منوعات شعرية

[امال الناس]

وعندما أهدي حبيبي أحرفي
أجدها لاتعطي معنى
مثل الذي في وجداني
لأن الذي في وجداني
أكثر بكثير

[امال الناس]

فأحتار
وتبدأ معاناتي
وتبدأ فصول إعترافاتي
بورقتي التي قد أمزقها بعد ذلك
لأنها قد تظهر نقاط ضعفي
ولكن بعدها
أحس بالراحة
وأنني وجدتُ ذاتي التائه

[امال الناس]

إليك يا من أحبك القلب
إليك يا من إحتوتك العيون
إليك يا من أعيش لأجله
إليك يا من طيفك يلاحقني
إليك يا من أرى صورتك في كل مكان
في كتبي .. في أحلامي .. في صحوتي
إليك يا من يرتعش كياني
من شدة حـبـيـبـي
الشوق إلى رؤياك
فقط عند ذكر إسمك

[امال الناس]

صعب الزمن ان درت دارت بيك سنين لافحاك في كف القدر

فاكاك في وش الرياح ماخداك قصباً بالجبر

خاتاك في حضن الضياع خاتفاك من نص البشر

وات ماك بشر كيفن تكون متل البشر

والكل بيتامر عليك حتى الجمادات والحجر

بايعك نهاراً للضلام خاتيك في رف الفجر

تلقى الهجير متوسدك جادعك بعيد وقت العصر

ترجع توابيت الضلام وقت الفجر واقد جمر

تحلف تقول نار المقر

صيفك مازي الصيوف نارو بتهب ذي المطر

كان المطر بيجيب رزاز مطرك محمل بالجمر

بردك مو زي البرود موجه صقيع نص النهار

تقلب لهيباً في العصر

صعب الزمن ان دار بدور للودار

وان دار بيديك القمر

مرات يختك في السماء ويديك تاني المنحدر

ناس الزمن متعودين زيف المظاهر والدجل

كضب العدو .الاحتيال.قصصاً.خرافاتاً.فقر

[امال الناس]

الشوق إليك حرك مصا ريع
المدى وعبر السار
ونجمة هواك
ملكت مسافات الندى
وشعت نضار
واسمك على غرة جبين
بدر الدجى برسم نهار
وأنا في انتظار
موكب لقاك حلم المقيد
بالنهى ومغلول إسار
وحضنك مساحات المنى
ومرسي المراكب التائه
في ليل البحار
نبضك حكايات ألخرافه
وقصه في ليل شهريار
وأنا في انتظار
عشقك ملايين السنين
أنبت حكايات الحنين
أزهر شموس الرقة
والمني والفخار
وأنا في انتظار
ونجمة هواك رغم
المسافات والدروب
واللهفة والشوق والغروب
ملكت مسافات الندى
وشعت نضار
لقيأك أحلام الدجى
وفرح النهار
وهواك محفور في الفؤاد
ولسه الفؤاد ينبض
بأحلام المدار
وحضنك سحابات المنى
والوعد والحور والكنار
والشوق إليك حرك
مصا ريع المدى
وعبر المسار
وأنا في انتظار
وحروف هواك
نسجت وشاحات الغنى
وكست الديار
رسمت خطوط اللهفة
والشوق والنضار
واهتف أقول
أنا في انتظار
والشوق إليك
حرك مصاريع المدى
وعبر المسار

[امال الناس]

دايرنى اغرق ليه براى وانا قدر ماأسعدتك شقيت
وانا مركب الاحزان خلاص خليتو فى بحرو ومشيت
يامركب الاحزان خلاص انا من بعد ترحال رسيت
وطنت نفسى على الفراق بى قسمة الاقدار رضيت
معليش بعد مرت سنين ماتزكرينى اذا نسيت
واحزانى زاته بسيبه ليك لو فى الخيال يجمعنا بيت

[امال الناس]

ماقلنا بنشيل الصبر نتكل همومنا على الهموم
ونلون الأفاق فرح وندودر النوم كان ننوم
لو كنتى بى قلبك معاى اقدر اجيب ليك النجوم
ومن قبل مايطلك خريف تمطر سماكى بلا غيوم
ماداير اشوفك تانى يوم ومادايرأزيد لى همى هم
ماداير اعيد لى ماضى فات وانا تانى ما لى فيك عشم
انساك واقول تاريخ قديم عشناهو نحنا اسى وندم
سرق الامانى من الفؤاد واندسه فى الوجدان الم

