ما باليدين يا أغلي من
كل الحروف ما بالمراد أسهرته بالشوق العيون علمتها الريد والسهاد حلقته بالروح في علاك واخلفته يا أجمل معاد قربته من حضن الغريب ورجعته لجيت في البعاد ما بالادين بعدك ولا كان في المراد سنتين مضت واللوم علي طول البعاد ما كان عليك ما قدرته يا أجمل حبيب أتحمل الشوق لي عينيك ما قدرته أسلاك وأستريح لا قدرته أخلص من هواك حاولته أتباعد أغيب لكني دايما في لقاك
يا يمه يا أول حروف
قبل الحروف قاله اللسان يا ضلي في وهج الهجير يا مرفأ الروح والكيان يا نجمة في وحشة طريق ضوت علي ظلم الزمان يا دوحة في رمل القفار يا روضة بين قدميك جنان يا زهرة من نفحك بطيب يا غصن ريان بالحنان يا يمه يا أم الفؤاد
يا يمه مهما كبرته يوي
أنا في عنيك طفل صغير خوفك علي ظاهر عليك لو غبته عن وقت العصير النوم يغيب لو غبته يوم يتجافي عن عينيك يطير وأنا في عنيك مهما بقيت مهما أكون ولد صغير وأنا في هواك يا يمه يا أملي الكبير أتمني لو اقدر أرد دينك علي ودينك كبير
أنا الاوقفته عمري عليك
وشلتك في دواخلي نهار أنا الشيدته من ريدك قصور ريانة طيب وثمار أنا القيدته روحي إليك معاك في الجنة أو في النار أنا العشتك أماني جميلة
تفرحني
ودبته معاك في إصرار أنا الحبيت بهاك وصفاك بكيت بعدك دمع مدرار محال أنساك أنا الاوقفته عمري عليك وشلتك دمعة في الأحداق أنا الغردته ذي عصفور يحلق في رباك مشتاق أنا الجرح فؤادي جفاك في جواي وفي الأعماق أنا الداريت دموعي عليك ودمعك في حشاي حراق أنا الحاضن عذاب الكون وبعدك كوني ما بنطاق أنا الملهوف على الأيام وكيف سنواتي تبقي فراق محال أنساك أنا الاوقفته عمري عليك وشلتك في دواخلي قصيد فرح في الظلمة يشرق لي ويملي حياتي فرحة وريد وبسمة رقيقة تتسلل تصوغ جواي احلي نشيد وتضحك فيني بسماتك وترسم لوحة التمجيد وأداعبك في خيالي جمال واحضن خصرك العربيد وأضمك لحظة تتوحد وتصبح في فؤادي وحيد ونفرح تأني ذي أول وأزيد في الريد وريدي يــــــزيد
الحلوة جات
والليل ضحك بعد اكتئاب والنجم أتراقص سعيد والنونه في خد القمر ذادت جمال ذادت نشيد وأتمايل الفجر الأنيق على نغمة إيقاعه البعيد شال الرسائل وبادله رجع لهج صوته الفريد ******* الحلوة جات جابه اشتياق شفه الفؤاد رقة وعبير أسدل على طول البعاد موج الهوى وبعد الأمير والعين على طول الدموع عرفت هناء وطوت المواجع في الضمير شالت زغاريد السحاب فرح الجبال صفو الغدير جاتك تقول مرحب حباب الحلوة جات مزدانة في ثوب الحرير
الحلوة جات
والقلب من شدة فرح ما بين حقيقة وبين منام يمكن سراب يمكن حلم يمكن تصاوير الغرام والرعشة تتفجر سؤال يا ربى هل جابو الهيام مشتاق أليا رغم السنين شايل الهوى وفيض السلام ياربى هل أتحقق الحلم الجميل والحلوة جات تتحدى إشجان الخصام
هو زى طالع
