القصيدة التى ارضت غرور ادم

[كيوبيد]

فقط اردت أن اقول أنى كنت هنا ..

تحياااتى كيوبيد ..

احسست بوجودك حينما التقطت حواسي رائحة عطرك الفواح 2
شكرا سنبولة للحضور الانيق

[كيوبيد]

بل خوف غناك
الخنقة بتجيب النفس ..
تعب المشاوير الحنان صد من
مشي الريده وعبس ..
من هضلمة صدق الحواس
ما خلى لي بعدك قبس ..
لوكان عديل هادا السكات
كان الكلام من بؤرتك جاك واقتبس ..
لكن خلاص بان كل شي
وما فاضله ليك غير ذكرى بس ..
ذكرى بتجابد في القعاد
انا هد حيل ريدي السهاد
اتحملو
وجواكا لو في اتحملو
ماتهملو
مادام صبر ليك في البعاد
اصبر عليو في القاسيه عاد
كل المصارين زي بعض
وبتشاكلن
وانا فهمي للريد مختلف ...
إنك تجوط لامن تجوط كل الحواس الفي جواي
ولامن تشوفني براك تروق
وانا وانت مش نشبه بعض
انا وانت قلبين في قلب
و اوردتي يوم شافت هواك
فضت دماها من الدرب
شان يمشي فيني وريد وريد
وما احس بيو فيي منسرب
انا حكرتك
وتلاقح الماضي العفيف الشايلو جوات ذكرتك
انا بكرتك
وحتالت الوجع الحفيف الشاقي مغرب حلتك
انا حلتك
لكني ما زينت ليك وإت ماشي إحساس طلتك
انا همك الما بنطرد ..
وانا كل بضاعات السعاده الما بتتمنى الجرد..
وانا نغمة العزف المجيه ومنفرد ..
وإت في الحكاوي قدر ادسك تنسرد ..
إت يم عيوني المافي زول منك ورد ..
إت شافتك غيمات رضاي شرت وقامت ترتعد ..
إت حاجة القول للسكات لامن يكون مارق عليك ما مستعد ..
وإت لو عرفت بإني إت
ماكان رضيت سوقت خطاك وكتين تسافر وتبتعد ..
::::::
[font=&quot] ايمان متوكل [/font]

[Micro kareem]

لك خالص الشكر من الاعماق.....(فبين العشق والكراهية يبقى الحب حائرا )

[يوسف مدير]

اختيارات موفقة ومنتقاة بصورة راقية وهذا دليل على الذوق العالي الذي تتمتع به اخي كيوبيد ...
لك مني تحية بحجم وطننا الجميل ...
والتحية عبرك لكل من أسهمت في اثراء محافل الادب السوداني من حواء هذا البلد ...

[كيوبيد]

لك خالص الشكر من الاعماق.....(فبين العشق والكراهية يبقى الحب حائرا )

بين العشق والكراهية يخرج البعاد حلا ليكون هو الملاذ الوحيد
شكرا على المرور الجميل 2

[كيوبيد]

اختيارات موفقة ومنتقاة بصورة راقية وهذا دليل على الذوق العالي الذي تتمتع به اخي كيوبيد ...
لك مني تحية بحجم وطننا الجميل ...
والتحية عبرك لكل من أسهمت في اثراء محافل الادب السوداني من حواء هذا البلد ...

حواء السودان اكثر من رائعة فقط اذا القينا عليها ضوء الاعلام
ولكن شرقيتنا تقتل ابداعها فى مهد المشاعر
شكرا ود مدير على مرورك الجميل 2

[كيوبيد]

إِنْ لَمْ يَكنْ لَكَ مَا أَقُولْ
كَيْفَ الغَمَامُ مُدَمْدَماً
بَدء الهُطُولْ
كَيْفَ انْبَجَاسُ الماءِ يا مُوسى بِقلبِ الصخرِ
سَيان اصفرار الزرعِ
سيان اخضرارُ الزرعِ
في الأرضِ الذَلُولْ

ظلُّ على الحسِ الشفيفِ
وهرطقاتٌ بالطلولْ
كيفَ التأرجُحِِ بين
شرنقةِ التلاشيْ
والتوردُ بالحضورْ
بين الضجيجِ المستجيشِ
طلاقةً .. وبين إطباقِ الزهولْ
ضدانِ .. لا ضربٌ مِنْ الهَزَيَانْ
حينَ تضمخُ الأيامُ من عبقِِ الأفولْ
حينَ إنطلاقِ العمرِ في خطينِ
مختلفينِ .. ما بينَ النضارةِ .. والذبولْ
وأراكَ يا منطيقَ تُغرينيْ
برونقة الفصول
كالحالم التياه
حين تضج في أذنيه قعقعة السنابك
والطبول
ايمان ادم خالد

