خواطر زول مهترش !!

[ود الزوحي]

تك تك ..
تك .. بعد مسااااااااافة
تكة تانية ..
بعداك تكتكات شديدة كده ..
طبعا ده صوت قلبي وقت قبلتي ناحيتي !!
عارفة ليه التكتكة ده كلها..
لأنك إنت ماساهلة
حتى لامن تصحي من النوم
عيونك ببقو فترانات ..
خدودك بتكون نايرة لدرجة ..
إني بتوقع إنو الساعة بتكون ماشة على 2 الظهر
ونحن يادووووووب بنقول ..
يارحمن يارحيم !!
يافتاح ياعليم ..
صباح الخير على الزول
المجافي الزول ورايدو شديد ..
وعايش شانو ما شان غيرو
طبعا ده وانت دابك صاحية
سماحة ..
ورزانة ..
وحاجات كده مابقدر أقولها حسي ..
حيبقى الحال ده كيف ..
لو العصرية جات غاشيانا !!
بحسدوك والله ..


بحسدوك جد جد ..

[shosho wbs]

كلمة رائعة في كلماتك بسيطة
غمرتني سعاده وانا اقرا في كلماتك
صح كلام بطوطة كلماتك بسيطة وممكن كل واحد يحكي عن قصتو بيها
بس في نفس الوقت صعب الواحد يكتبا


في انتظار الباقي

لقايت اسي عرفنا انو هنايه دي من بنات الحله وانشاء الله حنعرف الباقي

[Batta]

[size=4/ ياخي ردتك ..
ومن زمان أنا عيني فيك
ماختيتو دربك من بديت أنا أعشقك ..(في حنية شديدة هنا)
والله ردتك !!
ريدة كده للنخاع ..
يعني ماختيتي بالك يوم علي ؟(اوه دا سؤال مفروض يكون كسرها,شوف الإنكسار دا!)
أنا كل يوم شغال بلمح ليك ..
بتخفف ليك .. بطريقة ظاهرة كانت ..
أو ماااااااااااظاهرة !!
وبرضو زي كأنو ولاااااااا هنا
حيرتي فكري ودنيتي ..
والغريب إحساسي ليك مابوصلك(حيرة توجع القلب)
رغم اعتراضي على الزمن
الرماك انت في طريقي
ورماني برضك في طريقك ..
أنا رغم حتى القلتو كلو ..
لسه بعشق نفرتك ..( )
وصدك !!
هو البزيد حاسة الوله العلي ..[/size]

إذا سمحت حاواصل اعلق على سطور جد أذهلتني

[صائغ الحروف]

عارفة ..
زي حبي ده ما حتلقي ..
لأنو طالع من قلب ريفي !!
طبعه الخضرة والاشراق ..
وزادو النيل بينبع من شراينو ..
تخيلي انت براك في المنظر ..
خضرة قدامك ..
ونيل كده بيجري من وراك ..
يا سلاااااااااام !!
حاجة فظيعة خلاص ..
ولو حبيت كمان أزيدك صورة للتجميل ..
حضيف في نفس شاطيء النيل ..
مركب صغير !!
جنبو اتنين .. يعني ولد بت ..
أو شاب وشابة !!
بيحكو حكاوي ..
داك بقوليها بحبك .. بحبك !!
وهي بتردد ..
وأنا بحبك أكتر من بحور الكون !!
تخيلي انت للروعة !!
سماء .. و نيل .. وخضرة ..
وحاجات تهبهب في حضور حسك ..
ياخي مااااااااا ممكن ..
أنا ما بقيت شاعر عديل بسبب حبك !!
معقولة حتمشي تسيبي قلبي يبقى تعيس

مااااااااااااظنيت ..

