بنت الحلة حلاته

[الدهمشي]

[align=center][align=center]بت حلتنا
السمحة بفطرتها
برمه :
علي ابو سن
بنوتات حلتكم
كيفين وشيل البرقية دي
منى ليهم
سلام يا بت الحلة
يابت الناس الطيبين[/align][/align]

امرق ازول ها انت طاشى ولا شنو الراكوبة مو هنا

[بعد الزمن]

امرق ازول ها انت طاشى ولا شنو الراكوبة مو هنا

الله دي حلة على ود ابو سن

برمه :
الدامر عطبرة العتد حجر العسل انت يا الدهمشي
قايلنى من عشوائي بربر ولا نوري ولا ديم الحاج ولا البواقة ههههههه

[معتبر]

[align=center][align=center]بت حلتنا
السمحة بفطرتها
برمه :
علي ابو سن
بنوتات حلتكم
كيفين وشيل البرقية دي
منى ليهم
سلام يا بت الحلة
يابت الناس الطيبين[/align][/align]

بعدو ياحبيب
الحلة تسأل منك
والبنوت بالعزة يقابلنك
البرقية جات
وقالن ليك انت بس تعال
والباقي علي . علي ابوسن

[معتبر]

امرق ازول ها انت طاشى ولا شنو الراكوبة مو هنا

الدهمشي
طلتك وبعد الزمن
بهجة
خليهو قريب مننا
بيهو نستلهم المعاني
ويبقي للتواصل عنوان

مودتي

[معتبر]

بنت الحلة

غبنا زمان

الحنين عوادني
صفاك غمرني

لقيتك اصالة

مليانة طيبة

لانك انسانة

جمال
ريدة
ومحبة


ولقيت الحلة مليانة
ناسا اناقة وقيافة

وغنيت

الناس القيافة قيافة بنحب اللطافة

ناس الحلة كل الحب

[ناجي عثمان عبد الرازق]

على آبو سن ؛
إحساس مبدع حينما يلامس اوتار الواقع بحروف جميلة تخرج بمعزوفه عذبه تترجم واقعنا بكل صدق هكذا ابداعك هنا دوما
لك تحياتي

[معتبر]

ناجي ياصديقي
يازول فنان

بترسم الحروف لوحات
نستريح معاها

ونفصلها علي حالنا ونلبسا
ولما تعجبنا شديد غسيل ما نغسلها


كل الود ياغالي

[m2nooo]

ليس فى استطاعة قلمى أن يصف جمال حرفك
ببضع من الكلمات فهذا الغدير العذب من مشاعرك
واحاسيسك الجميلة فوق الأحتمال

دمتِ بهذه الروعه
ولكِ مودتى

[معتبر]

ليس فى استطاعة قلمى أن يصف جمال حرفك
ببضع من الكلمات فهذا الغدير العذب من مشاعرك
واحاسيسك الجميلة فوق الأحتمال

دمتِ بهذه الروعه
ولكِ مودتى

نولا ياوردة

الحلة نورت
والشوارع ازدحمت
ووقنا طابور

تحية وتقدير

طلتك جميلة

[معتبر]

المساء جميل

والناس رايحة وجاية
وانتي كل الحكاية

وبي صراحة
جات علي بالي

كلمات اغنية
عثمان حسين


شلت اللهفة والاشواق
ضياء وسلام ومنابع نور
مواكب روعة وابداعات
بناها خيال وصاغ شعور
وما بتبدلو الايام ولا في مرة بتغير


شعور جميل جدًا

بنت الحلة ردد معاي الاغنية دي
ممكن يتطابق الشعور

[معتبر]

وبيني وبين الاغاني وقفات

ولو تذكري يابنت الحلة
المواصلات
واصوات المسجلات

والمرسال المشي وماجاء
وانا في سري اقول بعيد ان شاء الله عني
وصورتك جوة عيني

لونك
بوحك
سلامك

ولما تقولي مشتاقين
اتقطر حنية
اهتف بصوت عالي وبحليفتها

والله بالاكتر

[معتبر]

بنت الحلة واللون الاصفر


ويوم ماشة
لاقيتا ضاحكة

لابسة أصفر


قلت
اصفر ليه
قالت عشان أظهر

أنا ضحكت


استغربت
قالت خير
قلت ليها اسمعي وما تسألي

الشمس قبل ما تشرق تنبي بطلوعها
والقمر لما يكتمل يبقي لوحة
والمتعة في النظر
والتسبيح للخالق الفطر

