الامثال والحكم والاقوال السودانية

[ناجي عثمان عبد الرازق]

قالو كحز قالو ظهر الحمار صغير

الحر بالغمزة والحمار بالدبزة

جزار ومعشي بلفت

[ناجي عثمان عبد الرازق]

قد البوسة قد القرصة

نسي الكذاب واسألو

اللي ما بيرضى بخبزة بيرضى بنصها

[ناجي عثمان عبد الرازق]

*نية العمى في عكازو
تعني : اللي نيتو وحشة بترجع عليه في الاخر.

[ناجي عثمان عبد الرازق]

اخطب لبنتك ولاتخطب لولدك.........

السمك كان شبع بطلع من البحر........

الجمل ما بشوف عوجة رقبته.....

[ناجي عثمان عبد الرازق]

العترة بتصلح المشية.....

والجاتك في مالك سامحتك...

والبستحي من بنت عمو ما بجيب ليهو جنئ....

[ناجي عثمان عبد الرازق]

حبيبك كان بقي عسل ما تلحسو كلو،،

[ناجي عثمان عبد الرازق]

المرة كان بقت فاس ما بتشق الراس،،

المرة كل ما تكبر بتعتت و الراجل كل ما يكبر بعتق

[ناجي عثمان عبد الرازق]

تجري جري الوحوش،، غير رزقك ما بتحوش

[ناجي عثمان عبد الرازق]

اللي داك حبل كتفو بيه

لما احتاجيتك يا وشي خبشتك القطوط..

[ناجي عثمان عبد الرازق]

عصفور في الكف ولا الف في الشجرة

مد كراعك قدر لحافك

الباب البجيب الريح سدو واستريح

لالوب بلدنا ولا تمر الناس

[ناجي عثمان عبد الرازق]

ألناس في شنو و ألحسانية في شنو

الحسانية طبعا يسكنون في جهة النيل الابيض وبعد مقتل اسماعيل باشا بدات حملات الدفتردار الانتقاميه ثارا لمقتل اسماعيل باشا واثناء ما الدفتردار متجها نحو الحسانيه كانو هم عندهم سباق حمير بدلا من الاستعداد لهذه الحمله عشان كده بيقول الناس في شنو والحسانية في شنو

[ناجي عثمان عبد الرازق]

قالوا في ناس دهب وناس نحاس
وناس قمري وناس دباس
وناس فرطه وناس اناناس

والما بيعرفك ما بعذك

[ناجي عثمان عبد الرازق]

كراع البقر جيابا.....

وكان تقعد للحول ما تسافر بخاتر زول..

[ناجي عثمان عبد الرازق]

مازي ابوك لكن بربيك

لابد دون الشهد من ابر النحل

النفيسة فيها والقليب مابيها

ارفع حسك ولو بصفقة

البيقولو له سمين يقول امين

[الأمير حسن مختار]

دخانكم يدخن وجوعكم يمحن

بمعنى أن نرى الدخان من المبطخ ونشم الرئحة والدار يعمها الجوع بظهور أثره على أجسام أفرادها وشكاوى ضيوفها

[احلام بت النيل]

كلام الطير في الباقير

سرارة اللعوت تتلاقى عند الموت
ويضرب هذا المثل للأقارب الذين لا يتلاقون الا في المناسبات وخاصة العزاء

صفحة عقارب وصفحة تقارب

[ناجي عثمان عبد الرازق]

سواقة مُحُمد ولدى قطعت علىّ عشم الجيران
يحكى ان امراة كان لها ولد صبى لا يقوى على الزراعة - حيث كانت الزراعة هى الحرفة الوحيدة التى يرتزق منها الناس فى ذلك الزمان- فكان الجيران فى كل موسم يقدموا لها شئياً من المحصول سوى قمح او زرة او غيره من الخضروات مثل البامية وغيرها، وعندما كبر مُحُمد وبدا يزرع لم يهتم بها الجيران فما عادوا يقدموا لها شيئاً باعتبار ان ولدها اصبح مثلهم ولكن فى الحقيقة لانه مبتدئ لم يكن انتاجه يكفى لمتطلباتهم فقالت قولتها التى اصبحت مثلاً متداولاً " سواقة مُحُمد ولدى قطعت علىً عشم الجيران".

[ناجي عثمان عبد الرازق]

ابشر يا كمون سقايتك باكر
يضرب هذا المثل للكسول الذى يعد ولا يفى، فهذا رجل كان يزرع الكمون وياتى كل صباح وينظر اليه وهو يكاد يموت من العطش فيقول له ابشر يا كمون سقايتك باكر، وايضاً هناك مثل شيبه بهذا يقولون حشاش بدقنه

[ناجي عثمان عبد الرازق]

النى للنار
يريد بذلك ان كل شئ لم يؤدى بالطريقة الصحيحة سيعاد ويرجع ليعمل بالطريقة المعهودة، وهذا فيه شئ من التحذير فهو على شاكلة المثل الذى يقول:" الأولو شرط اخرو نور"

[ناجي عثمان عبد الرازق]

ام جركم ( وتعني الجرادة ) مابتاكل خريفين
يعني الواحد مابيعيش زمنو وزمن غيرو