تسلم ود الزوحى على الاريحيه الجميله والى الامام دائما

[ود الزوحي]

كلمة رائعة في كلماتك بسيطة
غمرتني سعاده وانا اقرا في كلماتك
صح كلام بطوطة كلماتك بسيطة وممكن كل واحد يحكي عن قصتو بيها
بس في نفس الوقت صعب الواحد يكتبا


في انتظار الباقي thumbup.gif

لقايت اسي عرفنا انو هنايه دي من بنات الحله وانشاء الله حنعرف الباقي

مازي سعادتي ياستي ..

بكون فرحان ومتأمل حضور الناس على الصفحة .. يعني أكون بشكل من الأشكال اتوفقت في نقل صورة جميلة سودانية الجوهر بالطابع حقنا ما حق زول تاني ..

وزي مابقولو سودنية تعشق ود بلد سوداني ..

خليك قريبة عشان تعرفي الباقي ..

[ود الزوحي]

إذا سمحت حاواصل اعلق على سطور جد أذهلتني

وأنا حكون في انتظارك ..

[ود الزوحي]

تسلم ود الزوحى على الاريحيه الجميله والى الامام دائما

ملك الحروف كما يحلو لي .. الواحد زهج من حكاية المجاراة فعشان كده حبى يرجع للكلم الجميل والكلمة الأخف والأسرع في الوصول لقلب القاريء السوداني ..


سعيد باطلالتك .. جد جد !!

[waya]

ود الزوحي ,,


حقيقة لا يعلى على كلماتك ,,
هترشه تنقرش في الشرايين ديك الداخله ومارقه زي أم العروس في القليب
وحقيقة تانية ,, ما عارف هناية دي معقوبة من وين في بلدياتنا .. بش شكلها
مأثرة جدا , أكتر من تأثير القنوات الفضائية وجرائدنا المعروفة بنقل الخبر قبل وقوعه بيومين ومرات تلاته .. المهم أنا في هناية دي ذاتو , عايزك تسجلني معجب بالبوست ده , وكمان زول مهترش تاني
وحأبدأ القول من هناية .. برمية كده من أمثال رميات ود اللحو ..

[grade="00008b ff6347 008000 4b0082"]يا هناية ..
يا الفارشه شوقك في عيون الريد ملاية
يا المطرزه فيني اشكال العذاب ,, مخدة مشغووولة بعناية
يا الراقدة فوق قلبي الوثير .. وغطاك بحسن النوايا
يا اللابسه توب كربة وسط ,, ينتح وريدي مع دمايا ..
ويا المعطرة بالكلام ,, يادوب معاك تحلو البداية ..[/grade]

امممممم ..
تصبحون على خير ..

[ود الزوحي]

ود الزوحي ,,


حقيقة لا يعلى على كلماتك ,, thumbup.gif
هترشه تنقرش في الشرايين ديك الداخله ومارقه زي أم العروس في القليب
وحقيقة تانية ,, ما عارف هناية دي معقوبة من وين في بلدياتنا .. بش شكلها
مأثرة جدا , أكتر من تأثير القنوات الفضائية وجرائدنا المعروفة بنقل الخبر قبل وقوعه بيومين ومرات تلاته .. المهم أنا في هناية دي ذاتو , عايزك تسجلني معجب بالبوست ده , وكمان زول مهترش تاني
وحأبدأ القول من هناية .. برمية كده من أمثال رميات ود اللحو .. Happy0005.gif

[grade="00008b ff6347 008000 4b0082"]يا هناية ..
يا الفارشه شوقك في عيون الريد ملاية
يا المطرزه فيني اشكال العذاب ,, مخدة مشغووولة بعناية
يا الراقدة فوق قلبي الوثير .. وغطاك بحسن النوايا
يا اللابسه توب كربة وسط ,, ينتح وريدي مع دمايا ..
ويا المعطرة بالكلام ,, يادوب معاك تحلو البداية ..[/grade]

امممممم ..
تصبحون على خير ..

وايا شخصيا .. والله رجيتك تطرى من بدري ..

البت ما عذبت قلبي وشحتفت روح الكلام ..

وأنا زي بقيت تايه برااااااااااي .. لاعارف ألقى الفي المراد .. لاعارف أرجع من بديت ..

