عاشقة محمود عبد العزيز كتب:
الأخ tamargi
مشكلتنا احنا السودانيين عدم وضع خطط مستقبليه يعني عندنا الاخوان المصريين
بكونوا عارفين انهم ح يغتربوا كم سنه و ح يبنوا البيت في كم سنه يعني ابسط حاجه
في حياتهم كاتبنها بالورقه والقلم عكسنا تماما طبعا اكيد ماكلنا .
بسم الله الرحمن الرحيم
اول مشاركة لي فى هذا المنتدي
اولاً لا السوداني ولا المصري يضع خطه مستقبلليه بالورقه والقلم وهذا الشىء نحن نعرفه عن قرب اذ انني اسكن مع مصريين لثمانية اعوام متتاليه ونفس المشكله هي مشكلتهم .
ثانياً : كيف نضع خطط مستقبليه هل يمكن ان يكون عندك خطه مثلاً لبناء بيت وبدات فى جمع المال وفجاءة اتصلوا بيك الجماعه خالتك فلانه عاوزين يعملوا ليها عمليه وخالك وعمك وحبوبتك وفلان والله جلابيه ماعندوا والله فلانه امس ولدت ابن عمك والله مالاقى حق السمايه وليها عشره يوم وماعارف اعمل شنو كيف خطه مستقبليه مع هذه الطلبات الدائمه ونحن بطبعنا نقوم بذلك بحكم التربيه والدين والله المعوض فيأختى مافى بنى ادم اغترب بدون خطه او هدف ولكن إحساسك باهلك فى الغربه غير إحساك وانت معهم المسألة بتختلف وليها حسابات كثيره جداً .
لذا لاتلوموا المغترب فى انه لم يحقق شىء .
وللمغتربين نكات كثيره وعميقه فى معاناها
ذاك المغترب الجاء سمين وقوي شديد فقالوا ليهوا جبته معاك شنو قاليهم تعالوا الوا يدي دي .
واخر مغترب جاء مفلس فقالوا ليهوا عملت شنو من سافرت ليه مابنيت بيت قال لي اهل بيتهم من سافرت لى عشرين سنه برسل ليكم المصاريف وكل سته شهور برسل ليكم حق تنكر شطف السايفون .
وكل هذه النكات قد تضحك ولكن معناها قوي .
المغترب يحتاج الى جهازه الذى بالسودان لمساعدته .
