ريانة إمام .. شِدَّي أوتار الضلوع ..

[insan]

يا سلام يا سلام
والله يا إنسان الغنيه دي كل ما أسمعها ,, بسمعها زي أول إنبهاري بطريقتو في أداءها

إتي لسه شفتي حاجة ؟؟
جهّزي مناديلك من حسي
ولّ هِن جاهزات خِلقة ؟؟ 45
أمّا أنا فـ عايش .. مرات للشقاوة ومرات كيف كيف !!!
سعدالدين ابراهيم (الزول الجميل) صاحب النخجوج المأسس والجِرَس الهبطرش
طلعت منو روائع .. أعطاها عمر الشاعر ألحان ذات أبعاد مقلوزة ..
الأغنية الجاية .. أسكتي ساي ..
دايمن بزوغ منها !!!
تممممممممممممممرض
قدر ما (حاولت أمنع نفسي منها) ألقاها في وشّي ..
ديش كدا ذاتو ياخ !!!!!!!!!!!!

[insan]

مادام الاسف
ولغة الخطاب هى الحاجة المسكنانى فى بوستاتك يا جميل
غرزة : ملفك الفوق دا ما ظاهر معاى للاسف

ما ظاهر معاك لأنو ما عندك فلاش بلاير
ولو بتدخل من الموبايل ما حتسمع حاجة
هو ذاتو تسمع لشنو ؟؟؟؟ 45
وليداتك ومعاك تاني داير شنو
المهاتا خليها لينا
الله كرييييييم علينا

[كيوبيد]

ما ظاهر معاك لأنو ما عندك فلاش بلاير
ولو بتدخل من الموبايل ما حتسمع حاجة
هو ذاتو تسمع لشنو ؟؟؟؟ 45
وليداتك ومعاك تاني داير شنو
المهاتا خليها لينا
الله كرييييييم علينا

طيب على الاقل الاقل ادينا عنوان الاغنية عشان نحس بيك يخ

[مسلمة وافتخر]

ما ظاهر معاك لأنو ما عندك فلاش بلاير
ولو بتدخل من الموبايل ما حتسمع حاجة
هو ذاتو تسمع لشنو ؟؟؟؟ 45
وليداتك ومعاك تاني داير شنو
المهاتا خليها لينا
الله كرييييييم علينا

يعنى ناس ام اسر ما يسمعو ولا شنو

[السنبلاية]

يعنى ناس ام اسر ما يسمعو ولا شنو

تقولى شنو يا ســـكينة ..!!؟

[insan]

طيب على الاقل الاقل ادينا عنوان الاغنية عشان نحس بيك يخ

يا زول عليك الله خليني فييييييي سجمي ورمادي دا !!!!
أرجع لبداية البوست بتعرف المقطع من ياتو أغنية
وخلّي الباقي على عمّك قوقل .. ماااا بقصّر معاك

ثم إنو
حِسّها هي .. فيييي عضما دا .. ومحاسيسي أنا خلّها آآآآللخو 45
فهي كالحربوية .. تختضر مع (ربيع الدنيا) .. وتحمر مع خجل البت اللابسة التوب بالمقلوب
وتصفر مع (الشايل المنقة) ..
وووووتَمِط كرعينا لو لحاف الشوق مِقصّر
أخخخخخ انا من كدا ياخ !!!!!

[السنبلاية]

يا زول عليك الله خليني فييييييي سجمي ورمادي دا !!!!
أرجع لبداية البوست بتعرف المقطع من ياتو أغنية
وخلّي الباقي على عمّك قوقل .. ماااا بقصّر معاك

ثم إنو
حِسّها هي .. فيييي عضما دا .. ومحاسيسي أنا خلّها آآآآللخو 45
فهي كالحربوية .. تختضر مع (ربيع الدنيا) .. وتحمر مع خجل البت اللابسة التوب بالمقلوب
وتصفر مع (الشايل المنقة) ..
وووووتَمِط كرعينا لو لحاف الشوق مِقصّر
أخخخخخ انا من كدا ياخ !!!!!

2 2 2 2 2 2 2 2


وما كفى ....................................

[insan]

2 2 2 2 2 2 2 2


وما كفى ....................................

مجرد محاولات ..

[insan]

يعنى ناس ام اسر ما يسمعو ولا شنو

ناس الربيكات 45

[ريانه إمام]

الجميل الساده,, ود مدني
بحرو لا ينضب ,, و الفينا ما بتقيف
نطلع منو حبه ونمشي لود المقبول,,


تخيل تكون قاعد في أمان الله ,, حواليك شُفع حلوين
وقدامك بحر ما ليهو نهايه,,
فجأه يشع فيك نور لزول غايب
ويجيك صوت مُصطفي في حته أبعد ما تكون عنو!