وما طالع وزى واسع وما واسع وزي واقع وما .. لا اظن واقع إكون دا بنطلون شافع !!؟؟ إكون دا شنو؟؟ إكون لابساه بالمقلوب؟ إكون نص توب؟ هه يا المتخرجين يا دوب..! إكون دا الروب؟ إكون دا شنو ..؟ كيف يا شاب إكون شراب..؟ الشراب تحت ما فوق إكون دا بنطلون مشنوق؟ حاجة عجيبة مالية السوق إكون طاقية ممطوطة؟ إكون فوطة ...؟ غايتو عمل جنس جوطة! إكون دا شنو...؟ إكون ماكسي ..؟ إكون عراقي بالعكسي؟ غايتو يا ناس جنس لبسه تخلى الزول اموت هسي إكون دا شنو..؟؟ ناس قالوا إكون فركه! وناس قالوا إكون باقيهو واقع منو في السكه!!! وواحد قال: إكون سروال بدون تكه!!! دي ما شبكه إكون دا شنو؟؟؟ إكون دا بنطلون نص كم إكون دا ردا وعندو جضم إكون بى كم ؟؟ إكون دى بلوزة مجروره؟ إكون دي ملايه مفروره؟ ولا اكون لبس كوره!؟ دخلو موضه كندوره دا برمودا .. دا برمودا امانه وقعتك سودا لبستي الليله برموادا؟؟ بكره تجينا بالشراب وبرضو تقولي لي موضه
[align=center][align=center]متين يا الله ألم الفكه أجيب الشيلة واسوي الشبكه وأمي تزغرد بي طول صوتها وأنا مبسوط وظابط الشكة هدومي معطنة بالأرياح ريحة الخمرة وريحة الدلكة واطبع للعيزومة كروت حاشاها الما زي كرت البنزين جميله زاهية في ورق التوت وتحت الإمضاء مشكورين لأنها لحظة ما بتفوت وإلا تكونوا مبسوطين ويجوا الأولاد بوجوهاً نادية يقشوا الفسحة الواسعة وهادية نرًكب فيها الصيونات ونعمل حفلة بود البادية ولازمن حفلة تكون صباحي أشفي غليلي وأداوي جراحي من زمن العذابة الأغبر السًود عيشتي وزاد لنواحي أفك القيد من قلبي وأغني حبيب الروح وغني يا صاحي وفي العصرية نمرق سيرة خلوق منتظمة ماشة مسيرة زي صف دكانأً ناصية فيه سجاير بالتسعيرة بناتنا يغنن مبسوطات دور بينا البلد ده يلفن يدورن العربات ولمن أصل بالسيف اتقدم زي الفارس ماشي ملجم وشي بينضح لمعه ونضرة قميصي نضيف وماه مجلبط بملاح خدره أهز في البنوت بي سيفي وابخبخ فيهن لبن البدرة وفجأة يدق صوت الدلوكة وتبقى الناس بالجد مربوكة واحدة تصفق واحدة تزغرد وواحدةتلوك في لبان بازوكة جابوا عروسي وبدت الوقفة سرحت بعيد في حق القفة جابت قون بي رقة وخفة ما اتجرست كلا وحاشا الا هناك واقفين شماشة قالوا اكيد شارب حرباشة زعلت شديد وغلبني اللعب لانو كلامن كلو كضب قاموا اصحابي بصوت عالي يا عبد الله اطلع بره إشاعة إشاعة وحتماً يوم لي أمك عايد قونها حقيقي ما اوف صايد صوت أصحابي أثر فوقي بحركة ذكية جبت القون وانا والحلوة بقينا درون وفجأة أضفت الهدف الثاني وغمر الساحة فرح رباني مرقوا اصحابي يكوركوا ويهتفوا فاتوا الفسحة وسدوا الشارع صوتهم طاغي ظاهر وطالع يا عبد الله هايل ورايع جبت القون في الزمن الضايع
ولاد مايعين
ولاد صايعين
قميص رقاش
وقاش حشاش
جسيم ناعم
ممسح ديمة بالفازلين
وحس مخفوض ولين ..لين
حناكيش والله .. ما ناقشين
بياكلوا الجبنه بالبيرجر
والمايونيز ملخبط فيهو حب التين
معلق جدول التسمين
ووكت ما يجوك ..متلمين
تقيف محتار..
