الشديد عندنا دايما !!

[ود الزوحي]

والله حننتني عديييييييييييل كدا
ياخي ماتلقي نظرة علي ود الزوحي دا ياهناية حرام عليك

أها ان شا الله حنتك شالت !!

هناية لو بتحس كان خلتني كده .. خليك معانا دعما للمواقف المعنوية !!


تحياااااااااااتي

[ود الزوحي]

هترشة جميلة













زقاق من زقاقاتك
قول لي هي منو وانا ادخل ليك واسطة


تحياتي

نهاد برمجة !!

أختي الدرب .. عوير أنا أدخلك واسطة .. ماناقص لخبطة كيمان .. بهترش ليها هنا للصباح !!


مصيرها تعرف بالفي الضمير .. شاكرين حسن تعاونكم مقدما


تحيااااااااااتي

[ود الزوحي]

هترشة من أول السطر ..

فرضا .. غلبني عديل أعبر !!
عن مدى الشوق المعشعش جوه في الأعماق ..
وضعي معاك كيف حيكون ..
أنتظار مثلا ..
أنا بقيت تايه ما بين مساحات الحشى المحروق
قصاد حبك ..
وما بين دهاليز الهوى الجابك لي من دربك
تقولي خلاااااااااص محال أتلمى في الزيك ..
أو فلنقول عندو نضارة زي خدك ..
أو في حاجة بتشبه الحتة العاجباني في جواك..
قلبك ..
وشك ..
رسمك ..
أي شي !! ماكلو أصلا فيك بس إنت
وألا شنو يااااااااا حلوة ..
ححاول ..
أبدا .. وأخسر ..
أبدا وأخسر .. وأعيد الكرة كم مرة !!
يمكن إنت في جواك ..
تحسي .. وتحني !!
تقولي ياااااااا الله
مبالغة ياخ ..
كلو الريد ده فيك إنت
وكل الحب ده كان طبعك ..
ويكون قصدك أنا يعني .. ماااااااااااا زول تاني !!
طبعا حطير من الفرحة
وأرسم ليك كم وردة ..
وجنبها كدااااااااااا ..
حديقة ..
ملاااااااااانة فل وعبير ..
وعصافير تغرد ..
ديك الحلوة حايمة هناك ..
وأجيك طاير محلق زي حكاية الطير ..
الكان قبيل وصفتها ليك ..
تخيلي كيف حكون بالله ..
زول بتحبيهو وقت تشتاقلو بس عينيك ..
يجيك طاير محل ما إنت منتظرة ..
يغرد ليك .. زي حكاية الطير القبيل كانت ..
وصفتها ليك في المنظر ..
وأجيك بهناك شايل وردة ..
ما أصلا نحن بين جنة ..
طيور وعصافير .. ووردود ..
وحاجات كده .. ملونة زي خدودك إنت
ياااااااااا سمحة
صفرا .. وحمرا .. وخضرا ..
زي ألوان ربيع دنياك ..
أصلك إنت فصل الصيف ..
وفصل الحب .. وقت يبدا !!
وكل فصول الدنيا بس عينيك ..
يعني بصراحة كده
إنت الدنيا ضحكت بيك ..
ولو فارقت تبكي عليك ..
يعني عذاب والله قسمو علينا ..
والله إنت غريبة خلاص
بحبك ياخي ليل ونهار!!


بحبك يا خي يااااااااا إنت

[ود الزوحي]

قالو القريب أولى
وأنا ود الحلة يعني ..
مااااااااا غريب ..
كده خلينا نرجع تاني للحتة القبيل
ونفترض !!
ما أصلو كلك إفتراض
وأنا حبي ليك صادق أكيد
طيب !!
لو فرضنا مثلا ..
إنك بديتي تحسي بالشي المبهدل كيان قلبي من جوه
طبعا حكون مطيع جدا ..
تقولي لي ما تعمل كده ..
حسكت وحقول سمعا وطاعة ..
فلانة الكنت إنت بتعرفها ..
حسيبها .. أصلك براك ست الهيام
والحب والحاجات البدت تبدد
شعاع إحساسي من جوه
عشان يلقاك في السكة ..
يضمك ليهو بترحاب .. ويفرح بيك
ويرجع تاني من أول ..
يضوي حياتي بحسك !!

عليك الله ما حرام تسيبي قليبي يبقي بلاك ..

[ود الزوحي]

أمبارح !!
كنت حلمان بيك ..
أتخيلتك لابسة دااااااااك يالأبيض ..
زفاف يعني .. وأنا كنت بجنبك
ماسك إيدك .. وبيناتنا حاجة زي وردة
بقوليها عليها دي المسكة
وكنت فرحان جنس فرحة ..
وطاير من الأفراح .. الملت شرياني من جوه
لدرجة إني ماعارف
هل البجري في جواي ده كان دمي ..
وألا هواك الكان ملازمني !!
معقولة ياااااااا إنت
حكايتي معاك جد صعبة ..
شوق .. وحنين .. ووله ..
وحاجات صعبة خلاص !!
تحرق جوه في الأعماق ..