[كيوبيد]

[كيوبيد]

[كيوبيد]

[كيوبيد]

[كيوبيد]

[كيوبيد]

ﻛﻞ ﺍﻟﺤﺎﺻﻞ ..
ﺍﻧﺎ ﻗﺮﺭﺕ ﺑﺪﻭﻧﻚ ﺍﻭﺍﺻﻞ ..
ﻭﺇﺕ ﻓﻲ ﻣﺤﻠﻚ ﺧﻠﻴﻚ ﺟﺎﻓﻲ
ﺩﺍﻡ ﺍﻟﺮﻳﺪ ﺍﻟﻌﻨﺪﻙ ﻗﺼﺮ ﻭﻣﺎﻛﺎﻥ ﻛﺎﻓﻲ
ﺩﺍﻡ ﺧﺘﻴﺖ ﻓﻲ ﻣﺤﻠﻚ ﻭﺟﻌﺔ
ﺯﻳﻬﺎ ﺯﻱ ﺍﻟﺮﻳﺪﺓ ﺑﺘﻜﺒﺮ
ﻭﺍﻧﺎ ﻓﻲ ﻣﺤﻠﻲ ﺍﻟﺠﻮﺍﻙ ﻣﺎﻓﻲ
ﻭﻫﺴﻪ ﺍﻟﺤﺎﺻﻞ ..
ﺍﻧﺎ ﻗﺮﺭﺕ ﺑﺪﻭﻧﻚ ﺍﻭﺍﺻﻞ ..
ﻭﻛﻞ ﻳﻘﻴﻨﻲ
ﻣﻬﻤﺎ ﺑﻌﺪﺕ ﻓﻲ ﻳﻮﻡ ﺣﺘﺠﻴﻨﻲ
ﺷﺎﻥ ﺩﻣﻌﺎﺗﻲ ﺍﻟﻠﻴﻚ ﻣﺎﺟﻔﻦ
ﻭﺷﺎﻥ ﺍﺷﻮﺍﻗﻲ ﺍﻟﻴﻮﺕ ﺑﺘﺼﻔﻦ
ﻭﻗﻔﻦ ﺑﻌﺪﻙ ﺻﻔﻦ ﺻﻔﻦ
ﻣﺎ ﺇﺗﻌﺼﻔﻦ
ﺟﻮﺍ ﻗﺼﻴﺪﻙ ﻣﺎ ﺇﺗﻮﺻﻔﻦ
ﻻ ﺇﺗﺒﺴﻄﻦ ﻻ ﺇﺗﻌﺼﻔﻦ
ﻭﻫﺴﻪ ﺍﻟﺤﺎﺻﻞ ..
ﺍﻧﺎ ﻗﺮﺭﺕ ﺑﺪﻭﻧﻚ ﺍﻭﺍﺻﻞ ..
ﻭﻣﺎ ﺇﺗﺨﻴﻠﺘﻚ
ﺯﻳﻚ ﻭﺯﻱ ﺍﻟﻨﺎﺱ ﺍﻟﺠﺎﻳﺮﺓ
ﻭﻣﺎ ﻛﺖ ﺩﺍﻳﺮﺓ
ﺃﻓﻘﺪ ﺭﻭﺣﻲ ﺍﻟﻄﻠﻌﺖ ﻣﻨﻚ
ﻭﺃﻓﻘﺪ ﺣﻨﻚ
ﻭﺇﺕ ﻛﻴﻔﻨﻚ ؟
ﻭﻛﻴﻒ ﻋﻴﻨﻴﻚ ﺍﻟﺪﺍﻳﻤﺎً ﻧﺎﻳﺮﺓ
ﻭﺍﻧﺎ ﺟﺪ ﺣﺎﻳﺮﺓ
ﺧﺎﻳﻔﺔ ﺍﻟﻮﺟﻌﺔ ﺍﻟﻔﻴﻨﻲ ﺗﺠﻴﻠﻚ
ﻗﺎﻟﻮ ﺍﻟﺪﻧﻴﺎ ﻫﻲ ﻻﻓﺔ ﻭﺩﺍﻳﺮﺓ
ﻭﻫﻬﺴﻪ ﺍﻟﺤﺎﺻﻞ ..
ﺍﻧﺎ ﻗﺮﺭﺕ ﺑﺪﻭﻧﻚ ﺃﻭﺍﺻﻞ ..
ﻭﻣﻦ ﺩﻭﻥ ﺭﻭﺡ
ﻭﺑﺎﻗﻲ ﻗﻠﻴﺐ ﻣﻬﻤﻮﻡ ﻣﺠﺮﻭﺡ
ﺷﺎﻗﺔ ﻃﺮﻳﻖ ﺍﻟﻮﺟﻌﺔ ﺑﺮﺍﻳﺎ
ﻭﺍﺑﻜﻲ ﻭﺍﻧﻮﺡ
ﺧﻄﻮﺓ ﺗﻘﻴﻠﺔ ﻭﺷﻮﻕ ﻣﻔﻀﻮﺡ
ﻭﻛﻠﻤﺎ ﺃﻗﺒﻞ ﺃﻟﻘﻰ ﺧﻴﺎﻟﻚ ﻭﻳﻦ ﻣﺎ ﺃﺭﻭﺡ
ﻭﻛﻞ ﺍﻟﺤﺎﺻﻞ ..
ﺃﻧﺎ ﻗﺮﺭﺕ ﺑﺪﻭﻧﻚ ﺃﻭﺍﺻﻞ

