بنات الحاج

[ابن عوف]

تتوالي الاحداث

واصل وانا متابع

[السنبلاية]

* * * عندما يضحى الليل نهار * * *

وقفت أمامه وكأنها النمر الهائج الجريح .. فنظر إليها مذعورا فقالت وصوتها يحطمه الألم

- أنا موش قبل خمسطاشر سنة قلت ليك عرس ؟ وأنت قلت لي لا ... قلت لي رضيان بالبنات ... أنا وقتها قلت ليك لو عايز تعرس عرس هسه عشان الناس بتعذرك وبقولو مرتو ما بتلد غير البنات ... وأنا كمان كنت بعذرك عشان ما قادرة أجيب ليك الولد ... رغم أنو دي حاجة ما بيدي وكل الدنيا عارفة كده ... بس هي في الأخير رغبتك ...بس برضو أنت ابيت وعملت فيها راجل شهم وعندك مروّة ....... هسه بعد العمر ده كلو يا دووووب عرفتا إنك محتاج للولد ؟ بعد ما بقينا عجايز ؟ هسه لو ميادة ما إطلقت ... كنت أت بقيت جد وأنا بقيت حبوبة ... ما بتخجل يا راجل؟ ....... أنت قايلني حـ ابكي وأحنسك عشان ما تعرس ؟ لا يا خوي ... ما فوزية بت ضو البيت البتعمل كدي ... أنا ارجل من مية راجل زيك ... أمش شوف البت الـ لحست ليك راسك الأبيض ده وغشتك ... أمش ليها ... دي ياها من نوع النسوان البتبكن وبحنسن ... لكن انا لا ... أمش ليها وعرسا ... أصلا بعد كلامك دي أنا تاني ما راجية منك شي أكان عرستا ولأ كان خليتا ... خلاس النفس مرقت منك تب ... تاني لا بيني لا بينك ... تطلقني وكراعك فوق راسك ... وشوف ليك بيت غير البيت ده ... ده بيتي وبيت بناتي وأنا ما بمرق منو .... وبناتي ما ليك بيهم شغلة ... أنت اصلا عارف عنهم شنو ؟

مسحت دموعها المنسابة غصبا عنها وواصلت هجومها الضاري ...

- ده جزاي يا الحاج ؟ ده جزاي أنا العرستك ورضيت بيك وما كان عندك تعريفة حمرا ؟ ... وصبرت معاك عشرة سنين ..مرة نتعشى ومرة نبيت جعانين ... وقلت لي جمايلك ما بنساها أبدا ... سترتيني وصبرتي علي ... ولما الدنيا ضحكت ليك وجاتك القروش والبيوت وبناتك كبرن والمسؤولية خفت ... بتدور تعرس فوقي ؟ وبتقول السبب الولد .... لو كان السبب الولد كان عرست من زمان ... من ما ولدتا ليك أخر بناتك ... يعني قريب العشرين سنة ... أنت بتغش على منو يا زول ؟ قايلني عويرة ولأ مغفلة ... بس تلقاك عجبتك واحدة من بنات الزمن ده وغشتك بكلاما لما لقت راسك خفيف ..... وخلتك تنسى شيبتك ومرتك وبناتك

صاح فيها مغاضبا

- خلاص أسكتي

- ما بسكت ... يعني حتسوي شنو بعد السويتو دا ؟

- قلت ليك خلاص

- ما خلاص ولا شي ... يا دوب حسابك بدا يا الحاج ... يا خسارة طلعت زي باقي الرجال عينكم ما بملاها إلا التراب

سلاماااات .. طلال والبقية ..!! 2


.............................................



عندما يطلب الرجل من زوجته بان تســمح له أن يتزوج من مرأة أخرة .. هذا ان دل يدل على مكانته فى قلبه ..

ولكن ..

تتحطم تلك المكانه بردة فعلها . بالرغم من ردة فعل متوقعه ..

هنا يكمن ذكاء المرأة وعدم ذكاءها ..

لو تصرفت بحكمة .. وحاولت أخفاء صدمتها .. وتعاملها مع الموفق .. كأنه لم يكن ..!!

ستكســـب مكانه عالية أكثر من التى كانت عليها فى الســابق ..

وعندما تشتعل نار الغيرة عند الأخرة وتكثر ( النقة ) فى ( الفارقة المقدودة ) .. هنا ســـتكون فرصة الأولى فى أن تثبت وجودها .. عند قلب الرجل .

ولكن ردة الفعل القاســـية المصحوبة بتجريح للرجل .. هى خســارة فى اســتعادة زوجها من الأخرة ..


لئن الرجل ببســــاطه شـــديدة لا ينسى اهانة المرأة له مهما كانت وآى ما كانت له ..!!

لذلك مهم كانت الزوجة الثانية ســيئة .. يحاول الرجل التغاضى عن عيوبها ويســتمر معها حتى لا تشــمت الاولى فيه ..

كسرة غير متوقعة :

عيبنا نحن النســـاء لا نعلم بعيوبنا ونســتند على الأخرين وأرائهم اكثر من الذى يخصــنا .. علماً بأن الذى يخصــنا هو الاهم بالنسبة لنا ..

فوزية فى نظر المجتمع هى الملاك الطاهر .. هى ســيدة التضحية هى المرأة المثالية ..


