أجمل بيت غزل من الشعر السوداني عجبك

[السناري]

الصغيرة..
شجيرة الأرااااك!!
ياقمر عشرة الفي سماك..
شاغلة روحي.. وقلبي المعاك..
وين لقيتك !!
لامن آباااااك ..
القمر بوبا عليك تقيل..
الجزيرة ام بحرا حمى ..
فيك روحي.. وحبي النما
مابسيبها ان بقا في السما..
ما بخلي الناس تظلمها
روحي في دربك سايمها
يا غرقت !! يا جيت حازمها..
القمر بوبا عليك تقيل
الصغيرون الما كبير..
الرقيبة قزازة عصير..
العيون متل الفناجين
السنون براقن يشير..
مابتحش.. قشة تناقير
مابتشيل.. جردل على الزير
الزراق فوقها تقول حرير..
شتتي الشبال.. يا ام ضمير
خلي قلوب الصبيااااان..
تطير !!
انتي ريحتك دمور فرير
ولا.. بت السودان اصيل..
القمر بوبا عليك تقيل..
القديمها قديم الحمام
الوزيزين في موجو عام
يا ما رايقة قليلة كلام
وآآآآ حلاتها!!
تقول السلام..
يااااا القمر.. بوبا عليك تقيل..
الديوان الديمة مقشوش..
بالزهور.. والورد معروش
بالحرير الأصلي ..مفروش
ريحتو مايقوما بلا رتوش..
كان دا وصفو.. ماهو مغشوش
قدروا ..الساكننو في الحوش!!
القمر بوبا عليك تقيل
بحر الدميرة العب ونزل..
مرة يسقي الفل والنخل
فيهو عام وزينا وقدل..
يانى أنا.. البيك عقلي انشغل..
بعت روحي عشان ليك اصل
وانت ابعد لي ..من زحل!!
يا قمر بوبا عليك تقيل..
الغزال الفوق في السلم..
المحبة تذيدى الألم!!
كل يوم اصبح لي في هم
سيسبان.. عودك منظم
شمعدان نفسك يا أم ختم
البرتكااااان ..
يا قمر بوبا عليك تقيل!!
المبااااارك ..شيخ الظهر
العليك.. ساسكت و فترت..
قلى جنيت!! ولا دسترت ??
اي.. أنا المرضان مكنتر..
جابولي حكيم.. خير وشر
قال لى..
يااااا زول !!!!
مرضك كتر.. سببك ام شلاخا خضر
القمر بوبا عليك تقيل..
الصغيرون ام الجنى ..
ياكريم ربي تسلمها..
تبعد الشر من حلتها..
جنة للأم الولدتها..
الفي جبل عرفات.. وضعتها
تسلم البطن الجابتها
دي ترباية حبوبتها
التميرة الفي سبيطتها..
الصفار صابغ خضرتها..
معزورة امها كان دستها
وآآآآ هلاكي ..الناس شافتها..
معزباني.. انا ود حلتها..
القمر بوبا عليك تقيل
الدفيفيق الدابو .. ني
البسيمتو تكويني.. كي!!
اهلو ضنوا عليهو.. وعلي..
حبك النسااااانى والدى..
ما بخليك.. ان بقيت حي..
يا قصيبة السكر الني..
ووووب على أمك.. ..
و وبين علي..
ياا قمر بوبا.. عليك تقيل
العيون الما.. بدمعن..
نامن.. أو صاحيات يبرقن
لا بصيدن.. لا يعتقن..
سرهن في الجوف يحرقن..
كشفن رموشن أو غمضن..
كلووووو..
موت!!
مااااا .. تقول يرحمن!!!!
القمر بوبا عليك تقيل.

[السنبلاية]

موبالغة .. البوست دهـ ...

[الأمير حسن مختار]

يا سحابة زوري أحبابنا الهناك..
وقولي ليهم الرسائل ما بتكفي حتى لو كانت قصائد..
والهواتف ما بتطمن حتى لو طال الكلام..
البكفينا العيون تحضن عيونك..

[ميرفابي]

انت زينك موبى مدير
ود معزة واسما كبير
تدخل البارود الكرير
وفوق تنادل الخودات تغير
انت زينك مو بى ترك
ودمعزة وهيلوا الملك
تدخل البارود اليشك
شن تلم الصاغ والشرك

[ميرفابي]

اسد الهـــوى نهـــــــر بيقطــــــــع السلسلــــة
ابواتــك اســــــودا يبصحوهــــــــا الكــــــــــرة
ورب الريف قريب قط لاتخشــى العنتـــلة
لاتخلى الورل يقـــــدل معـــــــاك بالحـــلة
اسد الهــــوى نهر فــــوق فى جــــبال آمــــور
مودعـــــنه الرسول مـــــــــايدور لقانــــة زول
وجيد برد دار ابوك يالرحت لاســـــتانبول

[ميرفابي]

وتراءت بجيدها مثلما يشترف الظبي أو يَشِبُّ
الحريق
أتمنى دُنُوَّها ثم أنأى
فَرَقَ الناس, إنني لفروق
وأظن الرقيب يرمقني من
كل فج له سهام وبوق