ايمان متوكل

[كيوبيد]

ما لايماك
لايمة الزمن الدفق حنك
فوق واطاتي..
ولايمة الحلم الروج وسووق فكرة عشم الزمن الآتي..
وخلى الأمل يتمدد فيني ويبني الجاي بيوت وقطاطي
وفات خلاني
وأنا راجياك
وأنا راجياك في النار بيغادي
.
.
موسم ييغير موجة الواقع
.
.
ويقلب وجهة ريح الغبرة...
يحنس غيمة ملانة مواجع
.
.
ومن دمعاتا تنقط مطرة...
تبل الأرض الضاقت و واسع فيها الضيق للضاق الحسرة
المن فرقاك
ومن فرقاك إتعودت
أداوي الفرقة و وجع الشوق بي هم يوم باكر..
هم بيشلو موظف وطلبة وفي الدكان نملابو دفاتر..
و جوا عيون خريج بتذكر كيفن كان شقيان بيذاكر..
وكيفن فرحتو بي تخريجو وكيف الحظ كان أغبر وعاثر..
وسامع صوت المنطق ينقنق أحسن ليك يا انت تسافر..
عارفك مابتتحمل تبعد ولي إخلاصك انا ماناكر
وفي جواك
في جواك أحلام كمية وفي واقعنا بلاوي عجيبة..
تسرق مرة براءة طفلة وتمحي ملامح أحلى حبيبة..
وترسم بدل النور زنزانة و ترمي الحن بي خلف قضيبا..
تقلع شجرة حنة وتزرع فتنة يولع فينا لهيبا
و أصلو الجاك
أصلو الجاك ما كان في الخاطر ولا يا حنين كان في النية..
ولا متخيلة في أوصالك ببقى بلاءك شر بلية..
و أنا ما بعرف كيفن داير ترمي هموم الجاي عليا
وجرة سوط العنج الشقت باقي كرامة كل بنية..
سرقت مني الحيل والقدرة ونجضت الدمعات النية..
ونشلت روح الحاضر وبكرة وكفرت عمدا بالحرية..
وعذرا إذا جافيت وهجرت يا أسمى معاني الحنية
جد فاقداك
.
.
.
وفاقدة كتير يا غالي وحاتك ولابسة الكضبة عباية وطرحة..
فاقدة القيمة وكل أحوالك تقتل في جواي الفرحة..
بات الدم مهدور في نيلك ووحدك حاري القتلى وجرحى..
ويشهد نيلك كم عاشقنك وكم علشانك عاشق ضحى..
وفيك بتصنت صوت الطيبة وباقي صداك الصوتو انبحا..
وسكن الشارع ونام مستني ضمير الفكرة يتبتبو يصحى
ولليوم داك
أنا ما لايماك..
بس لايمة الزمن الدفق حنك فوق واطاتي
ولايمة الحلم الروج وسوق فكرة عشم الزمن الآتي
وخلى الأمل يتمدد فيني ويبني الجاي بيوت وقطاطي
وفات خلاني و أنا راجياك




وئام كمال الدين

[كيوبيد]

بسأل عليك


كل الإشارات البتفتعل الزحام
تكتم نفس كل الشوارع وتحبسن
تسمع شتايم المارة تحسب في الزمن
بي حجة الصح والنظام........

