تحية طيبة لجميع الاعضاء الذين بصموا بمشاركاتهم في هذا البوست .. وتحية خاصة للاخ مرسال الشوق لاتاحته فرصة التحاور بين اعضاء المنتدى والمرآقبين
ونتمنى ان تكون الخلاصة فائدة تعم الجميع ف المنتدى
كيوبيد كتب:
دوركم شنو فى العضويات الزائفة
ايييييييييييوة الزايفة يعنى الواحد يكون عندو اكتر من عضوية
اقصد عضوية ما اسم
لانو لو عندو اكتر من اسم ما بتعرف
مثلاتسابيح احمد (25), tsabeehahme (25), تسابيح علام
دى من مواليد اليوم وظاااهر انها نفس العضو
طيب لية ما تم دمج العضوية بتاعته تسابيح احمد (25), tsabeehahme (25), تسابيح علام
moumou | momomomo
ودا نموزج تانى برضو مواليد اليوم
وكتار النمازج
طيب لية ما تم دمج عضويتم
بدل الحشوة بتاع العضوية
ولنا عودة
تسجيل الأعضاء بكذا عضوية بيتم لاسباب :
1- خطأ في تحميل البيانات قبل اكتمال عملية التسجيل " وهنا العضو بيتخيل انه عضويته ما اكتملت فبيسجل بعضوية اخرى "
2- عضو اراد تغيير اسم عضويته لاسم أخر " ودي ما بتتم إلا عبر الادارة " فبيلجأ لتسجيل عضوية اخرى
3- عضويات الاعلانات " غالبا بتستخدم كذا عضوية متشابهة " لانه بيتم حظرها فورا
4- عضو بيسجل عضوية اخرى لاستخدامها في بعض الامور التي لا يحب الظهور فيها بعضويته المعروفة
نجي للاجابة على السؤال :
لا يمكننا حصر ومتابعة جميع العضويات ( لأن أغلبها غير فعالة أو نشيطة في المنتدى ) فبالتالي ليس لها تاثير .... أما نوعية العضوية البتستغل كذا عضوية للأعلانات أو لأمور شخصية .. فدي بنتعامل معاها فورا ( بالحظر لعضوية الاعلانات .. وتخيير العضو في استخدام عضوية واحدة وايقاف الأخرى )
يقين كتب:
1-حملة تنشيط المنتدى .. هل خدمت الغرض اللي من أجلو اتعملت .ورأيك فيها لين اليوم بصراحة؟! ووين انت منها ؟
هي فكرة إبتدعتها " المرآقب بانه " لتنشيط الاقسام بصفة دورية , وأعتقد إنها نلجحة لحد مـــا
ويعيبها قلة الاعضاء المشاركين وإلتزامهم .
وأنا شخصيا أعاني من تواجدي القليل في الأنترنت " لذلك قلت مشاركاتي عموما "
يقين كتب:
2-قبل خمسة سته سنوات كانت المنتديات قبلة السواد الأعظم من مرتادي الإنترنت والآن اقل من قليل لا زال يحافظ عليها في رايك الشخصي ..ماهي الأسباب والدوافع ؟ ولماذا نداءات العودة لا تطرق الا صُم الآذان لدى الأعضاء المتغيبين خاصة إنو معظمهم متواجد وبكثرة سواء كزوار أو كَ"رواد لمواقع التواصل الإجتماعي"؟
ولي ..عوده
دي حقيقة .. الأغلبية تفضل المواقع الاجتماعية ( لسهولة التواصل المباشر والتعارف الشخصي )
وأغلبية الاعضاء الغائبين , وجدوا ضالتهم هناك , فلما العودة !!؟
وتواجدهم كزوار , أعتقد حنين وتتبع لبعض المواضيع أو الأصدقاء , ليس أكثر !
