الرجوع الصعب

[احمد يس]

فى مداخلة سابقة كنت قد كتبت عن عودة التوازن للناس بعد اجازة العيد ورمضان وضمنتها دعوة للنشاط فى المنتدى وقد كتب المشرف العام على المنتدى يدعونى ان ابدأ.
وقد اخترت لهذا الموضوع عنوان الرجوع الصعب واقصد هنا فكرة العودة الى الوطن لاى مغترب لانه هاجس يقضى مضاجع معظم المغتربين ان لم يكن كلهم ودعونا نحاول ان نقترب من تفكير اى مغترب راوده هذا السؤال
هل اعود الى الوطن ام استمر فى غربتى ؟
انا مثلا يروادنى هذا الخاطر منذ سنوات واول ما اهتم به لكى استطيع الاجابة بنعم او لا سؤال مهم للجميع وهو ماهى موارد الرزق التى سوف اعتمد عليها فى السودان كى استطيع ان ادير دفة سفينة اسرتى الى بر الامان واقصد هنا الامان بتكملة مشوار التعليم لابنائى .
اتعمق اكثر فى التفكير واحاسب نفسى عن محصلة سنوات الغربة هل عندى بيت مهما كان موقعة او طريقة بناءه
كى استطيع تجنب مشكلة الايجار الشهرى
طيب هل عندى مدخرات فى البنوك كى استطيع تسديد الايجار من عوائدها فى حالة عدم امتلاكى لمنزل
هل تلك العوائد تستطيع تغطية تكاليف دراسة الابناء اذا وصولوا للمراحل الجامعية من ترحيل ورسوم تسجيل سنويا
( انا ما عارف رسوم التسجيل السنوية المقصود منها شنو ) فى وقتنا كان التسجيل مرة واحدة عند بدء التعليم الجامعى فقط
طيب كم تكلفة الحياة المعيشية لاسرتى المتوسطة
وتتوالى الاسئلة وتزداد الرهبة من العودة كلما سمعنا عن ارتفاع اسعار الوقود ويتبعها بالطبع ارتفاع الاسعار لاى سلعة اخرى وخاصة الكهرباء والمواصلات والمواد الغذائية
واخر ما افكر فيهو وانا فى هذه السرحة سؤال متواضع وهو
هل خمسين سنة من الاستقلال ليست كافية لان يعيش السودانى فى بلده حياة كريمة.

[فجر المشارق]

فعلا رجوع صعب بل قل (قرار صعب) لانو الواحد عشان يغيش حياة كريمة في السودان يا اما يكون مغترب ويجي يتمتع بقروشو في الاجازات او انو يكون دكتور او مهندس او كوز كبير او..................حرامي كبير
موضوع صعب جدا اتخاذ قرار فيه ولا املك ان اقول سوى (خليها على الله)

[وضاح]

الأخ ك احمد يس
لك التحية
هون عليك يارجل المأساة ليست شخصية بل مأساة وطن كامل ينزف من أوجاعه وصديد سنينه المريرة بالتجربة الفاشلة والقاتلة
دمت بوعي وأمل في بكرة

[احمد يس]

الاخت فجر المشارق
الاخ وضاح
شكرا جزيلا على المشاركة فى هذا الموضوع والاهمية فى الرد تأتى من شعورى ان ناس منتدى انا سودانى ماعندهم نفس للكتابة او الرد لدرجة انو جانى شعور بان الناس ملت من الكتابة فى امور السودان او وصلت لمرحلة اليأس من الكتابة والمشاركة ..... انا فعلا وصلت لهذه المرحلة لانى ماشايف اى بصيص امل وسط الصراعات المستعرة فى بلدنا من اجل السلطة والمال والذى يدفع الثمن فيها المواطن السودانى البسيط
اكرر شكرى لكم وفعلا انا مخليها على الله

[صلاح يحيى سليمان]