اما بالنسبة للحاج هى فاشــــلة تماماً فى حياتها الخاصة ..

وبســاطه شــديدة ح تشوهـ صورة الحاج بالنســبة للمجتمع ( و تطلعو سحار وعيونو حمر ) وهى الملاك الطاهر ..


ولكن فى نظر الحاج هى ( الغولة ) البتبلع الناس دون شـــفقة او رحمة ..



عكس ناهد تماماً .. فناهد .. لا علاقة لها بما يقول عنها المجتمع .. لئن المجتمع لا يعرف حاجتها وحاجة الحاج الشخصــية .. فبالتالى لا يعنيها المجتمع بأكمله .. كل الذى تريدهـ بأن تكون الملاك الطاهر الذى دخل حياة الحاج ســيكســوها برداً وســلاما ..

هدف خارج الشـــبكة .. 45


برأى بأن فوزية خســرت الحاج الى الابد .. حتى لو أنفصل عن ناهد لن يعود لها .. لئن الرجل بتركيبته النفسية لن تسمح له بأن ينســى التجريح و الأهانه التى أهانته له المرأة ..

لئن فوزية نســت فى لحظة غضب ( العز ) الهى عايشــــه فيه .. وذكرته بالماضى الذى حاول جاهداً بأن ينســاهـ ..

مع الأســف هجمة فوزية المرتدهـ فاشـــلة ..

ضــعيت ( عشــرة ) ربع قرن فى لحظة غضب ..ّّ

شـــفتوا كيف

الســـنبلاية يااااااااااخ ..

[طلال الحكيم]

تتوالي الاحداث

واصل وانا متابع

تسلم كتير يا ملك ...

سلاماااات .. طلال والبقية ..!! 2


.............................................



عندما يطلب الرجل من زوجته بان تســمح له أن يتزوج من مرأة أخرة .. هذا ان دل يدل على مكانته فى قلبه ..

ولكن ..

تتحطم تلك المكانه بردة فعلها . بالرغم من ردة فعل متوقعه ..

هنا يكمن ذكاء المرأة وعدم ذكاءها ..

لو تصرفت بحكمة .. وحاولت أخفاء صدمتها .. وتعاملها مع الموفق .. كأنه لم يكن ..!!

ستكســـب مكانه عالية أكثر من التى كانت عليها فى الســابق ..

وعندما تشتعل نار الغيرة عند الأخرة وتكثر ( النقة ) فى ( الفارقة المقدودة ) .. هنا ســـتكون فرصة الأولى فى أن تثبت وجودها .. عند قلب الرجل .

ولكن ردة الفعل القاســـية المصحوبة بتجريح للرجل .. هى خســارة فى اســتعادة زوجها من الأخرة ..


لئن الرجل ببســــاطه شـــديدة لا ينسى اهانة المرأة له مهما كانت وآى ما كانت له ..!!

لذلك مهم كانت الزوجة الثانية ســيئة .. يحاول الرجل التغاضى عن عيوبها ويســتمر معها حتى لا تشــمت الاولى فيه ..

كسرة غير متوقعة :

عيبنا نحن النســـاء لا نعلم بعيوبنا ونســتند على الأخرين وأرائهم اكثر من الذى يخصــنا .. علماً بأن الذى يخصــنا هو الاهم بالنسبة لنا ..

فوزية فى نظر المجتمع هى الملاك الطاهر .. هى ســيدة التضحية هى المرأة المثالية ..


اما بالنسبة للحاج هى فاشــــلة تماماً فى حياتها الخاصة ..

وبســاطه شــديدة ح تشوهـ صورة الحاج بالنســبة للمجتمع ( و تطلعو سحار وعيونو حمر ) وهى الملاك الطاهر ..


ولكن فى نظر الحاج هى ( الغولة ) البتبلع الناس دون شـــفقة او رحمة ..



عكس ناهد تماماً .. فناهد .. لا علاقة لها بما يقول عنها المجتمع .. لئن المجتمع لا يعرف حاجتها وحاجة الحاج الشخصــية .. فبالتالى لا يعنيها المجتمع بأكمله .. كل الذى تريدهـ بأن تكون الملاك الطاهر الذى دخل حياة الحاج ســيكســوها برداً وســلاما ..

هدف خارج الشـــبكة .. 45


برأى بأن فوزية خســرت الحاج الى الابد .. حتى لو أنفصل عن ناهد لن يعود لها .. لئن الرجل بتركيبته النفسية لن تسمح له بأن ينســى التجريح و الأهانه التى أهانته له المرأة ..

لئن فوزية نســت فى لحظة غضب ( العز ) الهى عايشــــه فيه .. وذكرته بالماضى الذى حاول جاهداً بأن ينســاهـ ..

مع الأســف هجمة فوزية المرتدهـ فاشـــلة ..

ضــعيت ( عشــرة ) ربع قرن فى لحظة غضب ..ّّ

شـــفتوا كيف

الســـنبلاية يااااااااااخ ..

