هل اولاد المغتربين حناكيش؟؟؟؟؟ ادونا رأيكم...!!

[كيوبيد]

رغم مرور كل السنوات على سؤال الاخ صلاح
الا انو الموضوع ماشي يتجدد
بس انا داير اقول ليكم حاجة
اولا معظم الناس الاجابت على السؤال ابنا مغتربين
وبحاولوا ينفوا التهمة عن روحم
ثانيا الحناكيش ديل جيل انغرض حاليا فى اولاد ميكى وديل معترفين بى انهم كدا
السلسل والبتاع الناصل
والملابس المزركشة وهلما مدا
يعنى ما بقت تهمة الشغلانة عشان نسبة التصويت تعمل كام وتمانين
عن نفسي انا حنكوووووووووووووووووووش
وملقب بى حنكشة فى كتير من المجتمعات وما عيب
يعنى اذا قلت التراب ما بنفع معاى انا حنكوش
ما بشرب موية بى كوز انا حنكوش
ما بمشي فى الشمس انا حنكوش
حيرتونا يا ناس

[الأمير حسن مختار]

أولاد المغتربين حناكيش.. هذا المسمى المنتشر بالآونة الأخيرة وبالتحديد بدول الخليج العربي عندما يذهبون للوطن الحبيب "السودان" نجدهم لا يعتمدون على أنفسهم وقلة منهم عصاميين.. فالتحليل من وجهة نظر شقيقتي الصغرة وأيضاً أختكم بهذا المنتدى" أنا سوداني" الأخصائية النفسية أروى حسن مختار - الغائبة بسبب ضغط العمل - يتوقف على تربية الوالدين للنشء منذ نعومة أظفارهم وتعويدهم على التوفير والاعتماد على النفس لينعكس ذلك حتماً على سلوكهم وتكوين شخصيتهم.

[ود الخير]

ولا حناكيش ولا حاجه ديل مفتحين لمن بغادى
ممكن تقول ناعمين شويه بس

[بانه]

ولا حناكيش ولا حاجه ديل مفتحين لمن بغادى
ممكن تقول ناعمين شويه بس

[تائب]

اخوي التائب
اختى بانا
والله معاكم حق
ومالا الجنكشه ..هى النعومه هى الرقه ..هى الدلال
الحنكشه شرفٌ لا ندعيه .. وتهمه لا نريد نفيها .. فالمرأه
التى لا تخاف من الفأر والصرصار وحشرات الأرض ..ماذا
تركت لنا نحن الرجال ..
لك الحق بنوش ان تدافعى وتصفقى من أجل الحب والرقه والجمال
ولا ضير فى ذلك وانت تجسدين كل هذه المعانى الراقيه والنبيله..