كواليس " حسب الحالة "

[waya]

صباح الخير ياالخير الصبــح فـي بـــابنا ..
صباح الخيرعلى الجانا وبقــــول ياحبابنا ..
صباح الخير على الزول الأصيل ما عابنا ..
صباح الخير على الوفي البــــرد جــوابنا ..

[جعفر الصادق]

ﻟﻴﺖ ﻛﻠﻤﺎﺗﻲ ﺗﺨﻔﻒ ﻋﻦ ﻏﻴﺎﺑﻚ
ﻟﻴﺘﻨﻲ ﺩﺍﻳﻢ ﻣﻌﻚ ﻭﺍﻧﺘﻲ ﺗﻀﺤﻜﻴﻦ
ﻟﻴﺖ ﻛﻠﻤﺎﺗﻲ ﺗﺠﻔﻒ ﻛﻞ ﻫﻤﻚ
ﻭﺍﻣﺴﺢ ﺩﻣﻮﻋﻚ ﻭﺍﺑﺪﻟﻬﺎ ﺑﺤﻨﻴﻦ
ﻟﻮ ﺗﻘﻮﻟﻲ ﺍﻵﻩ ﺍﺷﻌﺮﻫﺎ ﻣﻌﻚ
ﺗﻜﺘﺌﺐ ﺩﻧﻴﺎﻱ ﻭﻻ ﺍﺷﻮﻓﻚ ﺣﺰﻳﻦ
ﺍﻧﺎ ﺃﻏﻠﻴﻚ ﻭﺳﻂ ﻗﻠﺒﻲ ﻣﻮﻗﻌﻚ
ﺣﺘﻰ ﺭﻭﺣﻲ ﺗﺤﺖ ﺍﻣﺮﻙ ﻟﻮ ﺗﺒﻴﻦ

[waya]

الليلة جاي بي شوق افتش
لي أم عيون نعسانه ..
الشايله كل الذوق
والزايدة في إحسانه ..
قالو لي أمشي هناك
فوق للنجوم ده مكانه ..
تلقى الجمال ده "ملاك "
وصفوها بي انسانه ..

[ود الخير]

احزن فتغلبنى الكتابه

[waya]

الصورة ..!؟
والتوب الأنيق ..
والبسمه ضوت زي بريق ..
والخصلة قاسمه الوش طريق ..
والضوء عبث بي كل أشجار الفريق ..
وأنا شوفة بس , إحساسي زي زولا غريق ..

[waya]

بحسك ياااخ ...
كأنك فيني ممزوجة
بحسك أنتي حب الروح ..
كأنك ليّ بس زوجة
بحسك في دمااي عديل..
بتسري معاها بي لزوجة
بحسك كل حروف " أشعار "
ونغمة معاها إهزوجة ..
ونسمة تلاطف الأشواق
تلاقي الضفة بالموجة ..
بحسك صافية زي النيل ..
وزي وطنا ملااان هوجة

[waya]

ماني زعلان من عيونك
وفيني ما تخيب ظنونك
شمسنا الشبرية ضوت
من شروق لحظك وجفونك
وكل جمال الدنيا دونك ..
وأنتي أروع من فنونك ..
من جنونك ..
من مجونك..
وشوقي زايد في حصارو
ولسه ولهان لي حصونك

[waya]

دروب الريدهـ راجعالك ..
وممشى الروح بداية معاك..
فضاء الأشواق معاك شاسع ..
جبال اللهفة راسيه حداك ..
شمس أحلامنا بتنور ..
حنين الرؤية للأفلاك ..
دياجر همنا , الفرقة ..
بعادك فيهو نترجاك ..
تعالي عيونا ما بتقدر ..
تقاسي كتير وتستناك ..
وعشان الريدهـ يا غالية ..
دروبها نعيشها نمشي معاك

[ميرفابي]

يـا رَبِّ إِن عَظُمَـت ذُنوبي كَثـرَةً * فَلَقـَد عَلِمـتُ بِأَنَّ عَفـوَكَ أَعظَـمُ
إِن كـانَ لا يـَرجـوكَ إِلّا مُحسـِنٌ * فَبِمَـن يَلـوذُ وَيَستَجيـرُ المُجــرِمُ
أَدعـوكَ رَبِّ كَمـا أَمَـرتَ تَضَرُّعاً * فَإِذا رَدَدتَ يـَدي فَمَـن ذا يـَرحَمُ
ومـا لـي إِلَيكَ وَسيلـَةٌ إِلّا الرَجا * وَجَميـلُ عَفـوِكَ ثـُمَّ أَنّـي مُسلِمُ

