مســـــــــــــــــــدار + مســــــــــــــدار

[waya]

إتقسم الليل لا رنيتى لا راسلتى

غمدن عيون السمحة ولا إتكاسلتى

يالطبعك كريمة حاشا مو إتفاسلتى

بدور إطمن هل للشفاء إتماثلتى ؟

[waya]

نحن نضمنا مقصور للمعاني بدلك

يا العاديتنا .. بي بارد الكلام بنذلك

نحن بنفجخ الطين اللخوخ و مملك

من لسناتنا كيل ... الحله بله يحلك

[waya]

تابر ساقك والديس عند أصابعك حدو

قارن حاجبو و الوجن المنور خدو

الجديه ام جمالا شاذ و فايت حدو

ظنيت في الحساب سيدي يوسف جدو"

[ninar tato]

ﺍﻟﻐـﻨﺎ ﻭﺍﻟـﻨـﻤـﻴـــﻢ ﻟـﻴـﻚ
ﻳﺎﺣـﺒـﻴـﺒــﺔ ﺑﺴﻮﻗﻮ
ﻭﺩﻧـﺪﻳـﻦ ﺍﻟــﻜــﻼﻡ ﺟـــﻮﺍﻳـﺎ ﻋﺎﻣــﺮ
ﺳﻮﻗﻮ
ﻳﺎ ﺭﻭﺣﻲ ﻭﻏﻨﺎﻱ ﻃﺎﻭﻋﻮﻧﻲ ﺍﺭﺳﻮ
ﻭﺭﻭﻗﻮ
ﺧﻠﻮﻧﻲ ﺍﻟﻨﻮﺻﻒ ﺯﻭﻝ ﺑــﻤــﻮﺕ ﺑﻲ
ﺷﻮﻗﻮ

[ninar tato]

ﺁﻩ ﺍﻧــﺎ ﻳﺎﻧﺴﻴـﻢ ﻣﺸﺘــﺎﻕ ﺍﻗـﺒـــﻞ
ﺍﻳﺪﺍ
ﻭﺑﻲ ﺣﻨﻴﺔ ﺍﻗﻮﻡ ﺍﺭﺑﻂ ﻋﻘﺪ ﻓﻲ ﺟﻴﺪﺍ
ﺑﺖ ﺑﺖ ﺍﻟﻤﻠﻮﻙ ﺑﻬﺠﺔ ﺳﻨﻴﻨﻲ ﻭﻋﻴﺪﺍ
ﻓﺮﺷﺖ ﻗﻠﺒﻲ ﺣﻨﻴﺔ ﻭﺳﻤﺎﺣﺔ ﻭﺭﻳــﺪﻩ

[waya]

حرير الشامي منقوش والمشنشن صافي ،،
تخفاهن وجيج ست السماح الوافي ،،
قلبي الفي الصفوف ما بين تواجد ومافي ،،
رأحلابو أم ربش زي خيمة القذافي ،،

[ninar tato]

راقني يا وايا والله 2

[waya]

خدودك نايره وجهك يا ام سماحه مدور

دارسه اللوح جبينك بي العباده منوور

كلاااامك هادا مامعقول ولابصووور

شريحتك اريبه تلفونك جلكسي مطور

[waya]

ﺍﻭﻋـــﻚ ﺗﺴﺘﺤﻤﺎ ﺍﻟﺪﻧﻴﺎ ﻣﺎ ﺑﺘﺴﺘﺎﻫﻞ

ﺧﻠﻴﻚ ﺯﻭﻝ ﺭﺯﻳﻦ ﺍﺧﺘﺎ ﺍﻟﺒﺮﺩ ﻭﺍﺗﻤﺎﻫﻞ

ﻟﻮ ﺯﻭﻝ ﻃﺎﻋﻨﻚ ( ﺍﻋﻤﻞ ﺣﻤﻴﻞ) ﻭﺍﺗﺠﺎﻫﻞ

ﺍﻭﻋﻚ ﻳﺎ ﺣﺒﻴﺐ ﻓﻲ ﺻﺤﺘﻚ ﺗﺘﺴﺎﻫــﻞ

...

ﺍﻟﺒــــــﺮﺩ ﺍﻟﺸـــﺪﻳﺪ ﺍﻟﻠﻴﻠﺔ ﺭﺍﻓﺲ ﺭﻓﺴﻮ

ﻭﺍﻟﺰﻭﻝ ﻣﻔﺘﺮﺽ ﺩﺍﻳﻤﺎ ً ﻳﺪﺑﻞ ﻟﺒﺴــــــﻮ

ﺷﺎﻳﻒ ﻧﺎﺱ ﻛﺘـــﺎﺭ ﺭﻏﻢ ﺍﻟﺒﺮﺩ ﺑﻨﺪﻓﺴــﻮ

ﻏﺎﻳﺘﻮ ﺍﻟﺒﺴﺘﺤﻤﻲ ﺑﺸﻮﻓﻮ ﻋﺎﻗﺐ ﻧﻔﺴﻮ

...