يا مرحبا يا سنبلاية ... كلامك ده (عندما يطلب الرجل من زوجته بان تســمح له أن يتزوج من مرأة أخرة .. هذا ان دل يدل على مكانته فى قلبه .. )
كلام مهم ... وحـ يذكرو الحاج بنفسه

باقي كلامك جميل ومثالي جدا ... بس تطبيقه على الواقع فيهو صعوبة شوية ... يعني نادر ما نلقى زوجة قابلت خبر إرتباط زوجها بواحدة تانية ... ببرود

في خواتيم الرواية دي شايف هجماتك بقت مرتدة على مرمى النساء ... الله يستر عليك

[طلال الحكيم]

* * * مواجهة * * *

تململت منى - من تحت البطانية - على فراشها الدافئ وبدأت تفيق من سباتها العميق على أصوات غير معتادة

هذا صوت أمها تبكي ... وهذي ميادة تهدئها ... هل هذا حقيقة أم حلم ؟

يبدو أنه حقيقة .. ما الذي أتى بهما إلى غرفتها ... وكم الساعة الآن ...؟

كشفت الغطاء دفعة واحدة فجهرت عينيها أنوار الغرفة المضاءة ...

- يا جماعة أنا وين ؟ وده منو الببكي ده ؟ والساعة كم هسي ؟

لم يجبها أحد ... ففركت عينيها وبدأت تنظر وتستكشف ما يدور حولها ببراءة ودهشة ..

رأت أمها تبكي وتحكي ما حدث ... فأخذت تنصت لـ تفهم ...

راعتها تلك النظرات المنكسرة لأمها ... كانت تنظر إلى الأرض بمسكنة شديدة وهي تقص ما حدث ..

كانت كلماتها تملأ البنات غيظا وحنقا على الحاج ...

لم ينم الحاج إلا بعد طلوع الفجر ... لذا نام إلى ما بعد الظهيرة ولم يذهب إلى العمل ... قام فقدمت له منى الشاي بصمت ... ومن بعد ذلك الغداء .. تغدى وحيدا كما هي عادته في الآونة الأخيرة ..

كان يعلم أن إحدى بناته ستدخل عليه لتناقشه فيما جرى في الليلة الماضية .. بلا شك أنها ستكون ميادة وربما منى ولكنه احتمال ضعيف ..

فدخلت عليه مي التي لم يكن يضعها في حسبانه البتة ..

ظنها تريد بعض المصاريف أو دخلت لتأخذ شيئا من هنا أو هناك فلم يكترث لها ..

جلس على الكرسي ووضع رجلا على رجل .. وأمسك بجريدة الأمس

- أبوي .. أنت صحي حـ تعرس ؟

نظر إلى وجهها المتجهم نظرة فاحصة .. وقال ببرود

- دايرة شنو يا بت ؟

- أنت حـ تعرس ؟

- آي ... عندك أعتراض ؟

- طبعا

- طيب شيلي معاك إعتراضك ده وأطلعي بره

- بس أنت لازم تسمعني ... أنت يعني عايزني أكون راضية عشان أنت حتعرس في أمي

- ما عايز أي واحد فيكم يرضى ... بس قلة الأدب ما عايزها

- أمي قصرت معاك في شنو ؟ عشان تجازيها كده

- أنا ما قلت قصرت .. بس أنا عايز حاجة وما لقيتها عندها

- الولد يعني ؟

- آي

- طيب ليه ما عرست من زمان

- ما كانت عندي فكرة ... ما كانت عندي رغبة ... ما لقيت مرا مناسبة ... أفهموها زي ما عايزين تفهموها ..

- ومنظر أمي كيف قدام الناس ؟

- يا جماعة أنا بعمل في حاجة حرام ؟ أنا دي حاجة حللها لي ربنا

- بس الناس ما بتفهم الكلام ده

- كفاية أنتو وأمكم تفهمو

- أمي ما ناقصة شي عشان تعرس فيها

- وأنا كمان ما ناقص شي عشان أخاف منكم وما أعرس تاني

- بس دي أنانية

- إتكلمي كويس

- دي الحقيقة ... أنت ما عايز تعرس عشان الولد ... بس زي ما قالت أمي بتكون المرا عجبتك وعملتها حجة ساي

- أقعدو أسمعو كلام أمكم لحدي ما أكرهكم بسببها

- تكرهنا ليه

- في بت بتتكلم مع أبوها كده ؟

- وفي أبو بعمل في مرتو وبناتو كده ؟

- عملت شنو أنا .. عايز أعرس وقلت ليكم عايز أعرس ... وغلطان لما قلت ليكم ... كان أعرس في السر وبعدين لما أموت تسمعو من الناس إنكم عندكم أخو من مرا تانية ... ده جزاي أنا الكنت واضح معاكم وجيت إتكلمت بصراحة .. بس إنتو ما بنفع معاكم الإسلوب ده

- يعني أنت كنت عايزنا نصفق ليك ولأ نعمل شنو ؟ نحن عارفين أمنا كويس ... لو كان فيها عيب ما كنا زعلنا ... والولد ده ما بيدها ... أنت راجل متعلم وعارف الدين ..

- والدين حلل لي أربعة

- يا ها دي الكلمة الماسكين فيها الرجال كلما يتزنقو بمرقو بيها ..

- أنت عايزة شنو يا مي .. أمشي أطلعي بره خلاص ما عايز كلام

- عشان ما عندك رد عايز تقفل الموضوع ..