عزيزى الاخ أحمد يسن...فى الاول تحياتى ليك...وكل عام والجميع بخير ...وربنا يحقق الامانى ان شاء الله.
موضوع الرجوع الى السودان لكثير من الاخوة المغتربين مشكلة كبيرة جدا...ودى ليست مشكلة السودانين
فقط بل مشكلة كثير من الجنسيات التى هاجرت من بلادها سعيا لوضع احسن.انا ماعاوز اقارن كتير بس اديك
مثال واحد....فى المانيا يعيش حوالى 2 مليون تركى وضع الكثيرين منهم لايحمد....وكثيرين منهم يفكرون فى
الرجوع الى تركيا...ما عندهم ايه مشاكل مادية...مشكلتم والمخوف الكتيرين انهم ما بقدروا يتعاملوا مع الحياة
اليومية فى تركيا....طبعا بحياة الرفاهية العائشنها فى المانيا....من نظام وامان وحرية الخ القائمة. نفس المشكلة
عند الايطالين والاسبان هنا فى المانيا.
انا فى نظرى مشكلة المغترب السودانى يمكن تكون اقله شوية ان بقت بس على الناحية المادية...فالمجتمعات
العربية والشرقية اوجه الحياة فيها يكاد يكون بمستوى واحد .
الحاجه التانية ودى يمكن الخلتنى ارد على المشاركة...تفكير الناس فى انو الدولة مفروض تعمل ومفروض تقدم
وتساعد...وتنجز...الحكومة مقصره....الخدمات فى الواطه.....ال...ال...ال......
يا جماعة انتوا عائشين وين؟؟؟ وفى ياتو زمن؟؟؟؟
زمن الحكومات الكانت بتقدم خدمات عالميا انتهى....اليوم الحكومات اصبحت عائشه من الضرائب المباشرة
وغير المباشرة....اغنى الدول الاوربية اليوم تعانى من مشاكل اقتصادية لاتحصى...ووضع المواطن فيها....صدقونى
اصبح اسواء من حالتنا!!!!!!!!!!!صاح عائشين على حساب الدولة....بس المشاكل النفسية والاجتماعية الوقعوا فيها
الله لا وراكم ليها....
الانسان بطبييعته يبحث دائما على الافضل والاحسن....ويسعى لحياة توافق مزاجه وآمله.....فترة الاغتراب وان
طالت...ما بدوم...ومصير الانسان يرجع فى النهاية الى الوطن والاهل....ودى حاجه الواحد مفروض يخطط ليها
بكل الموازين.ذى ما زمان الواحد جرى وسعى وخطط فى الاغتراب.....ونجح.....اليوم يقعد يخطط ويجرى ويسعى
لاحسن السبل البترجعوا......!!!! اما العاوز يقعد لغاية ما الدولة ( الحكومة) تغير وضع الناس فى البلد والاوضاع
تتحسن...ونبقه ذى الخليج والسعودية عشان المغتربين يرجعوا.......دى بغش فى نفسوا...
اخى احمد....ارجوا منك المعزرة.....الحكاية ما قصة مافى مزاج للكتابة عن مشاكل السودان...بالعكس...بس اليومين
ديل مزنوقين شويه فى تطوير المنتدى.....

مع تحياتى

[احمد يس]

الاخ المشرف العام
شكرا جزيلا على الرد برغم المشغوليات لتطوير المنتدى وفقك الله انت والزملاء القائمين على المنتدى
لقد قرأت الرد اكثر من مرة نسبة لوجود اكثر من نقطة مهمة جديرة بالرد وانا احترم وجهة نظرك رغم وجود اختلاف فى بعض النقاط واتفاق فى الخطوط العريضة مع علمى التام بان الاختلاف فى الراى لا يفسد للود قضية
1) لقد اعطيت مثلا للمغتربين اللذين يفكرون فى العودة لاوطانهم الاتراك المتواجدين فى المانيا واللذين يقدر عددهم باثنين مليون . اود ان اشير الى نقطة مهمة وهو ان المغتربين فى الدول الاوربية والامريكية يختلفون عن مغتربى دول الخليج العربى نسبة لاختلاف قوانين التجنس فمثلا الدول الاوربية تعطى الجنسية للاشخاص المقيمين لمدد معينة وبالتالى فان قرار العودة للوطن مهما كان صعب فان الفشل فى التعايش مرة اخرى فى بلدهم الاصلى ايا كان السبب سواء اقتصادى او اجتماعى فلديهم فرصة للتراجع نسبة لحصولهم على جنسية البلد المقيمين فيه او على اقل تقدير رخصة للاقامة مرة اخرى . اما مغتربى الخليج فقرار العودة باتجاه واحد ولا يستطيعون التراجع .

2) نعم ان معظم الدول تعتمد فى ميزانياتها لبند الايرادت على جزء كبير منها من اموال الضرائب ولكن المعادلة معروفة للجميع بان الضرائب تقابلها خدمة اما ان لايكون هناك خدمات تذكر فى مقابل انواع لاحصر لها من الضرائب ومع ذلك ان واحد من الناس اللذين قدموا كل التزاماتهم الضريبية منذ اغترابى حتى الان دون اى تأخير ولم احصل على اى خدمة انا واسرتى وما يزعجنى هنا شعورى بانها ليست ضرائب بالمعنى المفهوم ز
مثلا ضريبة الدفاع كنا ندفعها وقت الاقتتال مع اخواننا الجنوبيين وبعد ان تم توقيع اتفاقية السلام مازالت مستمرة ولكن بمسمى اخر وهو دعم السلام........ هناك مثلا دمغة الجريح ولا تستطيع ان تنجز اى معاملة خاصة لك او اسرتك فى اى جهة حكومية فى الخرطوم دون ان تدفعها مع ان الحرب انتهت وجروح الجرحى بالتأكيد التأمت
ولم تبقى جروح لم تلتأم سوى جروح المغتربين.

