دائما ما بقرأ عن إنتقاد الناس للمغتربين والإعتقاد بأنهم خانوا وطنهم
انتقف عند هذه النقطة قليلا
اولا لقد إغتربنا لعدد أسباب من أهمها
فساد المجمتع
حيث تباع المخدرات في الجامعات والطرق والمدارس فهل ترى أنها بيئة مناسبة للعيش؟؟؟
ثانيا
غلاء المعيشة
والأخ اللي بقول أنو المغترب بيأخذ 5000 ريال فهو ما عارف حاجة
انا والدي بيأخذ 40 ألف ريال قطري شهريا مع السكن مجانا في فيلا في وسط المدينة والتعليم في المدارس القطرية مجانا والعلاج مجانا
في نعمة أكبر من دي
الآن الدكتور المتخرج المقيم في قطر بيدوهو 15 ألف ريال شهريا
وفي السودان ما بيتعدى 2 مليون فقط
ثالثا
السودان دا بلد ما قدم لي حاجة غير جواز أخضر
رابعا
السودان دا ما بلد بيتقدم لي قدام
ودي أسبابي واللي عندو إعتراض يكتب وانا برد عليه
وأكتر حاجة بتعصبني هي الناس اللي بسمو المغتربين ((((حناكيش))))
يعني إحنا حشنا كدا يعني نعمل شنو لازم نكون مبهدلين علشان ما نكون حناكيش
ولا اللي بقول المغتربين ديل مرتاحين
والله أبوي بيشتغل طول اليوم
وصراحة حاجة بنات المغتربين ما زي بنات السودان
يعني المغتربات همهم دراستهم ودايرين يشتغلو وبس
اما بنات السودان كل مخهم الرقيس والعريس والحب والغرام في الجامعة
حسي لو شفتو الجامعات تلقو الأول والتاني في الدفعة من شهادة عربية
واللي بقول الغربة دي قفلة ومافي فسح
والله المولات والنوادي بتكفي وكمان مستواها أحسن من السودان
صح السودان حلو بي ناسو بس ما كان يعيشو فيهو
يعني إجازة شهر شهرين وبس
ودي حقيقة
وأنتظر رودكم[/size]
