خواطر زول مهترش !!

[ود الزوحي]

لما الزول يحس بالشوق حرق قلبو
وفي وجدانو اتحكر
بقوم يسرح مع الريح
عشان يوصل محلاتو
اللي هو إنت يعني !!
فتلقى الشوق محلق بيه
يرفرف ساااااااااااااااااااي
عشان يوصل محطاتك
تقومي تقابلي بالجفوة
وقسوة عجيبة تظهر فيك
يقوم يسكت
ويعاين سااااااااااااااي ..
يشوف أشواقو تتشابى
وقلبو هواهو اتكسر
يقوم يرجع حزين تاني
يكلم في جناحينو
عشان ينسو
ويرفرفو سااااااااااااااي
يسبيو بلادك القاسية
ويمشو يسافرو للأحسن
وبعد ما يمشو منك ساي
براهم يقلبو الوجهة
ويرجعو تاني لديارك
يحنسو فيك ..
عليك الله التحني عليه
هو أصلا بحبك موت
ولابقدر يعيش بعدك
هو أصلا بحبك موت
و لابقدر بعيش بعدك ..

شفت كيف الشوق وقت يغلب .. قساوتك زاتا ما بتمحاهو !!

[الأميرالحب]

من هترشات الحروف
بي حنون الحروف
بي شوق الالوف
اتحكر جواي الريد
ولقيتو شوقي الشديد
وحاتك انتي يالغاليه
ريدك في منابع القلب مزروع
بجيك صادي يا فرع الريده المدسوس

[shaheene]

ماااااااااااااااااااااااااااااااااااااااااي كلام استااااااااااااااااذ نايس

[الأميرالحب]

لا القدرة ما رادتنى ليك
مكتوب اسافر وارتحل
مكتوب اعيش راهب هواك
اشواقى ليك تنزل تهل
واسرح معاك فى كل ليل
بين النجوم لو لى تطل
فتشت عنك ما لقيت
نجمك اظنة زمان افل

[ود الزوحي]

[align=right]هترشة وسطر جديد ..

يعني علمتو الحب ..
وعمل فيها زول حبيب
حب يعني بكل بساطة
زول تاني ..
وبقت هي زاتا زولة تانية
بتحب ..
وبتعرف تقيم مدي الشوق
المحكر جوه في الأعماق
وتقيس مقاييسو ..
وتعرف برضو كيف الزول
صادق في حبه من جوه
وألا كذاب ..
أو فلنقول بكذب بلعب ..
بغش .. بخدع .. أي شي !!
يعني باختصار كدااااا
لما اشتد قلبه ما حباني
وحبت زول تاني ..
وعرف الصح من الكذب
وأنا لسه فاضل
في مدرسة الغرام واقف
أدرس سااااااااااااااااااي
كل يوم طالب .. قصدي طالبة
وفي التخريج ..
تقوم البت تحب تاني
زول تاني يعني ..
شفتو كيف ..

يعني الواحد تاني ما يدرس وألا شنو .. !![/align][/size]

[ود الزوحي]

ماااااااااااااااااااااااااااااااااااااااااي كلام استااااااااااااااااذ نايس

منور حبيبنا عدلان .. ونورت المكان

خليك قريب علينا !!

[ود الزوحي]

لا القدرة ما رادتنى ليك
مكتوب اسافر وارتحل
مكتوب اعيش راهب هواك
اشواقى ليك تنزل تهل
واسرح معاك فى كل ليل
بين النجوم لو لى تطل
فتشت عنك ما لقيت
نجمك اظنة زمان افل

الحب الأمير .. لحروفك رونق خاص حين تغدو في الظهور ..

تحية لشخصك الجميل ..

دمت بود ..

[تائب]

اليوم بحثت عن الشمس فأذا بها تغير دورتها
وتركت لظلام الوحده العبث بقلبى الحزين


وسجل عندك مهترش لحد الثماله
وويسعد ها المنتدىى بك ود الزوحى

[ود الزوحي]

خلاص ..

يعني هواك سكن قلبي
كتم نفس الشهيق بدري
قبل ماغيرك يبقى هواه
بقيت بتنفسك إنت
وأشوف الكون ملان إنت
حتى بقيت وقت أصحى
أشوفك إنت برضو طشاش
عشان كنت المنام برضو
وكل أحلامي إنت كمان
عارفة ..
بقيت بهواك ياااااااااا إنت
عدد دقات قلوب الناس
وكل الرايدو تبقي معاي
وقت أصحى ووقت أمسى
ووقت يبقى المنام همي
بس لو يعني تهوي هواي
وتبقى هناية زي ماهناي
تحبي هواي وأهوى هواك
ونحيا اتنين بلا أحزان
نشارك بعضنا اللقيا
ونفرح بالسنين أعوام

بحبك ياخي يااااااااا إنت .. عدد دقات قلوب الناس !!

