خواطر زول مهترش !!

[ود الزوحي]

طيب ممكن طلب ..
تاني ماتعايني لي !!
وألا أقوليك ..
لو عاينت ليك قبلي حتة تانية
أو غمضي عيونك ..
وألا أقوليك غتي وشك
أي شي ..
بس المهم ما أشوفك ..
ما أصلو شوفتك هي البلا
وسبب الأذى ..
والحاجات ديك كلها !!
عارفه اسمك سااااااااااي كده
لما أسمعو بجيب لي الهوا
يعني الهوى !!
الحب .. والرجفة .. والشعلقة !!
ببقى مشعلق بخطواتك ..
بضحكاتك ..
وصوتك لما يلامس أسماعي
ببقى وحاتك شاعر جدا
مع إني ضعيف في نظمه
لكن بلقاه جا ساااااااااااهل جدا
لما أبدا أقولو واحاول نظمه
أسمعي !!

يا أماني الدنيا هلي
وخلي أيامي التغني
لحبيبة العمر غنية
أروي أعماقها بحناني
شان تحن تطراني تاني
و تنسى هجرانا الأذاني

شفتيه بقى ساهل كيف !!

[ود الزوحي]

يازول استغفر...
منو ده المابعرف يغني

استغفر الله .. أنا !!

[ود الزوحي]

ود الزوحي دا غنا براهو لكن انت خليتنا كلنا نغني ليك!!!!!!!!!!!!!!!!!!!!!!

يابطة ماتشيلي حسي .. ده هترشة ساي وين هي ووين الغنا !!

[ود الزوحي]

** همست له على إستحياء :

** سيدي .. أعترف بأنك فارس وسيم ... جميل المحيى ..أستطيع ان أبحر وأبحر في أعماق نظراتك بدون توقف ...

** أعترف بأنه تجذبني تصرفاتك ... كلماتك ... شخصيتك ... وحتى هترشاتك فى شعرك ....

** أعترف بأنك تأسرني وبأنك ملكت قلبي وجوارحي ... وروضت تمرد مشاعري ....

اعترف باني احبك ... أتدري لماذا ؟

** ليس لأنك تملك شكلاً جميلاً فقط ... بل لأشياء أخرى دعني أبوح بها لك ....

** أحبك لثقافتك سيدي ... لعمق تفكيرك ... لأفاق علمك الواسعة ... لأسلوبك في الكلام ... ولإلمامك بكل الأمور ...

** أحبك لذوقك ولطفك ... ورقتك في التعامل معي ... لنزاهتك ونقاء قلبك ... ولحسن تعاملك مع الاخرين ...

** وأحبك أكثر لصدقك ووضوحك ... وجرأتك وثقتك العالية بنفسك ... احبك لاني ارى في نظراتك كل التقدير ... وفي كلماتك كل الاحترام ...

** أحبك لأنك تعرف كيف تحتويني ... وكيف ترضيني ...

** أحبك لأنك احترمتني ولم تصنفني ... احبك لنبلك ... وشهامتك ... لرجولتك الفذة ... ولأخلاقك العظيمة ...

** لكل ذلك أحبك يا سيدي ... ونور عيني ... وحبيب قلبي ... أحبك .


** تحياتى : ود الزوحى
كلمات قمة فى الروعة .. والإبداع .. أحييك ..

** تقبل هترشاتى ..

عارفة يا الماسة ..

الزول لما يلقى ردة فعل أو نتيجة فعل لشي عمله بكون فرحان سعيد جدا .. يعني مثلا أنا بهترش لي فترة والقصة ياها القصة .. طناش زايد عن اللزوم لدرجة إنو الواحد بقى يكون مشتاق ليهو لما ما يلقاه !!

شفتي زول بشتاق للطناش .. ده أنا طبعا !!


عجبتني هترشتك جد جد .. واصلي وخليك معانا بجاي !!

[ود الزوحي]

بالمناسبة ..
أنا مااااااااااا كعب !!
بس يمكن الحظ الرماني في مدارك هو السبب !!
يعني زول فاهم ومتعلم ..
وحاجات كده ممكن أوريك ليها لما تبقي تحسي بي ..
حظي أني بقيت مكاني
في بلد صعبان ظروفه ..
ناس بتلقى
وناس كتيييييييييير ما لاقية حاجة !!
وأنا بطبعي عزيز مابقول عايز
إلا حبك خلاني تاني ..
يعني زول تاني ..
شحات عديييييييييل في لقيتك
بشحت النظرة الولوفة ..
وبشحت الكلمة البتوحي ..
عن حنانك وعن وئامك ..
يعني بشحت أي شي
حنان ..
وئام ..
هيام ..
نظرة ..
ابتسامة
حاجات زي دي !!

يعني ما حتخليني أسيب الشحتة دى .. وألا شنو !!

[ود الزوحي]

هترشة .. وسطر جديد !!

صحيت بدري الليلة برضو ..
وجاني إحساس مافي محلو ..
حسيت بشي غريب خلاني أغني ..
عارفة غنيت شنو !!
الصباح الباهي لونك .. وضاحة يافجر المشارق !!
وجريت عليك ..
فتحت أبواب الغرف ..
شان انت لمن تطلعي ببراك بخور ..
وأنا قلت يمكن ألقى من ريحك عطور !!
تشرح مشاعري الملهمة وأهديك زهور ..
زهور .. وورود .. ونسم .. وعبير !!
و إحساس يهيج حاستك ..
وتحسي بي !!
عارفة يااااااااااا إنت
نظمت فيني الظروف ..
بقيت عارف أنا ماشي وين ..
وجاي من وين !!
حتى المسا ..
أنا كان زمان مابهمني ..
لكن خلاص ..
بحبك أنت الكون بقى
صفحات أنيقة منمقة !!
صفحة فيها حبك ..
بعداك صفحة فيها حبك إنت ..
بعداك صفحة فيها حبك إنت برضو ..

برضو بعداك صفحة فيها حبك إنت !!

[Batta]

[quote="ود الزوحي"]

طيب ممكن طلب ..
تاني ماتعايني لي !!
وألا أقوليك ..
لو عاينت ليك قبلي حتة تانية
أو غمضي عيونك ..
وألا أقوليك غتي وشك
أي شي ..
بس المهم ما أشوفك ..
ما أصلو شوفتك هي البلا
وسبب الأذى ..
والحاجات ديك كلها !!
عارفه اسمك سااااااااااي كده
لما أسمعو بجيب لي الهوا
يعني الهوى !!
الحب .. والرجفة .. والشعلقة !!
ببقى مشعلق بخطواتك ..
بضحكاتك ..
وصوتك لما يلامس أسماعي
ببقى وحاتك شاعر جدا
مع إني ضعيف في نظمه
لكن بلقاه جا ساااااااااااهل جدا
لما أبدا أقولو واحاول نظمه
أسمعي !!

يا أماني الدنيا هلي
وخلي أيامي التغني
لحبيبة العمر غنية
أروي أعماقها بحناني
شان تحن تطراني تاني
و تنسى هجرانا الأذاني

شفتيه بقى ساهل كيف !!

خليتنا نحب الحب عشان الحب يا ود الزوحي!!!!!!!

ما ممكن كل الحنية دي,,,,,,,,,الله يستر

وقدر ما اقول ما اجي ب جاي الاقي كيبوردي براهو يفتح ويغمض ويجيبني هنا!اها شفتني؟

[الحلم السوداني]

عارفة بقيت اتمنى عدم ظهورك ..
وما أشوفك ..
لايجيني إحساس بالألم
لا يجيني إحساس بأمل ..
وأرجع براي في سكتي ..
شايل معاي ذكراي بيك ..
وأنساك ..
يعني قلت كده !!
ماهو أصعب شي لما تكون محب ..
واحساسك يخنقك ..
لدرجة إنك تكون عايز تبكي !!
وتلقى زولك جاي حداك ..
يقوم يغلبك يلقى دمعك في خدودك ..
تكبت أعراض الأسى
وترجع تقول ..
أهلين ..
برجفة كده ..
وخمول في الصوت !!
يعكس دواخل لهفتك ..
ولوعتك ..
وحرقتك ..
وحاجات كده !!
ممكن تغير نظرتك ..
وتحسي بي ..

يعني باختصار كده تحني لي !!

ماشالله عليك كتابات واحاسيس ولا اروع يا اخوي ود الزوجي
بس هترشات مظبوطة واحاسيسها موزونة لو دي الهترشات اها الماهترشا كيف بالله

[ود الزوحي]

ماشالله عليك كتابات واحاسيس ولا اروع يا اخوي ود الزوجي
بس هترشات مظبوطة واحاسيسها موزونة لو دي الهترشات اها الماهترشا كيف بالله

لما الزول يحس بقلبو قاعد يدق .. وقت يلقى حبيبهو جاي ماشيلو .. بكون حال القليب رعشة ورعاش وقت يلقى الحبيب في طريقو ..

تحياتي .. وسعيد بوجودك هنا ..

[ود الزوحي]

عايز أحسك في المطر ..
قطرة قطرة .. ورزازة رزازة !!
أبلل بيك .. مساماتي ..
واكون زي وردة في جواك !!
أفرهد ساااااااااي برزازاتك ..
وأحسك أنت رواية البي ..
أفرهد تاني بحسك ..
واشيلك فرحة في جواي ..
أبدد بيك ظلماتي البلاك زادت
وصبحت وحشة من دونك ..
أنا نفسي بس أصبح
اشوف اللوعة جد كاسياك
تجيني تفرح ايامي
ونكمل فرحة الأعياد ..

[ود الزوحي]

ادعاءات
ساي بتقولي في جواك
إنو ريدي ليك ماحرك إحساسك دقيقة !!
وعاملة إنو ولابهمك ..
لابكاي .. لاسهري .. ولا هتشرتي دي ..
ما حركت فيك المشاعر
ياخي ماااااااااااااااظنيت !!
أنا لو بقيت عمر الشاعر حتكوني إنت الفي السبب
ولو بقيت عثمان حسين حتكوني إنت الفي السبب ..
ولو بقيت مجنون عيونك ..
برضو ماحفرق !!
عن قيس .. وألا جنكيس ليلى زاتو ..
وحتكوني برضك في السبب
هو كده كده .. أنا قربت غايتو ..
أوصل مناي ..
والقاك معاي ..
في قلبي أشيلك وأحيا بيك .. ونبدد الظلمات سوا ..

أها يااااااااا ستي .. قلت شنو .. قربت وألا عندك راي !!

[ود الزوحي]

عارفة ..

أنا مشكلتي يادوب بديت أعشق وأحب ..
عشان كده ممكن تلقي كلامي ضعيف تجاهك ..
يعني مابعرف بعبر عن شوقي ليك ..
أو حبي ليك .. بكلمات حلوة
تعبر مسامات قليبك ويفهما ..
ويحس ..
يحس بالقلبي حاسو ..
شوق .. ووجع .. وهيام ..
وأي حاجة مؤلمة ..
في حبك إنت الما برد ..
ياخي ده حب شنو ..
وده طبع شنو !!
نفسي تقري الفي فؤادي ..
وتعرفي القلب المعاي
كيف بيك أصبح مزدهر ..
نفسي بس قلبك يطاوعك .. وتعرفي ..

كده حاولي .. يمكن تعرفي وتعشقي !!

[ود الزوحي]

أنا لو مكانك بعشقو ..
يعني بعشق القلب الهواك ..
وبعشق الزول البعشق خطاك ..
وأرتاح من حكاية منو يحبني ..
ومنو مايحبني !!
كده فلنقول كداااااااا
إنو قلبي فتر
من هواك ..
من سواك ..
من جفاك ..
يعني من الحاجات البتخلي الزول
يفوت يختى البريدو هواه ..
تفتكري بتلقي الزي وين ..

وريني بس .. ممكن تلقي وين !!