تقول يا ناس
ديلا رجال..؟ ولا عوين.؟
هه يا الخيبه.. وكنت امل
معشش في قلوب اهلك
وزي المويه ليك راجيين
طلعت فشوش...
دهب مغشوش..
وما بتنفع..
لا بجنيه..لا طراده ..لا ملين!
منو القال ليك دروب العزه
كان ركبوها بالفيسبا
والبازوكه والفازلين..
منو القال ليك سيوف النصر
كانت عند ولاد لامعين؟
اكان فراسا ركبو الخيل
وصنعو العز
لبست الليله انت الجينز
ركبت البنز
تدور مكنه بالبنزين
وبعد دا ..خسرت الحرب
وجيت راجع مع الفاشلين
منو البسمع كلام مليان
لما يقول:
الشعب العربي وين؟
الغضب العربي وين؟
وين الملايين ؟؟؟
ملايين كان وجودا زمان
لكن صفر في دا الحين
ملايين كان صداها زمان
نعيق البوم فى دا الحين
ملايين كانو فوق في العرش
ووقعوا الليله جوه الطين
من المحيط وللخليج
ملايين كلهم فاشلين
فرد غنيه لي جاكسون
ملايين كلهم راقصين
فرد طلقه من صهيون
ملايين كلهم لابدين
ملايين والله ما نافعين
منو البيرجع التاريخ
لمن كانت اسبانيا
معقل وساحه للفاتحين
منو البيصحى عين جالوت؟؟
بعد ما مات صلاح الدين
منو البقطع رحط القدس؟؟
عروس بت عز
ويا داب في عمر عشرين
وبرضو تقول شباب عرب؟؟
اصح نقول شباب ضائع
مشتت وفي قيود و سجين
لكن يا ناس بقولو كلام
تعالوا ننضف افكارنا
نحارب الجور
نحارب الردة والأثام
نفكر في عروبتنا
نخطط نمشي لي قدام
وبعد اليوم فيا جوليا
ويا ام عزين .. ويا الهام
حلفنا نجدل العملاء
وكل صهيونى ابقى حطام
وتبقي العزه عربيه
تعانق في سمانا غمام
عل بس شيليها مرة .... وابلعيها كالجاتوه
خليهو يسأل جوة يسأل .... والبيسأل ما بتوه
ولما جات المعدة تهضم .... قيل مهلاً اتركوه
أنه لا يطلب شيئاً
إنه قلبُ ُ متيم .... جاء يسأل عن أخوه
*******
قد سألتك لا تجافي .... إنه حب خرافي
ما بسيبك .... كان بترضي وكان تخافي
ما بسيبك كان رضيتي وكان أبيتي
كان وقعتي .... وكان جريتي
كان عقب طلعتي زيتي
ما بسيبك .... كان خلطتي الأمة جملة
كان طلبتي المهر عملة
وإن طلقتي علي نملة
ما بفوتك إنت املي
كان بترضي وكان تملي
ما بفوتك إنت للي
إنتي أقري .... وكل معلومة بتفيدك
يا حلاوة المايكروبايو .... جاري في موية وريدك
كل جرثومة بتريدك .... صارو هيلك من عبيدك
وإنتي للباثولوجي تقري .... أصلو شيتاً دمو بقري
علة جنبك يبقى ساهل .... وفيهو تجري
ابيك تعرف ان لك صاحب بكل مافيه يغليك ….. بكل ماعطاه ربي من احاسيس يحتويك ….. روحه حياته حتى جروحه تفتديك…. لاتظن انه في يوم يقدر ينتسيك ….. يبيك تذكره لاصارت الليالي تجتفيك ….. وتدعيله: ” عسى الله له يخليك “
فديت وقتن حط في دربي رفيق واحدن يضحك معي واضحك معه واحدن لا صار وسط القلب ضيق بالسوالف والمزايح وسعه وان حكى باسلوبه العذب الرقيق يسرق من الجوف قلبن يسمعه
