شعراء الطنبور

[ناجي عثمان عبد الرازق]

مالكن علي


وليه يا نهيدات الجدى
سويتا العجب العجيب
فى قلبى بهدلتنو لى
نوسرتن الجرح القديم
الكان مسهد لى عينى
ومــــــن شفتكـــــــن
ما شفتن الحاصل على
ما شفتن القرن القبيل كت قايلو مات
تاريهــــــــــو حـــــــــى
تاريهو زى ما كان زمان
ينبض ... شباب ... وشجون ... وغى
*****
ليه يا نهيدات الجدى
يا برتكانات استون
فوق عودن اللدن الطرى
مضمور محل .... متبور محل
نجضان ونى
لين هنا ... ونديان هناك
وسط ............قوى
بس عندو سيد مرات عنيد
مرات ............... هدى
*****
ليه يا نهيدات الجدى
واقفات بلا قببا
فقيرن ديمه شالع فوقو ضى
ينشاف قريب ... وينشاف بعيد
بتق فى احساس جديد
ينتر شديد


عبدالله محمد خير

[ناجي عثمان عبد الرازق]

دروب الريده


ريدكم لي شديد يا يابا ريدي أنا للبريدو شديد
إلا أنا ما معاكم ديمه لكن عن حبيبي بعيد
خلوني اللسافر أبوي لو كان في إجازة العيد
أمشي أزور حبيبي الغالي داير أوفي حق الريد
عشان يا يابا من يوم روح ما جاب لي منو بريد
وما قال لي وين يا زولي كيف عامل براك وحيد
ليشن يابا ما بترضوني ياني وليدكم الويحيد
خايف بكره ما تلقوني إلا تتلتولي القيد
شان شوق الحبيب مالكني والنار في ضلوعي تقيد
داير يابا أمشي وأزورو يمكن شوفتو لي تفيد
يابا عليك عطفك لي ما تخلوني أبكي شديد
ويابا إن كت بتدري البي ماب تأبى لي أبقى سعيد
يابا إن كت قادر أخلي كت خليتو بدري أكيد
زولاً حبو عاش في قلبي كيفن عن طريقو أحيد
كان يا يابا ما جربت تهواها الحسان الغيد
وكان يا يابا ما أشجاك صوت البلبل الغريد
وكان يا يابا ما ساهرت وعينيك ضاقن التسهيد
ما بتهتم بي أعذاري مهما أقول ومهما أعيد
دحين يا يابا ماك مشتاق وحيدك يبقى عندو وليد
يحوم في البيت ويلعب فيهو يمرح في براءه سعيد
يقول لي يمه يا حبوبه يا حبوبه عندي نشيد
يسعدني ويسر بال أمه ليك يا يابا يبقي حفيد
هاك يا يابا من أشعاري أبيات أنهكا الترديد
كم تاه في دروب الريده قلبي وكم نظم له قصيد.

عبدالله محمد خير

[ناجي عثمان عبد الرازق]

المبطر


زيـدي مـن لحظـات الــوداد
يـا المبـطـر وسـيـب العـنـاد
إنــت لـيـه إخـتـرت البـعـاد
وفــي بلـدنـا أبـيــت الـقـعـاد
مالقلـوب شـوقـه علـيـك زاد
وبـي وراك أعلنـت الـحـداد
مالو سفرك من غيـر ميعـاد
بيهـو شمـتـو عليـنـا حـسـاد
لامـتـيــن يـنــتــم الــمـــراد
وبكره نسمع بيك جاي صاد
كـم وكـم فــي الدنـيـا زهــاد
بـيـك ولهـانـيـن يـــا سـعــاد
مـا عيـونـي أزاهــا السـهـاد
ومن مشيـت فارقـت الرقـاد
الله لـي صبـري مـن النـفـاد
ويا حليل قلبـي المـا استفـاد
قلـبـي لــو فــي حـبـك يـبـاد
يبقي زي المات فـي الجهـاد
داير أوصفو لوشعـرى جـاد
حاكى فرع البان فرعو مـاد
دقــو ليـهـو الـكـف يــا ولاد
خلـو يـبـدع زي مــا اعـتـاد
يـا جمـيـل ربـنـا كــان أراد
يبـقـى حبـنـا لـيـهـو امـتــداد
قلـت أسافـر وأبـقـي شـحـاد
وأمشي لي بيتن فـي المـزاد
عـاد أدق الـبـاب والله عــاد
أسكت امشي أقيف كالجماد

عبدالله محمد خير

[ناجي عثمان عبد الرازق]