- الكتابة وإخراج الإبداع حالات مزاجية .. ودخول لوحة التحكم مرات بيخرب المزاج ده خاصة الإضطرار للتعامل مع المشاكل الطارئة .. فهل حاسي إنك قادر توفق بين كونك تابع للطاقم الإداري وبين انك عضو عادي ؟ ولا الأول بيحد شوية من تواجُد التاني وممارستو لنشاطاتو الطبيعية؟
- طيب ..وايا..الإنسان بعيداً عن المنتدى والعالم الإلكتروني .. هل أنتَ راضٍ عن نفسك في مرآة الذات ؟ وهل انت حاسي إنك حققت ولو بعض ما تصبو اليه ؟وشيء لا يكتمل يومك بدونه؟
waya كتب:تسجيل الأعضاء بكذا عضوية بيتم لاسباب :
1- خطأ في تحميل البيانات قبل اكتمال عملية التسجيل " وهنا العضو بيتخيل انه عضويته ما اكتملت فبيسجل بعضوية اخرى "
2- عضو اراد تغيير اسم عضويته لاسم أخر " ودي ما بتتم إلا عبر الادارة " فبيلجأ لتسجيل عضوية اخرى
3- عضويات الاعلانات " غالبا بتستخدم كذا عضوية متشابهة " لانه بيتم حظرها فورا
4- عضو بيسجل عضوية اخرى لاستخدامها في بعض الامور التي لا يحب الظهور فيها بعضويته المعروفة
نجي للاجابة على السؤال :
لا يمكننا حصر ومتابعة جميع العضويات ( لأن أغلبها غير فعالة أو نشيطة في المنتدى ) فبالتالي ليس لها تاثير .... أما نوعية العضوية البتستغل كذا عضوية للأعلانات أو لأمور شخصية .. فدي بنتعامل معاها فورا ( بالحظر لعضوية الاعلانات .. وتخيير العضو في استخدام عضوية واحدة وايقاف الأخرى )
الاسباب 2و4 ما قصدتها انا وزى ما قلت ليك
انا بتكلم عن العضويات المتعددة باسم واحد وادرجت ليك امثلة على كدا
الجملة الحولتها للازرق هى المقصودة بى سؤالى
طيب لية نحن عاملين زحمة عضوية بى اعضاء مكررين
يعنى عشان نقول انو منتدى انا سودانى عضوية 25,381مشترك
بالنسبة لعدم القدرة على الحصر انا كان عندى بوست ممكن يحل ليك المشكلة دى
وهو بوست بانة ما سرقت البوست انا
ودا تم قفلة
ودا سؤالى الجاى
المواضيع المغلقة ونرجو ان يتسع صدركم للاسئلة
وتحياتى
ويا يا غالى
منور الواجهة
برمه:
ماهو اصعب قرار اتخذت وضد منو من الاعضاء والسبب كان شنو ........؟؟
ماالفرق بين ويا العضو وويا الاداري ........؟؟
ودمت بود
يقين كتب:
- الكتابة وإخراج الإبداع حالات مزاجية .. ودخول لوحة التحكم مرات بيخرب المزاج ده خاصة الإضطرار للتعامل مع المشاكل الطارئة .. فهل حاسي إنك قادر توفق بين كونك تابع للطاقم الإداري وبين انك عضو عادي ؟ ولا الأول بيحد شوية من تواجُد التاني وممارستو لنشاطاتو الطبيعية؟
يا صباح الورد ..
