داير اعرس لكن

[ميرفابي]

داير اقول ليكم حكاية و اسمعوها الليلة قصة
امى قالت لىّ مرة بى زواجك قلبى حسّ
قلت شن بتقولى يمة اصلو بدرى علىّ لسه
قالتلى ليه تابى العرس ما خلاص ما كبرت هسّه
قلت يا امى القضيه اصلى زول ضارباهو فلسه
قالتلى قول بس داير اعرس تلقى عاد احلاها عرسه
قلت يا امى العزيزة انو حالتى على بتقسى
دايرانى اكون يوم العرس زى عجوز ماسكاهو دقسة
و دايرانى اكون زى جندى واقف بالسلاح فوق المنصه
لا امد ايدى ابشر لا اشيل فى الداره رقصه
و الكلام بعد العرس يا دوب حياتى بتبقى نكسه
يوم اشيل ماهيتى تبدأ مرتى تطلب رصه رصه
جيب لى و جيب جيب لى و جيب طلباته تب ما ليها مرسى
و يومى عاد القى المشاكل من صباحا و لما تمسى
لو نضم تدينى عضة و لو سكت تدينى قرصه
و لو خلاص حاولت اقاوم بالكراع تدينى رفسه
بس لسانى بسنه ليها ايدى تب ما اظن تمسا
قولى عاد جونا الحبايب و سووا لى عاد جلسه جلسه
يتم صلحنا نكون حبايب مره ضحكة و مرة همسه
و اصلو ما تقولى انتهينا المصايب جايه لسه
لما عاد تجى للولاده بس تلد لى خمسه خمسه
و الولاد اخر الشهر كل زول دايرلو لبسه
و المدارس و العلاجات جيبى عاد بتكنسه كنسه
برضو يمه تقولى لىّ العرس ما اظنه يقسى
طوالى قالت بى حنانا خلاص خلاص يا ولدى انسى
انسى كل القلتو ليك ما فى داعى كفايه جرسة

كلمات: محمد عمر رضى

[يقين]

جِرسه شديده ..
وكلام لا يخلو من الوقائع المريرة والحقائق
المهما إتجاهلناها..برضو ماده راسها ياميرفابي أخوي
مشكور

[السنبلاية]

قلت يا امى القضيه اصلى زول ضارباهو فلسه ...!!!!؟؟

فلسه شديد .. يا ناس العرس بالفاتحة ما حلال ..!!؟

[ميرفابي]

فلسه شديد
وعرسي قريب

[ميرفابي]

يقين والسنبلايه
تشكراتي على توجدكم في متصفحي

[آصال خاطر]

مشكووووووووور جدا على الطرح