3< اما بالنسبة للمشاكل الاقتصادية والنفسية التى يعانى منها الشعوب فى اوروبا فحدث ولا حرج عن مثيلاتها فى السودان ولو قمت بزيارة قصيرة للسودان سوف ترى بنفسك العبوث على الوجوه والحزن المرتسم على بسمات السودانيين.... ناهيك عن المشاكل الاخلاقية الناجمة عن تدهور الاقتصاد

مشرفنا العزيز اخيرا اود ان انقل لك احساسى الشخصى باننى حاسس انى مثل الفأر فى المصيدة لا قادر اقعد فى المصيدة ولا قادر اخرج منها
تحياتى

[شاربة توت ولابسة بوت]

الاخ احمد يس:


المشكلة دي مش كل المغتربين بيعانوا منها وانا اتكلم عن الفئة التي نست بلدها واعتقدوا انو بلد الغربة هي آخر المطاف واسسوا حياتهم ومستقبلهم على اساس لا رجعة الى ارض الوطن في يوم من الايام..وانبهروا بالرفاهية وسبل الراحة المتنوعة والميسرة..والله يعين الجميع

[صلاح يحيى سليمان]

اخى احمد....حقيقة الموضوع ذى ما قالت الاخت شاربة توت..مشكلة يعانى منها كثير
من المغتربين اذا لم نقل معظمهم...وذى ما قلته ليك...وحسب خبرتى...نهاية الغربة
هى الرجوع للوطن...والجزور...دى طبيعة الانسان...
الاعتماد او المطالبة بتقديم خدمات من الدولة ...دى احسن الواحد ينساها...
انا بشوف انو الواحد لازم يسعى وحده فى خط الرجوع...وبالعزيمة والتخطيط السليم
كل شخص حسب احواله وامكانياته بالتاكيد دى عاوزه كمان تضحيات كتيرة جدا....
انا كمثال قررت الرجوع الى السودان من حوالى سنتين...الشهور الاولى سكنت
زوجتى مع الاولاد (2) فى غرفة واحده...الاولاد ما بعرفوا كلمة عربية....الامراض
يوميا...السخانة...الوسخ...القرف...الخ.
انا طبعا مواصل الشغل هنا فى المانيا وبسافر السودان مرتين فى السنة...
هذا الصيف طلبت من الاولاد يجوا المانيا...رفضوا..عاوزين يقضوا الاجازة
فى السودان......باختصار شديد ....كل الامور سارت بطريقة اصلوا ما كنت
بفكر فيها....وجد انا مرتاح نفسيا لهذا القرار...وكذلك الاولاد.
نصيحتى ليك انته خطط الموضوع تمام....وابدا فى التنفيز فوراااااااااااا
وما تتناقش مع ايه زول .....مش انت مقتنع.....وشوف بعد داك الامور حا
تمشى كيف؟؟؟؟؟؟؟؟
الاخ احمد .... المشكلة انو الواحد يكون عاوز يرجع السودان....بس ظروفو
الماديه صعبة....ده انا ما بنصحوا يرمى ايه حاجه ويكسح للسودان.....خطوة
خطوة...لغاية ما الواحد يقدر ياسس ليهو اساس للرزق فى السودان.

وله رائك شنو؟؟؟؟

مع تحياتى

[بت أبوظبي]

موضوع مهم وحساس وزي مابقولوا موضوع الساعة ..
حقيقة المشكلة بصورة عامة الشخص أي شخص بغض النظرإذا سوداني أو مش سوداني لما يجي يفكر في الإغتراب قلة من الناس بتفكر في الهجرة المؤقتة اللي بترتبط بوقت معين سنة سنتين او حتى خمس سنين لهدف معين لمشكلة محددة ...
دي أولا .. النوع الثاني زي ماقالت الأخت شاربة توت ناس كتير بتهاجر مع فكرة لا عودة ودي للأسف عندنا هنا كتير وبسمع عنها سواء في أوروبا أو أميركا أو إلخ إلخ ! ! !
وكمان بنلاقي كتير ناس ما شبعوا من غربة سنين في بلاد العم سام .. جوا هنا يجربوا الغربة العربية اللي ممكن تكون أحسن من الغربة الأوربية ! ! ##@$%
مع محبتي
بت أبوظبي