وان من حسي هترشتك عجبتني وخشت في هشاشة قلبي !!


مااااااااااااا تنقطع ..

[رءوف]

حبيبى ودالزوحى الراقى انت عارف القرب منك غنيمة والله
عرفتك وتحدثت معك واحلى حاجة شفت ذاك الوجه الجميل
الذى ابرع الخالق فى خلقه وكمان ادبك
وانت عارف بحبك متين لم الناس تكون قاعدة تتكلم خارم بارم
وانت فجاة تمسك الاكورديون وتعزف تلك الالحان
تسلم ويسلم يراعك وتسلم امك كمان

[ود الزوحي]

هترشة من أول السطر ..

قالو القلوب عند بعضها ..
وأنا قلبي مافارق خطاك ..
من يوم ملامحك فرهدت ..
رسمت فصول حبك ربيع ..
وبقينا في سكة رجى
شوق كده وحاجات
وقلب عديييييييييل غلبو الصبر ..
ياخي في حاجة غريبة في الموضوع !!
بتربط مابين صلابة موقفك
ورهافة الحس المعربد
في حضورك ومرقتك ..
يعني في رابط بين الاتنين ..
عرفتيهو شنو !!
أنا في عذاب حبك صابر زمن ..
يعني حكاية الصحيان البدري ..
والهندمة والحاجات البتعجب بنات حواء
دي حاجات صعب أي زول يعملها
إلا يكون عايز يلفت نظر فلانة من الفلانات
وبرضو حكاية صدك .. والتجافي الفي عينيك
أو مشاعرك لنقول ..
دي بيناتهم رابط واحد .. اسمو الصبر ..
يعني صبري بنافس صبرك
وقلبي بنافس قلبك
قلبك يصد .. وقلبي يحب !!
عينك تجافي .. وعيني تصافي !!
يعني مافي طريقة ..
بنافسك حتى في حظك ..
وأعبر منافيك القبيل
بهدلت كل السكك !!

ياخي ماااااااااا تحني .. وألا شنو يا إنت !!

[ود الزوحي]

حبيبى ودالزوحى الراقى انت عارف القرب منك غنيمة والله
عرفتك وتحدثت معك واحلى حاجة شفت ذاك الوجه الجميل
الذى ابرع الخالق فى خلقه وكمان ادبك
وانت عارف بحبك متين لم الناس تكون قاعدة تتكلم خارم بارم
وانت فجاة تمسك الاكورديون وتعزف تلك الالحان
تسلم ويسلم يراعك وتسلم امك كمان

رؤوف صاحب القلب الولوف ..
عارف لما أشوفك بحس بطيبة الناس الزمان .. لأنو البلد اتملت غتاتة زي غتاتة زولتي المعاي دي ..

بالجد يارؤوف في حضورك .. الدنيا غير ..

[Batta]

[grade="00008b ff6347 008000 4b0082"]يا هناية ..
يا الفارشه شوقك في عيون الريد ملاية
يا المطرزه فيني اشكال العذاب ,, مخدة مشغووولة بعناية
يا الراقدة فوق قلبي الوثير .. وغطاك بحسن النوايا
يا اللابسه توب كربة وسط ,, ينتح وريدي مع دمايا ..
ويا المعطرة بالكلام ,, يادوب معاك تحلو البداية ..[/grade]

دي ما هترشة لالالالالالالا

دا ما شعر لالالالالالالالا

ودا ما كلام!!!!!!!!!دا شنو؟

دي صورة حية:اتخيلت عيونك مليانة شوق(الشوق مفروش ملاية؟دي ملاية عجيبة)

لا وكمان مخدةمطرزة ب تصبح على خير؟ولا أحلام سعيدة؟(لا دي مرسوم فيها عذابك وكمان بعناية!!)

