أعـذب الكلمـات

[ام صبا]

[quote="طلال الحكيم"]

ما عافي ليك سهر الليالي
ما عافي ليك دمعاتي الغوالي
ما عافي ليك أصدق وفا ..

حقي العليك عافياه ليك
اصلو السهر حال الغرام
وانا عافيه ليك لو دمعاتي سالن
ورسلن ليك مني السلام
وانا عافيه ليك اصلو البيحب
لا بيعرف عداوة ولا خصام

[شذي زهر]

يا ريت تدوم لحظاتي الهنية .. والزمن ما يقسى بي ويعكننا

عاجباني روح هادية ورضية ... زي القمر في النور والسنا


زي الزهور ونفحاتا الشذية ... زي الصباح زي النجاح زي الهنا

يوم ألقى منو بس بسمات هدية .... لا بعرف إسمى ..ولا وين أنا

ياريت. .والله
واياك.

تحياتي لك
ولحرفك الرقيق

[طلال الحكيم]

الغالين أم صبا وشذى زهر

لكم مني كل إمتنان

فحضوركم عطر المكان

[طلال الحكيم]

بريق بسام يشع منك

يزيد في جبينك نور

ويزيد أشواقي الـعلي أشواق

بِقـت ما بتفرق معاي في الشوف

إنتي هنا ...

أو بعيدة هناك

لأنو غرامي ليك لحاق

ويخفق قلبي لما الروح

تجيب طيفك

يفرحني

ويخليني

أتغنى بي إسمك

وأشوف رسمك .. جميلا فاق

وأنا وطيفك

تزيد ونساتنا والضحكة

أزيدو حنان .. يزيد بهجة

يحل الضاق

منو القال البعيد عن عين

بعيد عن قلب ؟

طيب تعال

وشوف الطرف

كيف دفاق

وأسمع حسيس أشواق

تقالد لقلب خفاق

أصلا ياخي

غير الفُرقة..

شنو الخلانا

نبقى رقاق

وشنو الخلانا

نساهر الليل

وشنو الخلانا

نملا اوراق

[مسلمة وافتخر]

بريق بسام يشع منك

يزيد في جبينك نور

ويزيد أشواقي الـعلي أشواق

بِقـت ما بتفرق معاي في الشوف

إنتي هنا ...

أو بعيدة هناك

لأنو غرامي ليك لحاق

ويخفق قلبي لما الروح

تجيب طيفك

يفرحني

ويخليني

أتغنى بي إسمك

وأشوف رسمك .. جميلا فاق

وأنا وطيفك

تزيد ونساتنا والضحكة

أزيدو حنان .. يزيد بهجة

يحل الضاق

منو القال البعيد عن عين

بعيد عن قلب ؟

طيب تعال

وشوف الطرف

كيف دفاق

وأسمع حسيس أشواق

تقالد لقلب خفاق

أصلا ياخي

غير الفُرقة..

شنو الخلانا

نبقى رقاق

وشنو الخلانا

نساهر الليل

وشنو الخلانا

نملا اوراق

جميلة جدا

[ali_mo1990]

::.. روووووعة..::

[ali_mo1990]

:. ذواااااق .:

[ali_mo1990]

... جميل جداااا...

[الماسة الخماسية]

بريق بسام يشع منك

يزيد في جبينك نور

ويزيد أشواقي الـعلي أشواق

بِقـت ما بتفرق معاي في الشوف

إنتي هنا ...

وإنتا هناك

مجرد ذكرى~ تفرّ توب العافية

فى جسما" سقيم مرضان

فكيف الحال ساعة حضورك

روح نتنسم بى حلاتاإطمئنان

يطيب بيك عقل مجنون ..

ويستنجد قلب غرقان

وشوف العين ترقرق دموعاحنان !!

وكيف نكون بلاك حلاوة روح ورقة ريد

وكيف من غيرك يكون الكان

تعال رجّع ليالى الشوق والتحنان

ومِسّ يا مرهم روحى من وجع الإنس والجان

حلّفتك بالذىّ ألفّ روحينا وخلق أبدان

تجى وتملأ فراغ كان بى حنّك جد مليان

تعال سطرّ فى خاطرى حروف حبك يا فنان

[الماسة الخماسية]

شكرت جميل صنيعكم بدمعى @@

ودمع العين@@ مقياس الشعور

لأول مـرةِ قد ذاق جفنى @@

على _ ماذاقه _

دمع @@ الســرور *_*

[ميرفابي]

