المشرف: بانه
مرسال الشوق كتب:مساءك عسل
ومنورة المنتدي من جديد
بخصوص تعقيبك علي الموضوع
مختصر ... مفيد .... واقعي وحقيقي
shosho wbs كتب:مسسساء الفل
منور بيكم
وتعقيبك على كلامي شي مشجع
تسلم
بس فعلا كل عمر ليهو احترامو ولا ما كده
يوسف مدير كتب:الحكاية كان وقفت على النطيط بس ما مشكلة لاكين المشكلة انك تلقي راجل عجوز لابس لبس آخر شياكة لدرجة انو البنوتات ما يرفعن عيونهن منه .. وكلام الناس هنا يكتر في الفارغة والمقدو: شوووفوا العجوز الما بيخجل ده ... والله الزول ده الا كان قايل روحو شباب ... وبالله عليك الله جنس ده بدل يدي اللبس ده لولياتو او وليدات وليداتو يتشيك بيهو هو ؟؟ .... و و و و والكتير من كلام الناس ...
طيب وين المشكلة يا عاقلين لو الراجل ده لبس شيك ؟؟
ولو فرضنا لبس ملابس مقطعة ومبشتنة تفتكروا ألسنة الناس حتريحو ؟؟ لا ... فيهم البقول: هسة جنس العجوز ده معقول ما عندو جنى يلبسو ويسترو ؟؟ منعولة التربية البتخلي الوليد يسيب ابوهو مقع زي ده ...
لاحظو هو نفس الراجل ... !!!
ونفس ألسنة الناس .. !!!
لكن الاختلاف في الكلام البتقال ...
اذن لو لبست او ما لبست الناس ما حتسكت ....
لو عندك الشئ او فقرااان برضو الناس ما حتسكت ...
أها الحل شنو ؟؟؟
كل زول يعمل العاوزو وبس ... وبلاش من كلام الناس اللي لا بيودي ولا بيجيب ...
المفروض لو شفنا راجل كبير ولابس شيك نرفع من معنوياتو ونحسسو انو لسة شباب مش نديهو كلام يخليهو يلعن اليوم اللبس فيهو اللبس ده ...
تسلمي محسكو على الموضوع الجميل والرائع ...
