سجل حضورك ببيت شعر يعبر عن إحساسك

[Lahzat forag]

ي سلام رائعة

[Lahzat forag]

جميل الزول يلاقي صديق يواسيه
تصبح ليه ايامه وفي ليلة يماسيه
وينسى الهم معاه المر يقاسيه

[ميرفابي]

[quote="lahzat forag"]ي سلام رائعة[/quote]

وي سلام عليك انته نورت البوست يغالي 2

[ميرفابي]

نيالا حبيبة لا بتتواسي لا بنختار عيها بديل

نيالا الميرم المزدانة بالطبع السمح و أصيل

نيالا القزة والنقارة نار الخلوة والتهليل

سبحان ربي من سواك نموذج باهي زاهي جميل

نموذج في المعاني نبيل

نموذج يستحق تبجيل

نفاخر بي هواها بلاد تمنت تبقى ليها مثيل

ومن كرمك شوية تشيل

وجاتك لم طفح الكيل

وضاقت من لهيب الويل

بتطلب لي ملح وملاح بتطلب شان تشد الحيل

شالت واكتفت بالحيل

نيالا بتدي كل الجاها..كل الفي ظرف ناجاها...

عطايا في هدير السيل

[ميرفابي]

ضــــل الـضـحـى الــرامـي ..‏
وشــمــس شــتـويـة دفــايـة ..‏
وريـحة الـبن ، لـما يـفوح فـي قلاية..‏

[ميرفابي]

وايـــه يـــا يـمـة والله زمــان !!‏
مـشـتاق يـمـه لـي مـلاح الـنعيمية..‏
وريــحــة صــاجـك الـمـحـروق
ولـــمــا تــســوي طـعـمـيـة
وغـــــبـــــاشــــة روب ،
وعــــنــــزة حــــلــــوب
بـــدور أرجـــع أجـيـكي هـنـاك
ضــاقـت بــيـا يــا يـمـه هـنـا
بــــدور أتــمـسـى بـعـيـونـك
وأصـابـحـك يـــا حـبـيـبتي أنــا

[السلقاوي]

بترحلي من غير وداع اصل الزمن ما ليه امان

[احلام بت النيل]

ابي ماعاد بيتنا حلواً كسائر البيوت
ابي القاك في المنام وكلما اصحو تموت

[ميرفابي]

ما دايرالك الميته أم رمادا شح
دايراك يوم لُقاء بدميك تتوشح
الميت مسولب والعجاج يكتح
احى على سيفه البسوى التاح

[ميرفابي]

بشيلك في دواخلي فرح
واقول للدنيا بهواكي
احارب الدنيا في ريدك
محال يا غالية انساكي

[صلاح سيدأحمد الغول]

في رِحْلةِ العَدْلِ قالَ القلبُ نَصِّفْنِي
وإنْ استَطَعْتَ دَعِ النِّصْفَيْنِ للنَّـاسِ

فقلتُ كَيْفَ و نِصْفُ القَلْبِ يَكْفيهم
وأُوْدِعُ النِّصْفَ أسْراري وإِحْسَاسِي

فقالَ كَلا فَهُم عَدَدُ الحَصَى وهُـمُ
أنْقَى مِن الدُّرِّ واليَاقوتِ و المَـاسِ

لنْ يُرهِقوكَ وقَد رَحُبَتْ صُدورُُهُمُ
فاحْرِصْ عَلَى حُبِّهِم يأَيُّهَـا القَاسِي
.....
من ديواني (نقشٌ على حواشي الخاطِره)

[ميرفابي]

أحبك حب خلاني
أبيع الدنيا من أجلك
وبكره لو تعود ثاني
أخلي الغالي يرخص لك

[السلقاوي]

امي يا مرفا دموعي قد رحلتي
امي يا فيض حنيني قدرحلتي
وتركتيني في انيني

[ميرفابي]

عليك بسأل والسؤال مبداهو قافيه والقوافي الشايله وصفك والله ماظنيتها كافيه
باشتياق بسأل عليك وفي الدواخل ريده صافيه وكل نسمه عليك تعدي ليا توصل نغمه دافيه
الله يعلم كيف بعزك واصلو ريدك ليا عافيه

[ميرفابي]

سولف على النسمات
قبل الكلام يفوت
لو تكثر الاصوات
صوتك هو احلى صوت

[ميرفابي]

[ميرفابي]

خليك فاكرْ...
أوعاكَ تجحد...
أو تبقى ناكرْ...
خليكَ واعي دوامْ دوامْ...

خليك صاحي تمامْ تمامْ...

[ميرفابي]

منعوك و حيروني
أبوا ليك يذكروني
ليه يا حبيب أراهم
زايدين في جفاهم
من شدة قساهم
مانعين التفاهم
برضي أقول ...
عساهم يسمحوا لي بوصلك

[ميرفابي]

تغنى الفوق فى اب هشيم
يازام حجر القرقريم
انت ياقشاش دمع المستضيم
الولد الجدوا المك نعيم
من عيال ميرف مولميم
تغنى لك سعيدة اللوابى
يالكاسر ود الدوابى
يالفوقوا يرجع جوابى
يامرحبتين بالميرفابى

[ميرفابي]

كــل
الدنيـا
معاك
تتوقـف
ومنتظرين
بس
منك
همسـة