غريبة العيشة في السودان

[Micro kareem]

غريبة العيشه في السودان:

تشتري موبايل .. يسرقوك
تبني بيت .. يحسدوك
تصوم .. يفطروك

تتدين .. يقولوا:أنصار سنه

ما تتدين .. يقولوا صايع.


تعرس عروس بطرحة .. يقولوا اخد تابيده

ما تعرس .. : يقولوا ما بقدر علي المسئولية
كويس مع مرتك .. : يقولوا عامله ليه عمل
متشاكل معاها .. يقولوا ما يستاهلا


++++++++++++++++++++

*عالم مركب بالغلط ..

تجي الخرطوم .. يقولوا من اهل العوض

ترجع البلد .. يقولوا جاتو صدمة حضارية



تخش الجامعة .. يقولوا خاشي للجكس

تخليها .. يقولوا (غلبتو القراية)

تمشي مع بت الجيران .. يقولوا حبيبتو

تمشي مع ولد الجيران ... يقولوا عشان مصلحتوا

تلبس حلو .. يقولوا ميكي

تلبس شين قميص مزخرف .. يقولوا مكنيكي


تسافر .. يقولوا داير يركب الطيارة

ما تسافر .. يقولوا خايف منها


++++++++++++++++++++

غريبييين ي سودانيين !! ..

-تركب عربية .. يقولوا حقت ابوك

-تركب أمجاد .. يقولوا مفتري

-تركب الحافلة .. يقولوا مفلس

تمشي كداري.. يقولوا (جنا)

وتركب باص الوالي .. يقولوا حرامي


++++++++++++++++++++

*غريب ي مجتمع ..

تتونس .. يقولوا شمشار

ما تتونس .. يقولوا: شايف نفسه.

فقير .. يقولوا :بخيل

(مرتاح) عندك عملة ورقية برمز الدولار .. يقولوا حق حرآآآآآم


وأخييييييراً
تحب قلوب تدور حول بعضها .. يقولوا حنكوش

ما تحب يقولوا : يقولوا قلبوا قاسي


*غريب أنت يا شعبي !!!
*حاصل وﻷ ما حاصل ??


ملحوظه:
*سيبك من قلنا وقالوا..
*خليك في حالك
وطنش عشان تعيش

[السنبلاية]

45 45 45

والله العظيم حيرت افكارى ,,

[مسلمة وافتخر]

تضحك يقولو قلبك ميت
تصر يقولو زول بتاع نكد
يا الله السترة

[shosho wbs]

45 45 45

والله العظيم حيرت افكارى ,,

[السنبلاية]

شوشو .. مشـــــــتاااقين .. 2

[بانه]

متل ما بقولو طنش تعيش تنتعش

مشكور علي الموضوع الظريف دا

[Micro kareem]

45 45 45

والله العظيم حيرت افكارى ,,

حيرت افكاري معاك انا وين ...وين يا سادة

[Micro kareem]

تضحك يقولو قلبك ميت
تصر يقولو زول بتاع نكد
يا الله السترة

تنوم يقولوا كسلان 1