- والله عال العال ... بقيتي تتفاصحي معاي كده ... ده كلو من عجني ودلعي ليكم

- دلعتنا برا فايدة إذا كانت دي آخرتا كده ... تخلينا للناس تاكل لحمنا

- أنا ما أول راجل يعرس

- ولا حتكون آخر واحد أنا عارفة ... بس أمي ما بتستاهل منك الخاتمة دي

- خاتمة شنو ؟ كأنكم شايفني حـ أموت بكرة

- أنا ما قلت كده ... بس في العمر ده ما مفروض تتصرف تصرفات صبيانة

نظر إليها نظرة ملتهبة ...

- مي أطلعي بره ولأ حـ أقوم أضربك ..أنت أتجاوزتي حدك وأنا عامل حساب لمرضك ... لو دي واحدة من أخواتك كنت كتلتها ..

- حساب شنو البتعملو لي ... لو كنت بتعمل لي حساب ما كان ضبحتني

- ضبحتك كيف

نظرة إليها نظرة مستفهمة ثم فهم ما تعنيه فضحك ضحكة ساخرة

- أيواااااا ... أنا فهمت يا دوب .... يعني دي تصفية حسابات ؟ وأنا أقول مي مالا منفعلة كده ... أنا قايلك زعلانة عشان أمك ... تراكي شايلة في قلبك عشان أنا رفضتا الود المعفن ده


- لا أنا زعلانة عشان أمي ... والود ما كان معفن ... كفاية إنو ود أختك

- عشان كده بقول ليك معفن

- كان تاخد رايي

- ومن متين عندكم رأي بعد رأي يا بت ؟

- دي حياتي

- حياتك الـ حيبعزقا ليك الود المفلس ده ولا ياتو حياة دي

- أنت برضو لما جيت تعرس أمي كنت مفلس و ما كان عندك تعريفة حمرا

- ...................................

- وزي ما غنيت هو برضو ممكن يغنى

- ..............................

- وزي ما صبرت أمي معاك أنا كنت ممكن أصبر معاه

- ...............................

- وهسه فعلا ظروفو إتصلحت

- أنا قلت ليه ما تفكر في الزواج إلا بعد ما تكون نفسك

- لا أنت أهنتو وأهنت أبوه وأمه وقلت ليه أكعب كلام ممكن يتقال

- وأنت عرفتي كيف ؟

- هو القال لي

- يعني كنتو بتتقابلو من وراي

- .............................

- طيب لو أصلا كان عايزك كان جاك تاني بعد ما بقى غنيان ... موش يشرد بأمه ويخلي البلد

- هو كان جاي تاني بس أنا الرفضتا

- ليه ؟

تذكرت ذاك السر .. وأن رفضها له كان بسبب عدم قدرتها على الإنجاب

- رفضتو عشان أنت بتكرهو وهو بقى بكرهك .. وأنا حـ اضيع بيناتكم ... أنا ما حـ أسامحك أبدا على العملتو فيني وهسه كمان عايز تدمر كل البيت بفعايلك دي

- إحترمي نفسك يا بت

- بس كيف أحترمك بعد ده ؟

قام من مجلسه هائجا يصيح بأعلى صوته

- تحترميني غصبا عنك ... كلكم تحترموني غصبا عن الجابكم ... بلاش قلة أدب معاكم ... أمشي أطلعي برة وما أشوف وشك تاني هنا .. ما عايز أشوف خلقة أي واحدة فيكم ... غلطان أنا ال من قبيل قاعد أتناقش معاك ومديك قيمة ... كمان بتقولي لي أحترمك كيف ؟ أنا حـ أوريك تحترميني كيف ... حـ أوريكم كلكم ... يلا بره .

خرجت ببطء ... دون أن تنظر إليه ...

خرجت بعد أن قالت ما لم تظن أنها ستقوله يوما ...

خرجت وهي أقوى مما دخلت .

خرجت ......... والبيت قابع على فوهة بركان .

[ام اسامه]

وجاء الطوفان الذي سياخذ كل شئ
في طريقه....
المواجهة من اصعب الاشياء
التي تبعثر الدواخل...
ثورة فوزية ردة فعل طبيعية
لاي امراة تجرح مشاعرها
..........

غير محرم الزواج الثاني
ولكنه بغيض وعدم قبوله ليس مقتصرا
علي الزوجة وحدها ولكن الابناء في
تلك الحاله يكونوا اكثر شراسة

.........
الحاج يريد ان يقنعهم بسبب غير
حقيقي لزواجه خافيا رغبته الاساسيه
للزواج وانجذابه للانوثة التي حتما
يفتقدها بعامل عمر زوجته
متناسيا ايضا تقدم عمره

.........
ثورة مي تحركها كرامة امها الجريحة
وحبها المذبوح
كل ذلك اعطاها القوة لمواجهة ابيها
دون خوف
المني وصفه الجائر لعبد الله
وحسابات المادة القبيح الذي
يتحدث به

......
كسرة "
اريتها ناهد الهدمت اسرتك
عشانها تتستر معاك

[مسلمة وافتخر]

انا خايفة بعد دا كله تطلع من المولد بلا حمص يا الحاج
مع انى انا ضد مى وكلامها مع ابوها بالشكل دا
بس عزراها برضو
ما هو خبطتين فى الراس توجع

ناهد خربتها وقعدت على تلها

[السنبلاية]

تسلم كتير يا ملك ...



