إلي كل مخطوبين .. وإلي الاسرة الكريمة

[احمدكزمه]

من المفارقات الشذوذ التي تواجه مجموعة من المخطوبيين والذين لم يطورو علاقتهم .
نجد إن بينهم تحصل حاجات كده عجيبة خلاص . وهو او هي بالنسبة لبعضهما أجنبيان وذلك علي حسب ما جاء والدين الخنيف .
نجد إنهم تحصل عادات سادت في المجتمع وانبطع عليها الناس .
حتي صار الاهل يهيئون للخطيب . الجلسات ويسمحون للبنت الخروج معه اينما شاء وليس لهما ثالث من بني البشر .


إلي الاسر الكريمة.....
هل ما تفعلونه خوفا علي بناتكم من العنوسة ؛ لانه إذا رفضت البنت او الاسرة خروج البنت مع خطيبها يعتبر تخلف او رفض الخطيب بدون مبرر ..

اليك أختي الوقورة...
هل أنتي راضية علي ماتفعلينه إذا رفض اهلك الخروج مع خطيبك .وانتي تخرجين في الخفاء بمساعدة بعض الاهل ...



أخي العزيز.....
هل ما تفعله يرضي حياءك او دينك ..
وإن حصل ما تفعله إلي إحدي بنات حواء
تخيل إن حصل مع إحدي اقاربك ناهيك إذا حصل ذلك داخل الاسرة هل ترضاه


يجب أن نرجع الي مبادئنا القويمة لانها هي طريقنا للحفاظ علي ديننا
لست بمفتي ولا ولا
لكن يحيرني مايفعله بعض الاهل في مثل هذه العلاقات
&&&&&&&&&

[شذي زهر]

اليك أختي الوقورة...
هل أنتي راضية علي ماتفعلينه إذا رفض اهلك الخروج مع خطيبك .وانتي تخرجين في الخفاء بمساعدة بعض الاهل

...اصلا اهلي حايرفضوا
وماعندهم الثقافه دي نهائيا
وانا ماعلي الا الطاعه
لانو كونو فقط يجي خطيبي في البيت واقعد معاهو بمفردي .........دي ممنوعه.........
كمان اطلع بره البيت ولوحدنا

[kaydoo]

بوست روعة ابوحميد وانا بايدك بشدة في هذا الراية الا وهو راي الدين قبل كل شي واذا لم يتم عقد النكاح لا يمكن ان يخرج الرجل مع المراءة بداعي الخطوبة فقط ربما لا يحصل النصيب ماذا يكون مصير بعد ذلك اذان

[احمدكزمه]

اليك أختي الوقورة...
هل أنتي راضية علي ماتفعلينه إذا رفض اهلك الخروج مع خطيبك .وانتي تخرجين في الخفاء بمساعدة بعض الاهل

...اصلا اهلي حايرفضوا
وماعندهم الثقافه دي نهائيا
وانا ماعلي الا الطاعه
لانو كونو فقط يجي خطيبي في البيت واقعد معاهو بمفردي .........دي ممنوعه.........
كمان اطلع بره البيت ولوحدنا

ايون اهو دي الاسرة الربت الاولاد صاح
ولدنيا متاع وخير متاعها الزوجة الصالحة
تسلمي يا السودانية

[احمدكزمه]

بوست روعة ابوحميد وانا بايدك بشدة في هذا الراية الا وهو راي الدين قبل كل شي واذا لم يتم عقد النكاح لا يمكن ان يخرج الرجل مع المراءة بداعي الخطوبة فقط ربما لا يحصل النصيب ماذا يكون مصير بعد ذلك اذان

اكيد طبعايمكن ماف نصيب
يعني احبب حبيبك هونا ما عسي أن يكون بغيضك يوما ما
وابغض بغيضك هونا ما عسي أن يكون حبيبك يوما ما

الروعة في مرورك كايدو

[m2nooo]

واللهي فعلا الكلام دى هو الحاصل للأسف الشديييييد
بس انا طبعا مستحيييييل مهما كانت الظروف اخرج مع خطيبي إلا نكون عاقدين قرنا

[احمدكزمه]

مرور جميل
ربنا يخليكم لي بعض

[waya]