[امال الناس]

لو انتى خايفه على اضيع انا كل حياتى معاك ضياع
لو قالو بى شمسك اعيش اوعك ترسلى لى شعاع
ماعندى كلمه اقولا ليك لاتانى بفرد ليك شراع
ومافى ايدى الا اودعك وماعندى قدره على الوداع

[امال الناس]

أنتي لو فاكرني أرجع
تأني للشك والعذاب
أبدا موال الحكاوي
واشكي أشواق الغياب
أهمس الكلمة الرقيقة
والقي في ردك عتاب
أهدي ليك ورد المودة
وتهدى لي عمر اليباب
لا لآ ما تصدق خيالك
حبي ليك أصبح سراب
تأني ما بهمس حروفك
ما بناجيك في الخيال
ما بخلي عيوني تسرح
فيك يا بدر الكمال
لو خيالك زار منامي
وصحي أحلام الوصال
بطرد الحلم المعربد
واردع الشوق بالنبال
وأبدا ابعد عن عيونك
حتى لو بعدك محال

[امال الناس]

يا أعز الناس في قلبي
قلبي أتعلم يجافي
ينسي عمرا ضاع بقربك
ينسي ريدك والتصافي
يستريح من ذل عيونك
يمشي يرحل للمرافئ
ما بعود من تأني يرجع
تأني كيف ترجع خوافي
تأني ما تهمس عيونو
في حنين عشقك قوافي

[امال الناس]

أرجعي وسكتي الشوق
المعربد في الحنايا
وشعلي النجمات
تفرهد في سمايا
وقولي للفرح المسافر
بكره تأني الزهرة جايا

[امال الناس]

لو يقولوا الشمس منك
ماخدة من بسمك ضياها
لو تطول الرقة فالك
والبدور تعشق سماها
ترشف الغيمات رحيقك
وفي عينيك تزرف دماها

[امال الناس]

ارجعي وقولي للزمن المعاند
بكره تتبسم دروبك
تحرق الأفراح ظلالك
يستحي النور من شروقك
تنتشي المدن الحزينة
تعشق النسمات خصالك

[امال الناس]

أرجعي وخلي موج النيل
يداعب صفحة الشاطئ
الرقيقة
رقصي الجزر الحزينة
وشعلي الأشواق حريقه
غازلي صاريات المراكب
وشقي للأفراح طريقه

[امال الناس]

أريت لو دمعة تطفي النار
تبدد لوعة الملهوف
أريت لو ضحكة تتفجر
سعادة تزيل ظلال الخوف
أريت تتحقق ألأحلام
يجيبك شوق حنين وحروف

[امال الناس]

حبيبي الدنيا من غيرك
ليالي طويلة ما بتقصر
شجون وملام ضياع أحلام
وكان العمر بيك أخصر
حبيبي الدمعة لما تسيل
بتصبح نهر يتحدر

[امال الناس]

أنادي الشوق ألاقي الشوق
بنادي عليك من جواي
أتاري الشوق كبر فيني
وتسرب في جميع أعضائي
وصبحت روحي شعلة شوق
يضوي عيوني يشجي غناي

[امال الناس]

حبيبي تعال وجيب لي
روحي تأني معاك
ورجع لي فؤادي الضوء
نجوم تتعالي في الأفلاك
نسيت البسمة في بعدك
نسيت الفرحة في دنياك

[امال الناس]

حبيبي البعد مهما يطول
يزيد الريد لهيب وضرام
ومهما قالوا ما أعادوا
بتفضل أنبل ألأحلام
ولحظة لقيتك أجمل
تساوي الكون نعيم وسلام

[امال الناس]

سنتين مضت وأنا والرسائل
في خصام
ما سمعته من حرفك كلام
لا شفته ضحكات لا ملام
لا قلتي لي لا قلته ليك
لا داعب الأذان هيام
سنتين مضت وأنا
والرسائل في خصام