أخر الاخبااااااا ر ... المنتدى سغلق لأسباب منها:

[ام مودة]

الهنوف هاتسيب المنتدي ؟ ويعني شنو هي ماسودانيه؟ وهل من شروط المنتدي انه خاص للسودانين؟؟
الاخت الهنوف غنيه عن التعريف ولها مكانتها في قلوب جميع الاعضاء وفي المنتدي وهي صاحبت قلم مميز ومواضيع قيمه ومفيد وجزا الله خير علي المواضيع القيمه في منتدي الاسلامي وبتمنا من الغاليه الهنوف انها ماتترك المنتدي وبقول ليها شكر ليك كتير علي مواضيعك القيمه ونحن سعدا بتواجدك معنا ولك منا كل الشكر والتقدير تحياتي واحترامي ليك ام موده

[فارماس]

البت زيزفون ولا تلفون دي هي متي سجلت حتي تنقد الغير سودانين ؟؟

ارجو من الادارة توقيف عضويتها فوراً حتي لا تخطو خطوة آخري

الهنوف انسانة منا وفينا لا نسمح لأحد الاعضاء او العضوات ان يمسها بكلمة

وبشكرك جداً الاخ النورس المهاجر علي غيرتك للمنتدي وحديثك الطيب عن السودانيين

[مسلمة وافتخر]

يعنى هسى الهنوف دايرة تخلى المنتدى

معقولة يا الهنوف عشان كلمة خرجت من عضوة واحدة دايرة تخلى المنتدى

طيب وين حقنا عليكى حق الاخوة والصداقة والمحبة الصادقة الخالصة لله

وانتى عمود من اعمدة هذا المنتدى ولا يمكن ان نستغنى عنك

فانا لم اعرفك هكذا عزيزتى وصديقتى الهنوف

فانتى اكبر من كل هذا

واتمنى ان تتراجعى عن قرارك بترك المنتدى

لانك صرت اختا لنا وصديقة مقربة مننا

ويشهد الله باننى احبك فى الله حبا صادقا

[النورس المهاجر]

مشكور كتير ياا النورس اخوي وكلامك
لا يحتاج الي تعقيب ,
نداء للاخت الهنوووووف
يشهد الله ان لك مكانة في قلوبنا جميعاً
في المنتدي ادارة واعضاء ,فان اصابك
رزاز من بعض احد الاعضاء (خصوصا
الجدد ) فلا تاخذينا بوزر غيرنا فهناك
99.9999% من اخوانك واخواتك يكنون
لك الخير والمحبة في الله , لا تحرمينا
اجر حدائقك ولا تحرمي نفسك الاجر فينا
وتذكري كيف عاني سيد الخلق رسولنا
محمد صلي الله عليه وسلم وصحابته
في الدعوة ,
ولك منا كل الاحترام والتقدير واعتذر
لك ان طالك بعض الرزاز .

أخي الشمااالي ... الشرقي الغربي الجنوبي .. السوداني الأصل وأصيل ..
حروفك هذه فقط كفيلة لإعطاء الحق للأخت الهنوف وإرجااعها إلينا بأكثر قوة ..
وممكن تكفى لراب الصدع وحل المشكلة ... أشكرك أخي

[النورس المهاجر]

1111



1111111
11111111111
666666666



555555555


444444444

[النورس المهاجر]

البت زيزفون ولا تلفون دي هي متي سجلت حتي تنقد الغير سودانين ؟؟

ارجو من الادارة توقيف عضويتها فوراً حتي لا تخطو خطوة آخري

الهنوف انسانة منا وفينا لا نسمح لأحد الاعضاء او العضوات ان يمسها بكلمة

وبشكرك جداً الاخ النورس المهاجر علي غيرتك للمنتدي وحديثك الطيب عن السودانيين

الشكر كل الشكر لك عزيزي الغالي .. وبكلمااتك هذه تصدرت عرش القلب في محبة أهل السودان وخااصة أهل سوداني
- كما أشكر مشاركتك في النفير لإرجااع الغالية علينا كلنا ( هنوف )
فأكثر من ابداعاااتك بكل الصنوف حتى تتواجد بيننا الهنوف
دمت بود

[النورس المهاجر]

الهنوف هاتسيب المنتدي ؟ ويعني شنو هي ماسودانيه؟ وهل من شروط المنتدي انه خاص للسودانين؟؟
الاخت الهنوف غنيه عن التعريف ولها مكانتها في قلوب جميع الاعضاء وفي المنتدي وهي صاحبت قلم مميز ومواضيع قيمه ومفيد وجزا الله خير علي المواضيع القيمه في منتدي الاسلامي وبتمنا من الغاليه الهنوف انها ماتترك المنتدي وبقول ليها شكر ليك كتير علي مواضيعك القيمه ونحن سعدا بتواجدك معنا ولك منا كل الشكر والتقدير تحياتي واحترامي ليك ام موده