طيب عندي سؤال , بوجهة نظر أخرى ..!
إذا كانت جامعاتنا مختلطة , تسمح بجلوس الشباب من الجنسين مع بعضهم جماعات وفرادى
داخل وخارج الحرم الجامعي ,,, والاسر تعلم ذلك جيدا .. " في حين إنه الخطيب ده له وضع قانوني في اللقاء والتداخل مع الاسرة "

" طبعا من ناحية شرعية , لا ده صاح , ولا ده صاح "
لكن هل نحن اصلا بنطبق النواحي الشرعية في حياتنا !!؟

[dream-lady]

طيب عندي سؤال , بوجهة نظر أخرى ..!
إذا كانت جامعاتنا مختلطة , تسمح بجلوس الشباب من الجنسين مع بعضهم جماعات وفرادى
داخل وخارج الحرم الجامعي ,,, والاسر تعلم ذلك جيدا .. " في حين إنه الخطيب ده له وضع قانوني في اللقاء والتداخل مع الاسرة "

" طبعا من ناحية شرعية , لا ده صاح , ولا ده صاح "
لكن هل نحن اصلا بنطبق النواحي الشرعية في حياتنا !!؟

الشرع دائما آخر شئ بيطبق في مجتمعنا....

ممكن يسبقه العرف والتقاليد....

والمسئولون أول الطبالون....والدليل ...مسائلة الضعفاء والعاديون وغض البصر عن انحرافات ابناء المسئولين والقادة والرأسمالين...

توفير مناخات الاختلاط من جامعات واماكن عمل واماكن ترفيه...

يبقى القانون داخل المنزل...من جهة شرعية لايختلف اثنان في حرمة الخلوة سواء لمخطوبين او غيرهما...

كيفية التحكم قد تكون صعبة مالم تكون قناعة وتربية عميقة ...مع عدم اغفال الرقابة(المقدور عليها)...

اما لماذا ترتضي بعض الاسر وتسمح بهذا.....قلة وعي ووازع ديني...وكذلك الخوف من نعتهم بالتخلف ...وربما هاجس العنوسة أرق مبادئهم!..

طرح جميل أحمد كزمة

مداخلة مهمة وايا

كلكم لكم التحايا العطرة

[اميــــــرة بكلمتـــــــي]

والله موضوع قمة في الاهمية بس على قولك الكل بفكرها ثقافه طلعه و نزلة بسبب وبدون سبب و غالبا ما في الاخر تكلل هذه العلاقة بالزواج ولو تمت في الاخر بذكرها بكل شي و بيبقى ليها اهانه و ذله م تعرف تقبل وين

والحمدلله ابوي بخطب اول الشهر و العرس اخر نفس الشهر لو لي ولد و لا بت

بالله هم عندهم راي في مشية الجامعه خلي طلعه مع خطيب

[3Aiz A3eesh]

الوَريف أحمَد كزمـــــــــــة ..

حقيقةً الأمر جِدي و لا أجِد سِوى التَوضيح البَسيط حَول الضَوابِط الشَرعية للتعــامُل مع الخَطيب و في هذا المنحى لا نُنكِر دور عملية الخِطبة الشَرعية و إقرارها عَبر الدين الحَنيف ليتعَرَف الشريكين على بَعض المَعاني و المَفاهيم حَول بعضِهما البَعض و قَد كان الدينُ واضِحـــاً في أمر الجَلَســـات هذهِ و أوضَح حولها الكَثير فــ في إعتِقادي البَسيط أن الأمر لابُدّ مِنهُ و لكِن وِفق قواعِد و أُسُس شَرعيـــة مُتعارَف عليها كما جِئ بِهِ في إشتِراطات الخَلوة الشَرعيـــة ...

و دا كُلو كوم كَون الخلوة الشَرعية تَحدُث مع الشَريك المُستقبلي بإذن الله ... اها البيبَرطِعوا في الجــامعات .. المكــاتِب .. الأسواق .. الشوارِع و الأزِقه .. المُنتجعــات و الكــافتيريات .. الحَفلات .. ديــــل كُلَهُم مُتزَوِجيـــــــــــــــــــن بِشَرعية .. أم أنّ الأمر يحتــاج إلى إيضاحـــات و ضَوابِط أيضـــــــــــــــاً ..