يا مرحبا يا سنبلاية ... كلامك ده (عندما يطلب الرجل من زوجته بان تســمح له أن يتزوج من مرأة أخرة .. هذا ان دل يدل على مكانته فى قلبه .. )
كلام مهم ... وحـ يذكرو الحاج بنفسه

باقي كلامك جميل ومثالي جدا ... بس تطبيقه على الواقع فيهو صعوبة شوية ... يعني نادر ما نلقى زوجة قابلت خبر إرتباط زوجها بواحدة تانية ... ببرود

في خواتيم الرواية دي شايف هجماتك بقت مرتدة على مرمى النساء ... الله يستر عليك

وانت بتقول فيها .. الله يجيب العواقب سليمة ..!!



ما شفتا ناس ذاتو وام اسامه بيحدروا لى كيف ..!!؟ 45

[السنبلاية]

* * * مواجهة * * *

- دي الحقيقة ... أنت ما عايز تعرس عشان الولد ... بس زي ما قالت أمي بتكون المرا عجبتك وعملتها حجة ساي

معقولة بس ..!

- أقعدو أسمعو كلام أمكم لحدي ما أكرهكم بسببها

- تكرهنا ليه

- في بت بتتكلم مع أبوها كده ؟

- وفي أبو بعمل في مرتو وبناتو كده ؟

- عملت شنو أنا .. عايز أعرس وقلت ليكم عايز أعرس ... وغلطان لما قلت ليكم ... كان أعرس في السر وبعدين لما أموت تسمعو من الناس إنكم عندكم أخو من مرا تانية ... ده جزاي أنا الكنت واضح معاكم وجيت إتكلمت بصراحة .. بس إنتو ما بنفع معاكم الإسلوب ده

- يعني أنت كنت عايزنا نصفق ليك ولأ نعمل شنو ؟ نحن عارفين أمنا كويس ... لو كان فيها عيب ما كنا زعلنا ... والولد ده ما بيدها ... أنت راجل متعلم وعارف الدين ..

- والدين حلل لي أربعة

- يا ها دي الكلمة الماسكين فيها الرجال كلما يتزنقو بمرقو بيها ..

- أنت عايزة شنو يا مي .. أمشي أطلعي بره خلاص ما عايز كلام

- عشان ما عندك رد عايز تقفل الموضوع ..

- والله عال العال ... بقيتي تتفاصحي معاي كده ... ده كلو من عجني ودلعي ليكم

- دلعتنا برا فايدة إذا كانت دي آخرتا كده ... تخلينا للناس تاكل لحمنا

- أنا ما أول راجل يعرس

- ولا حتكون آخر واحد أنا عارفة ... بس أمي ما بتستاهل منك الخاتمة دي

- خاتمة شنو ؟ كأنكم شايفني حـ أموت بكرة

- أنا ما قلت كده ... بس في العمر ده ما مفروض تتصرف تصرفات صبيانة

نظر إليها نظرة ملتهبة ...

- مي أطلعي بره ولأ حـ أقوم أضربك ..أنت أتجاوزتي حدك وأنا عامل حساب لمرضك ... لو دي واحدة من أخواتك كنت كتلتها ..

- حساب شنو البتعملو لي ... لو كنت بتعمل لي حساب ما كان ضبحتني

- ضبحتك كيف

نظرة إليها نظرة مستفهمة ثم فهم ما تعنيه فضحك ضحكة ساخرة

- أيواااااا ... أنا فهمت يا دوب .... يعني دي تصفية حسابات ؟ وأنا أقول مي مالا منفعلة كده ... أنا قايلك زعلانة عشان أمك ... تراكي شايلة في قلبك عشان أنا رفضتا الود المعفن ده


- لا أنا زعلانة عشان أمي ... والود ما كان معفن ... كفاية إنو ود أختك

- عشان كده بقول ليك معفن

- كان تاخد رايي

- ومن متين عندكم رأي بعد رأي يا بت ؟

- دي حياتي

- حياتك الـ حيبعزقا ليك الود المفلس ده ولا ياتو حياة دي

- أنت برضو لما جيت تعرس أمي كنت مفلس و ما كان عندك تعريفة حمرا

- ...................................

- وزي ما غنيت هو برضو ممكن يغنى

- ..............................

- وزي ما صبرت أمي معاك أنا كنت ممكن أصبر معاه

- ...............................

- وهسه فعلا ظروفو إتصلحت

- أنا قلت ليه ما تفكر في الزواج إلا بعد ما تكون نفسك

- لا أنت أهنتو وأهنت أبوه وأمه وقلت ليه أكعب كلام ممكن يتقال

- وأنت عرفتي كيف ؟

- هو القال لي

- يعني كنتو بتتقابلو من وراي

- .............................

- طيب لو أصلا كان عايزك كان جاك تاني بعد ما بقى غنيان ... موش يشرد بأمه ويخلي البلد

- هو كان جاي تاني بس أنا الرفضتا

- ليه ؟

تذكرت ذاك السر .. وأن رفضها له كان بسبب عدم قدرتها على الإنجاب

- رفضتو عشان أنت بتكرهو وهو بقى بكرهك .. وأنا حـ اضيع بيناتكم ... أنا ما حـ أسامحك أبدا على العملتو فيني وهسه كمان عايز تدمر كل البيت بفعايلك دي

- إحترمي نفسك يا بت

- بس كيف أحترمك بعد ده ؟

ونعم التربية يا فوزية ..