فعلا الكتابة حالة مزاجية , أحيانا قادر اوفق بين الكتابة وأداء الواجب الإداري ... لكن ما زي زمان عندما كنت خالي من المسؤولية دي كان نشاطي أكبر من كده بكتير
يقين كتب:
- طيب ..وايا..الإنسان بعيداً عن المنتدى والعالم الإلكتروني .. هل أنتَ راضٍ عن نفسك في مرآة الذات ؟ وهل انت حاسي إنك حققت ولو بعض ما تصبو اليه ؟وشيء لا يكتمل يومك بدونه؟
في الواقع لست راضي تماما عن نفسي ,, فهناك اشياء كثيرة لم احققها بعد
وبومي لا يتكمل بدون " جلسة مع الأصحاب على المقهى "
كيوبيد كتب:
الاسباب 2و4 ما قصدتها انا وزى ما قلت ليك
انا بتكلم عن العضويات المتعددة باسم واحد وادرجت ليك امثلة على كدا
الجملة الحولتها للازرق هى المقصودة بى سؤالى
طيب لية نحن عاملين زحمة عضوية بى اعضاء مكررين
يعنى عشان نقول انو منتدى انا سودانى عضوية 25,381مشترك
بالنسبة لعدم القدرة على الحصر انا كان عندى بوست ممكن يحل ليك المشكلة دى
وهو بوست بانة ما سرقت البوست انا
ودا تم قفلة
ودا سؤالى الجاى
المواضيع المغلقة ونرجو ان يتسع صدركم للاسئلة
وتحياتى
المنتدى لا يقاس بكمية الاعضاء المسجلين ,و وإنما بكمية الأعضاء المتفاعلين ( وديل الأنا بحصر إهتمامي فيهم )
بالعربي كده .. شنو يضرك لو في احمد عبدالسلام 1 , لغاية احمد عبدالسلام 16 ... وهم اصلا ما متفاعلين , أنا كإدارة ابحث بين 25 الف مشترك ( عن طريق الاي بي والبيانات ووو .. عشان أدمجهم ) أظن ما منطقية ... فالافضل أتابع الموضوع ده وسط الأعضاء المتفاعلين اصلا وأحله !
بالله لما تبدأ مراسلتك للاعضاء بالعضو الكريم وتكون ناوي تفك ليه صاروخ من صواريخك الفتاكة ديك بتكون صاري وشك وانت بتصدر قرارك ولا اصدار قرارك بكون بعد ما تاخد نفس طويل وبعد دراسة لجميع ردود الافعال المتوقعة
سؤال خاص
الاغاني الحبشية وقعها عندك كيف بتحبها شديد ولا بتسمعا مرة مرة
- مساحة ..لإستجلاب ذكرى سعيدة .. حدثنا قليلاً عن كسلا ..السوق .. توتيل .. السواقي وجلسة شاي المغربية في رمال القاش.. ويمكن رحلة للرميلة برأس سنةٍ ما أو عيد ؟!
- رسالة عتاب .. وأخرى للشُكر وثالثةٌ إعتذار من القلب لمن توجه هذه الرسائل "ليسَ بالضرورة الأسماء فأمٌ أو صديق تكفي" وماذا ستقول ؟
الحمد لله في زحمة من النعم ,, وما يوحشك حبيب يا غالي
معتبر كتب:
سؤال عام
بالله لما تبدأ مراسلتك للاعضاء بالعضو الكريم وتكون ناوي تفك ليه صاروخ من صواريخك الفتاكة ديك بتكون صاري وشك وانت بتصدر قرارك ولا اصدار قرارك بكون بعد ما تاخد نفس طويل وبعد دراسة لجميع ردود الافعال المتوقع
ههههههه
العضو الكريم دي للمخاطبات الرسمية
" وبكون في منتهى الهدوء لاني بكون في موقع الإداري بعيد عن الأهواء الشخصية "
معتبر كتب:
سؤال خاص
الاغاني الحبشية وقعها عندك كيف بتحبها شديد ولا بتسمعا مرة مرة
الصراحة بحبها جدا .. مع إني بستمع لأغنيتين ثلاثة فقط مخزنهم في تلفوني وفي الكمبيوتر
يقين كتب:
- مساحة ..لإستجلاب ذكرى سعيدة .. حدثنا قليلاً عن كسلا ..السوق .. توتيل .. السواقي وجلسة شاي المغربية في رمال القاش.. ويمكن رحلة للرميلة برأس سنةٍ ما أو عيد ؟!
