بنت الحلة حلاته

[معتبر]

بنت الحلة


جات

تعاين ترسل النظرات سهام
واحد يتأوه
وتاني يتوجع

وانا ابتسم

عيوني جات في عيونا
عاينت من فوق لي تحت

كلو تمام
ذوق
اناقة
تألق

حظ عيوني
وبخت روحي

وقمت أبشر
وطولي زاد شبرين لما جات جنبي

وببسمة كدة همست عقبالك

وفي نشوتي ديك
قلت ليها ان شاء الله سوا سوا

قالت شنو بطريقتها ديك تكية رأس ومد براطم ونص بسمة


قلت احسن استعمل لغة الاشارة

مديت سبابتي وقاربتهم لبعض

ضحكككككككككت

[dream-lady]

بوست رائع المرهف الحروف علي ابوسن

سلمت يمناك

[معتبر]

بوست رائع المرهف الحروف علي ابوسن

سلمت يمناك

ياحلماً يترأي للبعيد امل وللقريب سعادة


ودي

[Control 3]

من ذا .. يُعاقب ..
غارات الجنون ..
أو يوقف حرب الغرامِ على ..
أبواب .. قلوب ..
كُتب على .. أعتابها ..
" حُبٌ .. ساقَتْهُ العيونُ إلى الردى "
وتراهم .. يتهافتون ..
يلعنون .. أصنام .. سنينهم ..
و يدخلون ..
كأنهم .. على موعدٍ .. مع جنةٍ ..
يسكنُها .. الطائعون !!


أخي أبوسن : جميل جدا ما أقرأ لمسات من فنية رائعة ، دوما بانتظار جديد قلمك ، وهمس إبداعك

[معتبر]

من ذا .. يُعاقب ..
غارات الجنون ..
أو يوقف حرب الغرامِ على ..
أبواب .. قلوب ..
كُتب على .. أعتابها ..
" حُبٌ .. ساقَتْهُ العيونُ إلى الردى "
وتراهم .. يتهافتون ..
يلعنون .. أصنام .. سنينهم ..
و يدخلون ..
كأنهم .. على موعدٍ .. مع جنةٍ ..
يسكنُها .. الطائعون !!


أخي أبوسن : جميل جدا ما أقرأ لمسات من فنية رائعة ، دوما بانتظار جديد قلمك ، وهمس إبداعك

كونت 3

اهلاً
وصباح يسعد
والحلة تفتح ابوابها تهليلاً
وشبابيكها لتهوية اركانها

ونتنادي مرحباً

وبنت الحلة تتاوق

وأنا اقول ليها اصبري
خلينا نقدم البارد أول
وبعدين نضبح
تقولي سمح


ودي وتقديري

[معتبر]

المساءات الرهيبة
تبدأ بعصريات موعودة بلقاء

وجمال العواطف
من رهافة المشاعر

وبنت الحلة كلاما عديل
يدخلك
يسكن جواك
يتجول مع نبضاتك
وسكناتك
وحتي نومك
تلاقها
حلمان
حقيقي ويقظة

وانت تهاتي بيها
تماشيها
تجالسا
تحاكيها

تغني ليها

لو احبك العمر كلو
شاعر ما كفاني

[معتبر]

بنت الحلة


اتحسست ضلوعي حسيتك

أَخَت نفس شاركتني

عاينت التقت النظرات

غمزة ليها طنشتني

قلت ليها ليه قالت لي اعذرني

اتبسطت من حيائها

بعد شوية مسكت يدي


في نفسي
قلت دي جنت ولا شنو
عملت الحكاية عادي

ضغضت ضغطة
سحبت يدها مني

سكت وسكتت
واتكلمت عينينا

[معتبر]

عيوني اتكلمت

عيونا
برقت وارخت رموشا علي الهدب
رفعت شويه
شهاب
نيازك

انا غلبني غمضت
لا عرفت اداري عيوني
ولا فهمت الحصل فيني

ما قدرت عديل
اشهدت واتحوللت
وحولت بي
ونظراتي بقت عكس اتجاه
بس المتأكد منو هي سمحة
وانا قلت سمحة الشوية
طوالي اتذكرت احمد عوض الكريم لما قال

سمحة سماحة الدعجه أم سماحة مافي
سمحة خدود وردفاً كافي
سماحة الخيل سماحة الفي العسائن مافي
ما ياها سماحة اللحد العنافي

واردد بصوت منخفض سمحة سماحة
تقول لي شنو
اقوليها بصوت عالي

سمحة سماحححححححححححححه

لمن ضحكت وضحكت انا

بنت الحلة اللذيذه

[مها]