[waya]

شن حتقولي .. !؟
وكل القول .. معاي واقف ..
نناجي بهاك ..
ننادي هواك ..
نزغرد ضمه في اللحظة النكون في لقاك ..
نرتب كل حروف الريد
نقول نهواك ..
نجيب الفتحة والكسرة ,,
وكل تنوين حروف الضاد ..
ونبقى " معاني " للوعد الكبير يوم داك ..
" إنتي الأولى في الريدهـ "
وحاة إسم الله ما بننساك ..

[waya]

قلبك دليلك ..
يا دليل قلبا بريدك ..
في بريد حرفك .. جديدك
شن جديد سعدك.. سعيدك
ياسعد أفراحنا.. عيدك
عيدنا يوم سالمنا إيدك

[waya]

ياأجمل غرام ..
أحلامنا بين إيديك
موجودة في جواي ..
وأنا لسه جاري عليك
ألفيتي الجديدة ..
عايز أزينها بيك
فحبيت تكون ..
أول مشاركة " ليك "2

[waya]

كل الكلام القلتو في ساعة صفا
وكل الكلام القلتو قاصد ليك دفا
مفروض يكون بيك إحتفى ,,
ويفضل معلق في السطور ,,
ظاهر وباين ما إختفى ..
ما إنتي لي كل الحروف, زي النقاط
مابتتعرف لي زول عدديل ما نقطا ..!

[يقين]

الصباح من غير عيونك
شمسو مافي
والنفس الكان بيطلع بي وجودك
حسو خافي
والحنين شد رحلو
لي دُناك كايس المرافي
شوقي شقّ عليهو شوقو
كاتم الألم الخُرافي
والعيون ماشايفه غيرك
ومابتفتش الا انت
الوحيد ..اللسه مافي

[waya]

أنا .. مختلف,,
في ريدي ليك ..!؟
صاموله في رأس البلف ..
زردية لي مسمار هواك ..
مقلوعة من شوقي التلف ..
وأربط سلوك اللقيا بيك ..
وأوصل الريد مختلف...

[waya]

هاك أقري ...
قلتي القرايه علينا ..
وأمرك يا أمر ..
مطاع ومن عينينا ..

مرشية الحروف الفيكي
ماهـــا سلينا..
حلوين بـ الكــــــلام ,,
وهناك في الوصف جلينا

من قولك "هههه وايقونه "
تنغز فينــــا ,,
شن نرجى الحروف,,
وديك المغايس الشينه
ولو عايزه الحلول ..
حالا يصِلح البينا
تعالي الصباح وقولو
هاه طلينا ,,
وأدي فرض المكان
نقول بالحروف صلينا ,!

[waya]

يا سلاااام .. نحيي فيـــك الروقه ,,
وياكي الشمس , لمعانا , ذاتو بروقه ,,
يابت من أصيل , جـــوانا ثابته عــروقه ,,
أضحيتي زي النور في شمعة تهدي حروقه ,,

[يقين]

حالة بين
بين البين
لمحة عين
يشوبا حنين
حزن الروح المدّ سنين
قلب القلب المامعروف حيقبِل وين
لون اللحظة..سوادو يزين
وزين المُر الطعمو بوزع فرقة وبين
يخوف فيني
ومابي يبين
يخلي النوم من طرف العين
يااارب ..خير
يااااارب..خير
يااااارب..خير
ياااارب ..خبراً معدول زين

[waya]

أنتي تأمري ..
وذاتو الكتابة أمُـر
حرفين يسرو العين ,,
وسعادة طول العُــمر
واحد " ح " نــان حلوين ,,
ناعمين وناسنا سُــمر
وأتنين " ب" حبو بعض ,,
والحب بدورلو.. عذر ..!؟
ياخيه, يا احساس ..
يا ليل حداهو .. فجُـر ,,
يا شهقة الأنفاس ..
ياروح , بهاها .. بـدُر ,,
هاك الحروف نداح ..
شعرا , تلاهو ... سطُر ..

[waya]

مابنفرز , دي استحالة
خالتي أم .. وأمي خالة
المرض هداها .. جالا
والصبر .. باقيلا مالا
ويا كريم ألطف بحالا