وكمان السرير؟(قلبك؟)وفرشته وثيرة!!!!!عز الله فرشته أوردتك وشرايينك(القاتل دمو مهدور)

ومع لفحة توبها يضج دمك في الوريد؟يجري هادريضخ في الشوق والحنين؟

دا ما كلام,دا اسمو تجسيد للكلام,يعني لو غمضت عينك بتشوفه ودا الحصل لي لما قريت اقول كلامك؟

رااااااااائع وايا

[Batta]

[quote="ود الزوحي"]
لمن أشوفك إنت طالعة ..
في الصباح ..
وراجعة في نص النهار ..
زي بكون في عز انتشائتي ..
لمن ألقاك بتعايني لي !!
لكن دقيقة !!
معقولة نظراتك في لحظة ما أبدت إليك ..(سؤال زول جد متألم)
عن أي شي ..
عن شوق .. عن حاجات كده !!(عن شنو؟عن حب وهيام؟عن غرام وعن وله؟)
بس ماغير إنو واحد منتظر ..
متشوقك ..
متلهفك ..
متمني يوم تتجردي(قصاد كل الحنان دا مناك بس تحس بيك؟)
من توب طناشك ..
وتسألي !!
ده منو الهناك ..
الكلو يوم بقى منتظر !!
شان تعرفي ..
لكن طلعت ولاااااااااهنا
ماخاتة بالك تعرفي ..
لكن مصيرك تعرفي ..
عن زول مشاعرو اتبهدلت
شان يلقى جنبك بس دقيقة يكلمك !!

فترت خلاص .. حكمل بعدين !!(يحق ليك تتعب!دا احنا تعبنا)

[Batta]

يعني الزول المااااااااا بيعرف
يعبر عن مدى الشوق ..
المطلع كيان روحو ..
تجاه الزول البيهواهو ..
في رايك يسكت ساااااااي كده(مكتول هواك انا من زمان)
وألا يحاول بأقل الطرق
الممكن تعبر عن ولهو على الزول
اللهو إختارو ..
أنا أصلي دابي في الغرام بادي(انت مولع يازول وغرقان عديييييييل)
وإنت تاريك عارفة الهوى الفيني
قلبي .. وعقلي .. وروحي
الجماعة ديل بحبوك
ياخي ماااااااا تحسي ..
أصلو الزول السمح
بكون الحس هو تاج راسو (وكمان بتشوف ليها العذر!)
وألا ماااااااا كده
أنا مشكلتي زول بسيط
بعبر عن مدى الريد المكبلني
بقول بسييييييط !!
لافيهو كوم بتاع كلمات
تخدع تغشك تقولي إني زول شاعر
أو مفعم رومانسية
لكن ..
بعبر عن مدى العشق البيملا الدواخل جوه

والله جد !!

كلمات صاااااااااااااادقة لانها من القلب

[Batta]

عارفة ..
زي حبي ده ما حتلقي ..
لأنو طالع من قلب ريفي !!
طبعه الخضرة والاشراق ..
وزادو النيل بينبع من شراينو ..
تخيلي انت براك في المنظر ..
خضرة قدامك ..
ونيل كده بيجري من وراك ..
يا سلاااااااااام !!
حاجة فظيعة خلاص ..
ولو حبيت كمان أزيدك صورة للتجميل ..
حضيف في نفس شاطيء النيل ..
مركب صغير !!
جنبو اتنين .. يعني ولد بت ..
أو شاب وشابة !!
بيحكو حكاوي ..
داك بقوليها بحبك .. بحبك !!
وهي بتردد ..
وأنا بحبك أكتر من بحور الكون !!
تخيلي انت للروعة !!
سماء .. و نيل .. وخضرة ..
وحاجات تهبهب في حضور حسك ..
ياخي مااااااااا ممكن ..
أنا ما بقيت شاعر عديل بسبب حبك !!
معقولة حتمشي تسيبي قلبي يبقى تعيس

مااااااااااااظنيت ..