أبوي يالأسد يافارس الفرسان

يامطر السحاب عطاي عشا الضيفان

درَاج في المحن سنًاد أخو الأخوان

في وصفك بزيد مابفرز الكيمان

ياسيد الكرم يافايض الإحسان

يادخري الفريق يامدفع الميدان

إن قلت الصراع نلقاك جد سندان

وإن درنا السكون ساقينا ديمة حنان

ياساس الكرم ياساند الأركان

تفديك النفوس عجمانًا والعربان

عطًاي للفقير حاشاك مامنًان

للضيف والسبيل دارك بقت ديوان

نارك يالخزين نجًاضة للتيران

تكرم كل زول العندو والعدمان

لاعفت المريض لاقلت مافي بكان

للظالم خصيم بتحرقو بالنيران

في الدين والعلم الكل حداك حيران

يخشاك أبدرق في جحرو فاقد أمان

فرتاق للصفوف كرار عجاجك بان

ستار للعروض قطاع رقاب الضان

صلاي للفروض زكاي عظيم الشان

الليل إن دهم ضوًاي صباحك كان

ياسيد الإسم ياواسع الحيشان

الخير بي وراك حرم صبح كملان

[طلال الحكيم]

ذات الشجون ,ali_mo1990 , الماسة الخماسية , ميرفابي

أسعدتموني وشرفتموني ... ومن جميل رؤياكم لا تحرموني

[طلال الحكيم]

بقيت أشتاق لصباح رؤياك
بعد ما كان عشوقي الليل..

أسافر في دُجى الأحلاك
ونجم الشوق يضوي دليل ..

أعلـِّي الصوت بحالي غناك
وأميل طربان وقلبي يميل..

تهـِم روحي من جميل مرآك
ومن سهام عينيك والتكحيل ..

وفي ثغرك أسرني لُماك
وعنب .. مخلوقة للتقبيل ..

غزال نافر في رياض مغناك
أنا العاشق وفي هواكِ قتيل ...

[ميرفابي]

قالوا لي بتهوي شافعه قلت ليهم لو بترضع
قالوا لي صباك ضايع قلت ليهم بيها بيرجع
وصوا ساكة توصوا شوف العين شن بيسوي لجايعنا قصدو يشبع

[طلال الحكيم]

وبكتب ليك ..

ولو جاني منِك رد ..

أو حتى لو ما جا .. برضو بكتب ليك ..

عشانِك ديمة في خاطري ...

وديمة قلبي مشتاق ليك ...

وعشان الليل خُصل شعرك ..

يحاكي في السواد عينيك ..

وفي الفجرية ..

كل الدنيا مبتهجة ..

يلوح فجري من بسمك ..

وكل البهجة من خديك ..

وبكتب ليك ..

حتى لو ما جاني منك رد ..

عشانك ديمة في خاطري ..

وديمة قلبي مشتاق ليك ..

........ ***

....... .**

... . .. *

[طلال الحكيم]

أفكر فيك ..
وأسرح في حديثي معاك ..
يزيد الشوق ..
ويزيدني الليل حنين للقاك ..

وفجأة ..

بلا ميعاد ..

(حروف إسمك) تلوح في سما الهاتف ..

زي زغاريد فرح عاصف ..

زي سرور أعياد ..

[ninar tato]

أَصَلَّوْ وُجُودُكَ فِي الحَيَاةِ لَيُّهَا شَرَف
ّ
جمالگ آيَةٌ مَا لِيُهَوَّ حُدُودٌ أَوْ سُقُفٌ.

وَأَنَا بُقُولٌ لَكَ كِدَا وَجْدٌ يَعْتَرِفُ. ّ
[color=5] ّ
النُّجُومُ مِنْكَ تَغَيُّرٌ يَا مالياني شُغِفَ.

[/color]

[طلال الحكيم]

طبعا صحيح لو قالو ليك إنك (وفي) ..

بس أنا عايز أضيف ..(بدر البدور) ..

لأنك جميل في طبعتك ..وفي أي شي

تبراك العيون ..

وين ما وجهك يدور ..

ولو ما الخجل .. وأنا كمان بختشي ..

كان لقيت مني تقبيل الفراش للزهور .

[ميرفابي]

كان أحد الحكماء جالساً مع مجموعة من الرجال، فطرح بعضهم موضوع الزواج والنساء

♥
♥

فقال أحدهم: المرأة كالحذاء.. يستطيع الرجل أن يغير ويبدل ويغير ويبدل حتى يجد المقاس المناسب له

♥
♥
فنظر الحاضرون إلى ذلك الحكيم وسألوه: ما رأيك بهذا الكلام؟

فقال: ما يقوله الأخ صحيح تماما،فالمرأة كالحذاء في نظر من يرى نفسه قَدَماً، وهي كالتاج في نظر من يرى نفسه رأساً، وملكا فلا تلوموا المتحدث، بل اعرفوا كيف ينظر إلى نفسه.
♥
♥
المرأة العفيفة كنز الرجل
للأسف هذه نظره بعض الرجال للمرأة
ولكن علي قدر ماتري زوجتك ستراك وفي المكانه التي تضعها فيها ستضعك في مكانة أعلي منها

فأنظر أنت قدما أم ملكا !!!!!!!!!!!!

[احلام بت النيل]

حقاً هي كلمات عذبة وجميلة
لك التحية اخ طلال وكل من أضاف سطراً