[احمد يس]

الاخت شاربة توت
شكرا جزيلا على مشاركتك فى موضوع الرجوع الصعب وفعلا هناك من يغترب ليجرب الحياة المريحة وانبهر بتقدم الغرب ولا يتخيل ان يعود مره اخرى ليعانى فى وطنه ولكن معظم من اغترب خاصة فى دول الخليج كان الامر يتعلق بالناحية المادية بسبب او باخر فهناك من كان مسئول عن اسرة بعد وفاة والده وهناك من اراد ان يكمل نصف دينه وهناك من اراد ان يرد لوالديه بعض من ديونه لهم فاغترب ليبنى لهم منزل ولكن ما يجمع كل هذه الانواع من المغتربين شىء واحد هو ان الزمن قد نشل سنوات طويلة من عمرهم .

[احمد يس]

الاخ المشرف العام
شكرا جزيلا للرد بالرغم من مشغولياتك وشكرى مرة اخرى على سرد تجربتك مع العودة وواضح انك قد دفعت ثمن ليس بالبسيط لقرارك الشجاع بالعودة فأصبحت العودة منقوصة انت هناك فى الغربة لسبب ما قد يكون تكملة مشروع دراسى او مشروع اقتصادى تحتاج لفترة كى تنهى هذه المشاريع واسرتك فى الوطن تستمتع بربوع بلدها واهلها وكما قلت انت يجب ان يكون هناك تضحيات..... رد الله غربتك وجمع شمل الاسرة مع تحياتى

[احمد يس]

الاخت بت ابوظبى
شكرا جزيلا للمشاركة مشالله عليكى عضوة فعالة فعلا وتقريبا مشاركة فى كل المواضيع المختلفة فى المنتدى
اما بالنسبة للاغتراب المؤقت اقول لكى ان معظم مغتربى الثمانينات والتسعينات كانت فكرتهم فعلا غربة مؤقته لهدف محدد وقليلا منهم من كان محظوظا ورجع للسودان كما كان مخططا . لاسباب كثيرة معظم المغتربين لم يعودوا منها مثلا ان الصورة كانت وردية عن الاغتراب على امل تحقيق الهدف فى فترة وجيزة ولكن اصطدموا بحقائق مرة منها العمل فى غير تخصصهم او العمل براتب اقل مما خططوا له او زيادة طلبات اسرهم بالسودان
او زيادة اسعار الاراضى بالسودان بصورة غير متوقعة حيث ان الهدف الاساسى لمعظم المغتربين كان هو بناء البيت....... النتيجة كانت مرور السنين من بين ايديهم دون احساسهم بذلك وقد تحققت بعض الاهداف ولم يتحقق الجزء الاكبر منها ويبقى قرار الرجوع صعب على الكثير منهم ..........
تحياتى

[كاتم الاحزان]

عمنا احمد يسن

مزيد من التالق في سماء هذا الصرح العملاق بروعة التلاقي و عبق الدهشة التي تعكس مدي شفافيتك في ما تعكسه للاخرين ...
الاغتراب في حد ذاته اكبر مشكلة تواجه الكثير من الدول و هي هجرة ابنائها الي الخارج فبهذا تفقد الكثير من الايادي التي تعتبر من العناصر الاساسية في بناء اي امة و اي دولة و لكن نقف مع انفسنا برها من الزمن و نسال انفسنا الي متي سوف يظل الانسان يحمل اعباء الاغتراب بكل سلبيته و ايجابياته
و الي متي سوف تظل الحكومات مكتوفت الايدي تنظر الي هجرة الشباب الي الخارج و هي تلعب الدور السلبي في ذلك ...
اذا نظرنا الي المشكلة بعين الغيرة التامة علي الوطن سوف نجد انفسنا مجبرين علي العودة الطوعية و حتي يتثناء لنا بناء هذا الوطن الي منحنا الكثير و الكثير و مايزال يمنحنا الي ما لا نهاية هل نكون قد وصنا الي اعلي دراجات البخل و نتصف بالانانية المطلقة و النظر الي انفسنا دون الاخرين حتي اذا كان هؤلا الاخرين جزء لا يتجزء من هذا الوطن الكبير

تحياتي

[احمد يس]

