لم يحالفني النوم الليلة ابدا وفضلت مساهرا حتي كتابة هذا البوست متابعا مرة الي قنوات التلفزيون الكثيرة والمسيخة ولم تتوقف يدي من الدعس علي ازرار الريموت الذي اشتكي وبكي من كثرة تقليبي للقنوات وبيني وبينكم كده مره اترك قناة فيها شئ من حديث التحاور والنقاش وخاصة القنوات السودانية وطبعا زي ماعارفين كلها شكل واي واحد بقول للتاني انت كضاب ومنافق ومش عارف شنو اخليهم في شكلتهم دي وامشي اشوف لي قناة تانية اكان ربنا يهديني لشئ فيه منفعة استفيد بيها
الجزيرة .... كلها كتل داعش قتل ... داعش سكا الناس
الرياضية .... مسي ماخلي ليه شبكة ماجاب فيها هدف
القنوات المصرية افلام ورقص عشرة بلدي تخليك تزازي بالخلا لالا احسن نكون مؤدبين رمضان علي الابواب
الشروق ... علي كرتي عامل لينا صداقات اليومين ديل مع المانيا
ام بسي تو ... افلام ضرب كلها ... اكتلو اضربو لحقو امات طه
45 55
العربية ... ربع مليون يمني يعانون اوضاعا ماساوية
ام بي سي 3 توم وجيري لحدي هسع ساكين بعض
في الحقيقة القنوات كلها مليانة مشاكل وكلام ساااكت رجعت لي منتداي ده وقلت احسن اشارك لي بكم مشاركة في الاسلامي ينفعوني في دنيتي واخرتي
لكن شيطان افكاري مابخليني قال لي كدي قلب تاني بالريموت ده اكان تحصل ليك حاجة سمحة وانا بطبعي وطني وبحب بلدي شديد كل القنوات السودانية من السودان والنيل الازرق والشروق كسلا والبحر الاحمر والخرطوم وقون وادرمان راصيها كلها في الاول لسهولة التصفح عبر القنوات وانا بقلب كده حصلت لي واحدة تغني في قناة قون واااي واااي واااي علي الجزيم ماعرفت بتقول في شنو لكن كانت متاثرة جد ظنيتها قصة حب ( والله لي منها ) واكتر حاجة كانت عاجباني فيها الخصلة دي بالله جادعاها كده بالجنبة لمن قفلت عينها الشمال وذكرتني زمان بكبتن ماجد اكيد بتعرفوه لمن يشوت الكورة ويطير في الهواء قريب 10 دقائق وشوووووتك يلفح الكورة برجلو الشمين وهو بتقلب في الهواء ماعلينا نرجع لموضوعنا
البت الفنانة دي قلت لازم اعرف اسمها منو واشيل واشحد في الله يكتبو لي اسمها اكان فجاءة كده المخرج جزاه الله خير التقول كان معاي في الغرفة كتب لي اسمها رندا مصطفي سنا يا رندا
رندا دي انا ماعرفت بتغني في شنو لكن كانت لابسة قميص وكمان بنطلون بتاع جنز سمح سماحة عجبني كيف اتمنيت لو احصل تلفونه عشان اقول ليها جبيته من وين باقي لي زمن بدور لي علي بنطلون زيو ماحصلتو
جدعة ... اخيرة
قبال ما اختم البوست ده تلب علينا حسين الصادق في اغنية جديدة اسمها عصير القصب هو وينو القصب والسكر ماخلاص الحكومة خصخصت المصانع كوووولها ياود الحلال بالله ماتمشي تشوف ليك قونلقيز ولاحاجة تشربة من ضوء
احبتي اصبعي وجعني مامن الكتابة ليكم لكن في تقليب القنوات
وازيدكم من الشعر بيت تلفزيوني لدرجة مااتعود علي التقليب الشديد بقي يقفل براه ويفتح براه
جاتو نفسويات شفتو نفسويات دي كيف
جدعة اخيرة
عليكم الله البعرف تلفون البت الغناية دي يديني ليه عشان اسالها من الجنز ده جابتو من ووووووين
الجزيرة .... كلها كتل داعش قتل ... داعش سكا الناس
الرياضية .... مسي ماخلي ليه شبكة ماجاب فيها هدف
القنوات المصرية افلام ورقص عشرة بلدي تخليك تزازي بالخلا لالا احسن نكون مؤدبين رمضان علي الابواب
الشروق ... علي كرتي عامل لينا صداقات اليومين ديل مع المانيا
ام بسي تو ... افلام ضرب كلها ... اكتلو اضربو لحقو امات طه
45 55العربية ... ربع مليون يمني يعانون اوضاعا ماساوية
ام بي سي 3 توم وجيري لحدي هسع ساكين بعض
في الحقيقة القنوات كلها مليانة مشاكل وكلام ساااكت رجعت لي منتداي ده وقلت احسن اشارك لي بكم مشاركة في الاسلامي ينفعوني في دنيتي واخرتي
لكن شيطان افكاري مابخليني قال لي كدي قلب تاني بالريموت ده اكان تحصل ليك حاجة سمحة وانا بطبعي وطني وبحب بلدي شديد كل القنوات السودانية من السودان والنيل الازرق والشروق كسلا والبحر الاحمر والخرطوم وقون وادرمان راصيها كلها في الاول لسهولة التصفح عبر القنوات وانا بقلب كده حصلت لي واحدة تغني في قناة قون واااي واااي واااي علي الجزيم ماعرفت بتقول في شنو لكن كانت متاثرة جد ظنيتها قصة حب ( والله لي منها ) واكتر حاجة كانت عاجباني فيها الخصلة دي بالله جادعاها كده بالجنبة لمن قفلت عينها الشمال وذكرتني زمان بكبتن ماجد اكيد بتعرفوه لمن يشوت الكورة ويطير في الهواء قريب 10 دقائق وشوووووتك يلفح الكورة برجلو الشمين وهو بتقلب في الهواء ماعلينا نرجع لموضوعنا
البت الفنانة دي قلت لازم اعرف اسمها منو واشيل واشحد في الله يكتبو لي اسمها اكان فجاءة كده المخرج جزاه الله خير التقول كان معاي في الغرفة كتب لي اسمها رندا مصطفي سنا يا رندا
رندا دي انا ماعرفت بتغني في شنو لكن كانت لابسة قميص وكمان بنطلون بتاع جنز سمح سماحة عجبني كيف اتمنيت لو احصل تلفونه عشان اقول ليها جبيته من وين باقي لي زمن بدور لي علي بنطلون زيو ماحصلتو
جدعة ... اخيرة
قبال ما اختم البوست ده تلب علينا حسين الصادق في اغنية جديدة اسمها عصير القصب هو وينو القصب والسكر ماخلاص الحكومة خصخصت المصانع كوووولها ياود الحلال بالله ماتمشي تشوف ليك قونلقيز ولاحاجة تشربة من ضوء
احبتي اصبعي وجعني مامن الكتابة ليكم لكن في تقليب القنوات
وازيدكم من الشعر بيت تلفزيوني لدرجة مااتعود علي التقليب الشديد بقي يقفل براه ويفتح براه
جاتو نفسويات شفتو نفسويات دي كيف
جدعة اخيرة
عليكم الله البعرف تلفون البت الغناية دي يديني ليه عشان اسالها من الجنز ده جابتو من ووووووين