[الأميرالحب]

كم أنا مشتاق لعينيك


كم أنا مشتاق لعينيك
برغم البعد يا عمري
هل أقول الأيام غربتنا؟
هل أقول حبنا مجرد ذكرى أزرعها في قلبي وفي روحي
نعم أسقيها من دموع عيناي؟
أرجوك يا صغيرتي هل ذكراى تموت
وأنت حبيبتي ...
بعيده أنتي في بلد وانا في بلد الشوق لغيرك ما اتولد ...
نعم في بحر حبك انا شربت كاس من الحب والحنان...
أرفع رأسي إلى السماء وأصرخ وأقول يا صغيرتي لن و لن أنساك...
مشتاق للمساتك أتمنى إن يصل شوقي لك بحنان بلمسة يداك ...
أنت نور حياتي
وبحبك....
أموت وأحيا أنت يا عمري يومي وغدي والماضي والحاضر أنت غذاءا لروحي أنت حياتي
كم أنا مشتاق لعينيك

ود الزوحي سلمت يمناك ع الدرر الراقيه
ميرو

[ود الزوحي]

بعيد الشوق عليك أصبح
وعلى حسك صبح أبعد
بحسك كنت من بدري
وكنت مناياي يا إنت
وحسي بقيتي لي قلبي
ولي وسط وجداني جد أبعد
وجد لحظات بحسك كيف كيف ..
ولا بعرف .. ده هل إنت
ولا زولة عرفتها ساي
بقيت بخشاك ماعارف
ولاقادر أعبر ليك
وأشيل أهاتي وأجري عليك
وأقول ياخي الفراق أهون
بدال ما أقعد أرجاك
وأعاين ليك وانت معاي
معشمة نفسك الريدة
وقايلة البينا كلو خلاص
دبلة .. وخطبة .. وحفلة
وحاجات تانية شاغلة جواك !!
صحي البيناتنا اتقرب
وكل الخوف صبح فرحة
بس وحياتك الغالية
لسه الفيني ما وصلك
و لا حاسيهو يوم بوصل
تخيلي انت .. زول بعشق
بريد زولا وحا بيهو
يقوم يخشاهو ما يمشي
يزيد اللهفة والأشواق
وتبقى الدنيا بوراهو
وقت يلقاك قدامو
تخيلي كيف حيبقى الحال
وإنت ولاااا كأنك في
ولا فكرتي كيف تبقي
حبيبة زول محير فيك
ولاعارف حيعمل كيف
وقت يلقاك قدامو
زولة بلا إحساس تحس بيهو
ولا جواها حس حساس
يحسس قلبك الخالي
وقت قلبي ليك يجفى
ويمشي بعيد وما يسأل
مخيرة انت في حالك
وقت يبقى البعاد أقرب
ويبقى شراعنا دون مرسى !!

[ود الزوحي]

هترشة وسطر جديد !!

في نفس الحتة الفيها لقيتك
جيت ولقيتك برضو الليلة
ونفس الرسمة الكانت فيك
ياها الرسمة المن يوم شفتك
نفس الرسمة وزايدة سماحة
يامعجونة بموية أرضنا
زيدي عيونك شوق لعيونا
وأهدي الوهج المالي قلوبنا
نور من نورك يضوي طريقنا
ونعبر ليك ونبقى جوارك
أصو بعادك ما بسعدنا
واحنا خلاااااااااااااااص قربنا نكورك
من طول بالك .. وشدة جورك
واصلو معاك الحال ما مطمن
ما ياما تعبنا وطفنا مداينك
وقلنا خلاص قربنا لدارك
إلا وحاتك تاني غلطنا
ونفس الحتة الجابت ليك
كانت برضو الحتة الفرقت بينا وبينك
غايتو مخيرة إنت وقلبك
أنا ما بتحمل درب الفرقة
وكل مالمدة تطول بينا
اعرفي انو طريقنا معاك
ما يا تطرينا وتقبلي بينا
يا نطراك .. وتقبلي بينا ..

أها قلتي شنووووووووو !!

[ود الزوحي]

هترشة وصباح جديد ..

تخيلي كيف حيبقى الحال ..


وقت مالزول يحب زولا


ويبقى معاهو دنيا وريد


وتبقى الدنيا مافارقه


وقت عينيهو تمشي بعيد


ولما يحب يحس الشوق


يجيب أشواقو من ذكراهو


عشان الدنيا مابتسوى ..


وقت ماتبقى دون عينيه


تخيلي كيف حيبقى الحال


وقت ما الشوق يكون مصنوع


وكل الفينا ما فينا


وقصة إني بحلم بيك


وحبك جوه في قلبي


تكون وهمة ..


وتكون القصة بس كذبات ..


بحبك ..


بريدك ..


مشتاقة ليك ..


بموت فيك ..


وكل الفينا يا إنت ..


يكون بالجد معاك وهمة ..


تخيلي كيف حيبقى الحال ..


وقت أحلامي تطلع طيف


وترحل ..


وقت لحظة يروح قلبي


ويفوت يعرف ..


هواك الليا ما كان جد !!

ود الزوحي ..

[waya]

أدخل على الرابط ادناه لمتابعة الموضوع الاصلى






خواطر زول مهترش !!


وشكرا