العزيز كاتم الاحزان

ازالة الغبار عن مواضيع قديمة مهمة يعطينى انطباع بأن هناك فعلا من يريد ان يستفيد بكل ما ينشر فى هذا المنتدى وان شبابنا بخير والحمدالله فشكرا لك لوضع هذا البوست من جديد فى الصفحات الاولى ....
مهما اغترب الانسان طالت غربته ام قصرت فهو بالتأكيد يعشق وطنه بكل معانى الكلمة ...... انظر مثلا للسادة المتداخلين هنا فى هذا البوست اؤكد لك انهم جميعا بالرغم من اقتناعهم بالعودة فهم مازالوا فى الغربة ..........فهل نعتبر ذلك نوعا من الانانية .......... اعتقد ان لكل منهم اسبابه القوية لبقائه خارج الوطن بل انهم يساهمون فى بناءه بالفعل بالمساعدة فى تعليم ابناء واقارب اختلفت وجهة نظرهم عن الاجيال السابقة فى موضوع الاغتراب .......... على سبيل المثال لى زميل سودانى يعمل معى بنفس الشركة تخرج ابنه من احدى كليات الهندسة بالسودان قسم عمارة وانتهى من الخدمة الالزامية وبدء يشق طريقه من خلال العمل فى المكاتب الهندسية الاستشارية فى الخرطوم ...... حصل والده له على فرصة عمل بالخارج وبمميزات اكثر من ممتازة وحاول اقناع ابنه بالاغتراب ولكنه رفض هذا العرض ورفض الفكرة نفسها دون مناقشة التفاصيل ............. لنا عودة

[بحلم]

فى مداخلة سابقة كنت قد كتبت عن عودة التوازن للناس بعد اجازة العيد ورمضان وضمنتها دعوة للنشاط فى المنتدى وقد كتب المشرف العام على المنتدى يدعونى ان ابدأ.
وقد اخترت لهذا الموضوع عنوان الرجوع الصعب واقصد هنا فكرة العودة الى الوطن لاى مغترب لانه هاجس يقضى مضاجع معظم المغتربين ان لم يكن كلهم ودعونا نحاول ان نقترب من تفكير اى مغترب راوده هذا السؤال
هل اعود الى الوطن ام استمر فى غربتى ؟
انا مثلا يروادنى هذا الخاطر منذ سنوات واول ما اهتم به لكى استطيع الاجابة بنعم او لا سؤال مهم للجميع وهو ماهى موارد الرزق التى سوف اعتمد عليها فى السودان كى استطيع ان ادير دفة سفينة اسرتى الى بر الامان واقصد هنا الامان بتكملة مشوار التعليم لابنائى .
اتعمق اكثر فى التفكير واحاسب نفسى عن محصلة سنوات الغربة هل عندى بيت مهما كان موقعة او طريقة بناءه
كى استطيع تجنب مشكلة الايجار الشهرى
طيب هل عندى مدخرات فى البنوك كى استطيع تسديد الايجار من عوائدها فى حالة عدم امتلاكى لمنزل
هل تلك العوائد تستطيع تغطية تكاليف دراسة الابناء اذا وصولوا للمراحل الجامعية من ترحيل ورسوم تسجيل سنويا
( انا ما عارف رسوم التسجيل السنوية المقصود منها شنو ) فى وقتنا كان التسجيل مرة واحدة عند بدء التعليم الجامعى فقط
طيب كم تكلفة الحياة المعيشية لاسرتى المتوسطة
وتتوالى الاسئلة وتزداد الرهبة من العودة كلما سمعنا عن ارتفاع اسعار الوقود ويتبعها بالطبع ارتفاع الاسعار لاى سلعة اخرى وخاصة الكهرباء والمواصلات والمواد الغذائية
واخر ما افكر فيهو وانا فى هذه السرحة سؤال متواضع وهو
هل خمسين سنة من الاستقلال ليست كافية لان يعيش السودانى فى بلده حياة كريمة.

استاذ احمد
احيك على هذا الموضوع
لان فعلا هو ده الكلام الذى دائما ما يقوله ابى
عندما يفكر فى ان نعود الى السودان
يقول لنا كيف سوف نعيش هناك وماذا سوف اعمل
وكيف سوف تتاقلموا هناك وانتم عيشتم عمركم كله خارج السودان
وكل هذا الكلام الذى يجعلك تقول فى نفسك ان الرجوع ماممكن
وكل هذا الكلام رغم الحنين للسودان
اما بلنسبه لسؤالك كتير من المغتربين لما بتكلم معاهم عن السودان
وحبا اعرف اكتر عنها يقول انى الحياة صعبه هناك رغم كل التطور
اللى فيه السودان الان
سؤالى انا يعنى العيشه فى الغربه ما صعبه
ما بتواجه صعوبات فى المعيشه؟؟
ولى رجعا تانى بعد الجواب على السؤال ده
موضوع جميل جدا يعطيك العافيه