المرتبة قبل الاخيرة الاخيرة

[اشرف.]

آآآآآآآآآه يازمن
ويعود بي العمر إلي الوراء
ياربي متذكرني ناس المنتدي ولا اتغيرو الناس ولا أنا طولت الغيبة
المهم رجعت ليكم ياناس ياحنان ولقيتكم حافظين كل مشاركاتي بالجد مشكورة إدارة المنتدى جدا
وبهديكم مقاطع صغيرة

[overline]قربت أصل الأربعين..
والريد مكنكش في الحلق.
والروح متلتلة بالأماني المستحيلة وبانكسارات العشق.
وانا واجترار الذكريات مابنتفق.
وماتقولو لي ليييي المغص في الريد بشق.
والجوه في القلب البريد صادق بعذبو بالصدق.
والشالتو الروح بي إرادتا لا بروح لا في غمار الدنيا ممكن يتسرق.
قربت أصل الأربعين .
والريد تقول زي دابو في عز الشباب لا هدا جبروتو الزمن لا شوهت صورتو السنين.
ولسه البريدا علي الغرام متمردة.. لا غيري عشقت لا كمل ليا نص دين.
وانا لسه ماقادر أواجهها بي هواي لا قادر أخلق صدفة للود والوصال لا قادر اتناسى الحنين.
قربت أصل الأربعين.
والبينا لسه مصيرو في يد القدر ونهايتو مامعروفة وين.[/overline][overline][/overline][overline][/overline]

[اشرف.]

المرتبة قبل الاخيرة النهااااااااااية


لكل المحبين اقول
البريد ليو زول يكلمو والبحصل يحصل
واخيرا انتهت رحلة السنوات والحب السكات
زولتي عرسوهاااااااا وقبل فترة كمان..ماعارف ماوريتكم لييه
المهم اني ماندمان ع الحصل معاي لانو كان من اجمل الحاجات الحصلت لي في حياتي
بس مابضمن الممكن يحصل لغيري عشان كدا الحاسي بي شي يفتو طواااالي
والله كريم
يارب القاكم في ساعة خير
ودعتكم الله
ويبقى الحب
المرتبة قبل الاخيرة
قصة فتاة
أدتني أي شي
وشالت مني أي شي
بدون ماتسوي ولا شي