بسأل عليك
نضم الجرايد والصحف وكل منشور انكتب
بسأل عليك فرح المدينة الدون سبب
وحسرة الريف والضواحي و هم مساجين التعب
ولمة الناس القدام........

والنيل مرق تالا البحر لملم خطاهو علي الشمال
لا فترو الصبح المرق من دون سؤال
لا أخرو الحن البيأخر كل من شد الرحال
لا خاف يسافر في الضلام........

و بفتشك في صوت خنق بالوجعة والخوف الألم
في حس سكن شارع الشعوب الضاجة هم
في كلمة تتلبس سكات من غير بغم
تغنيك عن البوح والكلام........

بسأل عليك الوحشة في سكة حديد
صرخة قطر عجلاتو تختصر البعيد
بسأل عليك شبح البيوت
حرس الحدود
ساعي البريد
و اهديك مع المارة السلام....

بمشيها خطوة شرحبيل
وبقصو دربك دون أتر
و اسأل عليك الساقية والقيف والمطر
واتحسسك جوة القصيد
ووسط تناهيد الوتر
لا ريدك الجواي فتر
لا في الدواخل شوقي نام....

بسأل عليك زمنا مضى إحساسو حي هندامو مات
بسأل عليك الأغنيات
صوت وردي حس ابو عركي دلوكة البنات
زيدان بغني الليلة ديك
والحوت بقول بسأل عليك
وأبو سيد بردد يا سلام.......

وئام كمال الدين.....

[كيوبيد]

دفـقـت مـويـتـى عـلـى الـرهـاب
لـمـا حـسـيـتـك حـنـيـن
ورويـتـنـى مـن حـنـك شـراب
ورجـعـت بـيـك ايـام صـبـاي
ومـا افـتـكـرت احـلامـى
مـعـاك تـكـون سـراب
ورمـيـنـى فـى اوهـام وظـنـون
وخـلـيـتـنـى للـيـل الـعـذاب
ودفـقـت مـويـتـى عــلـى الـرهـاب
لـمـا قـلـت مــنــاي اعـيـش مـعـاك
ومـا قـلـت تـصـلـيـنـى بـصـدودك
وتــحــرق قـلـبـى بـنـار جـفـاك
كـان مـنـاه يـلاقـى حـنـك
وتـسـعـد ايـامـه بـهـواك
وتـبـقـى فـى دنـيـاه مـعـنـى
ويـرجـع الـفـرح الـنـسـاك
وبـيـك تـبـتـسـم اللــيــالـى
وتـسـعـده بــلــحـظـات صـفـاك
احـكـى يـا حـلـم الـصـبـا
احـكـى ايـه غـيـر هـواك
لـيـه جـرت عـلـى يـاغـالـي
وبـدلـت ريـدتـنـا بـجـفـاك
انا قـلـبـى ديـمـه عـلـيـك حـانـى
ومـسـتـحـيـل يـعـشـق سـواك






سعادة عبد الرحمن

[كيوبيد]

خطئي أنا
أنى نسيت معالم الطرق التي لا انتهي فيها إليك
خطئي أنا
أني لك استنفرت ما في القلب ما في الروح
منذ طفولتي وجعلتها وقفاً عليك
خطئي أنا
أنى على لا شئ
قد وقعّت لك
فكتبت أنت أحبتي ومعارفي وقصائدي
وجميع أيامي لديك
اليوم دعنا نتفق
أنا قد تعبت ولم يعد فى العمر ما يكفى الجراح
أنفقت كل الصبر عندك والتجلّد والتجمّل والسَماح
أنا ما تركت لمقبل الايام شئ
إذ ظننتك آخرالتّطواف فى الدنيا
فسَرّحَت المراكب كلها
وقصصتَ عن قلبي الجناح


روضة الحاج

[كيوبيد]