ﻋﻨﺪﻱ ﻧﺼﻴﺤﺔ ﻟﻴﻜﻢ ﻭﺍﻟﻨﺼﻴﺤﺔ ﺻﺮﻳﺤﺔ

ﻟﻮ ﻛﺘﻤﺖ ﺷﺪﻳﻴﻴﺪ ﺍﻗﺮﻉ ﻓﺘﻴﻞ ﺍﻟﺮﻳﺤـﺔ

ﺭﻏﻢ ﺍﻟﻨﻴﻞ ﺑﺸﻮﻑ ﻣﻮﻳﺔ ﺑﻠﺪﻧﺎ ﺷﺤﻴﺤﺔ

ﺑﺎﻟﻤﺮﺓ ﺍﻗﺘــﺼﺎﺩﻧﺎ ﻳﺰﻳﺪ ﺑﺼﻮﺭﺓ ﺻﺤﻴﺤﺔ

...

ﺍﻋﻘﻠﻮ ﻳﺎ ﺻﺤﺎﺏ ﻣﺎ ﺗﻜﺮﻫﻮﻧﺎ ﺍﻟﻌﻴﺸﺔ

ﺍﻟﻨﺎﺱ ﻣﺎ ﺗﻜﺎﺑﺮ ﻭﻓﻴﻨﺎ ﺗﻨﻔﺶ ﺭﻳﺸـــﺎ

ﺧﻠﻴﻚ ﺯﻭﻝ ﻣﻔﺘﺢ ﻭﺍﻭﻋﻲ ﺗﺼﺒﺢ ﻛﻴﺸﺔ

ﻭ ﺍﻟﺰﻭﻝ ﻣﺎ ﺑﻤﻮﺕ ﻛﺎﻥ ﻓﺎﺭﻕ ﺍﻟﺘﺮﻭﻳﺸﺔ

...

ﺍﻻﺳﺪ ﺍﻟﺸﻔﺖ ﻭﺍﻟﻔﺎﺭﺱ ﺍﻟﻀﺮﻏﺎﻡ

ﻭ ﻳﺎ ﺳﻴﻒ ﺍﻟﻨﺤﺎﺱ ﺍﻝ ﻟﻠﺮﺅﻭﺱ ﻗﻼﻡ

ﺍﺻﻤﺪ ﻭﻣﺎ ﺗﺨﺎﻑ ﺧﻠﻴﻚ ﻗﻮﻱ ﻭﻣﻘﺪﺍﻡ

ﻭﻛﺎﻥ ﺟﺎﺑﻮ ﺍﻟﺒﺸﻴﺮ ﻣﺎ ﺗﺪﺧﻞ ﺍﻟﺤﻤﺎﻡ

[waya]

ناس في الدنيا نقناقين يجيبو الغده
و ناس لى فزعة المفزوع بعدو العده
في مجتمعك ان قاعد شهر و ان مده
خليك كالنخيل عندك فوائد عده

[waya]

ﺭﺳﺎﻳﻠﻚ ﺟﺎﺗﻨﻲ ﺑﺎﻟﻠﻮﻡ ﻣﻦ ﻇﻨﻮﻧﻚ ﺳﺎﻣﻪ

ﻭﺯﻋﻠﻚ ﻛﺎﻥ ﻣﺆﺛﺮ ﻓﻲ ﺣﻴﺎﺗﻲ ﺍﻟﻌﺎﻣﻪ

ﻗﺪﺭ ﻣﺎ ﺗزﻳﺪﻱ ﻏﻴﺮﺗﻚ ﻳﺎ ﺍﻟﻤﻜﺎﻧﺘﻚ ﻫﺎﻣﻪ

ﺍﺣﺲ ﺑﻲ ﻧﺸﻮﺓ ﺍﻟﺤﺐ ﻭﺍﻟﺴﻌﺎﺩﻩ ﺍﻟﺘﺎﻣﻪ

[waya]

