رؤية ملامحك في زول لاقاني

[معتبر]

رؤية ملامحك في زول لاقاني
تمنيتك انتي الفي بالي

باريت خطاك
غلبني الثبات

حركتي السكون
رفعتي الطموحات
فاتت السقوفات

عديت مراحل الارتجاء

[معتبر]

تمسكت بالكائن يكون
مديت يدي للسلام


ابيت افك
وحضنت الكف باهتمام

ارتاحت روحي

وببسمة حياني

[مها]

رؤيه ملامحك
بشوفا فى كل البشر
ما انت اديت الشعور
البيه طوعت الامل
بقى ساكن فينى شوق
يابهجه واحلام لى عمر
انت القبيل كنت الحبيب
وانت السنا وبرقا لهب
يا انت يا كل المنى
رؤية ملامحك فى العصب

[معتبر]

التحايا

انواع
نظرة عين

بسمة

وينك انت مموسقة

سلامات
حبيبنا

[ناجي عثمان عبد الرازق]

كان نفسى قولك من زمان
بالشايلو فى عينى معزة وفى القلب
ريدا يخاف الغربة والشوق والحنين
زاملنى زى خاطر الفرح
وكتين يقاسم الهم عذاب
وقتين مدامعى تكون جزا
وتفتح مباهج الليل ظنون

[معتبر]

مها
قولي لي ملامحك زي الفي بالي
امكن تكوني انتي
ولو ما انتي

اتمني تكوني انت

كامل الاوصاف

تحياتي ومعاها العاطفة النبيلة

[معتبر]

ناجي عثمان
ملامحك اشوفا في القمرة
تفتش عن حنين

ملامحو مرسومة جواك فرح

فخرك عزك
سلامك هي

ومني ليك سلام

[mis.silent]

ايه يا جماعة الكلام الروعة
دا شكلي دخلت وسط عشاق
ولا شنو معليش كملوا واتحفونا

[معتبر]

رؤية ملامحك

بقت لي في روحي
اناغمك
احادثك
اهمس
اقوليك انتي
دخلتي المسام وتوهطتي

اشيلك جواي

عيونك ملامحها فيها شئ بقول


إنتي

[معتبر]

الحزينة
والله اسمك دا اصلو ما لائق عليك

تعالي طوالي
وافردي جناح
وخليك جنب مها نبقي اصحاب

العشق جمال جواني
وجواك جميل

دائما مفرحانا

[mis.silent]

والله يا علي قبل كدا دعيت لي دعوة جميلة
خالص وشكلها كانت ابواب السماء مفتوحة
وفعلا بحاول اغير في الاسم بس ربنا يسهل
انا بعشق بصمت يا ابوسن عشان كدا ما ينفع ادل بينكم
تقبل مروري

[معتبر]

الحزينة
صمتنا واتكلمت عينينا

ولغة العيون احلي كلام

عيوني في عيونك
ملامحك تبقي احلي

[معتبر]

قولي لي
ملامحك كيف
اوصافك
طبعك لو قالوا ليك تختاري ممكن يكون كدا

احساسي بيك
ملامح بهيجة


خيزرانة

[طلال الحكيم]

تعاين لي وأعاين ليك ..
وأقول كلام غير موزون ...
تقول لي كيف ؟
أقول ليك ليه ؟
ما أنت العين وأنت النون ..
خلينا الحروف للناس ...
لغتنا رموش وهمس عيون ..

تحياتي يا أبو سن

[معتبر]

طلال
ع عيون علي كيفك
يسحرنك ويبهرنك ويخلنك تتلفت

ن نورن يجهرك ويبهرجن الحلة
ملامح غزال

طلال
حروفك بهية

[بعد الزمن]

اذا لمحت فى زول حاجة منك
تاكلنى يدي , وتقولي
ده فيه من ريحة
الغاليين , بقوم ليه
جاري زي الزول
الداقه دابي
علشان احضنوا
لأنوا ذنبوا
انوا فيه حاجة منك


شكرا اخي على ابو سن
على الوست الروعة دي[/c

olor]

[معتبر]

بعد الزمن
فيك من ريحة الطيبين نفحة
وفي ملامحك الزينين

يدي لما تاكنلي بدوني قروش

ولما عيني ترفني بشوف ملامحها العاجباني

دخلاتك مريحة

[معتبر]

نفس الملامح والشبه
والوقفة ذاتا وقدلتو

ياربي

[ود الهادى]

أبــــــــو سـِـــن ...
............
إنـــــــــى .....
صنفتها ,,
سحابة .....
فأمطرتْ
فينى
لألـئَ
ملامحها
جهراً ..

[سماح البدرى]

آه اين أنت؟
وماجدوي أن أعرف،
ان كنت سأهرب الي الجهة الأخري
من الكرة الأرضية؟..