ود الأغبش + كمال الدين المرضي - في مجادعة

[وليد ود الأغبش]

الاغبش :

شفت الحب دا بعمل فينا كيف يالمرضي ؟
يخلي الزول يقول لي نفسو ماتعترضي..
كتار القالو في انو الألم مو فرضي..
بحسو الجتة مصلوبة ومعلقة عرضي..

كمل المرضي:

الحب ماعملك في رويسك أرض
والحب ماهو في آخر الملمات فرضي
الحب بي الرضا.مرضية ﻻقت مرضي
والإتنين يعيشو الريدة طولي وعرضي

الاغبش:

كتييير الفكا دربو وحالتو جايطة جواطة ..
وفي الملخومبو ساكت وساطبو قلبو سواطة ..
كتييير القالو أوووب بي حرقة عالية اسواطة ..
وفي الراكز قصادو .. وفي البدق الواطة


كمال المرضي :

وكتير السالو شبال من سبيب بت عمو
ودفر الريد علي لحمو وسداهوودمو
العارف غرام ريدو وكيوفو وكمو
بلقي مرادو في الرادو ومناهو بتمو

الاغبش :

الزول البريد يالمرضي مضمون همو
مضمونلو السهر رمّاشو مابتلمو
قالولنا الزمان في الريد دا ماتترمو
الببراهو هلكان بي عزابو وسمو

كمال المرضي :

الزول البريد..طربان ..غناهو يرمو
زي قنديل ..بيعجب في المواسم لمو
السرف الذي يروي العطش بي جمو
هو الريد ياصديق..وأجمل حواصلو وتمو

[ام اسامه]

الاغبش :

شفت الحب دا بعمل فينا كيف يالمرضي ؟
يخلي الزول يقول لي نفسو ماتعترضي..
كتار القالو في انو الألم مو فرضي..
بحسو الجتة مصلوبة ومعلقة عرضي..

كمل المرضي:

الحب ماعملك في رويسك أرض
والحب ماهو في آخر الملمات فرضي
الحب بي الرضا.مرضية ﻻقت مرضي
والإتنين يعيشو الريدة طولي وعرضي

الاغبش:

كتييير الفكا دربو وحالتو جايطة جواطة ..
وفي الملخومبو ساكت وساطبو قلبو سواطة ..
كتييير القالو أوووب بي حرقة عالية اسواطة ..
وفي الراكز قصادو .. وفي البدق الواطة


كمال المرضي :

وكتير السالو شبال من سبيب بت عمو
ودفر الريد علي لحمو وسداهوودمو
العارف غرام ريدو وكيوفو وكمو
بلقي مرادو في الرادو ومناهو بتمو

الاغبش :

الزول البريد يالمرضي مضمون همو
مضمونلو السهر رمّاشو مابتلمو
قالولنا الزمان في الريد دا ماتترمو
الببراهو هلكان بي عزابو وسمو

كمال المرضي :

الزول البريد..طربان ..غناهو يرمو
زي قنديل ..بيعجب في المواسم لمو
السرف الذي يروي العطش بي جمو
هو الريد ياصديق..وأجمل حواصلو وتمو

راقني كثيرا
جميل ارتجال الكلمات

[كيوبيد]

الاغبش تحياتى ابداع موصول بابداع
وابونا المرضي صاحب حرف جميل