ﺇﺳﻠﻮﺏ ﺍﻟﺘﻔﺎﻫﻢ ﻭﺍﻟﺤﻮﺍﺭ ﺍﻟﻮﺩﻱ

ﻣﻨﻈﻢ ﺟﻮ ﻋﻼﻗﺘﻨﺎ ﻭﺑﻘﺎﻟﻨﺎ ﻣﻬﺪﻱ

ﻧﺤﻦ ﺍﻟﺒﻴﻨﺎ ﻣﺎ ﺑﺤﺼﻞ ﺧﺼﺎﻡ ﻭﺗﺤﺪﻱ

ﺣﺘﻰ ﺩﻣﻮﻋﻚ ﺇﻥ ﻧﺰﻟﺖ ﺗﺠﺮ ﻓﻲ ﺧﺪﻱ

[waya]

ﻗﻞ ﺍﻟﻨﻮﻡ ﻭﻧﻔﺴﻲ ﺍﻟﻠﻲ ﺍﻟﺴﻮﺍﻳﻞ ﻓﺎﻗﺪﻩ

ﺳﺒﺒﻮ ﺟﻔﺎﻛﻲ ﻣﺎ ﻣﺮﺿﺔ ﺩﻣﺎﻱ ﺍﻟﻌﺎﻗﺪﻩ

ﺍﻧﺘﻲ ﻣﻘﻔﻠﻪ ﺍﻟﺘﻠﻔﻮﻥ ﻭﺍﻇﻨﻚ ﺭﺍﻗﺪﻩ

ﻭﺍﻧﺎ ﺿﺎﺭﺑﺎﻧﻲ ﺣﻤﻲ ﺍﻟﺸﻮﻕ ﻭﻋﻴﻨﻲ ﻣﺴﺎﻗﺪﻩ

ﺑﺤﺎﻭﻝ ﻓﻲ ﺍﻟﺮﻗﻢ ﻭﺍﻟﻠﻴﻞ ﺩﺍ ﻛﻠﻮ ﺍﺗﻘﻠﺐ

ﺳﺨﺎﻧﺔ ﺟﺴﻤﻲ ﺑﻴﻬﺎ ﻟﺤﺎﻓﻲ ﺳﺨﻦ ﻭﻋﻠﺐ

ﻗﻠﺒﻲ ﺍﻟﺪﻗﻮ ﺑﺸﺘﻦ ﻟﻠﺸﺮﻳﻴﻦ ﺻﻠّﺐ

ﻟﻮ ﻣﺎ ﻟﺤﻘﺘﻮ ﻛﺎﻥ ﻓﺮﺗﻖ ﺿﻠﻮﻋﻲ ﻭﺗﻠﺐ

[waya]

برقك رف وضلك خت سحابك جال

عربك طربو فرحانين حريم ورجال

يا المرده الغنيمك شابعه دون محجال

ضُهريك صب ناقعك فوق مهاويك سال

[تائب]

أبوي الشيخ برير يا اب قبةً لبنيه
أكتب لي حُجاب من راسي ل كرعيا
كان ما حكم الإنجليز والليد بقت ملويا
نبيعك فى الدلاله ونشربك عسليه

[تائب]

الليله الصعيد جاب الهبوب من غادي
كتر عفرتو وكتل جداد الوادي
مكنونة أمها الما جالست فدادي
الدوب دوبا تحكم سيادة القاضى

[ninar tato]

[color=5]

ﺍﻟـﻠـﻴﻞ ﺑﻮﺑﺎ ﻳﺎ ﺣﻮﻳﺮﻱ ﻭﺍﻟﻤﺴﺎﻓﺎﺕ ﻃﺎﻟﻦْ
ﻭﺍﻟـﻌـﻴﻦ ﺟـﺎﻓﺖ ﺍﻟـﻨﻮﻡ ﻭﺍﻟﻬﻤـﻮﻡ ﺍﺗـﻮﺍﻟﻦْ
ﻭﺍﻟــﻘﻠــﺐ ﻋَــﻠَﺒّــَﻦْ ﻧﻴــﺮﺍﻧــﻮ ﻣﺎ ﺑــِﺘْﻌﺎﻟﻦْ
ﻭﺟﺮﻭﺣﻨﺎ ﺇﺗﻌَﻮﺭَّﻥ ﻧﺎﻣِﻦ ﺩِﻣﻮﻣﻬِﻦ ﺳﺎﻟﻦ