الحنين الجيتني بيهو ,, جاني في لحظام ندم
فى زمان طيع صبانى وكل اشتات العشم ,,
من جديد جيت تانى لية تبنى فينى اللنهدم ,,
وما قدرتة انساك من زمان بس ضاعت احلام الطفولة
ما بفيد انا لو الملم من عيونك زكريات
او اصحى الماضى فى وانسى حزن الامسيات
برضو زمن البهجة عدا وعمرى فات فيهو الفوات
وما قدرتة انساك من زمان بس طاعت احلام الطفولة

فوضي ,, لما تتآمر عليك الأماكن ,, والأصوات ,, والبلاد

[insan]

فوضي ,, لما تتآمر عليك الأماكن ,, والأصوات ,, والبلاد

تاريكا كامن ليّ بى شيتاً كٌتٌر
شي رترتة وشي بقبقة وشي بحر وشي نتل عدييييييييييل
يااااا قليييييييب ماااااااااالك عليّ ؟!!!!!

ولأنني أدرك تماماً أنك سوف تدخلين في هذه الفورمة بدون عناء .. ومن باب الغناء (اللّاتِنّي)
لهذا وجدت في مشاركتي النغم الجميل مع من (يفهما طايرة)
تحلّق حول نافورة .. ترد الروح برذاذها .. وخرير الذكريات يندلق كما دخل قلبك صوت ناي ..
بشويييييش بشويش إلى أن يتملكنا النعاس .. أو ندخل في دهاليز الروح (نطّاقش) هناك بعد فتر ..
نقوم نفتح مسارب الضي شارعين .. وضحكة بتقدل زي القابضة الراتب للتو ..
وما أدراك ما معني المشي العصرية تال الجروف ؟
ساعتْ تخلِع الضحكة النِمِتّي .. والشمس ياادوب بتكشح في حمارا على المغيب .. رماد
وبعد شويتين تنوم .. كأن اللّحاف (أم در) وتجُر فردة (نقادة) وتندبل ..
وكانت الأحلام في اللحظة ديك (طفولية) جرّت سريرا علي وبدت تهضرب بى أمل يومداك
يا ربي أنا المشيت ولّ الروح مشت ؟؟؟
ربما الاتنين مشينا وجينا راجعين بى حمد !!!
طيّب ممكن تفصّدي الجرح البياكل في أواخر الليل صديدو .. أو بدافر في نديدو !!!
دا المطلّع زيت ليالي الشوق .. الأرق البِرِيدك وماااااب تريدو
تعالي لو ممكن نسامر شُفع المغنى وجنيات القصيد الحايمة بين بيز القلوب .. والناي
أمونة .. يا آخر كلامك كي .. أنا يا داب في بداية حديسي الني ..
نقوم نمرق على الزول الفتح في نافوخنا نفّاج السمع والشوف ..
نخُش بى طرف الأصابع كالكدايس .. ونبقى مارقين .. أقصد .. نبقى داخلين
وبعد دا كووووولو

[insan]

[السنبلاية]

ولا حتى كلمة بشـــــــــــــارة ..!!؟

[ريانه إمام]

