اين انت الآن منى

[ام صبا]

وبقت بينا المسافات
واحلام عمر
ومر الذكريات
لما في لحظة هانت الايام عليك
أين أنت الآن مني

[طلال الحكيم]

وبقت بينا المسافات
واحلام عمر
ومر الذكريات
لما في لحظة هانت الايام عليك
أين أنت الآن مني

أحلامي المزدانة بيك والأمنيات
ما هانت أبدا يا جميل
ما شفت لما تجيب عبيرك نسمات
قلبي بتهادى ويميل ؟

[ام صبا]

أحلامي المزدانة بيك والأمنيات
ما هانت أبدا يا جميل
ما شفت لما تجيب عبيرك نسمات
قلبي بتهادى ويميل ؟

ليه العناد
كمل الصبر وانا فى رجاك
مالك بتدلل علي
وسايبني لليل والسهاد
وعشان هواك
بمشيه درب المستحيل
بس انت حن سيب العناد
وادينى من لحظات صفاك
لحظه فيها يرتاح الفؤاد
أين أنت الآن منى

[لبيب]

بين الجسد و الروح أكون
، ، ، ، ، ، ،
فأين أنت الآن مني

[ام صبا]

بين الجسد و الروح أكون
، ، ، ، ، ، ،
فأين أنت الآن مني

لبيب مساء الخير
والف حمدلله على سلامة الرجوع منور

ياحلم جواي عايش من سنين
الليله موعوده بيك فرح

[ام صبا]

جاء المساء وعاودني حنيني
واصطليت بنيران الفراق
أين أنت الآن منى

[ام صبا]

ياروحي سلام عليك
حنيني لم يبارحني اشتاقك كثيرا
حنيني يعاودني ويسكرني واميل
طربا حد الثماله بلحظات عشق خرافي
واترنح بقوافي الشوق لحنا مموسقا
واناجيك مليا يا روحي
أين أنت الآن منى

[طلال الحكيم]

رجيتك وأنت لي قاسي
أعد في نجوم حبك
وأنت للحساب ناسي

[ام صبا]

انا جيتك تايبه
محتاجه حنانك
وغفرته الذنب الكان بيناتنا
ورجعنا الريد من تاني ياغالي
وازدانت بيه حياتنا...

[ام صبا]

نسيتني ليه
وانا ذائد شواقي ليك
وقدر ما قلت انساك
تلقاني دائما بشتهيك
تنساني كيف
وتخليني لليل والاسى
قول لي كيف قلبك قسى
واتناسا كل حناني ليك
وهمساتي ليك البهمسه
يا اغلى زول
أين أنت الآن منى

[طلال الحكيم]

وكيف انساك وأنسى جمال لقياك

وأنسى الشوق الكان بيناتنا

وأنسي الليل

الأشرق فيه جميل محياك

لكنك أنت بقيت الجافي

وما اقساه عليا جفاك

[ود الخير]

سأعود كلما احتجت ان استريح من الوجع بالوجع

[ام صبا]

انا ياما رجيتك واترجيتك
تسيبه جفاك وتقرب اكتر
وانا حنيني ليك دائما زايد
ومحال لريدك يوم اتنكر
ليه ياغالي بقيت تجفانا
وعن عينينا تغيب ما تظهر
أين أنت الآن منى

[طلال الحكيم]

كنت دايما بي حنين

الليلة الحنان ما قسمتو ليا

فيها ايه لو صِعبت ظروفي

أنت بس تعطف عليا ؟

[ام صبا]

فتشته ليك لو القى بس
منك خبر
تاوقته ليك بين السحاب
وبين رعشات قلب
وبين احساس بيك
ليلة خريف والجو مطر
لقيت هواك بين الضلوع
مندسي بين غيمات هواي
والشوق جواي ذايد ومافتر
وبقيت اعاين ليك
وتعاين لي
وتداعب الرذاذ يدي
وتجيك نقط الرشاش طايشه
وعيونك نظراته تنعشني
واخاف عليك من زيفة المطر
واغطيك برموش العين واوسدك قلبي
عشان ياغالي ما تحس خوف
ولا في يوم تفوت قربي
اين انت الان منى

[ام اسامه]

وابحث عنك لاهدات جراح العمر
لافي رحله السنوات ضاعت
جزوه الشوق العنيد

[طلال الحكيم]

أنا كنت قايل
فيني ظنك دايما حسن

لكن لقيتك أنت قاسي
ومني العيون للدموع ما بحبسن

[ام صبا]

يا ماليني شوق
ما بتقدر انت تغيب منى
لانك انت في جواي
ولا تحاول تصد عني
بدونك تبقى كيف دنياي
وما بقدر اعاند فيك واتناسا
وطيفك كل لحظه معاي
يا ماليني شوق
أين أنت الآن مني

[ام صبا]

حلمته بيك
فى عز الليل عاودنى
احساس الحنين
لحظه من عمر الزمان
تروي اشواق السنين
وحلمت بيك
جمعتنا لحظة حب وريد
احساس عجيب
فاق الخيال
نشوى وجمال
ابداع فريد
همست ليك
انت فى جواي سكون
مهما انت تكون بعيد
اجمل حلم فى ليله كان
لحظات ما بتتوصف
عشت الحنان
وعرفته كيف الريد يكون
وكيف القليب ارحب مكان
الله عليك
ياريتنى احلم بيك دوام
فأين أنت الآن منى

[ام صبا]

ما تغالط نفسك وتحاول تنسى غرامنا
لسه الشوق في عينيك بيظهر
وكل همساتنا اليكم بتوصل
الا غرورك هو الحاميك تتذكر
وديمه عليك بتقسى علي وتنسى هوانا
وتنسى عهودنا ونحنا ياغالي محال نتغير
أين أنت الآن مني