دا ما القلب البجرسو شوق اذا ما اختار سبيلو بعاد
ولا القلب التبكي حبيبة لو غابت عن الميعاد
قلب من قام صحاري الالفة كان بيشقهن بالنوق
محكوم بسياج العفه في يوم ما سرح مطلوق
شيال للتقيل ما نحى لو ساد العمر ارقوق
ندي وريان كريم وجواد إلا من الضعف معتوق
قلبِ نبيل وكلو جمال ومابيحقد علي مخلوق
ومهما جرحو المحبوب وخلا قليبو كلو شقوق
كتوم من قام يضاحك غيرو صابر والجرح مفتوق
عليه ما بيضحكوا الشمات وتجري دموعو روق فوق روق
قلب ما همو يقضي ايامو جنب الضامر المحزوق
قلب مشغول بهم اكبر من اشواق ورضى المعشوق
هم وطنا عشانو نزف دماهو على الارض ماروق
وهم انسان قضايا كتار وما قادر عليها يحوق
قلبي أنا ..
حكيم يعرف متين يرتاح وينسي شقاهو يصفي يروق
ومتين يعكر يكون فيضان ويبقي علي الزرع خازوق
فشكرا ياحبيب الروح على مروادك المطبوق
انا ان حبيت بقدّر زولي وان فارقت بفوت بي ذوق
دة ما القلب البجرسو شوق
الا بيبكي لما يشوف مابين الخلق في خلوق
ماخده طباعا من الغابه شايله ضميرا ماشي السوق
وتاني بيبكي لما يشوف مابين الحقوق في حقوق
نزلت من سماها زلال وطارت من تحت لفوق
وداعاً يا حبيب الروح .. وداعاً يا ملاذ الروح ..
وداعا وما بقول بنساك .. وداعا والقلب محروق
وداعا وفي الختام دنياك مناي وراي تسوي القوق
تمدلك السعاده ايدينا لي فردوسا ليك تسوق
وداعاً يا حبيب الروح ..
وسيبني اعيش قسمتي وراك باسم والكبد محروق
وقسم بالله .. رغم جراحي لسه عليك قلبي شفوق
وقبال الزمان يفرقنا بوصيك والعتاب ملحوق
بخاف يا من رضيتلي معاك غصب إتمطق العميوق
بكرة تدور عليك الدنيا ومن كاساً سقيتني تضوق
اديني من ريدك مدد ماالشوق بحرماليهو حد
اديني من ريدك مدد ماالشوق بحر ماليهو حد
انا في هواك درويش غرام ماالشوق بحر ما ليهو حد
مدد مدد مدد اديني من ريدك مدد
مالو ****فك يزور او مرة شخصك جاني جد
هي مالو طيفك يزور او مرة شخصك جاني جد
كان استرحتا من العذاب كان هلى لي نجم السعد
مدد مدد مدد اديني من ريدك مدد
يا ارقى من همس النسيم يااحلى من طعم الشهد
خايف عليك من العيون خايف عليك من الحسد
مدد مدد مدد اديني من ريدك مدد
انا هواك درويش غرام ماالشوق بحر ماليهو حد
مدد مدد مدد اديني من ريدك مدد
مرات اقول انسى العزاب اقفل كتابك للابد
القاك انسان للعيون ملكتنا الروح والجسد
مدد مدد مدد اديني من ريدك مدد
انا في هواك درويش غرام ماالشوق بحر ماليهو حد
مدد مدد مدد اديني من ريدك مدد
اغالب دمعى واتصبر
واقول يالله صبرنى
على فراقك يا اغلى الناس
سواد حظى الملازمنى
مساهر وطرفى جافا النوم
اقول لو مرة طيفو يزور
اشوفو وطلعتو تفرح
تضوى سماى احلا بدور
اعيش لو لحظة بقربو
مناى اللحظة تبقى دهور
عظيم فيهو الدلال خايل
حبييبى الكلو نور فى نور
انا الحافظ ودادو سنين
انا الماخنت عهد الريد
انا الصابر عليك ياهم
وانا الوافى وهواى فريد
زمااااااان قالو الغرام قسمة
حقيقة القسمة بالايد
مصيرو الحى يعود تانى
ويهل فى سمانا اجمل عيد
أصبر على الوجع البجيك ما ترجى في دنياك حنان
مادام هويت زول ماهو ليك أديتو في جواك مكان
ماتشكي يوم من ظلمو ليك ماتبكي من جور الزمان
كمل دريبك ياقليب من نار شقاك أوعاك تزح من الهوان
ماني شمتانه في هواك ياقلبي بس بعتب عليك
عارف طريق حبك عذاب كيفن اواصل في مشيك
تتحدى فيو بالشوق جواك ويتحدى فينى هجرو هواك
ضاعت كرامتى في الغرام الليله سابك قلبى وكمان ربح
... أنا اصلي عارفك ما جنيت لا يوم رضيت لي زول أذى
إلا الغرام قسمه ونصيب والريده مابتعرف جزا
لو قسمتك تجي زي هواك والله بتكون معجزه
غابت شموس المعجزات بقى بالمصالح نصطبح
الفات خلاص ولى ورحل راجع براك آخر الدروس
عالج الغلط فيك ياقليب بس في المحبه أوعاك تدوس
ماتشيل جواك غل او حسد أنسى النساك للفرحه كوس
قالوا العبر في الخاتمه وقالوا السماح طبع السمح
لو متلى هداك الحزن . .