محبات ممزوجه بطعم الفرح,,(يا الفرهدت فرح جواي)
من جديد
فنجان قهوه .. رشفه مني ورشفه منك.. عارف إنك حته مني؟
ثم شنو تاني؟
بعرف جدا طعم الحروف وكتين تكون تال المغارب والجروف..
أرح نلعب
وصلنا ..؟ شدر الحنه
وصلنا..؟ شدر الحنه
وصلنا ..؟ شدر الحنه
ولسسسسسه..
ما مُشكله.. (مشاوير الحُزُن تقصر.. وكِت خُطواتي تمشي عليك)
نط الحبل
وحات الريده ما تستهبل .. وما ترفع حبل شوقك عالي وكتين أنُط ..
يرضيك يعني شوقك يكاويني ماداً لِسانه : وي وي وي الغلبو منو يا ناس
فاكِر لما قُلت ليك بشتاااقلك.. ضحكتَ حتي القُحه.. زعلت انا و قلت ليك..تضحك..؟
تضحك ينكسر ضلع ريداً فيني
والصباحات ججججت تجيني
,,
,,
آآآآآي وديني
فى تلك اللحظه ابراهيم عوض يصدح فى جواى
امهد ليك تتخلص منى
القى خطاى تجمعنى معاك
ولو تعرف عائش على عطفك وكل حياتى من املاكك
... ولو تعرف يوم فى دنيا غيابك يساوى
إييييييييييك
(من جديد .. ببساطه.. يؤلمني غيابك أحياناً..)
عارفاك ح تقول كضاااابه زي يومداك.. فاكِر؟
العين سواك ما ركَ فوق إنسانها روح
عازماك مشوار
عازماك كُل الأماكن المُدهشه المشيتها براي... ومشيناها سوا وانا براي
عازماك حقيقه.. اني ما بخاف ولا بعرف الخوف..لكني تمنعتُ يومها مثلك (خوفاً) علي أحلامي الصغيرات
حلفتك تعال.. انا لسه بهز كتف الخريف وأسرح ﺇﺫﺍ ﻣﺎ ﻛﺎﻥ ﺃﻭﺍﻧﻚ ﺁﻥ
الفات مننا كتييييير .. كتير من أعوام وإنت تأجِل بينا تساب
اليوم صباحا .. داهمتني فيروز في إحدي الممرات الموازيه تماما لحنيني إليك من حيث اللياقه
تملصتُ منها هربا في زقاق أقل مرونه..(ده زقاق ولا وريدك..؟ أرييييدك)
فاجئني صوت مُصطفي مُجددا..
ما بين أقابلك وجيت عليك.. كان عندي ليك........
حينها إنكفأتُ أنا وأشواقي علي الرصيف الموازي لغيابك حتي أنظُر للأشياء بإعتدال..فكثيييير جدا ما يحصُل من مهزله..
و بطُن إحساسي طامه و كأنها لأول مره تترصدُني الممرات
يتهاوي بعضي في البُلدان يا رفيقي
أترنننننننح
أنتح محبه
أنتشل نفسي بسرعه وألقي نظره خاطفه علي يوميات الفيس بوك الخاليه منك تماما
ماذا يخطُر في بالك الآن ..؟
يخطُر في بالي أن أحبك للمره الألف .. رغم أني أساسا أحبك الآن للمره الألف و واحد
الواتساب .. آخر ظهور لك قبل عام ونيف .. لا يهم..المهم أن نلتقي
أخيراً
غُرفتي الصغيره ..أجد تفاصيلك قد تزاحمت
أرقام هواتفك الثلاثه..المكتب البيت الموبايل.. كُبايه شاهيك..قاروره عِطرك الآآآآخذ لروحي
فرشاه أسنانك..تاريخ لقاءنا المؤجل..
أستدرجهم كُلهم لأقصي الغُرفه وأصرخ بهم..من أنتُم؟؟
يصرخ فيني شوقك المُتدسي وراء كُبايه شاهيك.. أحيييييي انا مِنك
أنهره براحه: ده شنو ده..؟
ما عارف
تعرف المحبه التندلق فيك محبات كُتااار..سلام
ما تمشي
الونسه ما كِملت معاك


بالمناسبه..
زي تقول يا داب عِرفتَ الإندهاش

[ميرفابي]

يا قليب ياما سرحنا
مرة جينا والف رحنا
ومرة شاي عصرية في طرف الغمامة
ومرة دوبيت للمحنة
ومرة منديل مسقي حنة
ومرة حاجاتا اجن
وانحناءات للحمامة
جاي تسألني الدبارة
يا قليب ما فيش دبارة
لا المراكب قادرة تكسح في النزيف
ولا نحن شايفين الفنارة
.

[كيوبيد]

حتى بعد ان شخنا
مازالت قلوبنا تصدح مع الرائع عركى
وختيتى قلبك فوق ايدى

[السنبلاية]

حتى بعد ان شخنا
مازالت قلوبنا تصدح مع الرائع عركى
وختيتى قلبك فوق ايدى

من معزتك انتى لى ....
وختى قلبك فوق ايدى ......

2

[السنبلاية]

كل البنات أمونه ياخرطوم
معاي ساعة أفتح الدكان
معاي ساعة الدرب بالليل
معاي في البص علي أم درمان
وفي الكوبري الكبيرفي الليل
أعاين في البحر مهموم
ألاقي وجيها شاقي النيل
وفي ساعة التعب والخوف تشيل
خطواتي وأمشي عديل
دحين خاتي أكان يا يُمه
صبحت نفسي ساعة الكتمه
من ضيق الزمن والناس
وألقي دمي يفور تمد إيدينا
تمسح في العصب والراس
أمانه كلاما كان رفرف وكت ساعة الدرس
ياخوي يطير قلمي ويزغرد سنـّو في الكراس

[كيوبيد]

اين انت ايها الـ انسان

واحشنى يا الخليت ملامحك ..



فى حياتى ،



واحشنى يا الرسيت مراسيك ..



جوة ذاتى ،

[السنبلاية]

اين انت ايها الـ انسان

واحشنى يا الخليت ملامحك ..



فى حياتى ،



واحشنى يا الرسيت مراسيك ..



جوة ذاتى ،

بالجد ,,, إنـســــــان ,,, زاغ وين .... 45 55 45 55