[أنثى حالمة]

موضوع جميــــل والاراء الفوق راقيه جدا ... نحن غايتو ف اهلنا بمرقو والله ... بس غالبا بيمشي معاهم زول من ناس البيت ,,,, وممكن يجيها ف الجامعة مثلا او الشغل ...
لكن عندي راي ف الموضوع ده انا ,,يعني اذا الخطيب انتو شايفين انو عادي يجي ف البيت ومثلا يخلوهم ف الصاله سوا براهم ,,انا شايفاها نفس نو يتلاقو ف مطعم بره ,, او ف الجامعه او ف الشغل ...ف النهايه بيكونو وسط ناس ,,, يعني ما شايفه في فرق صراحه ,, ولو في زووول حيرد يقول لي الخلوه ف الحديث وموضوع الكلام المعسول وكدا .. برضو التلفون فيو خلوه ,, انا شايفه الحاجه دي بتتعلق بي كل زووول والوازع الديني حقه ,,,!!

[نونيتا]

أكيد ما ح أرضاها .. لأن ما بُني على باطل فهو باطل

إذا من البداية قاعدين نعمل أشياء غلط وبتزعل ربنا

لي قدام حنلقى التوفيق كيف؟
والناس لازم تفهم حاجة : إن مش كل شي بينعمل من ناس كتار .. يعني هو صح


ويارب الأهل يمنعوا الحاجة دي .. ويرسخوها في عيالهم عشان يمشوا بيها لي قدام

لأن لو الشي ده كويس كان ربنا صرح بيه

و تسلم على طرح الموضوه ده .. جداً محتاج للنقاش .. و واجب الحد منه

[مشتاقه]

اكيد لا اعمل شي اهلي لايرضونه
وكمان اطلع من دون اذنهم ومع شاب وليس هناك اي رابط شرعي بيننا

دي مستحيله ومابعملا

في البيت ممكن
وبكون ناس البيت موجودين بالقرب مننا
خلاف كده لا

[shosho wbs]

موضوع جميــــل والاراء الفوق راقيه جدا ... نحن غايتو ف اهلنا بمرقو والله ... بس غالبا بيمشي معاهم زول من ناس البيت ,,,, وممكن يجيها ف الجامعة مثلا او الشغل ...
لكن عندي راي ف الموضوع ده انا ,,يعني اذا الخطيب انتو شايفين انو عادي يجي ف البيت ومثلا يخلوهم ف الصاله سوا براهم ,,انا شايفاها نفس نو يتلاقو ف مطعم بره ,, او ف الجامعه او ف الشغل ...ف النهايه بيكونو وسط ناس ,,, يعني ما شايفه في فرق صراحه ,, ولو في زووول حيرد يقول لي الخلوه ف الحديث وموضوع الكلام المعسول وكدا .. برضو التلفون فيو خلوه ,, انا شايفه الحاجه دي بتتعلق بي كل زووول والوازع الديني حقه ,,,!!

بتفق مع راي اختنا انثى حالمه
لانها اماكن عامه وما فيها حاجه لانو الاهل عارفين
اذا الجامعات مختلطه واماكن الشغل والمطاعم واي مكان
انو تطلع مع خطيبها في مكان عام ما فيهو مشكله

تقبل اخي احمد مروري

[ود الناير]

واللهي فعلا الكلام دى هو الحاصل للأسف الشديييييد
بس انا طبعا مستحيييييل مهما كانت الظروف اخرج مع خطيبي إلا نكون عاقدين قرنا

ايوه دا الكلام الصاح والمفروض يحصل وربنا يحفظ بنتنا وبنات المسلمين

[السنبلاية]

الاخلاق هى الحكم فى الموقف مع العلم بأن الشيطان شاطر ..!!؟

اخلاق البنت هى التى تحرسها فى الجامعة مع خطيبها ومع جيرننها واهل بيتها

والله المستعان على ما يصفوف ..!!؟

[ود الناير]

الاخلاق هى الحكم فى الموقف مع العلم بأن الشيطان شاطر ..!!؟

اخلاق البنت هى التى تحرسها فى الجامعة مع خطيبها ومع جيرننها واهل بيتها

والله المستعان على ما يصفوف ..!!؟

البنت المحترمه وبتخاف الله وواثقه من نفسها مهما اتقدمت ليها من اغرأت ماممكن تفرط في روحها

[السنبلاية]

البنت المحترمه وبتخاف الله وواثقه من نفسها مهما اتقدمت ليها من اغرأت ماممكن تفرط في روحها

تمااام .. لحنت كلامى وزتو حرف ...!!؟؟؟