كسلا .. هي المكان الوحيد الذي لا اشعر فيه بالغربة ( ولا ابالغ إن قلت هي لي كل الوطن )
السوق .. قلب المدينة النابض , فكل شئ يبدأ هنا ,, " اليوم والحياة والعمل والاصدقاء ووو "
توتيل .. رمز وشعار لكينونتنا , ومتكأ دافي نحتضنه كلما ضجت بنا الاشواق " واحيانا للقاء الاحباب "
السواقي والقاش .. رمزان للمدينة , يجسدان طبيعتها الآسرة , والترفيهية " وياما عشنا فيهما أجواء الرحلات والاحتفالات , وكم من الذكريات لا ينسى "
عموما .. كسلا مدينة ساحرة , يعشقها الزوار فكيف بأهلها !!؟
يقين كتب:
- رسالة عتاب .. وأخرى للشُكر وثالثةٌ إعتذار من القلب لمن توجه هذه الرسائل "ليسَ بالضرورة الأسماء فأمٌ أو صديق تكفي" وماذا ستقول ؟ وبجيك صادة
رسالة عتاب , لصديقة عزيزة أدمنت الغياب , اقول ليها :
" هانت الايام عليك ولا هنت عليك أنا "
رسالة شكر , لصديق , سلفني قروش في الظروف الصعبة دي
فعلاً ..الغربة ماأنو تفارق السودان ككُل الغربة إنو نفارق مكان النشأة والميلاد وريحة الذكرى والأعياد ودار احبابنا والأجداد وكسلا غير .. بدون تحيُز !
كمان ..عسى رسائلك تَصل .. وتحقق يللي بتتمناه ،،
،،
-ويّا .. كم النسبة الموجوده من شخصيتك الحقيقية في المنتدى ؟ وما رأيك في اللي عندو شخصيتين بره واحده وجوة واحده تانية ؟ بتديهو العذر ولا ماف شي في الدنيا بيشفع ليهو ؟
- إتوقعتَ مع بداية العام الجديد وإحتفالات الإستقلال .. إنو لما أدخل المنتدى الصباح حألقى في تغيير ..أو تجديد من أي نوع مواضيع ..تغيير استايل ولو مؤقت..حاجه أحِس معاها بإنو 2015 جات ورمينا ورانا القديم بس غير عيدنا عيدين بي تكريم هؤلاء ..ولا شي ليه؟!
يقين كتب:
-ويّا .. كم النسبة الموجوده من شخصيتك الحقيقية في المنتدى ؟ وما رأيك في اللي عندو شخصيتين بره واحده وجوة واحده تانية ؟ بتديهو العذر ولا ماف شي في الدنيا بيشفع ليهو ؟
حبابك يقين ,,
أظن شخصية الانسان تفرض وجودها في كل التعاملات وفي اي مكان ( فأنا عندما أكتب خاطرة أو شعر , فهذا احساسي الحقيقي وموهبة لم أفتعلها لأجل هذا المنتدى ) وقيسي على ذلك .
وعموما الانسان لا يستطيع ان يلبس قناعا لفترة طويلة .. كل ما هناك في موضوع التعامل بشخصيتين , هو محاولة الشخص اظهار جانب من شخصيته واخفاء الجانب الآخر , وأنا شخصيا بقدر ذلك لأنو كل شخص دائما بيحاول اظهار الجانب الأفضل فيه .
يقين كتب:
- إتوقعتَ مع بداية العام الجديد وإحتفالات الإستقلال .. إنو لما أدخل المنتدى الصباح حألقى في تغيير ..أو تجديد من أي نوع مواضيع ..تغيير استايل ولو مؤقت..حاجه أحِس معاها بإنو 2015 جات ورمينا ورانا القديم بس غير عيدنا عيدين بي تكريم هؤلاء ..ولا شي ليه؟!
من فترة طويلة ناقشنا حكاية تغيير استايل المنتدى سنويا .. ولكن وجدنا فكرة الثبات على استايل المنتدى هو تميز في حد ذاته ( وكنا بنغير حاجات بسيطة من فترة لأخرى ) وصراحة لله
أنا بعاني شديد ف الاستايلات والقوالب وبعض الفنيات في المنتدى ( لأنه دي كانت تخصص المرآقب اسنايبر )
أما المواضيع فدي مسؤوليتنا جميعا كأعضاء , ونحن كإدارة إكتفينا بالتهانئ والتكريم
واها .. وكل سنة وأنتي طيبة وهاك الـ 2 " دي أول وردة أهديها في 2015 , شفتي كيف "
رد: في الواجـــــــــــــــــــهة ....