او غاب حبيب عن موعدك ..
لو شفتى افراحك سراب . . سراب . .
و ابت الظروف ما تسعدك. .
كان يوم عرفتى ضنى الجرح جواى وكتين افقدك . .
يا زهرة بخلت بالأريج . .
الليله مات فينى الأجيج . .
وفتر حنينى الكان زمان . .
وفتر حنينى الكان زمان . .
عودتك النوم فى العيون وسهرت محزون ما بنوم . .
لو ليلى من بعدك حزين . . العشتو جنبك كان هموم . .
لا بقيت انا الراجى السراب . .
لا الرامى املو على الغيوم . .
يا ما الترقب طال وزاد واديت مواعيد فى الخيال
والليله فى درب السراب من الاسى وليل المحال
ارتحت من شوق الغمامه الياما آلت إرتحال
والليله مات فينى الاجيج . .
وفتر حنينى الكان زمان . .
يا نظره جيتك زمان معاى . .
كل المشاعر والمنى . .
تقدر ترجع ليك خطاى العايده من درب الضنى . .
لا شوق فتر . . فتر فى ليل أساى . .
يقدر يعيد ليك الهنا . .
الليله مات فينى الاجيج . .
وفتر حنينى الكان زمان . .
السمحة قالو مرحله السمحة قالوا مرحله بعدك الفريق اصبح خلا جاني الخبر جاني البلا والسمحة قالوا مرحله قول يا لسان في الراحله صوغ المعاني وجملا نافر وما عارف العلي حالي العلي حال الخلا يا عيني جافيتي المنام وخدودي دمعك بللا وين بعدك القي عطوف يلم أفكاري بعد البهدله روح يا نسيم روح قابلا تلقاها نايمة وغافله داعب لخصلات شعرها والثم ضفايرا المسدله وارفع كتيفا الهادلا وكلل خدودا وقبلا وقول ليها من بعدك خلاص شفنا الفريق اصبح خلا يا ربي لحظات الوداع امثالي كيف يتحملا الليلة بوصيك بالحبيب عندك امانة تحملا وتديم علي الخير والهنا وكل يوم تضاعفلوا الحلا قلبي الحنين من قام صغير طول عمرو لا جفا لا سلا
مريم ومى بنياتى وحشتنّى ولعبتن بي
تحياتى تصحو أمامى أشواقاً تهّز النبض وتاتى
عميقاً من شِعاب النوم الاقي الذكرى بتاهي
سلاماً يا حماماتي أسكنن فى مسامتي
سلاماً يا غماماتى البتدني إبتساماتي
مريم ومى بنياتى وحشتنّي ولعبّتن بي
يسافر قلبي صوتي يرّن يسابق الريح
قلب الوالد إنت صحيح تحّن وتهّم
حذراك من الجواك وحذراك من جرح التبريح
حتهرب منو جلدك وين؟ ويوماً ما حتسكت تُمّ
و أخّت رأسي
و أفارق دنيتي وناسي
و أخلي ورايا كراسي
وما أسّود سطر بالشين
وما تعّود أساك العين
وما تشمّت عدو فيني
مريم ومى بنياتي وحشتنّي ولعبتّن بي
طريق الشعب أوسع زحام الضيق
وقلب الشعب أرحب من رحاب الضو
ونبض الشعب كلو حلم بداهو بتم
تطلع من شقوق الأرض آلاف المدن قامات
ويطلع حتى من قلب الحجر والصي
شجر متشابك الهامات
وجيلاً جاى حلو الشهد
صبايا وفتية يمرحوا فى صباح الغد
عيونهم برقهم لمّاع سؤالم رد
خُفاف ولُطاف وثابين أوان الجد
دفاعاً عن حياض السِلم والإفصاح
سلمي لي عليهم سلمي لي عليهم
جملة حتى اللسة قبل الخلق والتكوين
صُنّاع الحياة اليوماتي ملح الارض
نبض الشعر والموسيقى والتلوين
هداّمين قِلاع الخوف
كانت هذه الدراجة يوماً ما كلاشنكوف
مابين منارات السمع والشوق
نقاشين فى جدار الصمت
نساجين خيوط الشمس كهربجية الظلمات
و أجمل مما تكون الدنيا
رسامين حفاريين مجارى العصر
نصراً حروفو
واه حلالى تشمهن ترتاح
ح حرية
ت تغيير
ت تعليم
ك كتاب
م مسمار
ح حرية
ت تغير
ج جرّار
سكة حديد تهّز وترّز
ب بحارة بحراً عَبّا وثار
وطن مدرار جرت تتلاحق الأنهار
كما تتلاحق الأعراف
كما تتمازج الألوان
كما تتصافح الأديان
كما تتمازج الألوان
هجيناً من سلالات الفخار والعز
مرور النسمة و أيضاً هبة الإعصار
عِلِم فى نشرة الأخبار
وهيبة على إمتداد الكون
علماً فى حماهُ الوردة حتى الزهرة والمريخ
شبح حرب النجوم إنزاح
أيادى القهر خلف الظهر مكتوفين
أفاعى السُحت حيث مزابل التاريخ
سلمي لي عليهم جملة
حتى اللسة قبل الخلق والتكوين
بشوفهم كلهم حسة
عصافير تَرِكّ جنبي
مواسيراً ترش قلبي
حمامتي البتشرب هسه من إيديي
مريم ومى بنياتي سمعتن صوتي جيتن لي
مريم ومى بنياتى سمعتن حسى جيتن لي
طلعتن من زوايا السجن كاللبلاب
وبين السونكي والترباس وبالرقاق
وخلف الباب وعبر السور ذي النجمة والعصفور
تجرن جدولاً رقراق
من حبل العشم فتلات
من حقل الوطن شتلات
أُمكّن الفي قلب جبتن لي
من تيابه شُراع
و منديلاً خيوطو شُعاع
وكراساً مُسّطر بالضُحى اللمّاع
وخط إيدة وشعورة الحي
قالت لي و قالت لي و قالت لي
سلاماً يا أبو مريم ومي
ثباتك شُعلة فى إيديى
بناتك خلى راسن فوق
وحاشاك الكلام الني
وحاتك ما إنكسرنا وراك
ولابد أن يعود الحي
وفجراً كالكرب حيبين
وشعباً تب ترب حيقوم
ويملا شوارع الخرطوم
وتجري مدامع الحّلال
تجُر النَمّ تسوي القوق
فوق سوداننا فوق سوداننا فوق
بدل شاهيك أشرب دم اذا قلت الكلام الني
وأنا الما عندى ليهن شيىء
لا فى البنك ولا فى الدين سوى الكلمة الما بتنداس
ولا بصبح مكان الرف ولا عصفور جوة الكف
ولا صقراً يحلّق فوق وينزل كّف
نبض الشعب أجمل من بريق الماس
وأجمل من حليب السُترة ما حبيت مشارب كاس
دم القمرية بين أغصانة أشرف من موائد ناس
وأقرب للوطن من ناس
وخيراً جانا ما عم البلد وسواس
أذاً فلتقرع الأجراس
مريم حضري الكراس
أميرة ومي تعالن جاي نغني لآخر المشوار
نغني لآخر الأنفاس
نغني لآخر المشوار
نغني لآخر الأنفاس
