الدهمشي كتب:اول مرة اشوف البوست دا ب صراحة
من ما شفت كلمة عيادة قلت خلاص الليلة لقيت دواى هنا
ومن ما شفت اسم الطبيب قلت الليلة ...................
توكلت على الله ودخلت المطعم دا اقصد العيادة
لقيتها ليك كلها علاج بالعدس
تصريح شنو يا ام تصريح انت
انا اول شخص اديتو حقنة ورب البيت ولا كنت بعرف اديها كيف
طبعا حاتقولي لي احكي
طيب ياستي اسمعي بقا
جاني بالليل متأخر صاحبي وراكب موتر وقال لي عاوزك ضروري البس واطلع
مشيت وركبت معاها فررررررر وصلنا بيت كده
دخلت لقيت شخص راقد ومش قادر يقوم علي حيلو عشان يسلم علينا
سلام كيفك وربنا يشفيك
وبعد شويه صاحبي قال ليه اها يافلان جبت ليك الزول ده يدو فيها الشفاء
وبدون مقدمات ناولوني حقة
حقت صاع بتتاخد في اليد ف الوريد
طبعا الموقف كان رهيب وكرعيني الاتنين يطقشن وعيوني شايفن مارقات بره جحورهن
غايتو ربك رب القدرة قدرت اعبي الدواء ف الحنة
ومسكت الشخص من يدو بعد مادورت علي الوريد لقيتو بعد تعب ولدرجة ماقلقت كثيرا ف
البحث عن الوريد فكرت ادي نفسي الحقنة وخلاص عشان وريدي كان ظاااهر
غايتو بعد تعب لميت فيهة
وشيييييييييييييييييييييييييييييييييطك ركبت الحقنة وانا بعاين ف تقاسيم وجه الزول ده
لو قال لي بح ساااااكت ترترب بقع ف الواطة
لكن ماقال حاجة الغريبة ياربي المرض تاعبو اكتر من تعبي في البحث عن الوريد
المهم برواقة كده سربت ليك المحلول في الوريد الذي ظهر امام عيني ينتح من الدواء
لكن شربو بكل حماسة الوريد خلي بالك كان عطشان
طلعت الحقنة بشويش بشويش لمن انا زاتي ماصدقت انها حاتطلع من جووووه
وقلت ليه بالهناء والشفاء وكأني بقدم ليه وجبة دسمة
غمزت لي صاحبي وقلت ليه نتخارج بعد ماحلف علينا صاحبنا نشرب العصير
ومااخفي عليك كنت بشرب ف العصير وخايف بعد شويه الزول ده يتوفي
لكن الامور ماشة كويس وماجاتو حاجة
طلعنا وجريت جري علي البيت بعد ماشاكلت صاحبي وقلت ليه يازول مالك
علي انت عارفني مابعرف ادي حقن
وفضلت الليل كلو مساهر عشان لو سمعت لي صوت كواريك او بكاء
اكيد بكون ده صاحبي الاديتو الحقنة واهلو ببكوا عليه
لكن لحدي صلاة الفجر ماسمعت حاجة النعاس غلبني ونمته
والصباح وانا ماشي علي السوق احس ليك بيد ضربتني في كتفي
من وراء طبعا قلبي فررررر طار
بس لمن قبلت عليه لقيتو صاحبي الامس زاتو الاديتو الحقنة
وبتشكرني وبيقول لي كتر خيرك والله من اديتني الحقنة والصداع
راح مني وانا هسع عال العال
بمناسبة حلول شهر رمضان المعظم ننوه سوف تكون مواعيد العيادة بعد شراب المويات بساعتين عشان الواحد يرتاح حبة والكريشة تكون اتفشت شويه مش كل واحد يعبي كريشتو ويجيني جاري ويقول لي عندي مغص علي راحتكم اشفطو المويات دي k: مش الواحد كريشتو مليانة وعيونو ولسانو بررره السهلة نسأل الله السلامة
k:
