الحلم السوداني كتب:مدام الزول حاسس الكلام واصله وهو ما شغال بيهو يقطع منه الكلام السمح دا شوية بس ويرجع ويشوف كيف معاو يمكن دا يكسر ليهو روتين المشاعر الواصلاه واللي بتصلو وهو ما بشتغلبيها ويحس شوية ...
بس بالجنبه كذا زي ما بتقول (عوتنا على كلمة جديدة) مدام الطناش بيطلع ابداع كذا ماله طناش ايجابي لكن!!
وتحياتي
يعني قلتي كده ..
المشكلة حاولت وما قدرت .. كل ما أقول أسكت .. ألقى الكلام سبقني براه ..
بقيتي سمحة خلاص ..
ودا الشي المخلي القليب ينبض ..
لما تجي .. ولما مااااااااا تجي ..
لما تعايني لي
وبرضو لما مااااااا تعايني لي
ما لو جيتي ناحيتي ..
بكون بالفرحة داير اجن
ويمكن أطير الظروف ما معروفة ..
أقول ياربي حست بي
خلاص الزولة حست
وأرجع تااااااااااني اتخيل
وأتخيلك جيتي ماده أيديك ..
أزيك يا إنت ..
صراحة صراحة ..
انت أصيل خصلة وطباع ناسا
بعيشو الدنيا بالحلوة
مفرهدة بأغانيها ..
وحكاوي الليل تلم البين
وتفتح للقلوب أبواب ..
وأنا جد جد كده محتارة ..
أجيك أشرح مشاعري إليك
تقوم اللوعة تغلبني
واحضنك بين ضراعي
ألمك بين جوانح الايد
وأشيلك للسنين أفراح ..
تقوم الفرحة تمحى الفيك
وتنسى الكان زمان منك
وقت ما كنت جاري وراي
وترجع تبقى ما إنت
وحبك لي يبقى لي كلام ..
أخير البينا يبقى هيام
وتطرى رضايا في الاحلام
عليك الله حتى في الحلم بتاع ربنا غتيتة برضو .. ليك يوم !!
ود الزوحي كتب:
ياخي ردتك ..
ومن زمان أنا عيني فيك
ماختيتو دربك من بديت أنا أعشقك ..
والله ردتك !!
ريدة كده للنخاع ..
يعني ماختيتي بالك يوم علي ؟
أنا كل يوم شغال بلمح ليك ..
بتخفف ليك .. بطريقة ظاهرة كانت ..
أو ماااااااااااظاهرة !!
وبرضو زي كأنو ولاااااااا هنا
حيرتي فكري ودنيتي ..
والغريب إحساسي ليك مابوصلك
رغم اعتراضي على الزمن
الرماك انت في طريقي
ورماني برضك في طريقك ..
أنا رغم حتى القلتو كلو ..
لسه بعشق نفرتك ..
وصدك !!
هو البزيد حاسة الوله العلي ..
امبارح كنت في حتة صعبة خلااااااااااص
كنت بقارن مابين صورتك ..
وصورة القمرا الكانت فوق ..
وكنت بحاول أقنع في روحي ..
وألقى فروق في الصورة معاك ..
كنت بشوفك زي القمرا ..
ويمكن أحسن !!
وبلقى عيونك وقتين تبرق
زي نجمات الكون في الليل
لما بتلمع ساعة القمرا بتضوي طريقها
أقوم أقش في عيوني .. أقول !!
ياخي دي ما معقولة
أبقى أقارن بين اتنين
أصلا وش الشبه البينهم مافي
انت ضميرك بغلب سيدو
وبملا كيان الكون بالنور
وصوتك حتى وقت ما الناس بتناجو !!
ببقى شعر وألحان تتداول
وتبقى معاهو الناس بتغني
وأرجع تاني أغني كلامك ..
وأرجى رضاك ..
أصلك انت ملكت فؤادي ..
وكل أماني الدنيا لقاك !!
نطلع شوية للحتة حقت الواقع
أصلو الخيال بقى بتعبني ياااااااا إنت
ونفترض إنو أنا وإنت
بقينا في عالم برانا
لافيهو زول
لافيهو زولة !!
وحاجات كدا بتلهم شعور
إنسان جميل مفعم
شعور .. وإحساس .. وهوى .. وغرام
حنكون كيف !!
زي حالتنا دي
أقصد حالتي دي ..
طيب ..
كدي حقو نزيد شوية في الموضوع
ونفترض برضو
إنو كان في بنات في القصة
وأنت وحدة منهم
وأنا براااااااااااي وكل الناس الكانو هناك
البنات يعني
خاتين عينهم علي
أنت حتكوني كيف
مطنشة برضو ..
وألا حتدي قليبك فرصة
يهوى الزول الكان في الواقع كان حابيك
يابت يا سمحة
أنا بهواك والعالم الله
خلي قليبك يعشق وحدو
ويبقى أسير الزول العاشقك
أصلك حتهوي قليبي
كان ما الليلة !!
أكيد يوم بكرة حأبقى هواك
وتبقي وحيدة في قلبي براك !!
الحب يعني شي ماساهل
كونو تحبي ..
أو أنا أحب .. ده معناه إنو لسه قلوبنا بخير !!
وأنا بحبك أو فلنقول ميت فيك
إحساسي بقى بغلب عليه إحساسك
إنت فرحانة بكون فرحان
وإنت زعلانه بكون زعلان
لدرجة إنك لو ماطلعتي من البيت
أنا برضو ماااااااااااابطلع
في حاجة غريبة مش !!
اتعلقت بيك وإنت لسه
زي حكاية الزول العطشان داك
وبغش في روحو إنو القدامو ديك موية
وممكن يحصلا !!
وهي أصلا بتكون سراب
سراب من النوع داك البكون في الخلا
لما الزول يكون عطشان ..
وأنا جد جد عطشت
ومنتظر نبعك يطل يفجر أعين هواه
يبلني ويروي العواطف ويغرقا
وأموت غرق ..
مامهم لو مت يعني
بس يكفيني أغرق في بحورك
والناس كلللللللللها تعرف إنو حبك هو السبب !!
حبي ليك ما بتوصف .. وأنا غلبني بعد كدا