كلماتك تااج على رؤوووسنا .. وفال خير .. قول ومعنى
وأكيد الهنوف راجعة يوم تعرف قيمتها المعرووفة عندنا

أشكرك .. دمتي بود

[بحلم]

النورس يا زوق جد عندك حق فى كلامك
وبجد العقول المريضة دى بتعطى انطباع سىء عن السودانين والسودان
وبعدين اصلا زيز دى ولا ما اعرف اسمها ايه لسه مسجلة ما ليها 3 يوم
جاى تمشى وتقعد على مزجها
وبعدين الهنوف اخت عزيز وغالية ما مجاملة بس اى حد يدخل ملفها
ويشوف عاملة كام تهنئة للاعضاء ويدخل بوست الضراع ليه ماسالتو عنى
ويشوفوا مين اكتر واحدة بتسال من الناس
والله ياخى انا بغيب قد ما بغيب برجع ما بلاقى غيرها بتسال منى
يعنى اللى بتكلم دى بتكلم على اساس ايه الهنوف معنا بقالها قد ايه
عمرها ما غلطة فى حد ولا اساءت لشخص
انسانه محترمه ومهذبة مع الجميع
بجد ناس بتستفز الواحد بطريقة سبحان الله
بجد انا سودانى عمره ما كان كدا ايه الناس الجديدة دى
زمان كان فى بالمنتدى ناس من عمان ومن سوريا ومن السعودية
ومن مصر اقسم بالله ما شوفنا حد اساء لحد
لان السودانين حبوبين وبيرحبو بكل الناس وما بنعرف نسىء غير للى بيسىء لينا
عيب والله اللى بيحصل دا

[السودانى الاصيل]

الشباب المنتقدين للعضوه الجديده زيزى فون


البت واضح انها حسب انها جديده وامكن صغيره سن فاهمه انو اسموانا سودانى
ما متوقعه اكون فيهو غير سودانين اعتبرت انو وجود اعضاء غير سودانيين
تعدى على شئ خاص بيها كسودانيه

ولو لاحظتو لمشاركتا فى الاستفسار العملتو فى الاصدقاء والاحبه لما واحد قال ليها
لانهم بحبو السودان

قالت ما كانت عارفه

يعنى برضو نصححا ونوجها ونخليهم اتصالحوا وبرضو من خطا ممكن ارجع وممكن
لما تفهم الهنوف تكون شنو بالنسبه للمنتدى حتغيير تفكيرا وامكن اكونن صديقات

ما تحملوا عليها كتير وهى زاتا اتخلعت وما ظهرت تانى

رساله مختصره للهنوف الجميله

الهنوف العضوه زيزى عضوه جديده ماهى كنترول ولا هى عضو بعرفك
وما من العدل تسيبى كل الاعضاء الانتى بتعرفيهم حق المعرفه بسبب بسيط
زى دا

وحتى لو كل الاعضاء فى انا سودانى قالوا ليك اطلعى وما عايزنك ما تطلعى
لسبب بسيط جددا

انك حاصره مشاركاتك فى عمل دعوى ولازم الصبر ولنا فى رسول الله صلى الله عليه وسلم
اسوه حسنه اكيد انتى عارفه الحصل وبرضو واصل وصبر

بس انا اكاد اجزم كل الاعضاء بحبوك وانا منهم اتشرفت بوجودك بيننا فى كذا مشاركه
وانتى مثال للعضوه المميزه فالسبب واهى جددا فى مقابل مبررات المواصله

عودى لمنتداك فهو لك كما لنا

[الشمالي]

الهنوووووف
نحن في الانتظااااااااااااار

up

[الدهمشي]

[align=center]معليش يااحباب ان كنت مافى وجيت متأخر وصراحة لقيت الموضوع من نصوا وماعارف البداية شنو لكن فهمت انو فى واحدة مفعوصه زهجت الاستاذة الرائعه الخلوق الهنوف ( ابناء سيدنا يعقوب حسدوا اخوهم يوسف ) هذا لمن كان له قلب ومايعقلها الى اولوا الالباب اللهم نعوذ بك من شر حاسد اذا حسد[/align][/size]

[بعد الزمن]

اللهم لا تعذبنا بما فعل السفهاء منا
برمه :
الهنوف نحن راجنك

[ابن عوف]

يا الحبان


انا مع راى السودانى الاصيل وبرضو زيزى اختنا ومن وفينا اذا اخطاءت نوجها للصواب
وهى اكيد عايزة تستفيد وتفيد

والادارة حظروتها لمدة اسبوع

هنوف انتى استاذة و كلام ذى هذا ما بأثر فيك واصلى رسالتك وحرام تحرمى الناس من ابداعك