وقلوبنا تهتف
مرحب
وعيونا تبرق شوق

وانتي تبقي امل
واحلام لكل البشر


يابنت الحلة حِني

[معتبر]

في الطريق للمواصلات

بنت الحلة

يسعد مساك

استنشقت عبيرك
رئتاي فتحت وروحي فتقت
لملمت الاريج
والعنبر والعود

اتنفست فرح وسرور

صعدنا


عصرتك فيني
مزجت حنينك بشوقي

فردت ليك جنبي

والكتف لما

مال علي وملت عليهو
وشمالي غارت من يميني

وكرسي النص ضايقني

وان شاء الله الحافلة ماتقيف

[معتبر]

الحافلة وقفت


والكلام ما كمل

اتململت

ودقيت صدري

وقلت يازول

وين رجالتك المجننا بيها دي

قلت ليها
خلاص نكمل بعدين
انتي بترجعي الساعة كم

قالت ببرود عجيب

والله ماعارفة

قلت المهم انا بنتظرك
قالت لي
طيب نشوف

اها طيب نشوف دي
بقت امل
بقت هدية

بقت وعد عديل

هو انا اتحركت من محلي
سندوتشات من الموقف
الموية الباردة قريبة

وقعدت افكر اقول ليها شنو

الحنك حيكون كيف
ادخل كلمة كلمتين انجليزي في نص الكلام

بيت بيتين من الشعر

كلمات اغاني

المهم قلت ياخوي احسن ما نكتر الكلام
الزولة دي الزول كان عاين ليها ساكت

مشاعرك تتملئ لمن تدفق

ولمسة يدها
تذوبك وتلهبك وتبردك
تخدر عديل

بنت الحلة الحلوة
آآآخ أنا

[معتبر]

وبنت الحلة جات

وقلبي زاد دقات

وفي عيوني بقت
اجمل

وانا من بعيد اعاين
ماشة تتهادي

خطوة واثقة
تنية ظاهرة

قربت
بسمة اترسمت
فيني فرحة عمت

سلام بشوق
لمسة يد رقيقة

اتكهربت
رجفت ضلوعي
سكت الكلام

تمام

[m2nooo]

قرات تلك الكلمات اكتر من مرة ولم ارتوى بعد من جمال لامسات تلك الكلمات
ومع فيض حرفك تبتل المهجة المتعطشة لرشفة احساس
بوحك هو الاشراقة الساطعه على كوكب الاشجان
سلمت لنا تلك الانامل المتآلقة ...

لكى فائق احترامي و تقديري

[معتبر]

قرات تلك الكلمات اكتر من مرة ولم ارتوى بعد من جمال لامسات تلك الكلمات
ومع فيض حرفك تبتل المهجة المتعطشة لرشفة احساس
بوحك هو الاشراقة الساطعه على كوكب الاشجان
سلمت لنا تلك الانامل المتآلقة ...

لكى فائق احترامي و تقديري

منو ياوردة

الحلة نورت
وبوجودك طاف علينا السعد

تسلمي كتير

[معتبر]

بنت الحلة

ازيك

عبارات الترحيب المبهجة
الاماني المترفة

والسلامات الحنينة

والحكاية
اشتياق
واندهاش


شوفة عيونك الضحاكة

وخدودك الوردية

وصفة علاجية


بنت الحلة

مشتاقين

[معتبر]

بنت الحلة

بتجدد

مش كلام

افعال واقوال

في الجد تخاف علي روحك من نظرتها

وفي الريد تخاف من النظرات علي عيونا

وتبقي البهجة
والفرحة

في
قولة

كيفك
تنشرح لمن ترجع وراء
وتبتهج حتي تطير في الهو

بنت حلتي

يا ملهمة

[معتبر]

بنت الحلة

معزومة عرس


البنات من العصرية تجهز

ميك آب والمرايا في اليد تشوف وتجرب

اساس والوان تكهرب


وبنت الحلة اخيرا

فكرت تمشي

استحمت

كريمات خفيفة ترطب

من طرف الدولاب

طقم اسود فستان وشنطة وشبط

لزوم اكمال القيافة روج خفيف واحمر خدود

عطر هادي وجميل

مرقت بعدهن

خطفت نورهن

هزت القلوب
صرخت الحلوق

بنت الحلة جات

زغرودة رنت

همسات تعالت

بختك ياود الحلة