عيدها تانى
ﺃﺳﻘﻴﻨﻲ ﻣﻦ ﺷﺮﻳﺎﻥ ﻫﻮﺍﻙ..
ﻭﺃﻃﺮﺍﻫﻮ ﻗﻠﺒﺎً ﻣﺎﻧﺴﺎﻙ
ﺩﺛﺮﻧﻲ ﻣﻦ ﺃﻧّﺎﺕ ﺷﻘﺎﻙ..
ﻭﺃﺣﻤﻴﻨﻲ ﻣﻦ ﺁﻫﺎﺕ ﺟﻔﺎﻙ
ﻭﻣﺪ ﻋﻠﻰ ﺇﻳﺪﻳﻚ ﺗﻌﺎﻝ.. ﻧﺴﻜﻦ ﻫﻨﺎﻙ
ﻧﻌﺒﺮ ﻣﺘﺎﻫﺎﺕ ﺍﻟﻬﻼﻙ..
ﺑﻨﺴﺞ ﺣﺮﻭﻑ ﺍﻹﻟﻔﺔ ﺧﻴﻂ
ﻭﺑﻤﺪﻭ.. ﻋﺸﺎﻥ ﻳﻮﺻﻞ ﺳﻤﺎﻙ
ﻭﺃﺟﻤﻊ ﺳِﻤﺎﺕ ﻗﻠﺒﺎً ﻭﻟﻮﻑ..
ﻣﻨﺎﻫﻮ ﻛﺎﻥ ﻳﺤﻈﻰ ﺑﺮﺿﺎﻙ
ﻭﺃﺳﻘﻴﻚ ﻣﻦ ﺩﻣﻲ ﺍﻟﻌﺸﻢ ..
ﻣﺎ ﻋﺸﻤﻲ ﺩﻳﻤﻪ ﺃﻛﻮﻥ ﻣﻌﺎﻙ
ﻳﺎ ﺣﺴﻲ.. ﻭﺇﺣﺴﺎﺳﻲ.. ﻭﻣﻨﺎﻱ..
ﻳﺎ ﻛﻠﻤﺔ ﺑﻨﻄﻘﺎ ﻓﻲ ﻏُﻨﺎﻱ
ﺑﻨﺴﺞ ﻧﺒﺾ ﻗﻠﺒﻚ ﺑﻴﻮﺕ..
ﺃﺑﻨﻴﻬﺎ ﺷﺎﻥ ﺃﺳﻜﻦ ﺑﺮﺍﻱ
ﻭﺃﻛﺘﺐ ﻋﻠﻴﻬﺎ ﺑﺮﻳﺪﻭ ﻣﻮﻭﻭﺕ..
ﻣﺎ ﺍﻟﺮﻳﺪ ﺻﺒﺢ ﺯﺍﺩﻱ ﻭ ﻫﻨﺎﻱ
ﻭﺃﺳﺘﻞ ﺳﻴﻒ ﻧﻄﻘﻲ ﺍﻟﻮﻗﻒ..
ﻣﺎ ﺍﻟﺮﻳﺪ ﻭﺻﻞ ﺣﺪ ﺍﻟﻮﺻﻒ
ﺗﻌﺒﺖ ﺩﻡ ﻗﻠﻤﻲ ﺍﻟﺮﻋﻒ..
ﻭ ﻭﻗﻔﺖ ﻛﺘﺎﺑﺎﺕ ﺍﻟﺤﺮﻭﻑ
ﺃﻧﺎ ﻣﺎ ﺇﺑﺘﺪﻳﺘﺎ ﻣﻦ ﺍﻷﻟﻒ
ﺃﻟﻔﻚ: ﺃﻧﺎﻣﻞ ﺗﻌﺘﺮﻑ..
ﺑﺎﺀﻙ : ﺑﻴﻮﺗﺎﺕ ﺍﻟﻮﺻﻒ
ﺗﺎﺀﻙ: ﺗﺮﺍﻧﻴﻢ ﺍﻟﺤﺮﻑ..
ﻭﺛﻮﺍﻧﻲ ﺛﺎﺀﻙ ﺗﺮﺗﺠﻒ..
ﻭﺍﻟﺠﻴﻢ: ﺟﻮﺍﺑﺎﺕ ﻟﻠﺴﺆﺍﻝ..
ﻭﺍﻟﺤﺎﺀ: ﺣﻜﺎﻳﺎﺕ ﻟﻠﺨﻴﺎﻝ
ﻭﺍﻟﺨﺎﺀ: ﺧﻠﻮﺩ ﺍﻹﺭﺗﺠﺎﻝ ..
ﻭﺍﻟﺪﺍﻝ: ﺩﻻﻝ ﺍﻹﺣﺘﻴﺎﻝ