دمتم بود

[السودانى الاصيل]

تم حظر العضوه زيزى لمدة اسبوع بسبب الاساءه لاحد الاعضاء

وانا شايف كميه من الاساءات انهالت على العضوه زيزى


السبب شنو ؟؟؟ فى فرق بين عضوه وعضوه

انسانه اخطات ولانها جديده وقلنا تصرفا بدل على صغر سنها حتى
والاداره عاقبتا بالحظر
تانى الاساءه والتصغير ما ليهو اى داعى
وغلط زى ما زيزى غلطتك

والله ما بعرف البت الجديده دى
وفى نفس الوقت الهنوف فقد كبيييير للمنتدى
ومن العضوات النادر اجى زيهم
دا كلو فى الاعتبار
لكن الخطا لا يعالج بخطا اكبر
اذا كانت هى عضوه جديده انتو اعضاء قدام

ارجو من الجميع دعوة الاخت الهنوف للرجوع للمنتدى بدون اساءة او تقليل مقام
العضوه زيزى

[الدهمشي]

تم حظر العضوه زيزى لمدة اسبوع بسبب الاساءه لاحد الاعضاء

وانا شايف كميه من الاساءات انهالت على العضوه زيزى


السبب شنو ؟؟؟ فى فرق بين عضوه وعضوه

انسانه اخطات ولانها جديده وقلنا تصرفا بدل على صغر سنها حتى
والاداره عاقبتا بالحظر
تانى الاساءه والتصغير ما ليهو اى داعى
وغلط زى ما زيزى غلطتك

والله ما بعرف البت الجديده دى
وفى نفس الوقت الهنوف فقد كبيييير للمنتدى
ومن العضوات النادر اجى زيهم
دا كلو فى الاعتبار
لكن الخطا لا يعالج بخطا اكبر
اذا كانت هى عضوه جديده انتو اعضاء قدام

ارجو من الجميع دعوة الاخت الهنوف للرجوع للمنتدى بدون اساءة او تقليل مقام
العضوه زيزى

ياالاصيل اخوى بدون مجامله الانسان مهما كان توجد هنالك اصول فى التعامل

[الهنوف]

[align=center]

اخي واستاذي العزيز النورس المهاجر
أليك كلماتي انت وأخواني واخواتي المتداخلين ...
اخواني صدق تقربني بمحبتهم في لله ،، وعكفت قلوبهم على كتاب الله ،، وأسبلت دموعهم من خشية الله ،، ما زالوا إلى المعالي يتسابقون ،، وفي مصابيح الهداية يشرقون ،، سمو وارتقاء وخلق ونقاء ومحبة تزداد في كل لقاء .. ومنبع هذا كله الأخوة الصـــــــافية أساسها الحب في الله .

انظر إليهم وهم يتحركون فى طاعة الله انظر إليهم وهم يتواعدون فى عمل خير يقربهم إلى الله والله ماجمعني بهم إلا الحب في الله

وما ألف بين قلوبنا إلا الحب في الله ولله لايفرقنا خصام ولايحدث بيننا هجران ولاينزغ بيننا شيطان

إذا سمع أحدهم عن أخيه نميمة وكذب قال حاشا لله إنما هذا بهتان
إذا جاءهم عن أخيهـ قيل وقال قالوا معاذا الله هذه وشاية حاسد ومكائد شيطان
إذا وقف خصيم لأخيه فى الله وقد كان معه إذا وقف يخاصمه يتذكر ولم ينسيه الشيطان ماكان بينهم من حب ووئام .. تذكر كيف كان مع أخيه قبل هذا الخصام تذكر أيام مضت تذكر معاني الحب فى الله
تذكر بوقوفه وهو على طريق الألتزام بأنه يعامل الله وأنه يرجو الله والدار الآخرة
يقف ولسان حاله يقول إنى أ رجو الله والدار الآخرة إنى أرجو رضا الله فيك فيقولها بقلب مليء بالحب والإيمان تعلم أنه وقف بين يدى أخيه المسلم يخاصمه وهو على يقين أن أخيه وإن أخطأت عليه فهو يحب الله ويحب رسول الله فتنظر إليه فيقولها ولايتردد في قولها
إن كنت قد أخطأ عليك فاعتذر فإن الله ربى وربك يصفح ويعذر وإن كنت أنت من أخطأ علي فأسأل من نشترك فى حبه وعبادته أنى قد عفوت عنك يقولها عفوت عنك لوجه الله.
هذا الاخوة في الله وهذا ماتربيت علية وسأموت علية ..
و من اعماق قلبي أشكر كل من سأل عني وإفتقدني
واحب اقول اني يوم دخلت في هذا البيت الكبير العامر بأهلة وناسة .. هو حبي
لآهل هذا البلد الطيب وهذا البلد اعزة مثل بلادي بضبط وحبي لكل بلد عربي مسلم يجمعني بهم الآسلام والعروبة
ولايمكن اني اقارن بين ناس طيبة عرفتهم من زمن طويل بكلام
جاهل او انسان ما يفرق بين الردي والطيب من الناس
وهذا العضوة انا عارفة انها لاتمثل السودان وأهلة
هذا اذا ما كانت منهم او لاتنتمي لهم هذا العضوة لاتعرف منهم السودان بل هي لاتمثل الا نفسها و السودان كما عرفت عنة انا
اهل كرم وطيب واخلاق عالية وعمري ما سمعت عن شعب السودان الا كل خير
اخواني اخواتي احب ان اشكركم شكرا جزيلا على تداخلكم ووالله اني أحبكم في الله ورجعت لكم
عشان خاطركم ولا هانت علي العشرة والمعرفة والاحسان ال تعودتة منكم
وخجلت من كلماتكم وردودكم انحرجت ومالقيت رد لها فل تعذروني ..اخواني واخواتي
الله يجزاكم خير الجزاء ويفقكم ويجعل مثوانا وياكم الجنة يارب

