اسئلة .... ليست للاجابة !!!

[بت السرف]

كيف اذكرك احلى ايامنا ...وانت ناسى ؟؟
كيف اعيش البهجة دونك ..وانت بى ماحاسى ؟؟

كيف أتاور شوقى ليك ..وشوقى متعذب معاى !!
كيف أضارى عيونى منك ..وفيها دمعى بحكى أساى !!

قول لى يافائض الحنين .. ليه طليت فى سماىَ ؟؟
ليه رسيت قواربك .. فى بحيرات شقاى ؟؟

ليه رسمت لـــ قلبى الطريق .. وحددت المسار ؟؟
وليه رويت بالشوق عيونى .. لما خليت عقلى طار ؟؟

[بت السرف]

لسة بشتاق ليك براى ..
شوق معذب بشقاى ..
حتى شايفة الدنيا دونك ..
ظلمة فى اعماق هناى ..

[بت السرف]

وين عيونك ؟؟
مابتشتاق لــ عيونى !!
وللا بسمة من شفايفك ..
تحكى للكون عن جنونى !!

[بت السرف]

قووول لـــى ..


كيف أبيد طلة عشم كانت جواى ؟؟
كيف أنسى ريد ..حدد دروبو فى حشاى ؟؟

ياما بكيت ..
وبكائيا اتوسد رؤاى ..

[الفردوس المفقود]

بت السرف

كلماتك مثل الليالى الأتيه من بعيد .. تحمل معها الكثير من الأمنيات والأحلام .. تحمل إبتسامه حزينة مرسومة على الشفاه تسكن حلم بعيد .. تنتظر إن تصبح يوما حقيقة .. كلمات استشف وفائها وصدقها رغم وتيرتها الحزينة الا انها الحقيقة في غالب الأحيان .. كثيرا ما نعيش التوهم نفسه نعطي كل ما نملك ولا نُعطي سوى صد وعصيان متعمد

هكذا علمتنا تجاربنا وللاسف لم نتعلم بل استمرأنا التجاهل توهما في العيش بطيف الذكرى نسترسل الاحاسيس لتطرق باب الوجد والروح تشاكس ما تبقى من هوى وتعانق قوافل الفرح الواهن

وعفوا إن قطعت هذا السرد الجميل

[امال الناس]

كم تمنيت وكم
من أمل مر الخداع
وقفة..
أقرأ فيها لك أشعار
الوداع

[العمرابى]

لك التحية
كلامك مافيه كلام دايما روعه

وتصارع الأمنيات خطوات
على بال ما تهل تشرق

[ابن عوف]

كلمات جميلة
من انسانة لايشق لها غبار


واصلي ونحن نتبع

[بانه]

كلمات فى غاية الروعة والجمال
واصلى فى هذا الابداع

[بت السرف]

اسئلة ليست للاجابة ...