أحـلي الــكلام كــلامك

[معتبر]

بفتكر

يدي في يدك
كفي ارتاح علي كفك
ملت يمين مال شمال
سكتنا
رجفت ضلوعي
صغرت عيونا
كبرت احلامنا
سمونا
فرحنا

كده كيف

وكان احلي الكلام كلامك

[معتبر]

من قلبي

قلبك الأنا فيهو
ولا قلبي الانتي فيهو

قلبان ينبضان

يحملان مشاعر

يحسان نفس الاحساس

يدقان بتناغم
يعيشان


ارويني ارويني

ارويك حنان عشان من رحيقك ارتوي


صدقني منك لا أرتوي


وكلامك أحلي الكلام

[معتبر]

كيف الحال

احوالي تمام

مرات نقولها عسي تطمن القلب

مرات نسمعها لنعيشها عشم

وبين عشمنا واملنا شموع

ياشمعتي الضوايا
مابين ضوك وظلك حكاية

وانا وانت والنجم والمساء

كيف احوالك


واحلي الكلام كلامك

[معتبر]

أصيلي بي لونو

وانتي أصيلك كيف
ظلاله في عيونك
وروحي بين رموشك وجفونك

اهدابك غير

امواجك عالية

انفاسك
لانفاسي

وعمري
بين املي
ورغبتي

وانتي بينهما غايتي

احلي غاية

وكلامك أحلي الكلام

[معتبر]

ياليت

مطيت حروفها
شكلتها
دوزنتها
غنيتها

ياريت ياريت

ومشيت
اتهندمت
استعنت
توكلت


خطاي واثقة
سعيدة
فرحة

عندها وقفت

وكان السلام
والكلام

وأحلي الكلام كلامك

[معتبر]

بالاكتر
حبيبي

الشوق
والافتقاد

الوله الساكن في الحنايا
والذوق الطاغي علي المعتاد

المحبة الساكنة ضفاف الامنيات
والجمال الفاق حد التصورات

برضو والله بالاكثر

وكلامك احلي الكلام

[ميسم]

لا تزال الكلمة كلمه من اللغة حتى تقولها أنت فإذا تتحول لتصبح كلمة من الفن ؛ واذا فيها ذاتية وحياة ولها تاريخ ، فكلمات الحب كلمات يتغير عليها الحس فتفهم على أوجه مختلفه، وكأن طريقة قولها تخلق فهمها ، فما هي من اللغة بل هي من خاصها ....لذا يصبح الكلام احلى الكلام حتى ولم يكن كذلك

معتبر دمت بخير

[معتبر]

لا تزال الكلمة كلمه من اللغة حتى تقولها أنت فإذا تتحول لتصبح كلمة من الفن ؛ واذا فيها ذاتية وحياة ولها تاريخ ، فكلمات الحب كلمات يتغير عليها الحس فتفهم على أوجه مختلفه، وكأن طريقة قولها تخلق فهمها ، فما هي من اللغة بل هي من خاصها ....لذا يصبح الكلام احلى الكلام حتى ولم يكن كذلك

معتبر دمت بخير

ميس الغالية

كلماتك تأتيني صباحًا تنعش روحي
مساء تروقني وتهديني
اسافر فيها اليك
اعود منك بمشاعر مرهفة
نتناغم حواسي
تتأج المشاعر
وتأتي الحروف جذلي
لترسم مع حروفك اجمل لوحة
محبة ومودة

ودي

واحلي الكلام كلامك

[معتبر]

كلمة سارحة

خيال
وزول فريد
جميل
احساس غير

شجون
شوق مدفق
وحنية فايته الحد

تنهيدة حارة
ونفس بارد
وطلة بهجة
وحلاوة وآخر لذاذة

وشحتفة روح
وحندكة
وابيت
وعشان خاطرك
ويا !!!!!!!!!!
وطيفك يصحيني

يا طيف انت

وكلامك أحلي الكلام

[معتبر]

الاصيل


والجو جميل
احساس رهيب
وزول حلو ملاني لمن اتكيفت

مزاجو عالي
يتحب طوالي

نشيلو في العيون
ونحلف نقول زيو ما اظن يكون

رشاقة
وافتنان

غزال
عود ريان
قد مياس
حلو احساس

ولما الحنية عندو تغيض
يقول ليك يا غالي
وبيهو افرح طوالي

واحلي الكلام كلامك

[معتبر]

بسم الله عليك
ونحن نتغالط
مين يفدي التاني

افديك ياعمري
وارضيك
ويبقي بينا الرضا

اهنيك واتهني بيك
ويبقي العمر لينا
يا عمري انتي

ولما خلاص نختلف

كل يتمني ان يكون قبل الآخر

وتجيك
بسم الله عليك

عشان جنبك يطول عمري

ياعمري انتي

وكلامك احلي الكلام

[معتبر]

عشنا الجميل

نهجد فيه
نبنيهو
نرسي قواعدة بامانينا
نعرشه محبة وإلفة
نزينه بذوقك
يبقي جنة


يظللنا
يلمنا

اجمل لمة
انا وانت


واحلي الكلام كلامك

[ميسم]

يا صباحاً أهدى الضبابة دكناء .. فغطى الضياء منك ظلالك أنت أهديتها ، وأنت أذبت الطل منها ، فتم منها جمالك...!

[معتبر]

يا صباحاً أهدى الضبابة دكناء .. فغطى الضياء منك ظلالك أنت أهديتها ، وأنت أذبت الطل منها ، فتم منها جمالك...!

الغالية ميس


قمر نص الشهر
نور اضاء عتمة دواخل منتظرة شعاع يضوي

ناظرت جمال اللوحة ورأيت الحبيبة قربي

ماء وخضرة ووجه حسن

جمال متكامل هي محوره ورونقه




ابتسامتها خير يعم
ضحكتها ابدال حال

زغرودة فرح
وسلام احبة

وجودها عظمة

ودي بقدر معزتك


واحلي الكلام كلامك

[معتبر]

ياعيني

جيد طويل وعيون غزال

وعود ريان
وخد مياس

وحلاوة زولة

طلاوة وهداوة


وريدة من جوة زرعتا ورعتا
برقتها
صارت عمري وروحي واحلي ما في دنياي


ربنا يخليك


ياعيني

وكلامك احلي الكلام

[معتبر]

أحضن كفوفك ياغالي

تحلو الجلسات
وتعبر الكلمات عن ما يجوش في الخاطر
وفي لحظة ريد
وساعة الكلام
تعبر النظرات
واعيش الاماني

ونغني سوا
كلها ايام وليالي

واحضن كفوفك ياغالي

يسري فيني مايجيك مني وما يجيني منك
واحس بالنعومة
واذوب يامذوبني حنان

واحلي الكلام كلامك

[معتبر]

صدقني

اصدقك ولو ما بصدقك حاصدقك

قلبك بقول
وحبي بقول


وبينا الكلام
نودي ونجيب

نخطأ ونصيب

ونتنادي ياحبيب

واسمو بيك وتسمو بي


وصدقني

أحلي الكلام كلامك

[mis.silent]

رووووووعة يا معتبر
سلمت يداك ولا فض الله فوك

[معتبر]

رووووووعة يا معتبر
سلمت يداك ولا فض الله فوك

mis.silent


روعة طلتك فيها كلام
وابتسام

وحضور يبهج

واحلي الكلام كلامك

[حبيبة]

لو دا كلامك انت.. يبقى هي كلامها كيف !!

رائعه..

احترامي