[ود الزوحي]

عارفة اتمنيت تكوني الانت عاشقاني
وأعذب فيك بالهجران
تحاولي معاي .. كم مرة
وأعمل فيها ماسامع
ولا عارف البتعملي فيه
أطنش فيك وأنسى رجاك ..
حدي ماخلاااااااااص يحرقك جد
وترجعي تاني تترجي ..
عليك الله .. وعليك الله
سامحنى بس مرة ..
ارجع تاااااااااااني اتغاتت
وأعمل نفسي ماسامعك
تعيدي الكرة كم مرة
وأسيبك تاني تترجي
لغاية إنت ماتبكي ..
ما حسادة والله !!
لكن .. عشان لما العيون تدمع
أقشها ليك بإيدي
تحسي الحن بيملاني
ويلمس فيك إحساسك
يحنن قلبك الجافي
وترجعي للزمان الكان
وقت إحساسي اتشوشو
وإنت ولا بهمك كان
و لا لو حتى كان جنيت

[ود الزوحي]

الليلة صحيت بدري
دربي عديل على الشارع
واقف منتظر سعادتك لما تطلعي
تخيلي إنت منظر زول
ولافكر يقوم لو مرة بدري يفيق
ويمشي عديل على الشارع
بدون ماحتى يصحى عديل
برترت زي حكاية الزول
وقت يشتاق .. يغلبو يمرق التعبير
وقفت براي بعاين ليك ..
أدس دس في نعاس وشي عشان ألقاك ..
وارسم ليك بسمة وفاه
وأقول سبحانو
سبحانو الخلق الزيك
مخير قلبي أرجى جزاك ..

[ود الزوحي]

أثناء ما أنا منتظر مرقتك الصباح
فجأة كده !!
وأنا بغتغت في شرود فكري
لقيتك مارقة للدكان
ونص التوب وقع منك
معلق بين كتافينك
سرقت معاك كم نظرة .. على الفستان
وقت كنت بتعدلي التوب
ما مبالغة والله ..
لكن وقت لفحة نسيم التوب
غشت قلبي ..
سمعتو عديل بناديك
وبقول اسمك
بقول اسمك !!
عرف كيف ده مااااااااااابفرق
هو ما أصلا بقى بحبك !!

جد جد بقى بحبك ..

[Batta]

ود الزوحي؟؟؟؟؟؟؟؟؟؟؟؟؟؟؟؟؟

عايزة اعترف انت من الناس القلائل اللي بفكر مية مرة قبل ادخل البوست حقو,ليه؟

لأني ما بقدر اطلع بسهولة ولأني برجع اقرا الموضوع من اولو مهما كترت صفحاتو,

ولأنو كلامك جد جميل بخاف اخربه بتعبير ما يرقى لمستواه,

ولأني بشوف كلامك زي السهل الممتنع,تشوفو عادي ,تشوفو بسيط:طيب ليه ما بنقدر نقولو؟

ولأنك زول مبدع دايرة اوصي هنايا تزيد في صدودها

ماحسادة لكن دايرنك توصفها وتوصف جدودها

[ود الزوحي]

ود الزوحي؟؟؟؟؟؟؟؟؟؟؟؟؟؟؟؟؟

عايزة اعترف انت من الناس القلائل اللي بفكر مية مرة قبل ادخل البوست حقو,ليه؟

لأني ما بقدر اطلع بسهولة ولأني برجع اقرا الموضوع من اولو مهما كترت صفحاتو,

ولأنو كلامك جد جميل بخاف اخربه بتعبير ما يرقى لمستواه,

ولأني بشوف كلامك زي السهل الممتنع,تشوفو عادي ,تشوفو بسيط:طيب ليه ما بنقدر نقولو؟

ولأنك زول مبدع دايرة اوصي هنايا تزيد في صدودها

ماحسادة لكن دايرنك توصفها وتوصف جدودها

عارفة الواحد بكون سعيد متين جد جد يا بطة !!

لما يلقى نفسو أسعد ناس ولو بفكرة معقولة .. يعني بسيطة .. بدون تكليف .. بدون تكلف .. حاجة كده تدخل قلبنا وتعجب مزاجنا السوداني المابعجبو العجب وألا الصيام في رجب ..

كلامك زاد النشوة للكلمات .. وتأكدي إنو الموضوع ده حيطول لأنو بالجد البت طلعت غتيتة جد جد عاملة ناااااااايمة .. لكن تمشي وين .. حهترش ليها هنا لمن تقول تبت خلاص .. وألا رايك شنو !!

بالجد فرحت بمرورك .. خليك قريبة !!