ﺑَـﻌـﺪْ ﻣـﺎ ﺍﻟـﻠﻴـﻞ ﻫِـﺪﺍ ﻭﺳﻜَﺘـﻦ ﺟَﻨَﺎﺩﺑﻮ ﺻَﺮِﻳﺨِﻦْ
ﻭﻟـَﻮَّﺵْ ﻧَﺠْـﻤـُﻮ ﻏَﺮَّﺏْ ﻭﺑـﻮﻣـُﻮ ﺯَﺍﺩ ﻓﻲ ﻧَﻮﻳﺤِﻦْ
ﻋــﻴــﻮﻥ ﺍﻟـﺮﻣـﺎﺩْ ﻟـﺠّـَﻦ ﻭﺯﺍﺩ ﺍﻷﺳﻰ ﺗﺠْـﺮﻳﺤِﻦْ
ﻣﻦ ﻭﻳﻦ ﺃﺟِﻴﺐ ﻟَﻴﻬِﻦ ﻣَﻨَﺎﻡ ﻃَﻮَّﻝ ﻣﻌﺎﻱ ﺗَﺒْﺮِﻳﺤِﻦ

[/color]

[ninar tato]

مسدار القمريه
يوسف البنا

جزء منه ..



ﺍﻟﻠﻴﻠﺔ ﺍﻟﺒﻠﻮﻡ ﺍﺻﺒﺢ ﻳﻘﻮﻗﻰ ﻭﻳﻨﻮﺡ
ﻭﻣﻴﺰﺍﻥ ﻗﻠﺒﻰ ﺍﺻﺒﺢ ﻣﻦ ﺑﻜﺎﻧﻮ ﻣﻔﻮّﺡ
ﻋﻠﻰ ﺑـﻬﻤﺎً ﻟِﻮَﻳِّﻦْ ﺑﻰ ﺍﻟﻨﺘﻴﻞ ﻣِﺴَّﻮِّﺡ
ﻟﻰ ﺷﻮﻓﺘﻮ ﺑﺘﺮﺩ ﺍﻟﺮﻭﺡ ﺑﻌﺪ ﻣﺎ ﺗﺮﻭّﺡ
ﺍﻟﻠﻴﻠﺔ ﺍﻟﺒﻠﻮﻡ ﻃﺮﺑﺎﻥ ﻳﻘﻮﻗﻰ ﻭﻳﺼﻴّﺢ
ﻭﺍﻟﻌﺎﺷﻖ ﻳﻨﻮﺡ ﻻﻣﻦ ﺻﺒﺎﺣﻮ ﻳﺒﻴّﺢ
ﻋﻨﺎﺏ ﺍﻟﺤﺠﺎﺯ ﻓﺪّﻉ ﻏﺼﻮﻧﻮ ﺑﻤﻴّﺢ
ﺗﺮﺍ ﺍﻟﺤﺎﺭﻕ ﺣﺸﺎﻧﺎ ﻭﻟﻰ ﻗﻠﻮﺑﻨﺎ ﻣﺴﻴّﺢ
ﻳﺎ ﻗﻤﻴﺮﻳﺔ ﻧﻐﻤﺎﺕ ﺍﻟﻐﺎﺭﻡ ﺯﻳﺪﻳﻬﻦ
ﻭﺳﻮﻯ ﺍﻟﻘﻮﻕ ﻭﻧﻤﺎﺗﻚ ﻋﻘﺐ ﺭﺩﻳﻬﻦ
ﻋﻠﻰ ﺑﻬﻢ ﺍﻟﻨﺪﻳﻤﺎﺕ ﺍﻟﻘﻔﺮ ﻭﺍﺩﻳﻬﻦ
ﻟﻴﻬﻮ ﺳﻼﻣﻰ ﻭﺍﻟﺸﻮﻕ ﻳﺎ ﺃﻡ ﺟﻨﺎﺡ ﻭﺩﻳﻬﻦ
ﺍﻧﺰﻟﻰ ﻓﻮﻕ ﻓﺮﻳﻊ ﻗﺒﻞ ﺍﻟﻔﺮﻳﻖ ﻳﺎ ﻧﺎﻳﺤﺔ
ﻛﺘﺮﻯ ﻓﻲ ﺍﻟﻄﻨﻴﻦ ﻣﺘﻞ ﺍﻟﺤﻮﺍﺭﺓ ﺍﻟﺮﺍﻳﺤﺔ
ﻣﺮﺑﻮﻋﺔ ﺑﻨﺎﺕ ﻟﻴﻨﺔ ﻭﺭﻃﻴﺒﺔ ﻭﻣﺎﻳﺤﺔ
ﻗﻮﻟﻴﻼ ﺍﻟﺴﻼﻡ ﻟﻴﻚ ﻳﺎ ﺃﻡ ﺿﻔﻴﺮﺓ ﺳﺎﻳﺤﺔ
ﻗﻮﻟﻴﻼ ﺍﻟﻌﺸﻮﻕ ﺗﻌﺒﺎﻥ ﺍﺫﺍﻫﻮ ﻣﻄﻮّﻝ
ﻳﺎﺕ ﻣﻦ ﺷﺎﻓﻮ ﺍﺻﺒﺢ ﻓﻲ ﺍﻟﻌﻠﻴﻪ ﻣﺘﻬﻮّﻝ
ﻋﺸﺎﻥ ﻋﻴﻨﻴﻚ ﻣﺒﺎﺭﻯ ﺍﻟﺒﻰ ﺍﻟﻘﻔﺎﺭ ﻣﺘﺠﻮّﻝ
ﻻﻛﻴﻦ ﻟﻰ ﺍﻟﻤﻤﺎﺕ ﻣﻦ ﻋﻬﺪﻭ ﻣﻮ ﻣﺘﺤﻮﻝ
ﻛﻞ ﻣﺎ ﺷﺎﻑ ﺑﺮﻕ ﻓﻲ ﺍﻟﻘﺒﻠﺔ ﻳﺸﻠﻊ ﻭﺟّﺔ
ﻳﺘﻘﺎﻓﻰ ﺍﻟﻤﻨﺎﻡ ﻣﻦ ﻋﻴﻨﻮ ﻳﺎﺧﺪ ﻟﺠّﺔ
ﻧﻴﺮﺍﻥ ﺍﻟﺠﺤﻴﻢ ﻟﻴﻬﻮ ﻓﻲ ﺍﻟﻔﺮﺍﺵ ﻣﻨﻔﺠﺔ
ﺩﻛﺘﻮﺭ ﺍﻟﻐﺎﺭﻡ ﻣﻊ ﺍﻫﻠﻮ ﻋﺎﻣﻞ ﺣﺠّﺔ
ﻗﺎﻝ ﻣﺮﺿﺎﻥ ﻫﻮﺍﻙ ﻟﻰ ﺷﻔﺎﻫﻮ ﻣﺎﻓﻰ ﻃﺮﻳﻘﺔ
ﻓﻲ ﻛﺒﺪﻭ ﺍﻟﺤﺮﺍﺏ ﻓﻲ ﺟﻮﻓﻮ ﺑﺎﻗﺔ ﺣﺮﻳﻘﺔ
ﻗﻂ ﻣﺎ ﻟﻴﻪ ﻋﻼﺝ ﻣﻦ ﻏﻴﺮ ﻳﻘﺮﻃﻊ ﺭﻳﻘﺎ
ﻭﺍﻻ ﻳﻤﺪﺩﻭﻫﻮ ﻭﻳﻤﺴﺤﻮﻩ ﺑﻰ ﻋﺮﻳﻘﺎ