دا برضو ما شعر!!!!!!!!!!!!!دا احساس مكبوب في حروف

ودا ما كلام!!!!!!!!!!حقيقة وصورة حية

خليتني اشوف قلبك الريفي...........قلبك الصافي

اشوف فيه الريد الخاتي الزيف,واشوف نيلك مع شطئه,واسمع تغريد طيورك

وحتى المركب الزدته انا ركبته

ونزلت ايدي في مياه نيلك!!!!عارف؟حسيته بوشوشني يقول ليا دا زول عاشق دا زول صادق

هذه اكثر هترشاتك مساسا بإحساسي

[Batta]

هترشة من أول السطر ..

فرضا .. غلبني عديل أعبر !!
عن مدى الشوق المعشعش جوه في الأعماق ..
وضعي معاك كيف حيكون ..
أنتظار مثلا ..
أنا بقيت تايه ما بين مساحات الحشى المحروق
قصاد حبك ..
وما بين دهاليز الهوى الجابك لي من دربك
تقولي خلاااااااااص محال أتلمى في الزيك ..
أو فلنقول عندو نضارة زي خدك ..
أو في حاجة بتشبه الحتة العاجباني في جواك..
قلبك ..
وشك ..
رسمك ..
أي شي !! ماكلو أصلا فيك بس إنت
وألا شنو يااااااااا حلوة ..
ححاول ..
أبدا .. وأخسر ..
أبدا وأخسر .. وأعيد الكرة كم مرة !!
يمكن إنت في جواك ..
تحسي .. وتحني !!
تقولي ياااااااا الله
مبالغة ياخ ..
كلو الريد ده فيك إنت
وكل الحب ده كان طبعك ..
ويكون قصدك أنا يعني .. ماااااااااااا زول تاني !!
طبعا حطير من الفرحة
وأرسم ليك كم وردة ..
وجنبها كدااااااااااا ..
حديقة ..
ملاااااااااانة فل وعبير ..
وعصافير تغرد ..
ديك الحلوة حايمة هناك ..
وأجيك طاير محلق زي حكاية الطير ..
الكان قبيل وصفتها ليك ..
تخيلي كيف حكون بالله ..
زول بتحبيهو وقت تشتاقلو بس عينيك ..
يجيك طاير محل ما إنت منتظرة ..
يغرد ليك .. زي حكاية الطير القبيل كانت ..
وصفتها ليك في المنظر ..
وأجيك بهناك شايل وردة ..
ما أصلا نحن بين جنة ..
طيور وعصافير .. ووردود ..
وحاجات كده .. ملونة زي خدودك إنت
ياااااااااا سمحة
صفرا .. وحمرا .. وخضرا ..
زي ألوان ربيع دنياك ..
أصلك إنت فصل الصيف ..
وفصل الحب .. وقت يبدا !!
وكل فصول الدنيا بس عينيك ..
يعني بصراحة كده
إنت الدنيا ضحكت بيك ..
ولو فارقت تبكي عليك ..
يعني عذاب والله قسمو علينا ..
والله إنت غريبة خلاص
بحبك ياخي ليل ونهار!!


بحبك يا خي يااااااااا إنت

انا غلطانة دي احلى

[Batta]

أمبارح !!
كنت حلمان بيك ..
أتخيلتك لابسة دااااااااك يالأبيض ..
زفاف يعني .. وأنا كنت بجنبك
ماسك إيدك .. وبيناتنا حاجة زي وردة
بقوليها عليها دي المسكة
وكنت فرحان جنس فرحة ..
وطاير من الأفراح .. الملت شرياني من جوه
لدرجة إني ماعارف
هل البجري في جواي ده كان دمي ..
وألا هواك الكان ملازمني !!
معقولة ياااااااا إنت
حكايتي معاك جد صعبة ..
شوق .. وحنين .. ووله ..
وحاجات صعبة خلاص !!
تحرق جوه في الأعماق ..