[/align][/size]

[ابن عوف]

اختى الهنوف


هذا ما عهدناه فيك وكلماتك نبراس يضئ لنا


والف شكر للاستجابتك لنا ورجوعك بالسلامة


والف مرحب بيك من جديد اخت عزيزة بيننا كما السودان وطن يسع الجميع فكذلك المنتدى يسع الجميع

يللا اتركى لقلمك العنان للننهل من فيضك

دمتى كما تودين ونود

ونحبك فى الله اخت عزيزة

[النورس المهاجر]

[frame="7 80"]

اهلي الغبش
سكان البيت الكبير( انا سوداني )

الاعضاء الذين عملوا على رد اختنا الغالية الهنوف سوى من شاارك في هذا البوست او اتصل مبااشرة( نبرة) او تراسل معها او كتب في حقها مستحقها هنا او في بوست للاخت جسور الود .. لكم وللمنتدانا أبارك لكم عودة الاخت الهنوف وهذه شيم وقيم ومبااديء انسان خلقه واخلاقه محمدية مهدية ومهتدية وافكاارها اسلامية .. فيكون الصفح والعفو والصبر في طريق الدعوة خير معين للرجعة والتساامح . فإذا كان هنالك شكر فيكون لله اولا ثم للاخت الهنوف ثانيا ان استجااابت للنداااءت واخص بالشكر كل من :

بطة
امال الناس
السنبلاية
رياانة امام
الحلم السوداني
السوداني الاصيل
بت الرسف
ام مودة
الكلمة الطيبة
الشمااالي
ودابنعوف
فاارمس
الدهمشي
بحلم
بعد الزمن

هؤلاء هم من حملوا شعلة النور التي اضااءة طريق الرجعة للاخت الهنوف ... وغيرهم من كاانوا وقود لتلك الشمعة او من حملها او او .. فلهم جميعا ولكل إدارة و اعضاء انا سوداني ازف البشرى بعودة الاخت الهنوف ..
[

دمتم بنياانا مرصوص لا ينخره السوس
دمتم جسور ود وتواصل ومحبة في الله
دمتم زخر وزخيرة وخيرة مستخيرة
دمتم ربااط نحااافظ عليه ونلم ما انقطع منه بسبب الاقدار

[/frame]

[Control 6]

الأعضاء الكرام المنتدى ساحة للترويح عن النفس واكتساب الفائدة والرائع من الأصدقاء وليس مساحة لخلق روح الضيق والفتنة أو الكدر بين الأعضاء ونحن في الإدارة إذ نقوم بتركيز الضوء على أولئك الذين يسعون لزعزة تلك الروح الأخوية التي تجمع الأعضاء ولا سيما الأعضاء الجدد رأينا ما سببته تلك الاساءات من آثار في نفوس أعضاء نكن لهم كل جميل لما بذلوهو في رفعة المنتدى لذا فقد قمنا بما رأيناه مناسبا آملا من المولى أن يكون جميع الأعضاء ومن كل الفئات والجنسيات سعداء في هذا المكان كما نود منكم التبليغ عن أي مشاركة سيئة ضاقت بكم الحيلة تجاهها

وأخيرا تمنياتي لكم بقضاء لحظات رائعة بروعة أهل هذا المكان وأعضاؤه كما هي دعوة لأؤلئك الذين ضاقت روحهم لما بدر من أحد الأعضاء سواء بقصد أو دون قصد أن يقبلو اعتذار أخوانهم واعتذار الادارة عما بدر لهم حيال ذلك

تقبلو تحيات فريق المراقبة وشكرا

[السنبلاية]