كواليس " حسب الحالة "

[waya]

أجمل صباح ..!؟
انك تكوني الشمس قبال الضحى ..
وحسنك يغازل الريد "همس"
صوت الكناري الصادحة. ..
والريد يعاقب في العيون
الديمه بالشوق فاضحة ..
والعين خواطر تشتهيك
دهشة عيونا السادحة. ..
والدهشة جد بسمة وشيك
ووش القصائد المادحة. ..
والخوف أكون انا مشتهيك
وغلطة "سكاتي" الفادحة ..
وريني كيف اكتب لقاك
واوراقنا طبقات كادحة ..
والجفوة عمقت الجراح
جواي نيران قادحة ..
والليل يهاود ذكريات
وجعت جفوني الرادحة. ..

[ميرفابي]

يا سَائِلي عَنْ مَذْهَبـِي وعَقيـدَتِي * رُزِقَ الهُـدى مَنْ لِلـْهِـدايةِ يَسـْأَل
اسمَعْ كَـلامَ مُحَقـِّقٍ في قَـولـِه * لا يَنْـثـَني عَـنـهُ ولا يَـتـَبَـدَّل
حُـبُّ الصـَّحابَةِ كُلُّهُمْ لي مَذْهَبٌ * وَمَـوَدَّةُ الـقُـرْبى بِهـا أَتَـوَسّـل
وَلِكُـلِّهِمْ قَـدْرٌ وَفَضْلٌ سـاطِـعٌ * لكِنـَّما الصِّـديـقُ مِنْهـُمْ أَفْضَـل
وأُقِـرُّ بِالقـُرآنِ مـا جاءَتْ بِـه * آياتُـهُ فَـهُـوَ القـَديـمُ المُنْــزَلُ
وجمـيعُ آياتِ الصِّـفـاتِ أُمِرُّهـا * حَقـاً كمـا نَـقَـلَ الطِّـرازُ الأَوَّلُ
وأَرُدُّ عُـقْبـَتَـهـا إلى نُقَّـالِهـا * وأصـونُها عـن كُـلِّ ما يُتَخَـيَّـلُ
قُبْحـاً لِمَـنْ نَـبَذَ الكّـِتابَ وراءَهُ * وإذا اسْتَدَلَّ يقولُ: قـالَ الأخطَـلُ
والمؤمنـون يَـرَوْنَ حقـاً ربَّهُـمْ * وإلى السَّمـاءِ بِغَـيْرِ كَيْـفٍ يَنْـزِلُ
وأُقـِرُ بالميـزانِ والحَـوضِ الـذي * أَرجـو بأنـِّي مِنْـهُ رَيّـاً أَنـْهَـلُ
وكذا الصِّـراطُ يُمَدُّ فوقَ جَهَـنَّـمٍ * فَمُوَحِّـدٌ نَـاجٍ، وآخَـرُ مُهْمَـلُ
والنَّـارُ يَصْـلاها الشَّقيُّ بِحِكْمَـه، * وكـذا التَّـقِيُّ إلى الجِنَانِ سَيَدْخُـل
ولِكُـلِّ حـَيٍّ عـاقـلٍ في قـَبـرِهِ * عَمـَلٌ يُقـارِنُـهُ هنـاك وَيُسْـأَلُ
هـذا اعتقـادُ الشافِـعيِّ، ومالـكِ، * وأبي حنيفـةَ، ثم أحـمـدُ يَنْقِـلُ
فإِنِ اتَّـبَعْتَ سبيلَهُمْ فَـمُوَحِّـدٌ، * وإنِ ابْـتـَدَعْتَ فَما علـيكَ مُعَـوَّل

[يقين]

أصلك ما تهِم ما تشتغل بي كيده
الزول في عُلاهو العين عليهو رصيده
اللسنات تقول وتحيكا ألف مكيده
حاسده وراصده والحِقِد المدفن سيدا

[waya]

أنيسه الروح , تونس في رويحتي وناسه
جلسة نديم وناس , في أيــدا منواس كاســـه
شربت شفايف الروح , ومن روح الونس باسه
ومن تاني نتونس .. ونأنس ونس من ناس ونتناسى

[السنبلاية]

خطوة .. خطوة .. وتانى خطوة .. بنبقى جوهـ وجوهـ الحنايا ضيوف ..

لا لا اريد ان اكون من ضمن الضيوف .. بل اكون انا فى كل زوايا القلب

او لا اكون ..

[waya]

صورتك البانت حلاتا ..
شهّت العينين وجاتـــا ..
ويوم لقاك والله نصرخ :
" شوف إنتي الدنيا ذاتا"

[ود الخير]

اذوب دهشه فى التفاصيل

[waya]

عشقك يهم الناس وتهمك انت قوافي..
وقافية عشق تنقال زي السلام وعوافي ..
والريـــــد وهــم يا زول كيفن يقولو خرافي ..
وموهوم غرامك زول " باين " ظهور وهو مافي ..!

[waya]

النوم اللئيم أريتو مــا ينسّرهـ
زار مهجة الزول العيونو مضرهـ
صحيان ريدا يبقالنا الصباح زي شرهـ
ولـو نــامت ..؟ شتــانـا الليلـة يبقى محرهـ

[يقين]

إني مثلُكَ ياقلبي

إني أغرق

في بحرٍ لن أخرجَ منهُ

بَل أُمنيتي

أن يرمي بي صوبَ الأعمَق

[احلام بت النيل]

اصلو قالوالدنيا معبر فيها جد ما بتلقي راحة
الا صاحباً ليك يعزك يبقى عنوانو الصراحة
في غيابو الدنيا وحشة وفاقد لي ألوان صحاحا

[ود الخير]

اسئل مشاعرك عن هوانا

[waya]

مريفابي .. ود الخير .. يقين .. السنبلاية .. احلام النيل,,

روعة مروركم لا تضاهى ,

تشكراتي يا رائعين ,,

[waya]

قطع أخدر..
وأقول شعر " البتتحبه "
جمال الروح بعد غيبة
رقد جواهـا وإتخبــه ..
وجيها شع نور الكون
قمر دورين مـ يتغبه ..
أريتو اليوم يعاين لي
يسيب النوم ده بس حبــه ..

[ود الخير]

احساس غريب
يا حلاوه الريد وهمسو

[waya]

هاك ده .. مطلع بيت
ومطلع روح ..
محل ماترسي يا روحي
أطالع " روح" ..
شفيفه أنيقه زي بوحي
تداوي جروح..
وجرح الريده في وصفي
طير " مذبوح " ..
ألم .. تسكينو بي شوفتك
ونداوة حسك المبحوح..
تصدقي كل ماأطراك
تفز الروح ومني تروح ..!

[ود الخير]

ليس كل من نفقده خساره
فالاستغناء عمن لايدرك قيمتنا مكسب

[waya]

لو بكيتك عمري كله ..
مافي دمع بجف عليكي ,,
الله قدّر إنو تمشي..
وماني قادر شان أجيكي ,,
كلما أعاين في صورتك ..
وأبدأ أنداح في حكيكي ,,
يرجع الحزن المفجّع ..
ووجعة الشوق لي عينيكي ,,

[السنبلاية]

استيقظت باكراً لاحدثه

احست ان صوته يسرى فى جسدى الدفء

تمنيت لو ..

لو كان بجانبى لقلت له . أنى ( .... ..... ) و ما كفى ..!!؟

[ود الخير]

كم هو مؤلم عندما تنتابنا نوبات حزن فجائيه
على الحزن الذى فينا