ما عرفت غير حبك غرام

[طلال الحكيم]

دوامة ومتاهة ...
يود درويشك الحنين الخروج منها

الحنين العاش لحبك بت تسخر من جراحو ..

جراح تنسجها يداك وتنقش فوقها جراح ..
ويكذب من يقول جراح الحب تندمل ..

ما كفاهو العذاب الـ هو فيهو ليه تزيد آلامو أكتر ؟

يشري صباح فرحك وتبيعه للأحزان ... ليلة .. فـ ليلة ..
يراعي دقات أقدامك ولا تراعي دقات قلبه

وليه عيونو العمرها ما خانتك تبكي وتسهر ؟

يا من قتلت بسيف إهمالك درويشك العاشق

فـ أضحى جرح الفرقة في قلبو الحزين من حبو أكبر ..

[فائزة]

لماذا يتبدل كل حال ... إلا حالي معك ؟
الشمس والقمر والنجوم و (حبك) من ثوابت الحياة

أنظُريني هناك .. أتسكع في طرقات حيِّك

علَّ نسمةُ صدرك تحنُّ عليَّ وتِنمُّ عنِّك

أطرق (إبريق) ريقك المملوء سرا بخمر الغرام ..

و (فضلنا وحاتك منتظرين شوف وين روحتنا وديتنا )

دفء صوته يغري صمتي
والشوق ينهش قلبي
فيزلزل اركان الليل
فيسقط مغشي عليه
في احضان الظلام
ليحلق طائر البوح
مسافرا اليك ...

[بت السرف]

آه لما تتوهط اشواقى لزولا بريدو بــــــراااى

وتتمعن حروف الريد فى قليبى وتنادى معااااى

وتتوسم مشاعر حنينى ..تجينى حــــــــــدااااى

وطيفك الزائر ..يتبسم وازيد فى غــــــــنااااى

بت الســــرف؛؛؛

[ninar tato]

آه لما تتوهط اشواقى لزولا بريدو بــــــراااى

وتتمعن حروف الريد فى قليبى وتنادى معااااى

وتتوسم مشاعر حنينى ..تجينى حــــــــــدااااى

وطيفك الزائر ..يتبسم وازيد فى غــــــــنااااى

بت الســــرف؛؛؛

كلمات جميلة ولا اروع بت السرف
سلمتي وسلم قلمك المبدع

[طلال الحكيم]

فايزة , بت السرف , ننر

شرفتوني جدا

[طلال الحكيم]

ومضات تتغازل في ظلمة الليل

تتهامس عنك

أحاول أن أسترق السمع ...

تصمت وتستدير .. تتبعد عني وتأخذ عطري إليك في وميضها


كم غيري يشدو سعيد وأنا في هواك مغرم

[طلال الحكيم]

ذُبت في حبك والفؤاد مجروح .. ما فضل مني شيء خلاف الروح


تزيد مناسيب بحور الحب

وتقف منارات الشوق تضوي الليالي الخوالي ..

والدرويش يسْبَـح .. ويُـسبـِّح ..

علهُ يصل إلى شط الروح .. أو يغرق فـ ينجو .

[طلال الحكيم]

بك ...

ما عاد الليل ظلاما .. ولا النهار يُخفي كلاما ..

تساقطت البراقع ..

و العيون الشافتك ما أسعدا

أسفر الجمال .. وبهر القلب فمال ..

ضحكات تمطر كـ غيمات ..


وأعطارك .. تسـري بـين اكـمام بسـاتين البِلاد مـافـي زهـرة و إلا عـرفك قـالَدا

[تائب]

بك ...

ما عاد الليل ظلاما .. ولا النهار يُخفي كلاما ..

تساقطت البراقع ..

و العيون الشافتك ما أسعدا

أسفر الجمال .. وبهر القلب فمال ..

ضحكات تمطر كـ غيمات ..


وأعطارك .. تسـري بـين اكـمام بسـاتين البِلاد مـافـي زهـرة و إلا عـرفك قـالَدا

ما عرفت غير حبك غرام
وسرحت فيهو سنين بغنى
وهبتُ دمعاتى الغوالى
وهبتُ روحى
وهبتُ فنى
يا ربيع الدنيا
ف عيني
يا أخت روحى
.......
ولا ح تعرف فإن زناد الحب
لا يشتعل إلا مرةً واحدةً
مع نزول دموعى
إذا إشتعل زنادى
بصد عن هواهُ و أوجه إستنادى
يا ناس محبوبى ساكت قصد عنادى

[هامس]

ما عرفـت أبدا غير حبك غـرامـ
عيونك يتبارهن شغفا للخلائق أسكرن
كاحلات سواد الليل ماخد من سودهن
لقيا عيونى بالكاحلات صِبح مرامـ
خدودك رويانه باللين صباحا يندين
إحمرار تفاح مع الإصفرار لونهن
جنون حبك فيهو انا غير ملام
بيض سنونك بالضيى بروقن يضوين
وتوامـ عناب للسنون حنان إتوسدن
يبقى يا زوله.. أنا فى هواك ملامـ؟؟؟؟

(همسه) انا غير ملام مش كده

[الأمير حسن مختار]

توبة توبة.. توبة توبة

لا ريد لا غرام لا خطوبة

[طلال الحكيم]

ها أنا أعود لمتاهة حبك (عمدا) ...

وأُقنِعُ نفسي إني قد خرجتُ منها يوما ... وما خرجت ..

ها أنا أعود ...

والأشواق عِطري ... ينوء ظهري من الصبر الجميل .

(وإنت زي ما إنت ... تقول ما رِدتَّ أصلك ..ولا ساهرت ليلة ..)

أعود إليك ...

أترقبك .. أتوجس منك خِيفة ...

وأنظر إليك بريبة ..

(أها وكيف ناوي تعمل في قلوبنا وحنانا ؟)