نماذج من الشعر فى الميرفاب

[ميرفابي]

قد ساهمت المرأة بنصيب كبير من الاشعار ومن اولئك النساء الشاعرة بخيتة بت رحمة ود مصطفى تقول مادحة لأبيها:-

قوم يارجب
شدلوا على الطائع الادب
ابوى قولوا تام فى الوكت الكعب
ابوى ركازة العرب
قوم ياسرور
شدلوا فوق الغراء ام حجول
ابوى قولوا تام وفى الديوان يشور
المشايخ ترعة ابوى بحر المسور

[ميرفابي]

زينب بنت بابكر حاج المنصور فقد قالت فى احد اولاد رحمة

حرسك ياولد تركب عواتى الخيل
وتشنق كمايمك لى ضيوف الليل
يا اسياد الفى ابعدار بيتركبوه الغير
انتو كرمكم للأله ماعندكم عزيل
حرسك ياولد من عشر اجداد ملك وارباب
ونحاسات تدق وخيلا تقيف تيتاب
وفى الخلا والبحر بيتقسموا التيراب
اسألوا اهل البلد ان بقيت كضاب

[ام اسامه]

ابشر
كلام سمح بالحيل،،،

[ميرفابي]

ابشري بالخير ام اسامه

حبابك نورتي البوست

[ميرفابي]

ومن النساء الشاعرات بت عمسيب بت علان وقد مدحت احد ابناء الملك نصر الدين وذلك عندما تآمر الانجليز على ابناء الملك واخذوا يعينون على حكم بربر الاجانب قالت:

انت زينك موبى مدير
ود معزة واسما كبير
تدخل البارود الكرير
وفوق تنادل الخودات تغير
انت زينك مو بى ترك
ودمعزة وهيلوا الملك
تدخل البارود اليشك
شن تلم الصاغ والشرك

[ميرفابي]

وقد مدحت احدى النساء الارباب محمد ودحمزة ودبابكر ود الارباب فرح بقولها فيه :


امحمد يرفع المقدورة فوق الراحله
امحمد يحجز الناس ان بقت مشاخرة
موكايس شكر دايربوا يوم الآخره
امحمد يالعيال ماسوقوه الترتق
امحمد يالعيال ماشال شبيكتوا يمتق
فحل الضمر الشوفتوا وكرفتوا توتق
امحمد يالعيال قاعد لى ملاقات السناجك بجق

[آصال خاطر]

مشكووووووووووووووووووووور

[ميرفابي]