ﻭﺍﻟﺬﺍﻝ: ﺫﻭﺍﻝ ﺍﻹﺣﺘﻤﺎﻝ ..
ﻭ ﺗﺮﺍﻫﻮ ﺯﻳﻦ ﺯﻳﻨﻚ ﻣﺤﺎﻝ
ﺳﺎﻗﺖ ﺳﺤﺎﺏ ﺳﻴﻨﻚ ﻣﺪﺍﺭ..
ﻧﺎﺩﺕ ﻧﻘﺎﻁ ﺷﻴﻨﻚ ﺗﻌﺎﻝ..
ﻭﺍﻟﺼﺎﺩ: ﺻﺪﻕ ﻻﻓﻴﻨﻮ ﺷﺎﻝ..
ﺷﺎﻟﺖ ﻣﻦ ﺍﻟﻀﺎﺩ ﺍﻟﺪﻻﻝ
ﻭﺍﻟﻄﺎﺀ: ﻃﺮﻕ ﻟﻺﻋﺘﺬﺍﺭ..
ﻭﺍﻟﻈﺎﺀ: ﻇﺮﻭﻑ ﺍﻹﻧﻔﻄﺎﺭ
ﻭﺍﻟﻔﺎﺀ: ﻓﻮﺍﺭﻕ ﺍﻹﻧﺸﻄﺎﺭ..
ﻣﻜﺘﻮﺑﺔ ﻗﺎﻓﻚ ﻓﻴﻨﻲ ﻓﺎﻝ
ﻛﺎﺳﻴﺎﻧﻲ ﻛﺎﻓﻚ ﺗﺎﺝ ﺧﺼﺎﻝ ...
ﻭﺍﻟﻼﻡ: ﺷﻠﻊ ﻧﻮﺭ ﺍﻟﻬﻼﻝ
ﻭﺍﻟﻤﻴﻢ: ﻣﺪﻥ ﻟﻺﻧﺘﺼﺎﺭ ..
ﻧﻮﺭ ﻗﻤﺮ ﻧﻮﺭﻙ ﻧﻬﺎﺭ
ﺟﺪﺩﺕ ﻓﻲ ﻫﺎﺀ ﺍﻟﻤﻨﺎﻝ ..
ﻭﺻﻴﺖ ﻋﻠﻰ ﻭﺍﻭﻙ ﺭﺟﺎﻝ
ﻭﺍﻟﻴﺎﺀ: ﻗﻠﻴﺒﻲ ﺍﻧﺎ ﻟﻴﻬﺎ ﻣﺎﻝ
ﻭﻭﻗﻔﺖ ﻛﺘﺎﺑﺎﺕ ﺍﻟﺤﺮﻑ..
ﻭﺭﻳﺪﻱ ﻟﻴﻚ ﺃﻧﺎ ﻣﺎ ﻭﻗﻒ
ﺯﺍﺭﻋﺎﻫﻮ ﺭﻳﺪﻱ ﺃﻧﺎ ﻣﻦ ﺍﻟﻌﺮﻭﻕ..
ﺳﺎﻗﻴﺎﻫﻮ ﺑﺪﻣﻊ ﺍﻟﻮﻟﻒ
ﻭﺍﻟﻠﻴﻠﺔ ﻣﺎﺷﺔ ﻋﻠﻰ ﺍﻟﺤﺼﺎﺩ
ﺑﺮﻳﺪﻱ ﻟﻴﻚ ﺃﻧﺎ ﺑﻌﺘﺮﻑ

الشاعرة إسلام النحاس

[shai..toon]

ﺃﻧﺎ ﻣﺎ ﺇﺑﺘﺪﻳﺘﺎ ﻣﻦ ﺍﻷﻟﻒ

ﻭﺛﻮﺍﻧﻲ ﺛﺎﺀﻙ ﺗﺮﺗﺠﻒ..


ﻭﺍﻟﺨﺎﺀ: ﺧﻠﻮﺩ ﺍﻹﺭﺗﺠﺎﻝ ..

ﺩﻻﻝ ﺍﻹﺣﺘﻴﺎﻝ


ﻟﻀﺎﺩ ﺍﻟﺪﻻﻝ

كيوبيد السلام عليك

[كيوبيد]

كيوبيد السلام عليك

حبابك الف نورت البلاد