قام من مجلسه هائجا يصيح بأعلى صوته

- تحترميني غصبا عنك ... كلكم تحترموني غصبا عن الجابكم ... بلاش قلة أدب معاكم ... أمشي أطلعي برة وما أشوف وشك تاني هنا .. ما عايز أشوف خلقة أي واحدة فيكم ... غلطان أنا ال من قبيل قاعد أتناقش معاك ومديك قيمة ... كمان بتقولي لي أحترمك كيف ؟ أنا حـ أوريك تحترميني كيف ... حـ أوريكم كلكم ... يلا بره .

خرجت ببطء ... دون أن تنظر إليه ...

خرجت بعد أن قالت ما لم تظن أنها ستقوله يوما ...

خرجت وهي أقوى مما دخلت .

خرجت ......... والبيت قابع على فوهة بركان .

الموافق الصعبة دائماً بتصهر اللإنسان .. ويظهر على حقيقته ..
لو كان معدنه اصيل ام لا ..!!

مع الأسف الموافق الصعبة .. اظهرت ما كان تخفيه النفوس التى كانت فى نظرنا ارواح طاهرة ونغية من كل الشوائب ..

لو كان عبد الله حبيب مى موجود .. وسمع ما دار بينها وبين ابيها ..!!!

يا ترى ماذا يقول عنها ..!!؟

ظهر معدن حبيبته الغالية .. معدن مصدى .. متهالك .. لقد أصداهـ ذلك الموقف الذى
حدث فى السابق .. وصار معدن رخيص لا يحوى غير الاحقاد وقطع الحديد السامه ..!!

بالجد .. نعم التربية .. يا فوزية ..!!

تخريمة :

تمنيت لو كان والدى على قد الحياة وطلب منى أن اخطب له ..!!؟
لفعلتها بطيب خاطر مهما كانت ردة فعل والدتى .. مع العالم بأن هذا هو حقه الشرعى

ولا يمكننى أن أعتراض على حكمة ربنا .. بأن حلل للرجل الزوج من أكثر من مرأة ..
2

ودمتم سالمين 2

[كيوبيد]

- أنا موش قبل خمسطاشر سنة قلت ليك عرس ؟ وأنت قلت لي لا ... قلت لي رضيان بالبنات ... أنا وقتها قلت ليك لو عايز تعرس عرس هسه عشان الناس بتعذرك وبقولو مرتو ما بتلد غير البنات ... وأنا كمان كنت بعذرك عشان ما قادرة أجيب ليك الولد ... رغم أنو دي حاجة ما بيدي وكل الدنيا عارفة كده ... بس هي في الأخير رغبتك ...بس برضو أنت ابيت وعملت فيها راجل شهم وعندك مروّة ....... هسه بعد العمر ده كلو يا دووووب عرفتا إنك محتاج للولد ؟ بعد ما بقينا عجايز ؟ هسه لو ميادة ما إطلقت ... كنت أت بقيت جد وأنا بقيت حبوبة ... ما بتخجل يا راجل؟ ....... أنت قايلني حـ ابكي وأحنسك عشان ما تعرس ؟ لا يا خوي ... ما فوزية بت ضو البيت البتعمل كدي ... أنا ارجل من مية راجل زيك ... أمش شوف البت الـ لحست ليك راسك الأبيض ده وغشتك ... أمش ليها ... دي ياها من نوع النسوان البتبكن وبحنسن ... لكن انا لا ... أمش ليها وعرسا ... أصلا بعد كلامك دي أنا تاني ما راجية منك شي أكان عرستا ولأ كان خليتا ... خلاس النفس مرقت منك تب ... تاني لا بيني لا بينك ... تطلقني وكراعك فوق راسك ... وشوف ليك بيت غير البيت ده ... ده بيتي وبيت بناتي وأنا ما بمرق منو .... وبناتي ما ليك بيهم شغلة ... أنت اصلا عارف عنهم شنو ؟

مسحت دموعها المنسابة غصبا عنها وواصلت هجومها الضاري ...

- ده جزاي يا الحاج ؟ ده جزاي أنا العرستك ورضيت بيك وما كان عندك تعريفة حمرا ؟ ... وصبرت معاك عشرة سنين ..مرة نتعشى ومرة نبيت جعانين ... وقلت لي جمايلك ما بنساها أبدا ... سترتيني وصبرتي علي ... ولما الدنيا ضحكت ليك وجاتك القروش والبيوت وبناتك كبرن والمسؤولية خفت ... بتدور تعرس فوقي ؟ وبتقول السبب الولد .... لو كان السبب الولد كان عرست من زمان ... من ما ولدتا ليك أخر بناتك ... يعني قريب العشرين سنة ... أنت بتغش على منو يا زول ؟ قايلني عويرة ولأ مغفلة ... بس تلقاك عجبتك واحدة من بنات الزمن ده وغشتك بكلاما لما لقت راسك خفيف ..... وخلتك تنسى شيبتك ومرتك وبناتك

