كيوبيد كتب:جيراداية فى .................. ولا بسوى شى
لكن قعادو ما سمح
دا واحد من امثال كرفان العجبتنى جدا
أخوي كيويو نخليها جرادايه فى جلابيه ولابسوى شئ لكن قعادوا ما حلو .. يعنى اذا عندك مشكله صغيره .. حلها .. تخلص منها بقاءها دون حل لا يؤثر .. ولكنه يشغل البال
أهدى لك هذا المثل
قرأه ابنى مكتوب على ركشه قرده تونسك ولا غزاله تزازي بيك
يبدو ان صاحب الركشه عانى من عزاله جميله هى معه وقلبها مع آخر .. فرجع الى قردته الوفيه الحنونه المخلصه ..
تائب كتب:أخوي كيويو نخليها جرادايه فى جلابيه ولابسوى شئ لكن قعادوا ما حلو .. يعنى اذا عندك مشكله صغيره .. حلها .. تخلص منها بقاءها دون حل لا يؤثر .. ولكنه يشغل البال
أهدى لك هذا المثل
قرأه ابنى مكتوب على ركشه قرده تونسك ولا غزاله تزازي بيك
يبدو ان صاحب الركشه عانى من عزاله جميله هى معه وقلبها مع آخر .. فرجع الى قردته الوفيه الحنونه المخلصه ..
عجبتنى حكاية الجلابية
كلمات كتيرة اكتر من عادية نخاف نطقها وكتابتها
اها هاك ديل ألمي حامي ولا لعب قعونج: الموية السخنة لاتصلح للضفادع لتلعب فيها
فلان اللعرف لتنبله طقّة: فلان يدبر أمره بنفسه
الجقموه قرطع: يعني أدوه شبر سواه متر
غلبها بني بيتها قعدت تطارد الكلاب: غلبها راجل جات تأدب حماها
جافلة وغزو ليها كلاعيت: معني عايرة وادوها سوط
الجلابة بعرفوا ركوب حميرهم: الشخص يعرف خلاصه بنفسه
الجفلن خلوهن أقرعوا الواقفات: ركّزواعلى القدامكم الفات خلوه
دوار جمل نسيبته كان لقاه بغني وكان ما لقاه بغني: في الحاتين إما فرح أو شامت عليها
ابو مالك يخرب حوووشك [البيت بنيانه صعب] انت لفيت الدنيا دى بكراع ككو .. وأخوك عاش حياتو فى شمال .كردفان .. ريفى دار حامد .. مركز بارا.. وانت تلحظ عبدالرحمن عبدالله لغتو وكلامو ومزاجو الفنى يشبه منطقة الوسط .. [ايقاع الدليب] هذا المثل من مناطق البقاره ويمثل مزاجها الفنى عبدالقادر سالم ..على [ايقاع المردوم ].. ولغة أهل المنطقه لم تمتزج مع غيرها من اللهجات ولم تتأثر بالتعليم كثيراً كريفى دار حامد وشرق كردفان مناطق السميح و ام روابه وتندلتى ..
دا ما كلام بطلعوا بيه الدرنقل: (الدرنقل هو السرير الدبل عند العرب الرحّل). المعنى أن هذا الكلام ما بملى اليد
الفولة بتتملي وبقارة بجو: يعني لابد وانك ستحتاج لي مرة أخرى
كراع البقر جيابة: نفس المعنى أعلاه
فلان فزع للموت بالريكة, (الريكة وعاء لنقل قناديل الذرة يمكن تعبئته وتفريعه بسهولة) والمعنى أن فلان سعى إلى حتفة بيده باسرع واسهل الطرق
اللحماية التريتا في اللحم تخنقك: الزول البتريده ما بجيك على المراد.. يعني يديك شاكوش ياأمدرمان
أرتع مشكل: حاسب على نفسك وكلامك
الحوض فيه بلومة: (البلوم نوع من الطيور الصغيرة وجميلة) : نفس المعنى أعلاه
البليلة بحجارها: نفس المعنى أعلاه
أم منقور كله قدوما أحمر, (ام منقور نوع من الطيور الجميلة في كردفان) ولون منقاره أحمر. المعنى: ان الجماعة كلهم رأيهم واحد لا يغرنّك إختلافهم المظهري
خصيمك يبين ليك في مدغ البليلة: المعنى القاصدك في الضلمة يحدر ليك
النية زاملة سيدا: الزاملة هي الركوبة سواء كانت حصان جمل او نيسان: فكلما كانت زاملتك جيدة ستصل إلى هدفك أي كلما كانت بيتك صافية ربنا بوفقك لغرضك
الجواد ما بربطوه في مربط البغل: المعنى ووضع السيف في موضع الندى مضر كوضع السيف في موضع الندى
الندى الأولى هي قطرات الماء والندى الثانية هي الكرم
البي فارح الجيروات من هلبت ينخشنا..المعني: إذا تعاملت مع من هم دون مستواك فتحمل النتيجة.. ومن يلعب مع صغار الكلاب يعرّض نفسه للخربشة منها
وتقع ربايط..
ياكبار يأخي دي إلا أشرحها في مقال لأن المعاني بتاعة الكلمات ذاتها عايزة شرح... ودي نخلييها لأخونا أم درمان يشرحها لينا
العتيلة ما دوامه..المعنى: الغريب ما تعده من رجالك والدين ما تعده من مالك
الخريف اللين من امبواتيرا بين: أم بواتير هي الرعود والسحب الداكنة. المعنى انه كلما كانت الرعود كتيرة والسحب متراكمة الخريف بيكون تقيل وكويس للمزارعين والرعاة. وهذا المثل يعادل المثل القائل: الخريف من رشّته والعريس من بشته
امسكني مرخي... المعنى طوّل بالك وما تعصر علي
و ماتقطع حبل البجلة.. المعنى ما تقطع حبل المودة أوصلة الرحم
أم سلمبويتي ولا كدكاي زوول .. المعنى مطابق للمثل القائل: لالوبنا ولا تمر الناس
أم صلبوية هي الفأر الصغير ويسمى أم سي سي. والكدكاية هي فأر كبير يسمى الجقر... طبعا يا أمدرمان أكيد إنت ما ذقت شوربة حمام الشقوق .. ولاّ عاوز تقول لي كمان حمام الشقوق ذاتو إنت ما بتعرفو!
