ساعة شباب

[بانه]

[بانه]

[شذي زهر]

[وحـــيد]

[مرسال الشوق]

[شذي زهر]

[الماسة الخماسية]

[بانه]

شذي *وحيد *مرسال * الماسه

نورتو البوست

ومشكورين علي مداخلاتكم الرائعه

بعتذر عن تآخر الرد

يديكم العافيه

[تائب]

اسعد الله صباحكم بكل خير 2

موضوعنا اليوم بتكلم عن المخدرات

انواعه منها الهروين .... الكوكاين.... الحشيش .... البنقو ....

.وانواع كتيره جدا من الحبوب

هي في الاصل معموله للناس العندها نفسيات او صرع

الحاجاات دي بتكون منتشره وسط الطلاب وخاصه طلاب الجامعات

اصحاب السوء كمان يعني مثلا عادي ممكن يختو ليك مخدر

في كبايه العصير او اي شئ علشان تتعود وتدخل معاهم في المود العالي حقهم

طبعا الزول البستخدم الحاجات دي بكون ظاهر جدا

التصرفات حقته بتكون ما طبيعيه

ويحاول يعمل اعذار لي نفسه انه يستخدم الحاجه دي

طيب يلا احنا كيف نقدر ننصح الناس انها ما تستخدم الحاجات دي؟

هل حملات التوعيه كفايه ؟

وهل ممكن بكل سهولة انه الزول البتعاطي يمشي مركز اعاده تأهيل؟

في انتظار مشاركاتكم

أختنا العزيزه بانا
لا شك إن المخدرات آفة العصر .. ومصيبة المصائب
والدخول فيها سهل والخروج منها مستحيل .. ولا بد من
الحرص ومتابعة الأبناء وتوعيتهم على مسنوى البيت وعلى
مستوى منظمات المجتمع المدنى ..
بس يا بانا انا اري إن الأمر فيه بعض المبالغات .. خاصةً عندما
ينسب الأمر لطلبة الجامعات .. كأن وساخة المجتمع هم من يدرسون
بالجامعات والمعاهد العليا ..
طيب تعالوا ندرسها .. ونحن لنا ابناء واخوات يدرسون ..
كم القروش البياخدها فى اليوم .. كم .. ؟؟
عشرين جنيه فى احسن الاحوال ..
كم سعر الشندويتش ؟؟ 8 جنيه .. وهل يكفى سندوتش واحد ؟؟
كم تذكرة ركوب الحافله ذهاب واياب ؟؟؟ 4 جنيه
إذا تبقى له 5 جنيه هل كافيه لشراء شمه من الهيروين ؟؟
الأخت بانا نحن قد ارتدنا الجامعات وتخرجنا منها وإنت ما زلت
جالسه على بنش الدراسه .. الا ترين إن الأمر به نوع من المبالغه !!
نحن يا غاليه درسنا الجامعات فى زمن الداخليات 5 نجوم .. حتى
السجااره العاديه كنا نقسمها بالمسطره .. يعنى بالسنتميتر ونوقف
المروحه عشان الهواء بخليها تكمل بسرعه ..
وانا فى رأي الخاص بانا إن الطلبه حتى لو دفعهم الفضول لإرتياد عالم
المود فإن إمكانياتهم لا تسمح لهم بغير شراء سجاره بنغو وعن طريق
الشيرنغ .. مع العلم إن البنغو نفسه وإن تيسر حصولهم عليه فهو من
المؤثرات العقليه الضعيفه وإدمانه لا يتأتى الا بالتكرار الكبير ..
انا فى رأي الخاص حرام ان نرمى كل اوساخ الدنيا فى صفوة
المجتمع وفى أطهر بيئه [حرم الجامعات] ..

[بانه]

أختنا العزيزه بانا
لا شك إن المخدرات آفة العصر .. ومصيبة المصائب
والدخول فيها سهل والخروج منها مستحيل .. ولا بد من
الحرص ومتابعة الأبناء وتوعيتهم على مسنوى البيت وعلى
مستوى منظمات المجتمع المدنى ..

اهلا بيك عمو تائب

اتفق معك في هذة الجزئيه
بس يا بانا انا اري إن الأمر فيه بعض المبالغات .. خاصةً عندما
ينسب الأمر لطلبة الجامعات .. كأن وساخة المجتمع هم من يدرسون
بالجامعات والمعاهد العليا ..