نستك أنا


نــــــســــــيــــــتـــــــك أنــــــــــــــــــــــــــا
نـسـيـتـك مـــــا لأنـــــي إنــســـان ونــســـاي
نــــــســــــيــــــتـــــــك أنــــــــــــــــــــــــــا
لأنــــي بـقــيــت لــمـــا أطـــــراك بـســاهــر
وإنـــــــت طــيــفـــك مــــاهــــو لــــــــولاي
نــــــســــــيــــــتـــــــك أنــــــــــــــــــــــــــا
عــشـــان ردة فـــعـــل ذكــــــراك جــــــواي
بــقــت تـنــتــر مــغـــس مـــــرات ولـــــواي
نــــــســــــيــــــتـــــــك أنــــــــــــــــــــــــــا
ونسيت كل السماحه الفوق دريبـا بقيـت غنـاي
وخليت لـك بلـد بـي حالـو ورحلـت بـي جـاي
غلطانه إن بقيت فهمتي إنو رحيلـي فـوق رأي
مهاجر شان أحسن حالي وأرجع ليك شاشـاي
وحاتك لا لا .. دنيـاك مـا بتوافـق تانـي دنيـاي
وحاتك لا لا .. لا داير أخادعك ولاني خازاي
قـــســــا الــقــلـــب الــبــبــكــي الــــشــــوق
عــلـــيـــك بــــقـــــي مــــاهـــــو بــــكـــــاي
وجـــفـــاهـــا الـــقـــمـــري عــصــريــاتــنــا
مــــــاعــــــاد فــــيــــهــــا .. قــــــوقـــــــاي
صحيح حسدوني فيك زمن عزلتك وقالوا نقاي
ما عارفني بكدح وبشقـى ساكـت ومانـي لقـاي
يفيض بحرك يعم وما فيهـو مـن تـالاي سقـاي
نــــــســــــيــــــتـــــــك أنــــــــــــــــــــــــــا
وبـفـتـش فـــي دلـيــل لـــي دربـــي ضـــواي
دحيـن أطفيهـا نـار الغـيـره أو زيديـهـا بـوبـاي
وأبكي على غرورك بعدي أو كوسيلو رضاي
وقـول لـي مـعـاك سـلامـه، أو قوليـهـا بـابـاي

عبدالله محمد خير

[ناجي عثمان عبد الرازق]

الجروف


الجزيري بقت مخادة
وتانى ختت طين زياده
السواقى البى الغرب طلعت قصادا
وفى الضهارى الرمله الناس زرعت مقادا
الجرف سبروقو ملح
والبحر فات منو روح
قام لبس التوب وسرح
من بعيد بى ايدوا لوح
قالوا مندلين يشوفوا
كل زول ينزل جروفو
الجرف بالخصبه رجح
وللبذور الطيبة نجح
فى الاصيل قمريهو يصدح
لى نعيمو وخيرو يمدح
داك يسلك وداك ينقح
وداك بالشرقية ينبح
جاى دافر القش متمسح
مرة يغطس ومره يطفح
التبش نوارو فتح
والدخن قندولو دندح
خدر الشتل المصفح
جاب قلوب لى اهلو فرح
قالو مندلين يشوفوا
طل زول ينزل جروفو

[ناجي عثمان عبد الرازق]

بتخيل ليك بحبك


بـتـْخـَيـَّـل لـِـيــكْ بحِـبـِّـكْ ..... خـَيـالـِـكْ بـسْ مَاهُــو شـاطِـر
حَـقـِـيـقـَـه بحِـبـِّـكْ وأحِـبـِّـكْ ........ وفى حُـبـِّـكْ مـا بخـاطِـر
دا حُــبْ مـِنْ زمَــنْ الجَّــزيــرَه سُـكـُـونْ الغـِـيـطْ والـقـنـاطِـر
خـَـريــف الــدَّرَتْ الـمَـبـَـشِّـرْ وسِحَـابـُـو الـمَـزمُـوم ومَــاطِـر
******
أنا صَـبـَرتَ سِـنِـيـنى الطـَّويـلى إنتى ما طـَيـَّبـْـتـِـيـلى خـاطِـر
ولا يـُـومْ بـى كـِلـْـمَـه طــَيـْـبـى .... ولا فــَـرِّيـتـِـيـلـى فــاطِـر
أنا بحِـبـِّـكْ مِـنْ يـُـومْ ما شُـفـْـتـِكْ وسَـرَحْ بى حُـبـِّـكْ مسافِـر
وبَـعَــدْ ما آمَـنـْـتَ بــِـيــكْ إنتى قــَاسِى عَـلىْ أبـْـقــَى كـَــافِـر
******
أنـا بحِـبـِّـكْ وحُـبـِّـكْ مَـلـَـكـْـنـى بـِقـَى لـَىْ جُــزء مِـنْ حـيـاتى
وضـَمَّـنـْـتَ إسْـــمـِــكْ أوْرَادِى بـَـسَــبـِّـحْ بــِـيــهـُـو يــومـاتى
عـَـسَـــاىْ يـَـغـَـفـِــرْ لـَىْ ذُنـُــوبـى يـَـكـَـفـِّـــرْ لـَىْ سَـــيـِّـئـاتى
ويَـطـَـمِّــنـِّى أنـا بـى نـَعـِـيـمَــاً مَـبـَـشِّــرْ وحَــتـْـمــاً سَــيـأتى
******
أنا بحِـبـِّـك وحُـبـِّـك عَـشَانو إنـْسَـلـَخْ مِـنْ جـِلـْـدِى الطـَّبـيـعى
وبــِقـِـيـتَ أخـَافْ مِـنْ وصَـالـِـكْ ويَـكـُون فى هَجْـركْ ربـيـعى
وسَـلـَّمْـتــُو مَصِـيــرى عـِـنـْـدِكْ مَخـَـيـَّـرَه حَــتْ لـَـوْ تـَبـيـعى
ومُـنـَـاىْ وكـْـتْ أيـَّـامى تـَـكْـمَـلْ يَـكـُون فى دَارْكـُـم بَـقـِـيـعى

[سمل ود الولياب]

مهما كتبت حروفى فيـــــك وإخترت أفضل ما أقـــــول كلام من الذهب