يعنى الزول لمن يكون ماشى وبدون عوده ولن يترك وراءه ما يخاف عليه لا يأبه كثيراً لما يحدث. .زي أخوكم تائب. .قد يودعكم بالخروج النهائى. .املأ أن تسمح حياته الجديده بالسودان أن يكون معكم على اتصال
أختنا الغاليه إحلام بت النيل نشكر لك جميل اهتمامك .. اسعدنى مرورك .. ونهدى لك هذا المثل
الثقه فى الرسول [صلعم] ..والرسول مات
يضرب هذا المثل للانسان الذي يثق فى الناس دون حدود .. دون ضوابط .. ويقع فى مطبات النصب والإحتيال .. وإن كان المثل فيه بعض الشطط .. فالرسول [صلعم] وصحابته الكرام وال بيته كلهم مكان للثقه
تائب كتب:أختنا الغاليه إحلام بت النيل نشكر لك جميل اهتمامك .. اسعدنى مرورك .. ونهدى لك هذا المثل
الثقه فى الرسول [صلعم] ..والرسول مات
يضرب هذا المثل للانسان الذي يثق فى الناس دون حدود .. دون ضوابط .. ويقع فى مطبات النصب والإحتيال .. وإن كان المثل فيه بعض الشطط .. فالرسول [صلعم] وصحابته الكرام وال بيته كلهم مكان للثقه
ماشاءالله ظهرك هابى بى هنا
مالك كسلان كد غالبك تكتب صلى الله عليه وسلم
التائب كتب:ماشاءالله ظهرك هابى بى هنا
مالك كسلان كد غالبك تكتب صلى الله عليه وسلم
بوست جميل ابو حميد الله يديك العافيه
أخوي الرائع هندسه ياااااخ أنا متضرر من تشابه الأسماء دا.. تائب والتائب فالثانى إسم لرجل مبدع وراسخ ..فأنا مهما أبدع وأقلب الشنقلوتا تنسب اشيائي الجميله لهندسه .. و تأسيساً على ذلك ان بطلب منك ترجع لخطك القديم هندسه و أنا الباقى لي معاكم أيام خلينا نعيش فى سلام
يلا هاك المثل دا وهو فى شكل اهزوجه شعريه تجعل المتلقى يتقبل النصح .. كالدواء الذى يوضع له بعض السكر ليقبله الأطفال ..
الليل والنهار واحد على العميان واللوم والشُكر واحد على السجمان عز الخيل لجم عز الحريم وليان
يضرب هذا المثل للذي تتبلد مشاعره ويتأكسد عقله ويقل بالتالى تفاعله وإحساسه بالجمال ..فالأعمى يعيش فى ظلام دامس رغم شروق الشمس .. و صاحب العقل الميت [السجمان] لا يحفزه الثناء ولا يحرك مشاعره اللوم والتقريظ .. عز المرأه هو قوة أهلها ..فإن حادت عن الخط ردوها ..وإن قست عليك الأيام وجدت حبهم وسندهم ..
تائب كتب:أخوي الرائع هندسه ياااااخ أنا متضرر من تشابه الأسماء دا.. تائب والتائب فالثانى إسم لرجل مبدع وراسخ ..فأنا مهما أبدع وأقلب الشنقلوتا تنسب اشيائي الجميله لهندسه .. و تأسيساً على ذلك ان بطلب منك ترجع لخطك القديم هندسه و أنا الباقى لي معاكم أيام خلينا نعيش فى سلام
يلا هاك المثل دا وهو فى شكل اهزوجه شعريه تجعل المتلقى يتقبل النصح .. كالدواء الذى يوضع له بعض السكر ليقبله الأطفال ..
الليل والنهار واحد على العميان واللوم والشُكر واحد على السجمان عز الخيل لجم عز الحريم وليان
يضرب هذا المثل للذي تتبلد مشاعره ويتأكسد عقله ويقل بالتالى تفاعله وإحساسه بالجمال ..فالأعمى يعيش فى ظلام دامس رغم شروق الشمس .. و صاحب العقل الميت [السجمان] لا يحفزه الثناء ولا يحرك مشاعره اللوم والتقريظ .. عز المرأه هو قوة أهلها ..فإن حادت عن الخط ردوها ..وإن قست عليك الأيام وجدت حبهم وسندهم ..
هههههههه
الله يخليك ياعزيزى
ماتقلب الشنقلوتا انا اقلب
تائب كتب:أختنا الغاليه إحلام بت النيل نشكر لك جميل اهتمامك .. اسعدنى مرورك .. ونهدى لك هذا المثل
الثقه فى الرسول [صلعم] ..والرسول مات
يضرب هذا المثل للانسان الذي يثق فى الناس دون حدود .. دون ضوابط .. ويقع فى مطبات النصب والإحتيال .. وإن كان المثل فيه بعض الشطط .. فالرسول [صلعم] وصحابته الكرام وال بيته كلهم مكان للثقه
اول مرة اسمع بي هذا المثل
وصاح والله كتييييييييييير ندي ثقتنا لي ناس وللأسف يخذلونا
بارك الله فيك ولك تقديري
رد: من أمثالنا السودانيه
