حلفاوي عجوز متشاكل مع جاره ..
وصلو للمحكمة .. القاضي قال ليهم :
الرسول صلى الله عليه وسلم
وصى بي سابع جار الحلفاوي قال للقاضي :
الرسول مين جيرانو !؟
ابوبكر وعمر وعثمان وعلي وابوهريرة ..
مش الأهبل ده..
الشهود في المحكمة حلفوا إنو القاضي دس رأسه تحت التربيزه
من الضحك وعمل نفسه بيكح
waya كتب:حلفاوي عجوز متشاكل مع جاره ..
وصلو للمحكمة .. القاضي قال ليهم :
الرسول صلى الله عليه وسلم
وصى بي سابع جار الحلفاوي قال للقاضي :
الرسول مين جيرانو !؟
ابوبكر وعمر وعثمان وعلي وابوهريرة ..
مش الأهبل ده..
الشهود في المحكمة حلفوا إنو القاضي دس رأسه تحت التربيزه
من الضحك وعمل نفسه بيكح
ههههههههه ههههههههههه
هاك دى
شايقي قال لي مرتو بعدارتفاع سعرالبصل اربطي البصلة في خيط ونزليها في الملاح زي شاي ليبتون ورجعيها التلاجة
النكتة الأولى:
الأيام الماضية كانت حارة في السودان فواحد قابل ليهو حلفاوي وقال ليهو: رمضان سخن فرد الحلفاوي وقال ليهو: ما من صالحو.
النكتة التانية:
حلفاوي كلما يقرب رمضان بيضايق ولما وصل شعبان خلاص مسكتو هلا هلا فقابلو واحد صاحبو من ناس الحلة وقال ليهو: اها إن شاء الله اجهزتو لي رمضان فرد الحلفاوي: والله اجهزنا لكن أنا المجنني هاجة واحد بس السنة لازم يكون اتناشر شهر!!
وكل سنة وأهلنا الحلفاويين بخير وانتو يا حلوين سلام
صبي رباطابي جا الخرطوم. ما لقي شغل قام بقي يغسل عربات.. يوم بغسل في عربية برادو آخر موديل كل ما يلمس ليه حتة حساسة جرس الإنذار يضرب واك واك واك.
لمن رجع سيد البرادو اداهو مية جنيه الولد قال ليه شكرا". عربتك سمحة لكن بس تقول الشافع المابي الحمام.
جلس ابليس ينصح ابنه قائلا يا بني لاتظن ان اغواء البشر بالامر اليسير ؛؛اغويهو بالمال اذا وجدته فقير؛؛ واذا قام لصلاة الصبح ذكره بدفئ السرير؛اذا كان مزارعا اغويهو بسرقة الحمير ،،، واذا كان مهندسا اغويهو بالاسمنت والجير.. فقم يا بني الى عملك طيييير ،،، فقال ابليس الصغير يا ابي وان كان سوداني؟ فبكى ابليس بكاء مرير ،،، وقال لابنه لا تكن شرير؛؛ دع السوداني فأمره عسير انه في دنياهو يعيش في السعير فدعه يا بني فعمره قصير لقد ابتلاهو الرب (( بعمر البشير ))
وسير سير سير سير
مسطول واقف في شارع النيل بيأشر للعربات داير زول يوصلووقفت ليهو برادو..ركب لقى المقعد الورا كلو قروش و سيد العربية بتكلم بالتلفون:المية و خمسين مليون ما مشكلة ما بيناتنا.. أي حولت لحسن المليار أمس.. البت الصغيرة مجنناني ياخ بموضوع العربية الدايراها دي و أنا كل يوم بنسى الموضوع..لا لا ما غالية ب تلتمية مليون..إنتهى من مكالمتو قال للمسطول:أنا أسف ياخ إنشغلت بالتلفون و ماإتعرفنا على بعض.. أنا قريب الله.المسطول قال ليهو :أنا ذاتي قلت الزول ده يا قريب الله يا قريب البشير .
مسطول وقف تاكسى.. و قال للسواق: "يا ابن العم.. تودينى وين .. وأدفع ليك كم؟!.. بتاع التاكسى زاتو طلع مسطول
فقال ليه: "أنزل هنا و أدفع البتدفعه"
واحد الدنيا ضارباهو ومعصلجة معاهو
جاتو ليلة القدر كان فى نفسو يقول عايز ابقى زي صلاح إدريس من اللخمة قال: عايز يكون زى إدريس صلاح..
أصبح من الصباح لقى عربة كارو بى حمار واقفة جنب الباب
مسطول دخل مطعم.. قال للجرسون: "عايز واحد".. فول .. بس يكون من غير سلطة
الجرسون قال ليه:" السلطة الخضراء.. العندنا شطبت.. ما عندنا غير سلطة طحينة
المسطول قال ليه: "ما فى مشكلة .. طيب أعمله من غير".. سلطة طحينة
واحد مسطول بيشرب سجارة وبيرجع البيت يفتح الباب بالمفتاح و يرقد ينوم مرة كان مقرش اشترى سجارتين ولع واحدة ونسى التانية لما رجع البيت عاوز يطلع المفتاح طلع السجارة التانية استغرب و قال: يا ربي أكون أنا شربت المفتاح؟!
23 
45 55