دا كمثال بس لانه دي اكتر فئه مستهدفه

طيب تعالوا ندرسها .. ونحن لنا ابناء واخوات يدرسون ..
كم القروش البياخدها فى اليوم .. كم .. ؟؟
عشرين جنيه فى احسن الاحوال ..
كم سعر الشندويتش ؟؟ 8 جنيه .. وهل يكفى سندوتش واحد ؟؟
كم تذكرة ركوب الحافله ذهاب واياب ؟؟؟ 4 جنيه
إذا تبقى له 5 جنيه هل كافيه لشراء شمه من الهيروين ؟؟

ما كل الطلاب في اليوم الواحد بياخدو 20 جنيه او بركبو مواصلاته في فئه بتاخد مبالغ كبيره وعندها سياراته الخاصه

الأخت بانا نحن قد ارتدنا الجامعات وتخرجنا منها وإنت ما زلت
جالسه على بنش الدراسه .. الا ترين إن الأمر به نوع من المبالغه !!




نووو مافي اي مبالغه
نحن يا غاليه درسنا الجامعات فى زمن الداخليات 5 نجوم .. حتى
السجااره العاديه كنا نقسمها بالمسطره .. يعنى بالسنتميتر ونوقف
المروحه عشان الهواء [/color]بخليها تكمل بسرعه ..

"]زمان غير الزمن دا حاليا كل شئ اتغير

وانا فى رأي الخاص بانا إن الطلبه حتى لو دفعهم الفضول لإرتياد عالم
المود فإن إمكانياتهم لا تسمح لهم بغير شراء سجاره بنغو وعن طريق
الشيرنغ.. مع العلم إن البنغو نفسه وإن تيسر حصولهم عليه فهو من
المؤثرات العقليه الضعيفه وإدمانه لا يتأتى الا بالتكرار الكبير ..


مين قال كده ؟

الزول حتي لو ما عنده حق السجاره بقدر اجيبه بي اي طريقه يسرق ينهب المهم في النهايه اتحصل عليها

وحتي لو كان تاثيره ضعيف جدا المهم في النهايه بتاثر علي الصحه

والحصول علي المواد المخدره اصبح سهل جدا

انا فى رأي الخاص حرام ان نرمى كل اوساخ الدنيا فى صفوة
المجتمع وفى أطهر بيئه [حرم الجامعات] ..

نحن ما رمينا كل اوساخ الدنيا في طلاب الجامعات احنا بنعالج في قضيه مجتمع

وما أظن في زول يقدر ينكر ويقول انه الجامعات طلابه ما بتعاطو ويبيعو المخدرات

ومشكور علي مداخلتك الرائعه

[shosho wbs]

بانه موضوع مهم جدا
واصبح في الوقت الحالي
البتعاطى المخدرات
كانو بشرب ليهو في كبايه عصير
وممكن عادي يشاهر بيهو كمان
وكانو نوع من التباهي بالمال
او الحريه زي ما بشوفوها
وفي نوع ما بتعاطى بس بتاجر
لانو عارف الاضرار لكن بهمو المكسب لا غير
في راي التوعيه مهمه جدا
يعني في حملات كتيره عن الموضوع دا
وكمان الاهل ممكن يكون تاثيرهم اكبر
في انو يعرفو الزول دا اصحابو منو
كويسين ولا كعبين والاهم دينهم واسرهم كيف ؟!
ما شرط يكونو في الجامعات في الحله كمان
لكن انا بشوف انها منتشره اكتر في الجامعات
لانو ولي الامر صعب انو يحصر العدد اللي
ممكن يتعامل معاهو ولدو ولا بتو

[بانه]

بانه موضوع مهم جدا

مشكوره شوشيتا

واصبح في الوقت الحالي
البتعاطى المخدرات
كانو بشرب ليهو في كبايه عصير
وممكن عادي يشاهر بيهو كمان
وكانو نوع من التباهي بالمال
او الحريه زي ما بشوفوها


والنوعيه دي بقت مشهوره بصوره كثيره جدا


وفي نوع ما بتعاطى بس بتاجر
لانو عارف الاضرار لكن بهمو المكسب لا غير

بالظبط كده


في راي التوعيه مهمه جدا
يعني في حملات كتيره عن الموضوع دا
وكمان الاهل ممكن يكون تاثيرهم اكبر
في انو يعرفو الزول دا اصحابو منو
كويسين ولا كعبين والاهم دينهم واسرهم كيف ؟!
ما شرط يكونو في الجامعات في الحله كمان
لكن انا بشوف انها منتشره اكتر في الجامعات
لانو ولي الامر صعب انو يحصر العدد اللي
ممكن يتعامل معاهو ولدو ولا بتو

غالبيه الاسر بقت مشغولة بي الجري وراء لقمه العيش وحتي لو موجودين في البيت ما سالو من اولادهم وبناتهم لانه في الغالب بكونو مشغولين بالواتس ووسائل التواصل الاخري

تسلمي شوشو علي الطله الجميله

[ابو ايووودي]