[ninar tato]

[color=5]

ﻣﻦ ﺳﻴﺮﺓ ﺍﻟﻌﻴﻮﻥ ﻣﺎ ﻛﺎﻥ ﺃﺧﻴﺮ ﺗﺨﺘﺎﻧﻲ
ﻟﻴﺶ ﺗﻔﺘﺢ ﻋﻠﻲ ﺑﺎﺑﺎ ﻛﻢ ﻣﻨﻮ ﻛﻨﺖ ﺑﻌﺎﻧﻲ
ﻛﻢ ﻟﺤﻈﺎ ﻫﺮﺩ ﻗﻠﺒﻲ ﻭﺗﻮّﺭ ﻋﻠﻲ ﻣﺼﺮﺍﻧﻲ
ﻭﻛﻢ ﻃﺮﻓﺎ ﻛﺤﻴﻞ ﻟﻲ ﻧﻮﻡ ﻋﻴﻮﻧﻲ ﺣﻤﺎﻧﻲ

[/color]

[ninar tato]

[color=5]

ﺍﻟﻠﻴﻠﺔ ﺍﻟﻌﻴـــﻮﻥ ﺷﺎﻓـﻦ ﺑﺴﻴﻤــﺔ ﺍﻟﺤﻨﺎﻥ
ﻧﻮﺭﺍً ﻓـﻲ ﺍﻟﺠﺒﻴـﻦ ﻛﻴﻒ ﺍﻟﺒﺮﻕ ﻳﺎ ﻣـﺎﻥ
ﻗﻠﺒﻲ ﺑﻴﻦ ﺍﺿﻼﻋــﻲ ﺳـﻮﻯ ﻟـﻲ ﺟﻨـﺎﻥ
ﻛـﺎﻥ ﻭﺩﺭﻧــﻲ ﻛــﺎﻥ ﻣﺎ ﺍﻟﻘـﻮﻱ ﺍﻟﻤﻨـّﺎﻥ

[/color]