واصل استاذ ابوعلى
فقدناك شهورا
فلا تبخل علينا
لك ودى وتقديرى

[معتبر]

واصل استاذ ابوعلى
فقدناك شهورا
فلا تبخل علينا
لك ودى وتقديرى

مها
بنت حلتي

فقدتك كتير
والبوست فقدك اكتر


بنتظرك في ضل الشجرة وانتي ماشة
ولما ترفعي يدك للسلام تلقي خطواتي ليك جاية

سلامك ابتسامتك
وكلامك لسه معاي

ودحليتي


مها
بنتظرك هنا

[معتبر]

وقعدت انتظر
وبنت الحلة ماجات

وبالي مشوش
وروحي مشحتفة


واتذكرت كلاما
لما تجيك وتقول ليك ظروف تمسح كل الفيك
من عتاب وارق انتظار وكترة بحلقة في الماشين والجاين


وينا هي

بس خليها تجي
عشان اقول جنس قوالة

بنت الحلة
المهم تبقي طيبة

[معتبر]

بنت الحلة ماجات

السبب الشبط الاسود

كيف الكلام دا

وهي طالعة وقاشرة قشرة
ولابسه الشبط الاسود الكعب العالي وماشة فارده جناح
وقدلة بروقة وشويه ميلان شمال
وجدعة اليد
والباقي خيال
وفجأة الكعب مال
والقدم الناعمة إلتوت
وعين صابت
وانخلعت
ورجفت
واخ من العيون المابتسمي
واخ علي الناس العينا حارة

جيت جاري
ومديت ليها يدي
مسكت يدها

وبقيت في حالة

[معتبر]

بنت الحلة

مدت يدها وقالت لي تعال نعمل خير
قلت ليها خير
ومشيت منها مبسوط
اسرع الخطي
والحق قبل فوات الاوان

ولحقت
وعملت
وجيتا
لقيتا
تبتسم
دعيت ليها
ودعت لي

وتقابلت عينينا
وضحكنا
وانا فرحت بيها
وهي لكن مازولة تزرع في جوانا الفرح
وتبسط في محيطها البهجة
وتملأ كل البراحات محبة

ياربي تخليها

بنت حلتي كوني بخير

[معتبر]

بنت الحلة

مالك عشرقتي لي

من سماحة كلامك ولامن جمالك

جمالك انزرع فيني
تفاصيلك اترسمت جواي

عبيرك غمرني

لونك بهرني
قالوا بهرجة قلت لا كهرباء عديل
تنور حياتي
تجمل ايامي

ولما تجي سيرة بكرة اجمل
اتبسط واتربع في قعدتي
واتخيلك جنبي


يابنت الحلة ياعشرقة يامرهفة

[dream-lady]

بنت الحلة
مالك عشرقتي لي
من سماحة كلامك ولامن جمالك

جمالك انزرع فيني
تفاصيلك اترسمتجواي
عبيرك غمرني

لونك بهرتي
قالوا بهرجة قلت لا كهرباء عديل
تنور حياتي
تجمل ايامي
ولما تجي سيرة بكرة اجمل
اتبسط واتربع في قعدتي
واتخيلك جنبي
يابنت الحلة ياعشرقة يامرهفة

حلو الكلام...جميل ابداع

[هجره]

الصغيرون ام الجنا
ياكريم ربي تسلما
تبعد الشر من حلتا
جنة للأم الولدتا
الفي جبل عرفات وضعتا
تسلم البطن الجابتا
دي ترباية حبوبتا
التميرة الفي سبيطتا
الصفار صابغ خضرتا
معزورة امها كان دستا
وا هلاكي النار شافتا
معزباني انا ود حلتا

[dream-lady]

الصغيرون ام الجنا

ياكريم ربي تسلما
تبعد الشر من حلتا
جنة للأم الولدتا
الفي جبل عرفات وضعتا
تسلم البطن الجابتا
دي ترباية حبوبتا
التميرة الفي سبيطتا
الصفار صابغ خضرتا
معزورة امها كان دستا
وا هلاكي النار شافتا

معزباني انا ود حلتا

القمر بوبا

[معتبر]

حلو الكلام...جميل ابداع

dreem-lady


جمالك في ذوقك

[مها]

ابو على كيفك
زمن من البوست ده
كيفك اخوى
كيفك يا زول موكر فى الحشا
ود حلتى
ازيك

[معتبر]

التميرة الفي سبيطتا

هجرة

التميرة الفي سبيطتا دي طبعا بتكون ناعمه وتريانه ورويانه
حاجة مندية ( خرشة مافيها)
وبنت الحلة رهيبة
وجد بين الصفار والخضار
والخطوة قدلة
والرسمه احلي
وهي أجمل