يعني ما نشرب عصير تاني
مالكم عايزين تخوفونا يا بنات
اي انسان بتعاطى مخدرات اما لظروف الحياء القاسية وهذا تهرب من المسئولية او مشاكل اسرية
او استصحاب اشخاص فاسدين وحاقدين وسمعنا في شارع النيل الحاجة دي بقت زي كباية الشاي بت وولد ماسكين سيجارة على البحر ومعاها كباية جبنة وعادي
ربنا يستر
بنووو دائما موضوعاتك جيدة ومفيدة ربنا يثبت خطاك ويوفقك

[بانه]

يعني ما نشرب عصير تاني


مالكم عايزين تخوفونا يا بنات
اي انسان بتعاطى مخدرات اما لظروف الحياء القاسية وهذا تهرب من المسئولية او مشاكل اسرية

طيب مافي اسره مافيها مشاكل ،،ما اظن دا سبب يخليني اتعاطي ماده مخدره

او استصحاب اشخاص فاسدين وحاقدين وسمعنا في شارع النيل الحاجة دي بقت زي كباية الشاي بت وولد ماسكين سيجارة على البحر ومعاها كباية جبنة وعادي
ربنا يستر

اصحاب السوء كتيرين جدا ربنا يحفظنا جميعا

بنووو دائما موضوعاتك جيدة ومفيدة ربنا يثبت خطاك ويوفقك

اللهم امين جمعا

ابو ايوودي زدت البوست نورآ

تسلم

[مسلمة وافتخر]

اسعد الله صباحكم بكل خير 2

موضوعنا اليوم بتكلم عن المخدرات

انواعه منها الهروين .... الكوكاين.... الحشيش .... البنقو ....

.وانواع كتيره جدا من الحبوب

هي في الاصل معموله للناس العندها نفسيات او صرع

الحاجاات دي بتكون منتشره وسط الطلاب وخاصه طلاب الجامعات

اصحاب السوء كمان يعني مثلا عادي ممكن يختو ليك مخدر

في كبايه العصير او اي شئ علشان تتعود وتدخل معاهم في المود العالي حقهم

طبعا الزول البستخدم الحاجات دي بكون ظاهر جدا

التصرفات حقته بتكون ما طبيعيه

ويحاول يعمل اعذار لي نفسه انه يستخدم الحاجه دي

طيب يلا احنا كيف نقدر ننصح الناس انها ما تستخدم الحاجات دي؟

هل حملات التوعيه كفايه ؟

وهل ممكن بكل سهولة انه الزول البتعاطي يمشي مركز اعاده تأهيل؟

في انتظار مشاركاتكم

والجديد انه هناك مخدرات جديدة الا وهى المخدرات الرقمية
بجيكم بشرح وافر عنها ان شاء الله

[مسلمة وافتخر]

المخدرات الرقمية
هذا المسمّى الذي أطلقته منظمة الصحة العالمية ولجان مكافحة المخدرات العالمية والمسئولون عن قضايا الإدمان الجسدي والنفسي على هذا النوع من الإدمان والذي يعد النوع الأول من السيطرة العلنية على قلوب وعقول العامة من الناس بشتى الوسائل المخدرات الرقمية او الالكترونية هى ملفات صوتية تعبث بأدق السيالات العصبية في الدماغ .. بل أن وقعها على الدماغ أقوى وأشد من وقع المخدر العادي المشموم أو المبلوع أو المأكول عن طريق الفم أو المحقون عن طريق الدم

[shosho wbs]

المخدرات الرقمية
هذا المسمّى الذي أطلقته منظمة الصحة العالمية ولجان مكافحة المخدرات العالمية والمسئولون عن قضايا الإدمان الجسدي والنفسي على هذا النوع من الإدمان والذي يعد النوع الأول من السيطرة العلنية على قلوب وعقول العامة من الناس بشتى الوسائل المخدرات الرقمية او الالكترونية هى ملفات صوتية تعبث بأدق السيالات العصبية في الدماغ .. بل أن وقعها على الدماغ أقوى وأشد من وقع المخدر العادي المشموم أو المبلوع أو المأكول عن طريق الفم أو المحقون عن طريق الدم

[مسلمة وافتخر]

معقول جدا

[waya]

المخدرات الرقمية
هذا المسمّى الذي أطلقته منظمة الصحة العالمية ولجان مكافحة المخدرات العالمية والمسئولون عن قضايا الإدمان الجسدي والنفسي على هذا النوع من الإدمان والذي يعد النوع الأول من السيطرة العلنية على قلوب وعقول العامة من الناس بشتى الوسائل المخدرات الرقمية او الالكترونية هى ملفات صوتية تعبث بأدق السيالات العصبية في الدماغ .. بل أن وقعها على الدماغ أقوى وأشد من وقع المخدر العادي المشموم أو المبلوع أو المأكول عن طريق الفم أو المحقون عن طريق الدم

دي ما وقعت لي .. كدي زيدي الشرح..!

[مسلمة وافتخر]

دي ما وقعت لي .. كدي زيدي الشرح..!

حااااضر
بس انتظر شوية