هل البجري في جواي ده كان دمي؟؟؟؟؟؟؟

والا هواك الكان ملازمني؟؟؟؟؟؟؟؟؟

اظنو هواها ولا الخلاك تقدر تقوله شنو؟

عجيييب والله

[Batta]

عارفة اتمنيت تكوني الانت عاشقاني
وأعذب فيك بالهجران
تحاولي معاي .. كم مرة
وأعمل فيها ماسامع
ولا عارف البتعملي فيه
أطنش فيك وأنسى رجاك ..
حدي ماخلاااااااااص يحرقك جد
وترجعي تاني تترجي ..
عليك الله .. وعليك الله
سامحنى بس مرة ..
ارجع تاااااااااااني اتغاتت
وأعمل نفسي ماسامعك
تعيدي الكرة كم مرة
وأسيبك تاني تترجي
لغاية إنت ماتبكي ..
ما حسادة والله !!
لكن .. عشان لما العيون تدمع
أقشها ليك بإيدي
تحسي الحن بيملاني
ويلمس فيك إحساسك
يحنن قلبك الجافي
وترجعي للزمان الكان
وقت إحساسي اتشوشو
وإنت ولا بهمك كان
و لا لو حتى كان جنيت

جد غلبني الكلام والاحسن ما اعلق لكن خلاص دي الاحلى

وما حارجع اعيد قراءة الباقي عشان ما اغير رأي

عرفت ليه ما ساهل علي ادخل بوست ليك؟؟؟؟؟؟؟

[Batta]

هترشة من أول السطر ..

فرضا .. غلبني عديل أعبر !!
عن مدى الشوق المعشعش جوه في الأعماق ..
وضعي معاك كيف حيكون ..
أنتظار مثلا ..
أنا بقيت تايه ما بين مساحات الحشى المحروق
قصاد حبك ..
وما بين دهاليز الهوى الجابك لي من دربك
تقولي خلاااااااااص محال أتلمى في الزيك ..
أو فلنقول عندو نضارة زي خدك ..
أو في حاجة بتشبه الحتة العاجباني في جواك..
قلبك ..
وشك ..
رسمك ..
أي شي !! ماكلو أصلا فيك بس إنت
وألا شنو يااااااااا حلوة ..
ححاول ..
أبدا .. وأخسر ..
أبدا وأخسر .. وأعيد الكرة كم مرة !!
يمكن إنت في جواك ..
تحسي .. وتحني !!
تقولي ياااااااا الله
مبالغة ياخ ..
كلو الريد ده فيك إنت
وكل الحب ده كان طبعك ..
ويكون قصدك أنا يعني .. ماااااااااااا زول تاني !!
طبعا حطير من الفرحة
وأرسم ليك كم وردة ..
وجنبها كدااااااااااا ..
حديقة ..
ملاااااااااانة فل وعبير ..
وعصافير تغرد ..
ديك الحلوة حايمة هناك ..
وأجيك طاير محلق زي حكاية الطير ..
الكان قبيل وصفتها ليك ..
تخيلي كيف حكون بالله ..
زول بتحبيهو وقت تشتاقلو بس عينيك ..
يجيك طاير محل ما إنت منتظرة ..
يغرد ليك .. زي حكاية الطير القبيل كانت ..
وصفتها ليك في المنظر ..
وأجيك بهناك شايل وردة ..
ما أصلا نحن بين جنة ..
طيور وعصافير .. ووردود ..
وحاجات كده .. ملونة زي خدودك إنت
ياااااااااا سمحة
صفرا .. وحمرا .. وخضرا ..
زي ألوان ربيع دنياك ..
أصلك إنت فصل الصيف ..
وفصل الحب .. وقت يبدا !!
وكل فصول الدنيا بس عينيك ..
يعني بصراحة كده
إنت الدنيا ضحكت بيك ..
ولو فارقت تبكي عليك ..
يعني عذاب والله قسمو علينا ..
والله إنت غريبة خلاص
بحبك ياخي ليل ونهار!!


بحبك يا خي يااااااااا إنت

قاعدة لسه!!!!!!!!!!!!!!المخير الله .إن شالله النت يقطع بس