تعرف دا احسن وصف لحالت النسوان
هن اصلا دى طبيعتن شزوفرينا جد
لكن الحاج تبريرو واهن
يا زول دا ما حقو شرعا
سؤال برى : ليه المرة لمن يقولو ليها داير اعرس فيك تقول لى راجله طلقنى
تعرف زكرتنى نكتة المرة الدايرين يعرسو فيها
قالت ولايهمنى اولادى فى الزريبة وبقرى فى المدرسة
طلال يا مبدع ارح اقهر لينا الحريم ديل
فى الاول تلاتة بحبو عبد الله وهسي الحاج داير يعرس
تسلم ايدك

[كيوبيد]

- حساب شنو البتعملو لي ... لو كنت بتعمل لي حساب ما كان ضبحتني

- ضبحتك كيف

نظرة إليها نظرة مستفهمة ثم فهم ما تعنيه فضحك ضحكة ساخرة

- أيواااااا ... أنا فهمت يا دوب .... يعني دي تصفية حسابات ؟ وأنا أقول مي مالا منفعلة كده ... أنا قايلك زعلانة عشان أمك ... تراكي شايلة في قلبك عشان أنا رفضتا الود المعفن ده

يغنى المغنى وكل يبكى على ليلاه
البت جات تصطاد فى الموية العكرة كرشوها
ما عجبنى للمرة التانية الحاج
زول شبة رجل اعمال مفروض يكون دبلماسي فى التعامل
وكت خسر مرتو مافى داعى يخسر بناتو
عبد الله خبرو شنو
جبارة صحبى برجع ليهو موتو وجعنى والله

[ام اسامه]

كيوبيد يااله الحب
انت البتقول يقهروا الحريم؟؟؟؟؟
شييييينة منك

[مسلمة وافتخر]

كيوبيد يااله الحب
انت البتقول يقهروا الحريم؟؟؟؟؟
شييييينة منك

حقد دفين بعيد عنك

[مسلمة وافتخر]

الموافق الصعبة دائماً بتصهر اللإنسان .. ويظهر على حقيقته ..
لو كان معدنه اصيل ام لا ..!!

مع الأسف الموافق الصعبة .. اظهرت ما كان تخفيه النفوس التى كانت فى نظرنا ارواح طاهرة ونغية من كل الشوائب ..

لو كان عبد الله حبيب مى موجود .. وسمع ما دار بينها وبين ابيها ..!!!

يا ترى ماذا يقول عنها ..!!؟

ظهر معدن حبيبته الغالية .. معدن مصدى .. متهالك .. لقد أصداهـ ذلك الموقف الذى
حدث فى السابق .. وصار معدن رخيص لا يحوى غير الاحقاد وقطع الحديد السامه ..!!

بالجد .. نعم التربية .. يا فوزية ..!!

تخريمة :

تمنيت لو كان والدى على قد الحياة وطلب منى أن اخطب له ..!!؟
لفعلتها بطيب خاطر مهما كانت ردة فعل والدتى .. مع العالم بأن هذا هو حقه الشرعى

ولا يمكننى أن أعتراض على حكمة ربنا .. بأن حلل للرجل الزوج من أكثر من مرأة ..
2

ودمتم سالمين 2

الوالد له الرحمة والمغفرة
نحنا لسه فيها عرسى لى ابو اااااسر مرة تانية
ما هو الشرع محلل له اربعة

[مسلمة وافتخر]

- أنا موش قبل خمسطاشر سنة قلت ليك عرس ؟ وأنت قلت لي لا ... قلت لي رضيان بالبنات ... أنا وقتها قلت ليك لو عايز تعرس عرس هسه عشان الناس بتعذرك وبقولو مرتو ما بتلد غير البنات ... وأنا كمان كنت بعذرك عشان ما قادرة أجيب ليك الولد ... رغم أنو دي حاجة ما بيدي وكل الدنيا عارفة كده ... بس هي في الأخير رغبتك ...بس برضو أنت ابيت وعملت فيها راجل شهم وعندك مروّة ....... هسه بعد العمر ده كلو يا دووووب عرفتا إنك محتاج للولد ؟ بعد ما بقينا عجايز ؟ هسه لو ميادة ما إطلقت ... كنت أت بقيت جد وأنا بقيت حبوبة ... ما بتخجل يا راجل؟ ....... أنت قايلني حـ ابكي وأحنسك عشان ما تعرس ؟ لا يا خوي ... ما فوزية بت ضو البيت البتعمل كدي ... أنا ارجل من مية راجل زيك ... أمش شوف البت الـ لحست ليك راسك الأبيض ده وغشتك ... أمش ليها ... دي ياها من نوع النسوان البتبكن وبحنسن ... لكن انا لا ... أمش ليها وعرسا ... أصلا بعد كلامك دي أنا تاني ما راجية منك شي أكان عرستا ولأ كان خليتا ... خلاس النفس مرقت منك تب ... تاني لا بيني لا بينك ... تطلقني وكراعك فوق راسك ... وشوف ليك بيت غير البيت ده ... ده بيتي وبيت بناتي وأنا ما بمرق منو .... وبناتي ما ليك بيهم شغلة ... أنت اصلا عارف عنهم شنو ؟

مسحت دموعها المنسابة غصبا عنها وواصلت هجومها الضاري ...