[ود الزوحي]

الحب !!
يعني الهوى ..
والهوى يعني الغرام
حاجات اتلمت في حاجاتك
قلبك .. حسك .. حرفك !!
يعني الله يكون في عون قلبي القال بحبك ..
كده يا بت خلينا نمرق من حتة المقامات
زول بحبك بحجم الحب الكاسي قليبي ..
وبعشق حتى خطاك المارة بترسم
صورة جميلة في وسط الشارع
وكل الناس الكانو معاك في نفس الشارع
بقو حايرين من حجم الدهشة
زولة كده بتكون ماشة ..
فجأة مكان خطواتها بتمشي
تفتح وردة وجنبها وردة !!
حتى لدرجة أنو الحلة كلها بقت ..
زهور .. وورود .. وحدايق ..
وناس الحلة احتارو زيادة
وأنا وحياتك زدت زيادة
ولسه وحاتك زايد لسه ..

بحبك حب يوماتي بزيد يا حلوة !!

[الحلم السوداني]

وكل الناس الكانو معاك في نفس الشارع
بقو حايرين من حجم الدهشة
زولة كده بتكون ماشة ..
فجأة مكان خطواتها بتمشي
تفتح وردة وجنبها وردة !!
حتى لدرجة أنو الحلة كلها بقت ..
زهور .. وورود .. وحدايق ..
وناس الحلة احتارو زيادة
وأنا وحياتك زدت زيادة
ولسه وحاتك زايد لسه ..

بحبك حب يوماتي بزيد يا حلوة !!

مقطع ولا اروع وتصوير الورود القاعدة تتفتح حقيقي ابداع يا ود الزوجي

[ود الزوحي]

مقطع ولا اروع وتصوير الورود القاعدة تتفتح حقيقي ابداع يا ود الزوجي

الابداع بكون بوجودكم يا الحلم .. اتخيلي الزول يقعد يوصف في زول وعارف انو فاهم قولو .. وبرضو مايشتغل بيهو ..

أها بعد دا يعمل شنو !!

[ابازركو]

ود الزوحي ،،،،،، تحياتي

هربشة قول لي هي وين وانا امشي اقطعوا معاها ناشف واعرس ليك ، رايك شنو ؟

هههههههههههههههه

[رءوف]

رؤوف صاحب القلب الولوف ..
عارف لما أشوفك بحس بطيبة الناس الزمان .. لأنو البلد اتملت غتاتة زي غتاتة زولتي المعاي دي ..

بالجد يارؤوف في حضورك .. الدنيا غير ..

تسلم تصدق داير اجاريك فى كلامك الجميل دة واقول ليك امرح واسرح فى خيالاتك واغرف لينا من شجون دواخلك وخلينا نطير معاك فى فضاءات التلاقى انشاء الله السمحة يوم تطرانا وتبطل طناش ما نحنا خلاص ملينا كتر الانتظار وبنكوس لى زولا سمح نرتاح فى حضوره ونفرح لم تهب لينا نسايم ريدو

ههههه لكن ما بعرف انضم متلك

[الحلم السوداني]

الابداع بكون بوجودكم يا الحلم .. اتخيلي الزول يقعد يوصف في زول وعارف انو فاهم قولو .. وبرضو مايشتغل بيهو ..

أها بعد دا يعمل شنو !!

مدام الزول حاسس الكلام واصله وهو ما شغال بيهو يقطع منه الكلام السمح دا شوية بس ويرجع ويشوف كيف معاو يمكن دا يكسر ليهو روتين المشاعر الواصلاه واللي بتصلو وهو ما بشتغلبيها ويحس شوية ...

بس بالجنبه كذا زي ما بتقول (عوتنا على كلمة جديدة) مدام الطناش بيطلع ابداع كذا ماله طناش ايجابي لكن!!
وتحياتي

[ود الزوحي]

ود الزوحي ،،،،،، تحياتي

هربشة قول لي هي وين وانا امشي اقطعوا معاها ناشف واعرس ليك ، رايك شنو ؟

هههههههههههههههه

تعالي بهناك .. خايف زول يعرفها ويمشي يهترش ليها !!

ويموت .. أو فنلقول حيجن .. أو ... إلخ يازول ممكن تحصل ليه حاجات كتيرة . .

كده خليني أشوف أخرتها شنو !!


خليك قريب يا ملك !!