- ده جزاي يا الحاج ؟ ده جزاي أنا العرستك ورضيت بيك وما كان عندك تعريفة حمرا ؟ ... وصبرت معاك عشرة سنين ..مرة نتعشى ومرة نبيت جعانين ... وقلت لي جمايلك ما بنساها أبدا ... سترتيني وصبرتي علي ... ولما الدنيا ضحكت ليك وجاتك القروش والبيوت وبناتك كبرن والمسؤولية خفت ... بتدور تعرس فوقي ؟ وبتقول السبب الولد .... لو كان السبب الولد كان عرست من زمان ... من ما ولدتا ليك أخر بناتك ... يعني قريب العشرين سنة ... أنت بتغش على منو يا زول ؟ قايلني عويرة ولأ مغفلة ... بس تلقاك عجبتك واحدة من بنات الزمن ده وغشتك بكلاما لما لقت راسك خفيف ..... وخلتك تنسى شيبتك ومرتك وبناتك

تعرف دا احسن وصف لحالت النسوان
هن اصلا دى طبيعتن شزوفرينا جد
لكن الحاج تبريرو واهن
يا زول دا ما حقو شرعا
سؤال برى : ليه المرة لمن يقولو ليها داير اعرس فيك تقول لى راجله طلقنى
تعرف زكرتنى نكتة المرة الدايرين يعرسو فيها
قالت ولايهمنى اولادى فى الزريبة وبقرى فى المدرسة
طلال يا مبدع ارح اقهر لينا الحريم ديل
فى الاول تلاتة بحبو عبد الله وهسي الحاج داير يعرس
تسلم ايدك

كيوبيد شرع الله على العين والراس وما عندنا فيه كلام
بس ما كل النسوان واحد
يعنى فى زوجة عادى انه زوجها يتزوج عليها ولا همها
وفى زوجات بمرضوا عديل وما بقدروا يتحملوا
وفى زوجات غيورات جدا واكيد انت عارف الغيرة الكتيرة ممكن تعمل شنو
وفى النهاية لا ضرر ولا ضرار

[مسلمة وافتخر]

تسلم كتير يا ملك ...



يا مرحبا يا سنبلاية ... كلامك ده (عندما يطلب الرجل من زوجته بان تســمح له أن يتزوج من مرأة أخرة .. هذا ان دل يدل على مكانته فى قلبه .. )
كلام مهم ... وحـ يذكرو الحاج بنفسه

باقي كلامك جميل ومثالي جدا ... بس تطبيقه على الواقع فيهو صعوبة شوية ... يعني نادر ما نلقى زوجة قابلت خبر إرتباط زوجها بواحدة تانية ... ببرود

في خواتيم الرواية دي شايف هجماتك بقت مرتدة على مرمى النساء ... الله يستر عليك

السنبلاية وطلال ورونى وين الحاج طلب من فوزية انه تسمح ليه يتزوج من ناهد
هو جاء رماها ليها ررررب وقال ليها انا عايز اتزوج
يعنى هو اختار وخطط وقرر وجاء ختاها قدام الامر الواقع

[السنبلاية]

-


سؤال برى : ليه المرة لمن يقولو ليها داير اعرس فيك تقول لى راجله طلقنى

ياسفنى بأن اقول .. سؤالك غير برىء ..

طيب أن اقول ليك .. سيكولجية المرأة .. من ناحية علمية ترفض تماماً مشاركة أمرأة أخرى حياة زوجها ..
وغالباً ما تكون هى السبب الرئيسى فى زواج زوجها من أخرى ..

لذلك .. طلبها للطلاق .. فى هذهـ اللحظة تحديداً استعادة لكرامتها ..
ظناً منها أنها فقدتها فى تلك اللحظة ..


شفتا كيف

[السنبلاية]

الوالد له الرحمة والمغفرة
نحنا لسه فيها عرسى لى ابو اااااسر مرة تانية
ما هو الشرع محلل له اربعة

ابو آســـــــــــر .. لو طلب ذلك لا مانع لدى ,,

لكن ..

كل البعملو بشيل شنطتى وآســــــــــر ولدى وبمشى ..
افتش لى زول تانى اعرسو واقضى معاهو باقى عمرى

شفتى كيف .. 45

مافى اصعب من أن المرأة تختار أن تنفصل عن زوجها للتزوج برجل آخر ..!!!؟

[السنبلاية]

كيوبيد يااله الحب
انت البتقول يقهروا الحريم؟؟؟؟؟
شييييينة منك

شكلو كانت عندو وحدة
زى ناهد زولة الحاج نفضت ريشو البطة ..!!

[مسلمة وافتخر]

ابو آســـــــــــر .. لو طلب ذلك لا مانع لدى ,,

لكن ..

كل البعملو بشيل شنطتى وآســــــــــر ولدى وبمشى ..
افتش لى زول تانى اعرسو واقضى معاهو باقى عمرى

شفتى كيف .. 45

مافى اصعب من أن المرأة تختار أن تنفصل عن زوجها للتزوج برجل آخر ..!!!؟

اها قمنا لشغل التلاتة ورقات
انتى معانا ولا مع الخيانة

[مسلمة وافتخر]

شكلو كانت عندو وحدة
زى ناهد زولة الحاج نفضت ريشو البطة ..!!

قاصدة نتفت ريشو ريشة ريشة